ᱥᱚᱢᱱᱟᱛᱷ ᱢᱩᱱᱫᱤᱞ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱥᱚᱢᱱᱟᱛᱷ ᱢᱩᱱᱫᱤᱞ ᱥᱤᱧᱚᱛ ᱨᱮᱱᱟᱜ ᱯᱟ.ᱪᱷᱤᱢ ᱱᱟᱠᱷᱟ ᱜᱩᱡᱨᱟᱴ ᱯᱚᱱᱚᱛ ᱨᱮ ᱢᱮᱱᱟᱜ ᱢᱤᱫᱴᱮᱱ ᱥᱚᱱᱚᱛ ᱫᱷᱚᱨᱚᱢ ᱜᱟᱲ ᱠᱟᱱᱟ। ᱜᱚᱴᱟ ᱥᱤᱧᱚᱛ ᱨᱮ ᱟᱭᱢᱟ ᱴᱷᱟ.ᱭ ᱨᱮ ᱢᱮᱱᱟᱜ ᱵᱷᱚᱜᱚᱢᱟᱱ ᱥᱤᱵᱟᱜ ᱜᱮᱞ ᱵᱟᱨ ᱜᱚᱴᱟᱝ ᱡᱚᱭᱛᱤᱡᱟᱱᱟᱝ ᱠᱚ ᱢᱩᱫᱽ ᱨᱮ ᱥᱚᱢᱱᱟᱛᱷ ᱨᱮᱭᱟᱜ ᱴᱷᱟᱶ ᱜᱮ ᱯᱟ.ᱦᱤᱞ ᱨᱮ ᱢᱮᱱᱟᱜ-ᱟ ᱢᱮᱱᱛᱮ ᱥᱤᱵᱽ ᱨᱮᱱ ᱫᱮᱜ-ᱣᱟ ᱥᱮᱜ-ᱣᱟ ᱠᱚᱠᱚ ᱢᱮᱱᱟ। ᱱᱟᱦᱟᱜ ᱥᱚᱢᱬᱟᱛᱷ ᱢᱩᱱᱫᱤᱞ ᱜᱩᱡᱨᱟᱴ ᱨᱮᱱᱟᱜ ᱢᱤᱫ ᱴᱮᱱ ᱯᱚᱨᱡᱚᱴᱚᱱ ᱴᱷᱟᱶ ᱠᱟᱱᱟ। ᱟᱭᱢᱟ ᱱᱟᱱᱟ ᱦᱩᱱᱟ.ᱨ ᱠᱟ.ᱦᱱᱤ ᱠᱚ ᱛᱮ ᱥᱚᱢᱱᱟᱛᱷ ᱢᱩᱱᱫᱤᱞ ᱫᱚ ᱜᱟᱵᱟᱱ ᱟᱠᱟᱱᱟ। ‘ᱥᱚᱢ’ ᱛᱟᱦᱟ ᱪᱟᱱᱫᱚ ‘ᱱᱟᱛᱷ’ ᱛᱟᱦᱟ ᱵᱟᱝᱜᱟ ᱢᱮᱱᱛᱮ ᱱᱚᱱᱰᱮ ᱢᱚᱦᱟ ᱫᱮᱣ ᱟᱜ ᱵᱚᱝᱜᱟ ᱵᱩᱨᱩ ᱦᱩᱭᱩᱜ-ᱟ। ᱵᱷᱚᱠᱛᱟ ᱠᱚ ᱞᱟ.ᱜᱤᱫ ᱫᱤᱱᱟ.ᱜ ᱫᱤᱱᱟ.ᱢ ᱱᱚᱣᱟ ᱢᱩᱱᱫᱤᱞ ᱥᱮᱛᱟᱜ ᱖ ᱴᱟᱲᱟᱝ ᱠᱷᱚᱱ ᱧᱤᱱᱫᱟ. ᱙ ᱴᱽᱲᱟᱝ ᱦᱟ.ᱵᱤᱡ ᱡᱷᱤᱡ ᱜᱮ ᱛᱟᱦᱮᱱᱟ । ᱢᱩᱱᱫᱤᱞ ᱨᱮ ᱥᱮᱛᱟᱜ ᱗ ᱴᱟᱲᱟᱝ, ᱛᱟᱨᱟᱥᱤᱧ ᱑᱒ ᱴᱟᱲᱟᱝ ᱟᱨ ᱥᱤᱝᱜᱟ.ᱲ ᱗ ᱴᱟᱲᱟᱝ ᱫᱤᱱᱟ.ᱢ ᱳᱮ ᱫᱷᱟᱣ ᱠᱟᱛᱮ ᱟ.ᱨᱤ ᱠᱚ ᱦᱩᱭ ᱚᱪᱚᱭᱟ ।[᱑]

১৮৬৯ চনত সোমনাথ মন্দিৰ

ᱢᱟᱨᱮ ᱠᱟ.ᱦᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱠᱚᱱᱫᱚ ᱯᱩᱨᱟᱱ ᱞᱮᱠᱟ ᱛᱮ ᱥᱚᱢᱱᱟᱛᱷ ᱢᱩᱱᱫᱤᱞ ᱨᱮᱭᱟᱜ ᱜᱟᱢ ᱠᱟ.ᱦᱱᱤ ᱫᱚ ᱱᱚᱝᱠᱟ ᱞᱮᱠᱟ - ᱧᱤᱱᱫᱟ. ᱪᱟᱱᱫᱚ ᱵᱟᱝᱜᱟ ᱫᱚ ᱞᱟᱝᱛᱤᱛᱤ ᱞᱮᱠᱟᱱ ᱒᱗ ᱜᱚᱴᱟᱝ ᱠᱩᱲᱤ ᱦᱚᱯᱚᱱᱮ ᱵᱟᱯᱞᱟ ᱞᱮᱫ ᱠᱚᱣᱟ। ᱢᱮᱱᱠᱷᱟᱱ ᱒᱗ ᱜᱚᱴᱟᱱ ᱮᱨᱟ ᱠᱚ ᱢᱩᱫᱽ ᱨᱮ ᱧᱤᱱᱫᱟ. ᱪᱟᱱᱫᱚ ᱫᱚ ᱮᱠᱮᱱ ᱨᱚᱦᱤᱱᱤ ᱜᱮ ᱵᱟ.ᱲᱛᱤ ᱫᱩᱞᱟ.ᱲᱤᱫᱤ ᱠᱟᱱ ᱛᱟᱦᱮᱱᱟ। ᱱᱚᱣᱟ ᱠᱟᱛᱷᱟ ᱨᱮ ᱨᱟ.ᱜᱤ ᱟᱨ ᱟ.ᱰᱤ ᱚᱯᱚᱢᱟᱱ ᱵᱩᱡᱷᱟ.ᱣ ᱠᱟᱛᱮ ᱥᱟᱨᱮᱡ ᱒᱖ ᱜᱚᱴᱟᱝ ᱮᱨᱟ ᱫᱚ ᱟᱯᱟᱛ ᱫᱚᱠᱷᱚ ᱥᱟᱢᱟᱝ ᱨᱮ ᱧᱤᱱᱫᱟ. ᱪᱟᱱᱫᱚ ᱵᱤᱨᱩᱫᱽ ᱨᱮ ᱠᱚ ᱞᱟ.ᱞᱤᱥ ᱠᱮᱫᱟ। ᱫᱚᱠᱷᱚ ᱫᱚ ᱟᱡ ᱨᱮᱱ ᱡᱟᱶᱟᱭᱜᱚᱝᱠᱮᱛ ᱵᱟᱵᱟᱨ ᱫᱷᱟᱣ ᱨᱮᱦᱚ ᱵᱟᱭ ᱵᱩᱡᱷᱟᱣ ᱚᱪᱚ ᱫᱟᱲᱮᱭᱟᱫᱮᱛᱮ ᱟᱫᱚ ᱪᱟᱱᱫᱚ ᱵᱟ.ᱭ ᱵᱟ.ᱭ ᱠᱷᱮᱱᱫᱚ ᱨᱮᱭᱟᱜ-ᱮ ᱥᱟᱨᱟᱯ ᱟᱫᱮᱭᱟ।ᱧᱤᱱᱫᱟ. ᱪᱟᱱᱫᱚ ᱣᱟᱜ ᱱᱚᱣᱟ ᱚᱵᱚᱥᱛᱟ ᱧᱮᱞ ᱠᱟᱛᱮ ᱥᱟᱨᱮᱡ ᱫᱮᱣᱛᱟ ᱠᱚ ᱪᱤᱱᱛᱟ. ᱨᱮᱠᱚ ᱯᱟᱲᱟᱣ ᱮᱱᱟ ᱟᱨ ᱡᱚᱛᱚ ᱦᱚᱲ ᱢᱤᱞᱟ.ᱣ ᱠᱟᱛᱮ ᱵᱨᱚᱦᱢᱚ ᱴᱷᱮᱱ ᱥᱚᱞᱦᱟ ᱦᱟᱛᱟᱣ ᱠᱚ ᱥᱮᱱ ᱮᱱᱟ ।ᱟᱫᱚ ᱵᱨᱚᱦᱢᱚ ᱫᱚ ᱪᱟᱱᱫᱚᱭ ᱢᱮᱛᱟ ᱫᱮᱭᱟ ᱫᱚᱨᱭᱟ ᱯᱟᱨᱚᱢ ᱨᱮ ᱥᱤᱵᱽ ᱥᱮᱣᱟᱣᱟᱭ ᱢᱮ । ᱪᱟᱱᱫᱚ ᱮᱨᱟᱛ ᱨᱚᱦᱤᱱᱤ ᱥᱟᱶ ᱫᱚᱨᱭᱟ ᱯᱟᱨᱚᱢ ᱨᱮ ᱢᱚᱦᱟᱫᱮᱣ ᱟᱜ ᱢᱚᱦᱟᱢᱨᱤᱛᱩᱱᱡᱚᱭ ᱢᱟᱱᱛᱟᱨ ᱛᱮ ᱥᱮᱣᱟ ᱠᱤᱱ ᱮᱦᱚᱵ ᱮᱱᱟ। ᱛᱩᱨᱩᱭ ᱪᱟᱱᱫᱚ ᱛᱚᱯᱚᱥᱥᱟ ᱛᱟᱭᱚᱢ ᱢᱚᱦᱟᱫᱮᱣ ᱦᱮᱡ ᱠᱟᱛᱮ ᱪᱟᱱᱫᱚ ᱫᱚᱨᱥᱚᱱᱮ ᱮᱢᱟ ᱫᱮᱭᱟ ᱟᱨᱮ ᱯᱷᱩᱨᱜᱟ.ᱞ ᱠᱟᱫᱮᱭᱟ ᱟᱨ ᱫᱚᱠᱷᱚ ᱨᱟᱡᱟᱜ ᱥᱟᱨᱟᱯ ᱠᱷᱚᱱ ᱯᱷᱩᱨᱜᱟ.ᱞ ᱠᱟᱛᱮ ᱥᱟ.ᱦᱟ.ᱭᱮ ᱪᱟᱞ ᱟᱫᱮᱭᱟ ᱑᱕ ᱢᱟᱦᱟ ᱫᱚᱭ ᱠᱷᱮᱱᱫᱚᱜ-ᱟ ᱟᱨ ᱑᱕ ᱢᱟᱦᱟ ᱫᱚᱭ ᱯᱩᱨᱩᱱ ᱨᱩᱣᱟ.ᱲᱚᱜ-ᱟ। ᱢᱚᱦᱟᱫᱮᱣ ᱟᱜ ᱥᱟ.ᱦᱟᱭ ᱛᱮ ᱪᱟᱱᱫᱚ ᱫᱚ ᱚᱱᱟ ᱴᱷᱟ.ᱭᱨᱮᱜᱮ ᱡᱚᱜᱽ ᱡᱚᱜᱽ ᱦᱟ.ᱵᱤᱡ ᱵᱮᱨᱮᱞ ᱟᱠᱟᱭ ᱛᱟᱦᱮᱱ ᱢᱟ ᱵᱷᱚᱠᱛᱟ ᱠᱚ ᱫᱩᱠᱷ ᱢᱩᱦᱤᱢ ᱠᱷᱚᱱᱮ ᱚᱣᱟᱨ ᱠᱚᱣᱟ ᱢᱮᱱᱛᱮᱭᱮ ᱱᱮᱦᱚᱨ ᱟᱫᱮᱭᱟ। ᱪᱟᱱᱫᱚ ᱵᱟᱝᱜᱟ ᱣᱟᱜ ᱥᱮᱣᱟ ᱛᱮ ᱫᱷᱤᱨ ᱯᱩᱨ ᱠᱟᱛᱮ ᱪᱟᱱᱫᱚᱭ ᱛᱷᱟᱯᱚᱱ ᱞᱮᱫ ᱥᱤᱵᱽ ᱡᱟᱱᱟᱝ ᱨᱮ ᱟᱡᱟᱜ ᱢᱟᱨᱥᱟᱞᱮ ᱵᱟᱢᱵᱮᱨ ᱚᱪᱚ ᱠᱮᱫᱟ ᱟᱨ ᱚᱱᱟ ᱴᱷᱟ.ᱭ ᱨᱮᱜᱮ ᱥᱚᱢᱱᱟᱛᱷ ᱢᱩᱱᱫᱤᱞ ᱛᱷᱟᱯᱚᱱ ᱦᱩᱭᱮᱱᱟ।[᱒]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Thapar, Romila (2004), Somnath: The Many Voices of History, India: Penguin Books India (P) Ltd.
  2. Chaturvedi, B. K. (2006), Shiv Purana (First ed.), New Delhi: Diamond Pocket Books (P) Ltd, ISBN 81-7182-721-7