ᱥᱚᱠᱩᱱᱛᱚᱞᱟ ᱫᱮᱵᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱥᱚᱠᱩᱱᱛᱚᱞᱟ ᱫᱮᱵᱤ (ᱟᱥᱟᱢᱤᱥᱺ শকুন্তলা দেৱী; ᱤᱝᱨᱟᱹᱡᱤ: Shakuntala Devi; ᱡᱟᱱᱟᱢ-᱔ ᱱᱚᱵᱷᱮᱢᱵᱚᱨ ᱑᱙᱒᱙_᱒᱑ ᱮᱯᱨᱤᱞ ᱒᱐᱑᱓) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱤᱫᱴᱮᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱟᱨ ᱢᱟᱱᱣᱟ ᱠᱚᱢᱯᱤᱭᱩᱴᱟᱨ| ᱩᱱᱤ ᱫᱚ ᱞᱮᱠᱷᱟ ᱵᱤᱨᱫᱟᱹ ᱨᱮ ᱟᱥᱟᱱ ᱵᱷᱮᱲ ᱜᱩᱱ ᱢᱮᱱᱟᱜ ᱠᱷᱟᱹᱛᱤᱨ ᱛᱮ "ᱢᱟᱱᱣᱟ ᱠᱚᱢᱯᱤᱭᱩᱴᱟᱨ" ᱢᱮᱱ ᱛᱮᱠᱚ ᱧᱩᱢ ᱵᱟᱦᱟᱞ ᱟᱠᱟᱫᱤᱭᱟ| ᱩᱱᱤᱭᱟᱜ ᱦᱟᱦᱟᱲᱟ ᱜᱩᱱ ᱠᱷᱟᱹᱛᱤᱨ ᱛᱮ ᱑᱙᱘᱒ ᱥᱮᱨᱢᱟ ᱨᱮ 'ᱜᱤᱱᱤᱥ ᱵᱩᱠ ᱚᱯᱷ ᱨᱮᱠᱚᱨᱰ' ᱨᱮ ᱠᱚ ᱥᱮᱞᱮᱫ ᱞᱮᱫᱮᱭᱟ|

ᱩᱱᱤ ᱫᱚ ᱢᱤᱫᱴᱮᱱ ᱢᱟᱭᱡᱤᱣ ᱚᱱᱚᱞᱤᱭᱟᱹ ᱢᱮᱱᱛᱮ ᱟᱹᱰᱤ ᱟᱭᱢᱟ ᱯᱚᱛᱚᱵ ᱠᱚᱭ ᱚᱞ ᱟᱠᱟᱫᱟ| ᱚᱱᱟ ᱠᱚ ᱢᱩᱫᱽ ᱨᱮ ᱮᱞᱠᱷᱟ, ᱠᱩᱫᱩᱢ ᱟᱨ ᱤᱯᱤᱞ ᱵᱤᱨᱫᱟᱹ ᱪᱮᱛᱟᱱ ᱨᱮ ᱯᱚᱛᱚᱵ ᱟᱨ ᱜᱟᱢᱟᱢ ᱠᱚ ᱢᱮᱱᱟᱜ-ᱟ| ᱚᱱᱟ ᱵᱮᱜᱚᱨ ᱩᱱᱤ ᱫᱚ ᱢᱤᱫ ᱡᱟᱱᱟᱝᱟᱱ ᱠᱚ ᱪᱮᱛᱟᱱ ᱨᱮ ᱠᱷᱚᱱᱫᱽᱨᱚᱝ ᱠᱟᱛᱮ ᱯᱚᱛᱚᱵ ᱚᱞ ᱟᱠᱟᱫ ᱜᱚᱴᱟ ᱥᱤᱧᱚᱛ ᱫᱤᱥᱚᱢ ᱨᱮ ᱩᱱᱤ ᱯᱟᱹᱦᱤᱞ ᱠᱟᱱᱟᱭ|

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱠᱩᱱᱛᱚᱞᱟ ᱫᱮᱵᱤ ᱫᱚ ᱔ ᱱᱚᱵᱷᱮᱢᱵᱚᱨ ᱑᱙᱒᱙ ᱢᱟᱹᱦᱤᱛ ᱦᱤᱞᱚᱜ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱠᱟᱨᱱᱟᱴᱟᱠ ᱯᱚᱱᱚᱛ ᱨᱮ ᱢᱤᱫᱴᱮᱱ ᱠᱟᱱᱱᱟᱲ ᱵᱽᱨᱟᱦᱢᱟᱱ ᱜᱷᱟᱨᱚᱧᱡᱽ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱦᱩᱰᱤᱧ ᱩᱢᱮᱨ ᱨᱮ ᱥᱚᱠᱩᱱᱛᱚᱞᱟ ᱫᱚ ᱟᱹᱥᱤ ᱞᱟᱥᱮᱨ ᱦᱟᱛᱟᱝᱟᱱ ᱜᱮᱭᱮ ᱛᱟᱦᱮᱸ ᱠᱟᱱᱟ ᱟᱨ ᱞᱮᱠᱷᱟ ᱨᱮ ᱩᱱᱤ ᱨᱮᱱ ᱟᱡ ᱵᱟᱟᱵ ᱵᱟᱭ ᱫᱷᱮᱭᱟᱱᱟᱭ ᱠᱟᱱ ᱛᱟᱦᱮᱸ ᱠᱟᱱᱟ| ᱡᱩᱫᱤ ᱦᱚᱸ ᱯᱮ ᱥᱮᱨᱢᱟ ᱩᱢᱮᱨ ᱨᱮ ᱛᱟᱥ ᱨᱮᱭᱟᱜ ᱟᱹᱰᱤ ᱟᱭᱢᱟ ᱜᱩᱱ ᱠᱚᱭ ᱟᱯᱱᱟᱨ ᱞᱮᱫᱟ| ᱯᱟᱹᱦᱤᱞ ᱫᱚ ᱥᱩᱠᱩᱱ ᱛᱚᱞᱟ ᱟᱡ ᱵᱟᱵᱟ ᱢᱤᱫᱴᱮᱱ ᱥᱟᱨᱠᱟᱥᱥ ᱫᱚᱞ ᱨᱮᱭᱮ ᱛᱟᱦᱮᱸ ᱠᱟᱱᱟ| ᱤᱱᱟᱹ ᱛᱟᱭᱚᱢ ᱚᱱᱟ ᱵᱟᱹᱜᱤ ᱠᱟᱛᱮ ᱛᱮ ᱦᱚᱯᱚᱱ ᱮᱨᱟᱛ ᱥᱟᱶ ᱟᱭᱢᱟ ᱡᱟᱜᱟ ᱨᱮ ᱨᱳᱰ ᱥᱳᱭ ᱩᱫᱩᱜ ᱮᱛ ᱠᱟᱱ ᱛᱟᱦᱮᱸ ᱠᱟᱱᱟ| ᱩᱱᱤᱭᱟᱜ ᱡᱟᱦᱟᱱ ᱟᱥᱲᱟᱠᱩᱤᱭᱟᱹ ᱥᱮᱪᱮᱫ ᱫᱚ ᱵᱟᱝ ᱦᱚᱭ ᱞᱮᱱ ᱛᱟᱞᱟ| ᱢᱟᱛᱨᱚ ᱛᱩᱨᱩᱭ ᱥᱮᱨᱢᱟ ᱩᱢᱮᱨ ᱨᱮ ᱥᱚᱠᱩᱱ ᱛᱚᱞᱟ ᱫᱚ ᱢᱚᱦᱤᱥᱩᱨ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱟᱡᱟᱜ ᱞᱟᱥᱮᱨ ᱜᱩᱱᱮ ᱩᱫᱩᱜ ᱥᱚᱫᱚᱨ ᱠᱮᱫᱟ| ᱑᱙᱔᱔ ᱥᱮᱨᱢᱟ ᱨᱮ ᱥᱚᱠᱩᱱ ᱛᱚᱞᱟ ᱫᱚ ᱟᱡ ᱵᱟᱵᱟ ᱥᱟᱶ ᱛᱮ ᱞᱚᱱᱰᱚᱱᱮ ᱪᱟᱞᱟᱣ ᱞᱮᱱᱟ| ᱤᱱᱟᱹ ᱛᱟᱭᱱᱚᱢ ᱑᱙᱖᱐ ᱥᱮᱨᱢᱟ ᱨᱮ ᱟᱨᱦᱚᱸ ᱥᱤᱧᱚᱛᱮ ᱨᱩᱣᱟᱹᱲ ᱦᱮᱡ ᱞᱮᱱᱟ|

ᱢᱟᱱᱣᱟ ᱠᱚᱢᱯᱤᱭᱩᱴᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱠᱩᱱ ᱛᱚᱞᱟ ᱫᱮᱵᱤ ᱟᱜ ᱟᱥᱟᱢᱵᱷᱮᱲ ᱜᱩᱱ ᱥᱚᱫᱚᱨᱚᱜ ᱮᱦᱚᱵ ᱮᱱ ᱛᱟᱭᱟ ᱟᱨ ᱜᱚᱴᱟ ᱫᱷᱟᱹᱨᱛᱤ ᱱᱤᱭᱟᱹᱭ ᱩᱫᱩᱜ ᱥᱚᱫᱚᱨ ᱞᱮᱫᱟ| ᱑᱙᱕᱐ ᱥᱮᱨᱢᱟ ᱨᱮ ᱤᱭᱩᱨᱚᱯ ᱢᱟᱨᱟᱝ ᱫᱤᱥᱚᱢ ᱨᱮ, ᱑᱙᱗᱖ ᱥᱮᱨᱢᱟ ᱨᱮ ᱱᱤᱣ ᱭᱚᱨᱠ ᱨᱮᱭᱮ ᱩᱫᱩᱜ ᱥᱚᱫᱚᱨ ᱞᱮᱫᱟ| ᱑᱙᱘᱘ ᱥᱮᱨᱢᱟ ᱨᱮ ᱟᱢᱮᱨᱤᱠᱟ ᱫᱟᱲᱟᱱ ᱚᱠᱛᱮ ᱠᱮᱞᱤᱯᱷᱩᱨᱱᱤᱭᱟ ᱡᱮᱜᱮᱫ ᱵᱤᱨᱫᱟᱹᱹ ᱜᱟᱲ ᱨᱮᱱ ᱢᱚᱱᱚ ᱵᱤᱜᱽᱭᱟᱱ ᱯᱨᱚᱯᱷᱮᱥᱥᱟᱨ ᱟᱨᱛᱷᱟᱨ ᱡᱚᱱᱥᱚᱱ ᱫᱚ ᱩᱱᱤ ᱤᱫᱤ ᱠᱟᱛᱮᱭᱮ ᱜᱚᱵᱮᱥᱚᱱᱟ ᱞᱮᱫᱟ| ᱩᱱᱤ ᱫᱚ ᱥᱚᱠᱩᱱ ᱛᱚᱞᱟ ᱟᱜ ᱞᱟᱥᱮᱨ ᱦᱟᱛᱟᱝ ᱤᱫᱤ ᱠᱟᱛᱮ ᱟᱹᱰᱤ ᱟᱸᱴᱮ ᱠᱷᱚᱱᱫᱽᱨᱚᱝ ᱞᱮᱫᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]