ᱤᱱᱫᱩ ᱢᱤᱛᱟ
ᱤᱱᱫᱩ ᱢᱤᱛᱟ ᱫᱚ ᱥᱟᱞ ᱑᱙᱒᱙ ᱨᱮ ᱱᱤᱛᱚᱜᱟᱜ ᱯᱟᱠᱤᱥᱛᱟᱱ ᱨᱮ ᱡᱟᱱᱟᱢ ᱞᱮᱱᱟᱭ ᱾ᱢᱩᱬᱧᱩᱛᱩᱢ ᱫᱚ ᱱᱤ ᱪᱟᱴᱮᱨᱡᱤ ᱾ ᱚᱱᱟ ᱫᱤᱥᱚᱢ ᱨᱤᱱ ᱵᱟᱨ ᱦᱚᱲ ᱥᱩᱢᱩᱝ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱠᱤᱱ ᱢᱩᱫᱽᱨᱮ ᱤᱱᱫᱩ ᱢᱤᱛᱟ ᱫᱚ ᱟᱹᱰᱤ ᱯᱟᱹᱨᱩᱠᱷᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱨ ᱢᱤᱫ ᱦᱚᱲ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱱᱟᱪᱚᱱᱤᱭᱟᱹ ᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱥᱤᱢᱟ ᱠᱤᱨᱢᱟᱬᱤ[᱑] ᱤᱱᱫᱩ ᱫᱚ ᱯᱟᱠᱤᱥᱛᱟᱱ ᱫᱤᱥᱚᱢ ᱵᱟᱰᱚᱦᱤ ᱠᱚᱣᱟᱜ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱜᱟᱞᱚᱪᱤᱭᱟᱹ ᱞᱮᱠᱟᱛᱮ ᱢᱮᱱᱟᱭᱟ ᱾ ᱚᱱᱟ ᱵᱤᱨᱫᱟᱹᱜᱟᱲ ᱫᱚ ᱨᱟᱣᱟᱞᱯᱤᱱᱰᱤ [᱒] ᱨᱮ ᱢᱮᱱᱟᱜᱼᱟ ᱾
ᱡᱤᱭᱚᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱭᱳ ᱤᱱᱫᱩ ᱪᱟᱴᱮᱨᱡᱤ ᱟᱨ ᱵᱟᱵᱟ ᱜᱣᱟᱱᱮᱥ ᱪᱚᱸᱫᱽᱨᱚ ᱪᱟᱴᱮᱨᱡᱤ ᱟᱜ ᱠᱚᱞᱮᱨᱮ ᱑᱙᱒᱙ ᱥᱟᱞ ᱨᱮ ᱡᱟᱱᱟᱢ ᱞᱮᱱᱟᱭ ᱤᱱᱫᱩ ᱢᱤᱛᱟ ᱫᱚ ᱾ ᱜᱷᱟᱨᱚᱸᱡᱽ ᱫᱚ ᱵᱮᱸᱜᱚᱞᱤ, ᱫᱷᱚᱨᱚᱢ ᱫᱚ ᱠᱤᱨᱤᱥᱛᱟᱱ ᱟᱨ ᱨᱚᱲ ᱫᱚ ᱯᱟᱱᱡᱟᱵᱤ ᱛᱮᱠᱚ ᱨᱚᱲ ᱛᱟᱦᱮᱱ ᱾ ᱟᱡ ᱵᱟᱵᱟ ᱫᱚ ᱞᱟᱦᱳᱨ ᱥᱟᱨᱠᱟᱨᱤ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱯᱦᱤᱞᱳᱥᱳᱯᱦᱤ ᱨᱮ ᱯᱨᱳᱯᱷᱮᱥᱟᱨ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱵᱤᱨᱫᱟᱹᱜᱟᱲ ᱨᱮ ᱟᱡ ᱵᱟᱵᱟ ᱫᱚ ᱯᱟᱨᱥᱮᱛ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱞᱟᱦᱳᱨ ᱨᱮᱜᱮ ᱤᱱᱫᱩ ᱢᱤᱛᱟ ᱫᱚᱭ ᱦᱟᱨᱟ ᱞᱮᱱᱟ[᱓] ᱾ᱟᱡ ᱫᱟᱹᱭ ᱩᱢᱟ ᱟᱱᱚᱫᱽ ᱫᱚ ᱧᱩᱛᱩᱢᱟᱱ ᱵᱳᱞᱞᱤᱣᱳᱳᱰ ᱯᱷᱤᱞᱤᱢ ᱫᱤᱥᱟᱹᱩᱱᱩᱫᱩᱜᱤᱡ ᱪᱮᱛᱚᱱ ᱟᱱᱚᱫᱽ[᱔] ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ ᱾ ᱵᱷᱟᱨᱚᱛ ᱟᱨ ᱯᱟᱠᱤᱥᱛᱟᱱ ᱧᱩᱛᱩᱢ ᱵᱟᱨᱭᱟ ᱫᱤᱥᱚᱢ ᱵᱮᱱᱟᱣ ᱮᱱ ᱨᱮ ᱤᱱᱫᱩ ᱢᱤᱛᱟ ᱜᱷᱟᱨᱚᱸᱡᱽ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱟᱡᱜᱟᱲ ᱰᱤᱞᱞᱤ ᱛᱮᱠᱚ ᱩᱪᱟᱹᱲ ᱦᱮᱡ ᱮᱱᱟ ᱾ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱫᱚ ᱵᱤᱡᱚᱭ ᱨᱟᱜᱷᱚᱵᱚ ᱨᱟᱳ ᱟᱨ ᱥᱨᱤᱢᱚᱛᱤ ᱞᱚᱲᱤᱛᱟ [᱕] ᱴᱷᱮᱱ ᱠᱷᱚᱱ ᱮ ᱪᱮᱫ ᱞᱮᱱᱟ ᱾
ᱥᱟᱞ ᱑᱙᱕᱑ ᱨᱮ ᱢᱩᱢᱵᱟᱹᱤ ᱢᱮᱢᱳᱱ ᱜᱷᱟᱨᱚᱸᱡᱽ ᱨᱮᱱᱤᱡ ᱢᱤᱫ ᱯᱟᱠᱤᱥᱛᱟᱱ ᱯᱷᱚᱳᱡᱤ ᱠᱟᱯᱴᱮᱱ ᱟᱵᱳᱵᱚᱠᱮᱨ ᱳᱥᱢᱟᱱ ᱢᱤᱛᱟ ᱥᱟᱝ ᱮ ᱵᱟᱯᱞᱟ ᱮᱱᱟ ᱾ ᱤᱠᱷᱟᱱ ᱟᱡ ᱟᱭᱳ ᱵᱟᱵᱟ ᱫᱚ ᱚᱱᱟᱨᱮ ᱠᱩᱥᱤ ᱵᱟᱝ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱵᱟᱯᱞᱟ ᱛᱟᱭᱚᱢ ᱟᱡ ᱡᱟᱶᱟᱭ ᱥᱟᱞᱟᱜ ᱯᱟᱠᱤᱥᱛᱟᱱ ᱫᱤᱥᱚᱢ ᱮ ᱥᱮᱱ ᱮᱱᱟ ᱾ ᱟᱹᱠᱤᱱᱤᱡ ᱢᱤᱫᱴᱟᱹᱝ ᱠᱩᱲᱤ ᱜᱤᱫᱽᱨᱟᱹ, ᱧᱩᱛᱩᱢ ᱛᱟᱭ ᱫᱚ ᱛᱮᱦᱨᱤᱢᱟ ᱢᱤᱛᱟ ᱾ ᱛᱮᱦᱨᱤᱢᱟ ᱦᱚᱸ ᱟᱹᱰᱤ ᱱᱟᱯᱟᱭ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱱᱟᱪᱚᱱᱤᱭᱟᱹ [᱖] ᱠᱟᱱᱟᱭ ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱚᱳᱡᱤ ᱠᱟᱹᱢᱤ ᱠᱷᱚᱱ ᱟᱡ ᱡᱟᱶᱟᱭ ᱮ ᱡᱤᱨᱟᱹᱣ ᱮᱱ ᱛᱟᱭᱚᱢ , ᱢᱤᱛᱟ ᱫᱚ ᱞᱟᱦᱳᱨ ᱨᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱮ ᱪᱮᱫ ᱟᱫ ᱠᱚᱣᱟ ᱾ ᱯᱩᱭᱞᱩ ᱛᱮ ᱞᱟᱦᱳᱨ ᱨᱚᱱᱚᱲ ᱟᱥᱲᱟ ᱨᱮ ᱟᱹᱰᱤ ᱢᱟᱱᱟᱣ ᱵᱟᱛᱟᱣ ᱟᱨ ᱠᱩᱥᱤ ᱟᱱ ᱮᱱᱮᱡ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱟᱥᱲᱟ ᱨᱮ ᱩᱱᱟᱹᱜ ᱠᱚ ᱠᱩᱥᱤ ᱟᱭᱟ ᱡᱮ ᱮᱱᱮᱡ ᱤᱫᱤ ᱠᱟᱛᱮ ᱜᱟᱞᱚᱪ ᱛᱟᱭᱚᱢ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱠᱚ ᱩᱫᱩᱜ ᱛᱟᱦᱮᱱ [᱑] ᱾
ᱯᱩᱭᱞᱩ ᱛᱮ ᱫᱚ ᱡᱟᱦᱟᱸᱨᱮ ᱮᱠᱷᱮᱱ ᱟᱭᱳ ᱦᱚᱲ ᱠᱚ ᱡᱟᱣᱨᱟᱜᱼᱟ ᱚᱱᱰᱮ, ᱯᱷᱚᱳᱡᱤ ᱠᱚᱣᱟᱜ ᱠᱟᱹᱢᱤᱦᱚᱨᱟ ᱠᱚ ᱨᱮ ᱟᱨ ᱨᱮᱰ ᱠᱨᱳᱥ ᱪᱟᱨᱤᱴᱤ ᱩᱱᱩᱫᱩᱜ ᱨᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱠᱚ ᱩᱫᱩᱜ ᱥᱚᱫᱚᱨ ᱛᱟᱦᱮᱱ ᱯᱟᱠᱤᱥᱛᱟᱱ ᱫᱤᱥᱚᱢ ᱟᱭᱳ ᱦᱚᱲ ᱠᱚᱣᱟᱜ ᱜᱟᱶᱛᱟ[᱗] ᱦᱚᱛᱮᱛᱮ ᱾ ᱱᱤᱛᱚᱜ ᱫᱚ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱜᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱼᱟ ᱚᱠᱟᱨᱮ ᱮᱠᱷᱮᱱ ᱟᱭᱳ ᱦᱚᱲ ᱜᱮ ᱠᱚ ᱡᱟᱣᱨᱟᱜᱼᱟ ᱾ ᱪᱮᱠᱟᱛᱮ ᱠᱚᱲᱟ ᱠᱩᱲᱤ ᱢᱮᱥᱟ ᱠᱟᱛᱮ ᱮᱱᱮᱡ ᱪᱮᱛᱟᱱ ᱨᱮ ᱛᱟᱞᱤᱵᱟᱱ[᱑] ᱠᱚᱣᱟᱜ ᱵᱚᱛᱚᱨ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ ᱑.᱒ Bharatanatyam in the time of the Taliban Archived ᱒᱐᱑᱒-᱑᱑-᱐᱕ at the Wayback Machine. The Hindu - July 23, 2009
- ↑ NCA’s ‘Spotlight’ to feature Indu Mitha The News, Pakistan - April 3, 2008
- ↑ Tikekar 337
- ↑ Mitha, Indu. "In Memory of my Guru, Zohra Ji- by Indu Mitha. - Tehreema Mitha Dance Company". Tehreema Mitha Dance Company (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2018-03-25.
- ↑ Dance is thought and feeling, says Indu Mitha DAWN - April 4, 2008
- ↑ Struggling to dance Archived ᱒᱐᱐᱙-᱐᱕-᱐᱙ at the Wayback Machine. Jang - June 2008
- ↑ Veteran dancer wins over Pakistan BBC News - August 11, 2009