ᱥᱚᱢᱵᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ
| ᱥᱚᱢᱵᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ | |
|---|---|
| ᱩᱱᱩᱭᱦᱟᱹᱨ | ᱣᱤᱫᱭᱟ ᱣᱤᱱᱫᱟᱛᱮᱢᱨᱩᱛᱟᱢ |
| ᱛᱷᱟᱯᱚᱱ | ᱑᱙᱖᱗ |
| ᱞᱮᱠᱟᱱ | ᱥᱟᱱᱟᱢ ᱦᱚᱲᱟ |
| ᱫᱷᱚᱨᱚᱢ ᱢᱟᱱᱚᱛ | ᱭᱩ. ᱡᱤ. ᱥᱤ, ᱱᱟᱟᱠ |
| ᱪᱟᱱᱥᱮᱞᱚᱨ | ᱳᱰᱤᱥᱟ ᱥᱚᱨᱠᱟᱨ |
| ᱵᱷᱟᱭᱤᱥ ᱪᱟᱱᱥᱮᱞᱚᱨ | ᱪᱤᱯᱟ.ᱠ ᱠᱩᱢᱟᱨ ᱵᱮᱦᱮᱨᱟ[᱑][᱒] |
| ᱴᱷᱟᱶ | ᱥᱚᱢᱵᱚᱞᱯᱩᱨ, ᱳᱰᱤᱥᱟ, ᱥᱤᱧᱚᱛ 20°28′23″N 85°53′28″E / 20.473°N 85.891°E |
| ᱣᱮᱵᱽᱥᱟᱭᱤᱴ | ᱣᱮᱵᱥᱟᱤᱴ |
ᱥᱚᱢᱵᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱥᱚᱢᱵᱚᱞᱯᱩᱨ ᱦᱚᱱᱚᱛ ᱨᱮᱭᱟᱜ ᱵᱩᱨᱞᱟ ᱴᱟᱭᱩᱱ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱡᱭᱚᱛᱤ ᱵᱤᱦᱟᱨ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱟᱱᱰᱟᱨᱠᱜᱨᱮᱡᱩᱭᱮᱴ ᱟᱨ ᱯᱳᱥᱴ ᱜᱨᱮᱡᱩᱭᱮᱴ ᱠᱚᱨᱥ ᱨᱮ ᱤᱛᱩᱱ ᱮᱢᱚᱜ ᱠᱟᱱᱟᱭ ᱾ ᱳᱰᱤᱥᱟ ᱨᱮᱱ ᱯᱚᱱᱚᱛ ᱜᱚᱢᱠᱮ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱪᱟᱱᱥᱤᱞᱟᱨ ᱠᱟᱱᱟᱭ ᱟᱨ ᱫᱤᱯᱟᱹᱠ ᱠᱩᱢᱟᱨ ᱵᱮᱦᱨᱟ ᱵᱷᱟᱭᱤᱥ ᱪᱟᱱᱥᱮᱞᱚᱨ ᱠᱟᱱᱟᱭ ᱾ ᱱᱚᱣᱟ ᱫᱚ ᱥᱚᱢᱵᱚᱞᱯᱩᱨ ᱠᱷᱚᱱ ᱑᱕ ᱠᱤᱞᱚᱢᱤᱴᱚᱨ ᱡᱷᱟᱹᱞᱟ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱑ ᱡᱟᱱᱩᱟᱨᱤ ᱑᱙᱖᱗ ᱠᱷᱚᱱ ᱪᱟᱹᱞᱩᱜ ᱠᱟᱱᱟ ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱯᱨᱚᱛᱷᱚᱢ ᱵᱷᱟᱭᱤᱥ ᱪᱟᱱᱥᱮᱞᱚᱨ ᱫᱚ ᱯᱨᱚᱯᱷᱮᱥᱚᱨ ᱯᱟᱹᱨᱥᱩᱨᱟᱢ ᱛᱟᱦᱮᱸ ᱠᱟᱱᱟᱭ ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱢᱟᱲᱟᱝ ᱳᱭᱤᱱᱴᱷᱟᱯᱟᱞᱤ (ᱥᱚᱢᱵᱚᱞᱯᱩᱨ) ᱨᱮᱭᱟᱜ ᱢᱤᱫᱴᱟᱹᱝ ᱯᱨᱟᱭᱵᱷᱮᱴ ᱵᱤᱞᱰᱤᱝ ᱨᱮ ᱪᱟᱞᱩᱜ ᱠᱟᱱ ᱛᱟᱦᱮᱸᱡ, ᱥᱚᱨᱠᱟᱨ ᱠᱷᱚᱱ ᱱᱟᱣᱟ ᱡᱟᱭᱜᱟ ᱦᱟᱛᱟᱣ ᱠᱟᱛᱮ ᱱᱤᱛᱚᱜ ᱫᱚ ᱱᱚᱣᱟ ᱵᱩᱨᱞᱟ ᱨᱮ ᱖᱗᱐ ᱮᱠᱚᱨ ᱨᱮ ᱛᱮᱭᱟᱨ ᱠᱟᱱᱟ ᱱᱟᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱮᱭᱟᱨᱮᱱᱟ ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱵᱩᱨᱞᱟ ᱨᱮᱭᱟᱜ ᱵᱤᱨᱼᱵᱩᱨᱩ ᱞᱮᱠᱟᱱ ᱡᱟᱭᱜᱟ ᱨᱮ ᱛᱮᱭᱟᱨ ᱠᱟᱱᱟ ᱾
ᱡᱚᱯᱲᱟᱣ ᱠᱚᱞᱮᱡᱽ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱠᱮᱢᱯᱚᱥ ᱫᱚ ᱵᱩᱨᱞᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱫᱚ ᱒᱐᱐ ᱠᱷᱚᱱ ᱡᱟᱹᱥᱛᱤ ᱜᱟᱱ ᱠᱚᱞᱮᱡᱽ ᱠᱚ ᱢᱮᱱᱟᱼᱜᱟ ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱯᱚᱥᱪᱤᱢ ᱳᱰᱤᱥᱟ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱠᱷᱩᱞᱟ ᱞᱮᱱᱟ ᱾ ᱟᱹᱰᱤ ᱪᱮᱥᱴᱟ ᱯᱚᱨᱮ ᱑ ᱡᱟᱱᱩᱟᱨᱤ ᱑᱙᱖᱗ ᱨᱮ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚ ᱛᱮᱭᱟᱨ ᱠᱮᱜᱼᱟ ᱠᱚ ᱾ ᱯᱚᱥᱪᱤᱢ ᱳᱰᱤᱥᱟ ᱡᱤᱞᱞᱟ ᱠᱚ ᱮᱢᱟᱱ ᱥᱩᱱᱫᱚᱨᱜᱚᱰ, ᱫᱮᱵᱽᱜᱚᱰ, ᱡᱷᱟᱨᱥᱩᱜᱩᱰᱟ, ᱥᱚᱢᱵᱚᱞᱯᱩᱨ, ᱵᱚᱨᱚᱜᱚᱰ, ᱵᱚᱞᱟᱝᱜᱤᱨ, ᱥᱚᱱᱯᱩᱨ( ᱢᱟᱲᱟᱝ ᱫᱚ ᱥᱩᱵᱚᱨᱱᱟᱯᱩᱨ), ᱵᱚᱣᱫᱷᱚ, ᱱᱩᱣᱟᱯᱚᱰᱟ, ᱠᱚᱲᱟᱦᱟᱱᱰᱤ ᱟᱨ ᱢᱤᱫᱴᱟᱹᱝ ᱚᱱᱩᱜᱩᱲ ᱥᱚᱵᱽ ᱰᱤᱵᱷᱤᱡᱚᱱ ᱨᱮᱭᱜ ᱟᱹᱴᱷᱢᱟᱞᱤᱠ ᱾
ᱠᱮᱢᱯᱚᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱢᱵᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱫᱚ ᱘ ᱠᱚᱲᱟ ᱟᱨᱮ ᱗ ᱠᱩᱲᱤ ᱠᱚ ᱞᱟᱹᱜᱤᱫ ᱦᱚᱥᱴᱮᱞ ᱢᱮᱱᱟᱜᱼᱟ ᱾ ᱵᱟᱠᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱞᱮᱠᱷᱟ ᱱᱚᱸᱰᱮ ᱦᱚᱸ ᱵᱮᱥᱤᱠ ᱯᱷᱮᱥᱮᱼᱞᱤᱴᱤ ᱠᱚ ᱢᱮᱱᱟᱜᱼᱟ ᱡᱮᱢᱛᱤ ᱠᱤ ᱯᱚᱥᱤ ᱚᱯᱷᱤᱥ, ᱵᱮᱸᱠ ᱱᱤᱡ (ᱟᱯᱱᱟᱨ) ᱫᱟᱠᱛᱚᱨᱠᱷᱟᱱᱟ ᱾
ᱜᱚᱝᱜᱟᱫᱷᱚᱨ ᱨᱟᱥᱴᱨᱤᱭᱚ ᱥᱤᱨᱯᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱚᱝᱜᱟᱫᱷᱚᱨ ᱡᱟᱹᱛᱤᱭᱟᱨᱤ ᱮᱣᱟᱰ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱨᱟᱥᱴᱨᱤᱭᱚ ᱥᱤᱨᱯᱟᱹ ᱠᱟᱱᱟ ᱾ ᱱᱚᱣᱟ ᱫᱚ ᱥᱟᱶᱦᱮᱫ ᱨᱮ ᱠᱚ ᱮᱢᱟ ᱠᱚ ᱠᱟᱱᱟ ᱾ ᱱᱚᱣᱟ ᱥᱤᱨᱯᱟᱹ ᱫᱚ ᱠᱚᱥᱞᱤ ᱠᱚᱵᱤ ᱜᱚᱝᱜᱟᱫᱷᱚᱨ ᱢᱮᱦᱮᱨ ᱧᱩᱛᱩᱢ ᱨᱮ ᱠᱚ ᱫᱚᱦᱚ ᱠᱟᱜᱼᱟ ᱠᱚ ᱾ ᱱᱚᱣᱟ ᱥᱤᱨᱯᱟᱹ ᱫᱚ ᱥᱚᱢᱵᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱡᱟᱜ ᱛᱷᱟᱯᱚᱱ ᱢᱟᱦᱟᱸ ᱨᱮ ᱠᱚ ᱮᱢᱟᱠᱚᱣᱟ ᱠᱚ ᱾ ᱯᱨᱚᱛᱷᱩᱢ ᱛᱷᱚᱨ ᱞᱟᱹᱜᱤᱫ ᱛᱮ ᱱᱚᱣᱟ ᱥᱤᱨᱯᱷᱟᱹ ᱫᱚ ᱑᱙᱙᱑ ᱨᱮ ᱟᱹᱞᱤ ᱥᱟᱹᱨᱫᱟᱨ ᱡᱟᱹᱯᱷᱨᱤ ᱠᱚ ᱮᱢᱟ ᱫᱮ ᱛᱟᱦᱮᱸᱡ ᱾ ᱱᱤᱛ ᱦᱟᱹᱵᱤᱡ ᱛᱮ ᱒᱘ ᱨᱟᱹᱦᱱᱤᱭᱟ ᱱᱚᱣᱟ ᱥᱚᱢᱢᱟ ᱠᱚ ᱮᱢᱟ ᱠᱟᱫ ᱠᱚᱣᱟ ᱾ ᱒᱐᱒᱐ ᱨᱮ ᱭᱤᱥᱣᱟᱱᱟᱛᱷ ᱯᱨᱚᱥᱟᱫᱽ ᱛᱤᱣᱟᱨᱤ ᱟᱡᱟᱜ ᱦᱤᱱᱫᱤ ᱨᱟᱹᱦᱬᱤ ᱞᱟᱹᱜᱤᱫ ᱜᱚᱝᱜᱟᱫᱷᱚᱨ ᱡᱟᱛᱤᱭᱟᱨᱤ ᱥᱤᱨᱯᱟᱹ ᱮ ᱧᱟᱢᱟᱭ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Sambalpur University :: Administration Hierarchy". www.suniv.ac.in. Retrieved 25 December 2017.
- ↑ https://orissadiary.com/amp/prof-dr-deepak-kumar-behera-appointed-new-vice-chancellor-sambalpur-university/