ᱤᱥᱯᱩᱴᱱᱤᱠ ᱵᱷᱤ ᱠᱳᱵᱷᱤᱰ-᱑᱙ ᱴᱤᱠᱟᱹ

ᱤᱥᱯᱩᱴᱱᱤᱠ ᱵᱷᱤ ᱠᱳᱵᱷᱤᱰ-᱑᱙ ᱴᱤᱠᱟᱹ

Russian Ministry of Health image of Gam-COVID-Vac vials
ᱴᱤᱠᱟᱹ ᱨᱮᱭᱟᱜ ᱵᱚᱨᱱᱚᱱ
ᱡᱚᱥ ᱟᱡᱟᱨ	SARS-CoV-2
ᱞᱮᱠᱟᱱ	viral
ᱠᱞᱤᱱᱤᱠᱟᱞ ᱰᱮᱴᱟ
ᱵᱮᱯᱟᱨ ᱧᱩᱛᱩᱢᱠᱚ	Sputnik V Спутник V
ᱮᱴᱟᱜ ᱧᱩᱛᱩᱢ	Gam-COVID-Vac Гам-КОВИД-Вак
ᱰᱮᱴᱟ	EU EMA: yes
ᱵᱮᱵᱷᱟᱨ ᱨᱮᱱᱟᱜ ᱴᱷᱟᱶ	Intramuscular
ᱮ.ᱴᱤ.ᱥᱤ ᱠᱳᱰ	None
ᱟᱹᱱᱟᱹᱨᱤ ᱦᱟᱞᱚᱛ
ᱟᱹᱱᱟᱹᱨᱤ ᱦᱟᱞᱚᱛ	Registered in Russia on 11 August 2020 Full and Emergency Authorizations: List of Sputnik V COVID-19 vaccine authorizations
ᱩᱯᱨᱩᱢᱤᱭᱟᱹ
ᱰᱨᱟᱜᱵᱮᱸᱠ	DB15848

ᱤᱥᱯᱩᱴᱱᱤᱠ ᱵᱷᱤ ᱠᱳᱵᱷᱤᱰ-᱑᱙ ᱴᱤᱠᱟᱹ ᱫᱚ ᱤᱥᱯᱩᱴᱱᱤᱠ ᱵᱷᱤ ᱜᱟᱢᱟᱞᱤᱭᱟ ᱨᱤᱥᱟᱨᱪ ᱤᱱᱥᱴᱤᱴᱤᱣᱴ ᱚᱵᱽ ᱮᱯᱤᱰᱮᱢᱤᱭᱳᱞᱳᱡᱤ ᱮᱱᱰ ᱢᱟᱭᱠᱨᱳᱵᱟᱭᱳᱞᱳᱡᱤ ᱟᱜ ᱵᱮᱱᱟᱣᱟᱜ ᱢᱤᱫᱴᱮᱱ ᱵᱷᱟᱭᱨᱚᱞ ᱵᱷᱮᱠᱴᱚᱨ ᱠᱳᱵᱷᱤᱰ-᱑᱙ ᱴᱤᱠᱟᱹ ᱠᱟᱱᱟ᱾ ᱨᱟᱥᱤᱭᱟᱱ ᱥᱟᱥᱛᱷᱚ ᱢᱚᱵᱛᱨᱚᱱᱟᱞᱚᱭ ᱒᱐᱒᱐ ᱥᱮᱨᱢᱟ ᱨᱮ ᱱᱚᱣᱟ ᱴᱤᱠᱟᱹ ᱨᱮᱱᱟᱜ ᱟᱹᱭᱫᱟᱹᱨᱤ ᱠᱩ ᱮᱢ ᱟᱠᱟᱫᱟ᱾

ᱱᱚᱣᱟ ᱴᱤᱠᱟᱹ ᱫᱚ ᱯᱟᱹᱦᱤᱞ ᱥᱮᱡ ᱠᱷᱟᱹᱞᱤ ᱨᱟᱥᱤᱭᱟ ᱞᱟᱹᱜᱤᱛ ᱵᱮᱵᱷᱟᱨ ᱨᱮᱱᱟᱜ ᱟᱹᱭᱫᱟᱹᱨᱤᱭ ᱧᱟᱢ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱒᱐᱒᱑ ᱥᱮᱨᱢᱟ ᱨᱮᱱᱟᱜ ᱮᱯᱨᱤᱞ ᱪᱦᱟᱸᱫᱚ ᱥᱮᱡ ᱫᱷᱟᱹᱨᱛᱤ ᱨᱮᱱᱟᱜ ᱕᱙ ᱜᱚᱴᱟᱝ ᱫᱤᱥᱟᱹᱢ ᱨᱮ ᱵᱮᱵᱷᱟᱨ ᱨᱮᱱᱟᱜ ᱟᱹᱭᱫᱟᱹᱨᱤ ᱦᱚᱸᱭ ᱧᱟᱢ ᱠᱮᱫᱟ᱾ ᱱᱚᱣᱟ ᱴᱤᱠᱟᱹ ᱵᱟᱵᱚᱛ ᱠᱷᱚᱵᱚᱨ ᱠᱟᱜᱚᱡᱽ ᱠᱚᱨᱮ ᱟᱹᱰᱤᱛᱮᱜ ᱟᱹᱰᱤ ᱜᱟᱞᱢᱟᱨᱟᱣ ᱚᱞᱵᱤᱞ ᱦᱩᱭ ᱞᱮᱱᱟ ᱪᱮᱫᱟᱜ ᱡᱮ ᱱᱚᱣᱟ ᱴᱤᱠᱟᱹ ᱵᱮᱵᱷᱟᱨ ᱮᱛᱦᱚᱵ ᱯᱚᱨᱮ ᱦᱚᱸ ᱱᱚᱣᱟ ᱴᱤᱠᱟᱹ ᱨᱮᱱᱟᱜ ᱠᱷᱚᱸᱫᱽᱨᱚᱝ ᱵᱟᱝ ᱯᱟᱨᱥᱟᱞ ᱞᱟᱦᱟᱨᱮᱜᱮ ᱱᱚᱣᱟ ᱴᱤᱠᱟᱹ ᱵᱮᱵᱷᱟᱨ ᱨᱮᱱᱟᱜ ᱟᱹᱭᱫᱟᱹᱨᱤ ᱮᱢ ᱦᱩᱭᱞᱮᱱᱟ᱾ ᱛᱟᱵᱮ ᱛᱟᱭᱚᱢ ᱫᱟᱨᱟᱢ ᱛᱮ ᱫᱟ ᱞᱮᱱᱥᱮᱴ ᱨᱮ ᱱᱚᱣᱟ ᱴᱤᱠᱟᱹ ᱨᱮᱱᱟᱜ ᱢᱤᱫᱴᱮᱱ ᱵᱤᱥᱞᱮᱥᱚᱱ ᱒᱐᱒᱑ ᱥᱮᱨᱢᱟ ᱨᱮᱱᱟᱜ ᱒ ᱯᱷᱮᱵᱨᱩᱟᱣᱨᱤ ᱯᱟᱨᱥᱟᱞ ᱞᱮᱱᱟ ᱡᱟᱸᱦᱟᱸᱨᱮ ᱱᱚᱣᱟ ᱴᱤᱠᱟᱹ ᱙᱑ᱹ᱖% ᱮ ᱠᱟᱹᱢᱤᱭᱟ ᱢᱮᱱᱛᱮ ᱚᱞ ᱛᱟᱸᱦᱮᱸᱠᱟᱱᱟ᱾

ᱱᱚᱣᱟ ᱴᱤᱠᱟᱹ ᱫᱚ ᱨᱟᱥᱤᱭᱟ, ᱟᱨᱡᱮᱱᱴᱤᱱᱟ, ᱵᱮᱞᱟᱨᱩᱥ, ᱦᱟᱝᱜᱮᱨᱤ, ᱥᱟᱨᱵᱤᱭᱟ, ᱟᱨᱚᱵᱽ ᱟᱢᱤᱨᱟᱛ ᱥᱟᱞᱟᱜ ᱫᱷᱟᱹᱨᱛᱤ ᱨᱮᱱᱟᱜ ᱟᱨᱦᱚᱸ ᱮᱴᱟᱜ ᱫᱤᱥᱟᱹᱢ ᱨᱮᱱ ᱢᱟᱹᱱᱢᱤ ᱠᱩ ᱮᱢ ᱦᱩᱭᱩᱜ ᱠᱟᱱᱟ᱾