ᱥᱚᱥᱣᱚᱛᱤ ᱥᱮᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱥᱚᱥᱣᱚᱛᱤ ᱥᱮᱱ ᱫᱚ ᱯᱩᱭᱞᱩ ᱫᱷᱟ.ᱲ ᱨᱤᱱᱤᱡ ᱥᱤᱧᱚᱛᱤᱭᱟ. ᱠᱚᱛᱷᱚᱠ ᱠᱞᱟᱥᱤᱠᱟᱞ ᱰᱮᱱᱥᱚᱨ ᱠᱟᱱᱟᱭ ᱾ ᱟᱡ ᱫᱚ ᱯᱚᱸᱰᱤᱛ ᱵᱤᱨᱡᱩ ᱢᱚᱦᱟᱨᱟᱡᱽ (Birju Maharaj) ᱥᱤᱱᱤᱭᱤᱨ ᱪᱮᱞᱟ ᱠᱟᱱᱟᱭ ᱾ ᱑᱙᱗᱗ ᱥᱟᱞ ᱨᱮᱭᱟᱜ ᱥᱟᱛᱨᱟᱱᱡᱽ ᱠᱮ ᱠᱷᱤᱞᱟᱨᱤ (Shatranj Ke Khilari) ᱨᱮ ᱮᱱᱮᱡ ᱞᱮᱫᱟ ᱟᱨ ᱟᱭᱢᱟ ᱦᱚᱲᱠᱚ ᱵᱟᱰᱟᱭ ᱠᱮᱫᱮᱭᱟ ᱾ ᱟᱡ ᱫᱚ ᱢᱤᱫ ᱩᱠᱤᱞ,ᱰᱟᱠᱛᱚᱨ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟ ᱟᱨ ᱜᱤᱫᱟ.ᱨ ᱠᱷᱚᱱᱜᱮ ᱮᱱᱮᱡ ᱥᱮᱬᱟ ᱞᱮᱜ-ᱟᱭ ᱾ ᱟᱡ ᱟᱭᱚ ᱵᱷᱟᱨᱚᱛᱤᱭᱚ ᱠᱚᱲᱟ ᱠᱮᱱᱫᱨᱚ (Bhartiya Kala Kendra),ᱫᱤᱞᱞᱤ ᱨᱮ ᱵᱷᱩᱨᱛᱤ ᱞᱮᱫᱮᱭᱟᱭ ᱟᱨ ᱨᱮᱵᱟ ᱵᱤᱫᱽᱭᱟᱨᱛᱷᱤ (Reba Vidyarthi) ᱭᱟᱜ ᱛᱟ.ᱨᱤᱨᱮ ᱠᱚᱛᱷᱚᱠ ᱮᱱᱮᱡ ᱥᱮᱬᱟ ᱠᱮᱫᱟᱭ ᱾ ᱚᱸᱰᱮ ᱠᱷᱚᱱ ᱯᱩᱭᱞᱩ ᱴᱨᱮᱱᱤᱝ ᱥᱟ.ᱛ ᱠᱟᱛᱮ ᱡᱟ.ᱛᱤᱭᱟ.ᱨᱤ ᱥᱠᱳᱞᱟᱨᱥᱤᱯ ᱦᱩᱱᱟ.ᱨ ᱩᱫᱩᱜ-ᱥᱚᱫᱚᱨ ᱵᱟᱠᱷᱨᱟ ᱧᱟᱢ ᱞᱮᱜ-ᱟᱭ ᱾ ᱱᱟᱦᱟᱜ ᱥᱚᱥᱣᱚᱛᱤ ᱫᱚ ᱢᱤᱫ ᱴᱟᱞᱮᱸᱴ ᱟᱨ ᱟᱭᱢᱟ ᱦᱩᱱᱟ.ᱨᱤᱭᱟ. ᱞᱮᱠᱟᱠᱛᱮ ᱵᱟᱰᱟᱭᱚᱜ-ᱟ ᱾ ᱟᱡ ᱫᱚ ᱵᱤᱥᱛᱤ ᱠᱟᱭᱛᱮ ᱟᱡᱤᱡ ᱜᱩᱨᱩ ᱵᱤᱨᱡᱩ ᱢᱚᱦᱟᱨᱟᱡᱽ ᱥᱟᱶ ᱠᱚᱲᱟᱥᱨᱚᱢ ᱡᱳᱨ ᱵᱟᱜᱽ (Kalashram in Jor Bagh),ᱫᱤᱞᱞᱤ ᱨᱮ ᱪᱮᱪᱮᱫᱤᱭᱟ.ᱠᱚ ᱪᱮᱫ ᱟᱠᱚᱣᱟᱠᱤᱱ ᱾ ᱟᱡ ᱫᱚ ᱫᱮᱥ ᱵᱤᱫᱮᱥ ᱨᱤᱱ ᱟᱭᱢᱟ ᱜᱟᱱ ᱪᱮᱪᱮᱫᱤᱭᱟ.ᱠᱚ ᱦᱩᱱᱟ.ᱨ ᱪᱮᱫ ᱟᱠᱟᱫ ᱠᱚᱣᱟᱠᱤᱱ ᱾

ᱠᱚᱨᱤᱭᱳᱜᱨᱟᱯᱷᱤ ᱟᱨ ᱯᱚᱨᱯᱷᱳᱨᱢᱟᱱᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱥᱣᱚᱛᱤ ᱫᱚ ᱜᱷᱟᱱᱮ ᱪᱮᱛᱟᱱ ᱫᱷᱟᱯ ᱨᱮᱭᱟᱜ ᱠᱚᱛᱷᱚᱠ ᱦᱩᱱᱟ.ᱨ ᱪᱮᱫ ᱟᱠᱚ ᱞᱟ.ᱜᱤᱱ ᱨᱤᱠᱟ. ᱮᱫᱟᱭ ᱾ ᱱᱚᱣᱟ ᱩᱭᱦᱟ.ᱨ ᱟᱭᱢᱟ ᱴᱷᱟᱶ ᱨᱮ ᱠᱟ.ᱢᱤᱥᱟᱲᱟ ᱟᱨ ᱟ.ᱠᱤᱞᱢᱟᱱ ᱛᱷᱚᱠ ᱨᱮᱭᱟᱜ ᱥᱤᱠᱷᱱᱟ.ᱛ ᱡᱮᱜᱮᱛ ᱨᱮ ᱦᱟ.ᱴᱤᱧ ᱟᱠᱟᱫᱟᱭ ᱾ ᱟᱡ ᱠᱚᱨᱤᱭᱳᱜᱨᱟᱯᱷᱤ ᱟᱠᱟᱫ ᱜᱟᱫᱮᱞ ᱠᱷᱮᱞᱚᱸᱰ ᱠᱚᱫᱚ ᱦᱩᱭᱩᱜ ᱠᱟᱱᱟ,

      • ᱰᱮᱱᱥ ᱰᱨᱟᱢᱟ ᱵᱩᱞᱮᱴᱠᱚ
  • ᱠᱚᱛᱷᱚᱠ ᱭᱟᱛᱨᱟ
  • ᱫᱚᱥᱚᱵᱚᱛᱟᱨ
  • ᱠᱟᱨᱛᱤᱠ ᱵᱤᱲᱟᱥ
  • ᱠᱷᱩᱫᱤᱛᱟ ᱯᱚᱥᱦᱟᱱ
  • ᱨᱳᱢᱮᱭᱳ ᱟᱨ ᱡᱩᱞᱤᱭᱮᱴ
  • ᱣᱟᱨᱱᱟ ᱨᱚᱝ
  • ᱢᱩᱥᱟᱯᱷᱤᱨ
  • ᱜᱤᱫᱽ ᱜᱳᱵᱤᱱᱫᱚ
  • ᱡᱟᱞ ᱭᱟᱜᱽᱱᱟ
  • ᱠᱨᱤᱥᱱᱟ ᱠᱚᱛᱷᱟ (ᱡᱚᱭᱮᱸᱴ ᱯᱨᱳᱰᱚᱠᱥᱚᱱ)
  • ᱦᱟᱵᱽᱵᱟ ᱠᱷᱟᱛᱩᱱ (ᱡᱚᱭᱮᱸᱴ ᱯᱨᱳᱰᱚᱠᱥᱚᱱ)
      • ᱠᱷᱟᱴᱚ ᱯᱨᱳᱰᱚᱠᱥᱚᱱᱠᱚ
  • ᱫᱩᱨᱵᱟᱨ
  • ᱥᱩᱨᱭᱟ ᱯᱨᱚᱱᱟᱢ
  • ᱟᱫᱟᱵᱽ
  • ᱢᱮᱦᱯᱷᱤᱞ
  • ᱱᱤᱭᱚᱛᱤ ᱱᱟᱭᱤᱠᱟ

ᱠᱚᱲᱟᱥᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱟᱥᱲᱟ ᱯᱚᱫᱽᱢᱚ ᱵᱤᱵᱷᱩᱥᱚᱬ ᱵᱤᱨᱡᱩ ᱢᱚᱦᱟᱨᱟᱡᱽ ᱟᱨ ᱟᱡᱤᱡ ᱪᱮᱞᱟ ᱥᱚᱥᱣᱚᱛᱤ ᱢᱮᱥᱟ ᱠᱟᱛᱮᱫ ᱦᱩᱱᱟ.ᱨᱠᱚ ᱨᱮᱭᱟᱝ ᱞᱟᱦᱟᱱᱛᱤ ᱫᱤᱥᱟ. ᱠᱟᱛᱮ ᱵᱮᱨᱮᱫ ᱟᱠᱟᱫᱟᱠᱤᱱ ᱾ ᱥᱚᱥᱣᱚᱛᱤ ᱜᱮ ᱵᱟ.ᱲᱛᱤ ᱱᱚᱣᱟ ᱟᱥᱲᱟ ᱥᱟᱶ ᱡᱩᱲᱟ.ᱣ ᱢᱮᱱᱟᱭᱟ ᱟᱨ ᱥᱤᱠᱱᱟ.ᱛ ᱦᱚᱸᱭ ᱪᱟᱞ ᱟᱠᱟᱫ ᱠᱚᱣᱟ ᱾ ᱠᱚᱲᱟᱥᱨᱚᱢ ᱨᱮ ᱥᱮᱨᱢᱟ ᱨᱮ ᱯᱩᱱᱭᱟ. ᱯᱷᱮᱥᱴᱤᱵᱷᱟᱞ ᱥᱟᱯᱲᱟᱣ ᱟ.ᱜᱩᱭᱮᱫᱟᱭ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱚᱥᱚᱱᱛᱳᱛᱥᱚᱵᱷᱚ (Vasantotsava),ᱥᱟᱫᱷᱚᱱᱟ (Sadhana), ᱫᱤᱠᱥᱟᱱᱛᱳᱛᱥᱚᱵᱷᱚ (Dikshantotsava) ᱟᱨ ᱦᱳᱞᱤ ᱩᱛᱥᱚᱵ (Holi Utsav) ᱾ ᱱᱚᱣᱟ ᱫᱚ ᱵᱟ.ᱲᱛᱤ ᱠᱟᱭᱛᱮ ᱠᱚᱛᱷᱚᱠ ᱮᱱᱮᱡ ᱪᱮᱛᱟᱱ ᱨᱮ ᱮᱦᱮᱢ ᱮᱢ ᱮᱫᱟᱭ ᱥᱟᱶᱛᱮ ᱱᱚᱣᱟ ᱥᱟᱶ ᱡᱚᱲᱟᱣ ᱢᱮᱱᱟᱜ ᱭᱳᱜᱟ,ᱥᱮᱨᱮᱧ,ᱵᱟᱡᱽᱱᱟ,ᱪᱤᱛᱟ.ᱨ ᱱᱚᱝᱠᱟᱜᱮ ᱮᱢᱟᱱᱟᱜᱠᱚ ᱾ ᱥᱚᱥᱣᱚᱛᱤ ᱫᱚ ᱱᱤᱛᱚᱜ ᱱᱚᱸᱰᱮ ᱥᱩᱛᱮᱨᱛ ᱢᱮᱱᱟᱭᱟ,ᱡᱟᱦᱟᱸ ᱫᱚ ᱟᱡᱤᱡ ᱜᱩᱨᱩᱣᱟᱜ ᱠᱩᱠᱢᱩ ᱛᱟᱦᱮᱸ ᱠᱟᱱᱟ ᱾ ᱟ.ᱠᱤᱞ ᱟᱨᱡᱟᱣ ᱫᱮᱥ ᱵᱤᱫᱮᱥ ᱟᱭᱢᱟ ᱫᱷᱟᱣᱮ ᱫᱟᱬᱟ ᱟᱠᱟᱫ-ᱟᱭ ᱾ ᱑᱙᱘᱐ ᱥᱟᱞ ᱠᱷᱚᱱ ᱢᱤᱫ ᱢᱟᱪᱮᱛ ᱞᱮᱠᱟᱛᱮ ᱞᱮᱛᱟᱲ ᱠᱟ.ᱢᱤ ᱠᱟᱱᱟᱭ ᱟᱨ ᱢᱤᱫ ᱢᱟᱪᱮᱛ ᱞᱮᱠᱟᱛᱮ ᱵᱤᱥᱛᱤ ᱦᱚᱲᱠᱚ ᱵᱟᱰᱟᱭᱮᱭᱟ ᱾

ᱥᱤᱨᱯᱷᱟ. ᱟᱨ ᱢᱟ.ᱱᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱥᱣᱚᱛᱤ ᱫᱚ ᱟᱭᱢᱟᱜᱟᱱ ᱥᱤᱨᱯᱷᱟ. ᱠᱚᱭ ᱟᱢᱮᱴ ᱟᱠᱟᱫᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ

  • ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱟᱣᱟᱨᱰ
  • ᱥᱟᱱᱥᱠᱨᱤᱴᱤ ᱟᱣᱟᱨᱰ
  • ᱥᱨᱤᱱᱜᱚᱨ ᱢᱚᱱᱤ ᱟᱣᱟᱨᱰ (Shringar Mani Award)
  • ᱠᱨᱤᱴᱤᱠᱥ ᱨᱮᱠᱚᱢᱮᱱᱰᱮᱥᱚᱱ ᱟᱣᱟᱨᱰ (Critic’s Recommendation Award)

ᱯᱷᱮᱰᱟᱛ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]