ᱤᱥᱤᱱ ᱥᱩᱱᱩᱢ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Olive oil from Oneglia

ᱤᱥᱤᱱ ᱥᱩᱱᱩᱢ (ᱫᱟᱠᱟ ᱩᱛᱩ ᱵᱟᱱᱟᱣ ᱠᱟᱹᱢᱤ ᱨᱮ ᱦᱤᱡᱩᱜ ᱟᱱᱟᱜ ᱥᱩᱱᱩᱢ), ᱣᱟᱱᱟᱥᱯᱟᱛᱤ ᱠᱷᱚᱱ ᱧᱟᱢᱚᱜ ᱥᱩᱱᱩᱢ ᱨᱮᱱᱟᱜ ᱯᱟᱨᱤᱥᱚᱫᱷ ᱨᱩᱯ ᱢᱮᱱᱟᱜ-ᱟ᱾[᱑] ᱱᱚᱶᱟ ᱫᱚ ᱰᱟᱹᱠᱤᱞ ᱛᱟᱯᱢᱟᱱ ᱨᱮ ᱛᱟᱨᱟᱞ ᱡᱟᱭᱜᱟ ᱨᱮ ᱛᱟᱦᱮᱱ ᱠᱟᱱᱟ᱾ (ᱱᱟᱹᱨᱠᱟᱹᱲ ᱥᱩᱱᱩᱢ ᱟᱨ ᱛᱟᱲ ᱨᱮᱱᱟᱜ ᱥᱩᱱᱩᱢ ᱡᱮᱞᱮᱠᱟ ᱥᱟᱸᱛᱨᱤᱯᱛ ᱥᱩᱱᱩᱢ ᱟᱹᱰᱤ ᱜᱟᱱ ᱥᱩᱱᱩᱢ ᱠᱚ ᱧᱮᱞ ᱞᱮᱠᱷᱟᱱ ᱛᱟᱯᱢᱟᱱ ᱨᱮ ᱵᱟᱬᱛᱤ ᱥᱚᱞᱤᱰ ᱢᱮᱱᱟᱜ-ᱟ)᱾[᱒]

ᱤᱥᱤᱱ ᱥᱩᱱᱩᱢ ᱨᱮᱱᱟᱜ ᱡᱮᱞᱮᱠᱟ ᱢᱮᱱᱟᱜ-ᱟ ᱺ- ᱠᱟᱹᱲᱩᱣᱟ ᱥᱩᱱᱩᱢ, ᱡᱟᱭᱤᱛᱩᱱ ᱥᱩᱱᱩᱢ, ᱛᱟᱲ ᱨᱮᱱᱟᱜ ᱥᱩᱱᱩᱢ, ᱥᱚᱭᱟᱵᱤᱱ ᱥᱩᱱᱩᱢ, ᱠᱟᱱᱚᱞᱟ ᱨᱮᱱᱟᱜ ᱥᱩᱱᱩᱢ, ᱞᱟᱹᱣᱟ ᱨᱮᱱᱟᱜ ᱡᱟᱝ ᱟᱜ ᱥᱩᱱᱩᱢ, ᱡᱚᱸᱰᱨᱟ ᱥᱩᱱᱩᱢ, ᱥᱩᱨᱩᱡ ᱢᱩᱠᱷᱤ ᱥᱩᱱᱩᱢ, ᱵᱟᱫᱚᱢ ᱥᱩᱱᱩᱢ, ᱛᱤᱞ ᱨᱮᱱᱟᱜ ᱥᱩᱱᱩᱢ, ᱪᱟᱣᱞᱮ ᱨᱮᱱᱟᱜ ᱵᱷᱩᱥᱟ ᱥᱩᱱᱩᱢ ᱮᱢᱟᱱ᱾ ᱱᱚᱶᱟ ᱠᱷᱚᱱ ᱮᱴᱟᱜᱟᱜ ᱟᱨ ᱦᱚᱸ ᱟᱭᱢᱟ ᱠᱷᱚᱱ ᱣᱟᱱᱟᱥᱯᱟᱛᱤ ᱥᱩᱱᱩᱢ ᱨᱮᱱᱟᱜ ᱠᱟᱹᱢᱤ ᱫᱟᱠᱟ ᱩᱛᱩ ᱵᱟᱱᱟᱣ ᱞᱟᱹᱜᱤᱫ ᱠᱟᱹᱢᱤ ᱨᱮ ᱦᱤᱡᱩᱜ ᱠᱟᱱᱟ᱾[᱓]

ᱡᱚᱠᱷᱚᱱ ᱟᱵᱚ ᱟᱥᱚᱞ ᱞᱮᱠᱟᱱ ᱨᱮ " ᱣᱟᱱᱟᱥᱯᱟᱛᱤ ᱥᱩᱱᱩᱢ" ᱨᱮᱱᱟᱜ ᱨᱚᱲ ᱮᱫᱟ ᱵᱚᱱ ᱛᱚᱠᱷᱚᱱ ᱟᱵᱚᱣᱟᱜ ᱢᱮᱱᱫᱚ ᱦᱩᱭᱩᱜ ᱠᱟᱱᱟ ᱡᱟᱦᱟᱱ ᱟᱥᱚᱞ ᱥᱩᱱᱩᱢ ᱥᱮ ᱥᱩᱱᱩᱢ ᱠᱚᱨᱮᱱᱟᱜ ᱢᱮᱥᱟ ᱠᱷᱚᱱ ᱵᱟᱱᱟᱣ ᱡᱟᱦᱟᱱ ᱟᱥᱚᱞ ᱫᱚ ᱥᱩᱱᱩᱢ ᱠᱷᱚᱱ ᱜᱮ ᱢᱮᱱᱚᱜᱚᱜ ᱠᱟᱱᱟ᱾ ᱡᱚᱢ ᱤᱥᱤᱱ ᱥᱩᱱᱩᱢ ᱨᱮ ᱛᱟᱡᱟ ᱛᱟᱜᱲᱟ ᱡᱟᱲᱤ ᱵᱩᱴᱤ, ᱨᱟᱥᱩᱱ, ᱢᱟᱨᱤᱪ ᱮᱢᱟᱱ ᱡᱮᱞᱮᱠᱟ ᱤᱥᱤᱱ ᱡᱤᱱᱤᱥ ᱠᱚ ᱢᱮᱥᱟ ᱠᱟᱛᱮᱜ ᱚᱱᱟ ᱨᱮᱱᱟᱜ ᱪᱟᱠᱷᱟ ᱟᱨ ᱚᱱᱟ ᱨᱮᱱᱟᱜ ᱢᱚᱦᱠᱟᱣ ᱥᱚᱭ ᱟᱰᱚ ᱚᱪᱚ ᱫᱟᱲᱮᱭᱟᱜ-ᱟ᱾ ᱮᱱᱛᱮ ᱨᱮᱦᱚᱸ ᱡᱩᱫᱤ ᱱᱚᱶᱟ ᱨᱮᱱᱟᱜ ᱥᱚ ᱥᱩᱱᱩᱢ ᱨᱮᱱᱟᱜ ᱜᱩᱴ ᱢᱤᱫ ᱡᱮᱞᱮᱝ ᱚᱠᱛᱚ ᱞᱟᱹᱜᱤᱫ ᱠᱟᱹᱢᱤ ᱠᱷᱟᱱ ᱛᱟᱣᱦᱚᱞᱮ ᱚᱱᱟ ᱨᱮ ᱛᱤᱡᱩ ᱮᱢᱟᱱ ᱠᱚ ᱯᱟᱹᱨᱠᱟᱹᱜ-ᱟ ᱥᱮ ᱠᱚ ᱪᱟᱯᱮ ᱵᱟᱲᱟᱭᱟ ᱥᱮ ᱠᱚ ᱜᱚᱴᱟ ᱠᱚ ᱛᱤᱡᱩᱭᱟ᱾

ᱚᱠᱟ ᱠᱚ ᱥᱩᱱᱩᱢ ᱜᱟᱱᱚᱜ-ᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱩᱱᱩᱢ ᱟᱨ ᱫᱟᱦᱮ ᱨᱮᱱᱟᱜ ᱠᱟᱹᱢᱤ ᱟᱹᱰᱤ ᱜᱮ ᱫᱚᱨᱠᱟᱨᱚᱜ ᱠᱟᱱᱟ᱾ ᱱᱚᱶᱟ ᱫᱚ ᱥᱩᱢᱩᱝ ᱪᱟᱠᱷᱟ ᱥᱤᱵᱤᱞ ᱫᱚ ᱵᱟᱝ, ᱱᱚᱶᱟ ᱠᱷᱚᱱ ᱤᱱᱮᱨᱡᱤ ᱧᱟᱢᱚᱜ ᱠᱟᱱᱟ᱾ ᱟᱭᱢᱟ ᱞᱮᱠᱟᱱ ᱵᱤᱴᱟᱢᱤᱱ ᱯᱷᱮᱴ ᱨᱮ ᱜᱷᱚᱴᱨᱟᱣ ᱠᱟᱛᱮᱜ ᱜᱮ ᱦᱟᱲᱢᱚ ᱨᱮ ᱥᱮᱴᱮᱨ ᱚᱜ ᱠᱟᱱᱟ᱾ ᱯᱷᱮᱴ ᱨᱮ ᱜᱷᱩᱞᱟᱹᱣ ᱠᱟᱛᱮᱜ ᱵᱤᱴᱟᱢᱤᱱ ᱮ, ᱵᱤᱴᱟᱢᱤᱱ ᱰᱤ ᱵᱤᱴᱟᱢᱤᱱ ᱤ, ᱵᱤᱴᱟᱢᱤᱱ ᱠᱮ ᱮᱢᱟᱱ ᱨᱮᱱᱟᱜ ᱦᱟᱛᱟᱣ ᱞᱟᱹᱜᱤᱫ ᱛᱮ ᱜᱮ ᱯᱨᱚᱴᱤᱱ ᱟᱨ ᱠᱟᱨᱵᱚᱦᱟᱤᱰᱨᱮᱴ ᱨᱮᱱᱟᱜ ᱫᱟᱲᱮ ᱦᱚᱲᱢᱚ ᱥᱮᱞᱮᱫᱚ ᱞᱟᱹᱜᱤᱫ ᱥᱩᱱᱩᱢ ᱥᱮ ᱫᱟᱦᱮ ᱨᱮᱱᱟᱜ ᱫᱚᱨᱠᱟᱨᱚᱜ ᱠᱟᱱᱟ᱾ ᱱᱚᱶᱟ ᱠᱷᱚᱱ ᱯᱨᱚᱴᱤᱱ ᱟᱨ ᱤᱱᱮᱨᱡᱤ ᱨᱮᱱᱟᱜ ᱫᱟᱲᱮ ᱧᱟᱢᱚᱜ ᱠᱟᱱᱟ᱾ ᱱᱚᱶᱟ ᱯᱟᱪᱟᱣ ᱚᱠᱛᱮ ᱨᱮᱦᱚᱸ ᱜᱚᱲᱚ ᱮᱢᱚᱜ ᱠᱟᱱᱟᱭ᱾ ᱦᱚᱲᱢᱚ ᱨᱮᱱᱟᱜ ᱛᱟᱯᱢᱟᱱ ᱠᱚᱭ ᱵᱟᱱᱟᱣ ᱫᱚᱦᱚᱭ ᱨᱮ ᱦᱚᱸ ᱱᱚᱶᱟ ᱨᱮᱱᱟᱜ ᱠᱟᱹᱢᱤ ᱟᱥᱚᱞ ᱜᱮᱭᱟ᱾ ᱚᱱᱟᱛᱮ ᱥᱩᱱᱩᱢ ᱟᱨ ᱫᱟᱦᱮ ᱫᱚ ᱵᱚᱸᱫᱚ ᱵᱟᱝ ᱦᱩᱭ ᱫᱟᱲᱮᱭᱟᱜ-ᱟ᱾

ᱱᱚᱶᱟ ᱦᱚᱸ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱡᱮ ᱵᱟᱬᱛᱤ ᱫᱟᱦᱮ ᱥᱩᱱᱩᱢ ᱦᱚᱸ ᱵᱟᱹᱲᱤᱡ ᱫᱟᱲᱮᱭᱟ ᱟᱭ, ᱚᱱᱟᱛᱮ ᱜᱷᱟᱨᱚᱸᱡ ᱨᱮ ᱥᱮᱦᱟᱛ ᱨᱮᱱᱟᱜ ᱪᱤᱸᱛᱟ ᱦᱚᱸ ᱵᱟᱱᱟᱣ ᱛᱟᱦᱮᱱ ᱠᱟᱱᱟ᱾ ᱟᱫᱷᱟᱱ ᱜᱷᱟᱨᱚᱸᱡ ᱨᱮ ᱥᱮᱨᱢᱟ ᱦᱟᱹᱵᱤᱡ ᱢᱤᱫ ᱞᱮᱠᱟᱱ ᱟᱜ ᱥᱩᱱᱩᱢ ᱥᱟᱱᱟᱢ ᱠᱟᱹᱢᱤ ᱨᱮ ᱠᱚ ᱞᱟᱜᱟᱣ ᱮᱫᱟ᱾ ᱡᱮᱞᱮᱠᱟ ᱜᱮ ᱛᱟᱞᱟᱣᱟᱢ ᱥᱮ ᱩᱛᱩ ᱵᱟᱱᱟᱣ ᱨᱮ ᱥᱮ ᱛᱟᱹᱭ ᱨᱮ ᱯᱷᱟᱹᱨᱟᱹᱭ ᱞᱟᱹᱜᱤᱫ ᱥᱩᱱᱩᱢ᱾

ᱱᱚᱸᱰᱮ ᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱣᱟᱱᱟᱥᱯᱟᱛᱤ ᱥᱩᱱᱩᱢ

ᱣᱟᱱᱟᱥᱯᱟᱛᱤ ᱫᱟᱦᱮ

ᱠᱷᱟᱱᱤᱡ ᱥᱩᱱᱩᱢ

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Dietary fats explained". Retrieved ᱟᱜᱚᱥᱴ 5, 2018. 
  2. Yanai H, Katsuyama H, Hamasaki H, Abe S, Tada N, Sako A (2015). "Effects of Dietary Fat Intake on HDL Metabolism". J Clin Med Res. 7 (3): 145–9. doi:10.14740/jocmr2030w. PMC 4285059Freely accessible. PMID 25584098. 
  3. Jakobsen, M. U; O'Reilly, E. J; Heitmann, B. L; Pereira, M. A; Balter, K.; Fraser, G. E; Goldbourt, U.; Hallmans, G.; et al. (2009). "Major types of dietary fat and risk of coronary heart disease: a pooled analysis of 11 cohort studies". American Journal of Clinical Nutrition. 89 (5): 1425–32. doi:10.3945/ajcn.2008.27124. PMC 2676998Freely accessible. PMID 19211817.