ᱥᱚᱥᱤᱠᱚᱞᱟ ᱠᱟᱠᱳᱰᱠᱚᱨ
| ᱥᱚᱥᱤᱠᱚᱞᱟ ᱠᱟᱠᱳᱰᱠᱚᱨ | |
|---|---|
| ᱜᱳᱣᱟ ᱨᱮᱱ ᱫᱚᱥᱟᱨ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱑᱒ ᱟᱜᱚᱥᱴ ᱑᱙᱗᱓ – ᱒᱗ ᱮᱯᱨᱤᱞ ᱑᱙᱗᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱫᱚᱭᱟᱱᱚᱱᱫᱚ ᱵᱟᱱᱫᱳᱫᱠᱟᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱫᱤᱥᱚᱢ ᱜᱚᱢᱠᱮ ᱥᱟᱥᱚᱱ |
| ᱜᱳᱣᱟ ᱵᱤᱫᱷᱟᱱᱥᱚᱵᱷᱟ ᱨᱮᱱ ᱥᱚᱦᱮᱛ | |
| ᱟᱹᱢᱟᱹᱞᱤ ᱨᱮ ᱑᱙᱖᱗ – ᱑᱙᱗᱒ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱜᱚᱡᱟᱱᱚᱱ ᱨᱟᱭᱠᱚᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱨᱦᱳᱭᱫᱟᱥ ᱱᱟᱭᱤᱠ |
| ᱵᱟᱪᱱᱟᱣ ᱮᱞᱮᱠᱟ | ᱯᱳᱱᱰᱟ |
| ᱟᱹᱢᱟᱹᱞᱤ ᱨᱮ ᱑᱙᱗᱒ – ᱑᱙᱘ᱯ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱤ.ᱰᱤ. ᱠᱮᱥᱚᱵᱷ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱦᱟᱨᱤᱥ ᱡᱟᱱᱛᱮᱭ |
| ᱵᱟᱪᱱᱟᱣ ᱮᱞᱮᱠᱟ | ᱵᱤᱰᱳᱞᱤᱢ |
| ᱟᱹᱢᱟᱹᱞᱤ ᱨᱮ ᱑᱙᱘᱙ – ᱑᱙᱙᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟ ᱛᱷᱟᱯᱚᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱯᱨᱚᱠᱟᱥ ᱯᱷᱟᱫᱛᱮ |
| ᱵᱟᱪᱱᱟᱣ ᱮᱞᱮᱠᱟ | ᱢᱟᱭᱮᱢ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱗ ᱡᱟᱱᱩᱣᱟᱨᱤ ᱑᱙᱓᱕ ᱯᱮᱨᱱᱮᱢ, ᱜᱳᱣᱟ, ᱯᱚᱨᱛᱩᱜᱤᱡᱽ ᱥᱤᱧᱚᱛ |
| ᱜᱩᱨ | ᱒᱘ ᱚᱠᱴᱚᱵᱚᱨ ᱒᱐᱑᱖ (᱘᱑ ᱵᱚᱭᱚᱥ) ᱯᱟᱱᱟᱡᱤ, ᱜᱳᱣᱟ, ᱥᱤᱧᱚᱛ |
| ᱨᱟᱡᱽᱟᱹᱨᱤ ᱫᱚᱞ | ᱢᱚᱦᱟᱨᱟᱥᱴᱨᱚᱣᱟᱫᱤ ᱜᱳᱢᱟᱱᱛᱚᱠ ᱯᱟᱨᱴᱤ |
| ᱡᱤᱭᱚᱱ ᱥᱚᱦᱮᱫ | ᱜᱩᱨᱩᱫᱚᱛ ᱠᱟᱠᱳᱰᱠᱚᱨ |
ᱥᱚᱥᱤᱠᱚᱞᱟ ᱠᱟᱠᱳᱰᱠᱚᱨ (᱗ ᱡᱟᱱᱩᱣᱟᱨᱤ ᱑᱙᱓᱕[᱑]-᱒᱘ ᱚᱠᱴᱚᱵᱚᱨ ᱒᱐᱑᱖), ᱛᱟᱭ (ᱢᱟᱨᱟᱴᱷᱤ: ताई; ᱟᱹ ᱛᱚᱨ. 'ᱫᱟᱹᱭ') ᱧᱩᱛᱩᱢ ᱛᱮᱦᱚᱸᱭ ᱵᱟᱲᱟᱭᱚᱜ ᱠᱟᱱ ᱛᱟᱸᱦᱮᱱᱟ, ᱫᱚ ᱢᱚᱦᱟᱨᱟᱥᱴᱨᱚᱣᱟᱫᱤ ᱜᱳᱢᱟᱱᱛᱚᱠ ᱯᱟᱨᱴᱤ (ᱮᱢ.ᱡᱤ.ᱯᱤ) ᱨᱮᱱ ᱢᱤᱫ ᱢᱩᱬᱩᱛ ᱱᱮᱛᱟ ᱮ ᱛᱟᱸᱦᱮ ᱠᱟᱱᱟ ᱾[᱒] ᱩᱱᱤ ᱫᱚ ᱵᱟᱨ ᱫᱷᱟᱣ ᱜᱳᱣᱟ, ᱫᱚᱢᱚᱱ ᱟᱨ ᱫᱤᱣ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱮ ᱛᱟᱸᱦᱮ ᱠᱟᱱᱟ ᱟᱨ ᱢᱚᱦᱟᱨᱟᱥᱴᱨᱚᱣᱟᱫᱤ ᱜᱳᱢᱟᱱᱛᱚᱠ ᱯᱟᱨᱴᱤ ᱨᱮᱱ ᱢᱟᱨᱥᱮᱛ ᱞᱮᱠᱟᱛᱮ ᱦᱚᱸᱭ ᱛᱟᱸᱦᱮ ᱠᱟᱱᱟ ᱾ ᱩᱱᱤ ᱫᱚ ᱜᱳᱣᱟ, ᱫᱚᱢᱚᱱ ᱟᱨ ᱫᱤᱣ ᱨᱮᱱ ᱯᱩᱭᱞᱩ (ᱟᱨ ᱒᱐᱒᱐ ᱦᱟᱹᱵᱤᱫ ᱛᱮ ᱮᱠᱞᱟ) ᱛᱤᱨᱞᱟᱹ ᱥᱤᱨᱟᱹ ᱢᱚᱱᱛᱨᱤ ᱠᱟᱱᱟᱭ ᱾[᱓][᱔][᱕]
ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱚᱥᱤᱠᱚᱞᱟ ᱠᱟᱠᱳᱰᱠᱚᱨ ᱫᱚ ᱗ ᱡᱟᱱᱩᱣᱟᱨᱤ ᱑᱙᱓᱕ ᱨᱮ ᱩᱱ ᱚᱠᱛᱚ ᱯᱚᱨᱛᱩᱜᱤᱡᱽ ᱥᱤᱧᱚᱛ ᱨᱮᱭᱟᱜ ᱜᱳᱣᱟ, ᱯᱮᱨᱱᱮᱢ ᱨᱮ ᱦᱩᱭ ᱞᱮᱱ ᱛᱟᱭᱟ ᱾ ᱩᱱᱤ ᱫᱚ ᱫᱚᱭᱟᱱᱚᱱᱫᱚ ᱟᱨ ᱥᱩᱱᱟᱱᱫᱟᱵᱟᱭ ᱵᱟᱱᱫᱳᱫᱠᱟᱨ ᱛᱟᱹᱠᱤᱱ ᱨᱮᱱ ᱢᱟᱨᱟᱝ ᱠᱩᱲᱤᱭ ᱛᱟᱸᱦᱮ ᱠᱟᱱᱟ ᱾ ᱟᱡ ᱨᱮᱱ ᱦᱩᱰᱤᱝ ᱵᱚᱭᱦᱟ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ ᱩᱥᱟ ᱵᱷᱮᱸᱜᱩᱨᱞᱣᱠᱟᱨ, ᱠᱨᱟᱱᱛᱤ ᱨᱟᱣ, ᱡᱚᱭᱳᱛᱤ ᱵᱟᱱᱫᱮᱠᱟᱨ ᱟᱨ ᱥᱤᱫᱫᱷᱟᱨᱛᱷ ᱵᱟᱱᱫᱳᱫᱠᱟᱨ ᱾[᱖][᱗]
ᱠᱟᱠᱳᱰᱠᱚᱨ ᱫᱚ ᱟᱡᱟᱜ ᱮᱛᱚᱦᱚᱵ ᱯᱚᱲᱦᱚᱱ ᱢᱩᱥᱴᱤᱯᱷᱮᱸᱰ ᱵᱤᱨᱫᱟᱹᱜᱟᱲ ᱠᱷᱚᱱ ᱟᱨ ᱢᱮᱴᱨᱤᱠ ᱫᱚ ᱯᱟᱱᱟᱡᱤ ᱨᱮᱭᱟᱜ ᱯᱤᱯᱚᱥ ᱦᱟᱭ ᱥᱠᱩᱞ ᱠᱷᱚᱱ ᱮ ᱯᱩᱨᱟᱹᱣ ᱞᱮᱫᱟ ᱾ ᱑᱑ ᱥᱮᱨᱢᱟ ᱩᱢᱮᱨ ᱨᱮ, ᱩᱱᱤ ᱫᱚ ᱫᱤᱥᱩᱣᱟᱹᱨᱤ ᱥᱞᱳᱜᱟᱱ ᱥᱮᱨᱮᱧ ᱠᱟᱛᱮ ᱜᱳᱣᱟ ᱨᱮᱭᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱚᱱᱟ ᱠᱷᱟᱹᱛᱤᱨ ᱯᱚᱨᱛᱩᱜᱤᱡᱽ ᱯᱩᱞᱤᱥ ᱴᱷᱮᱱ ᱫᱟᱞ ᱦᱚᱸᱭ ᱡᱚᱢ ᱞᱮᱫᱟ ᱾ ᱩᱱᱤ ᱫᱚ ᱫᱷᱟᱨᱣᱟᱫᱽ ᱨᱮᱭᱟᱜ ᱠᱚᱨᱱᱟᱴᱚᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ[᱘] ᱠᱷᱚᱱ ᱵᱤ.ᱮ ᱮ ᱯᱟᱥ ᱞᱮᱫᱟ, ᱡᱟᱦᱟ ᱨᱮ ᱩᱱᱤ ᱫᱚ ᱮᱸᱱᱛᱷᱨᱳᱯᱳᱞᱚᱡᱤ, ᱥᱟᱶᱛᱟ ᱥᱟᱬᱮᱥ ᱟᱨ ᱱᱟᱜᱟᱢ ᱮ ᱯᱟᱲᱦᱟᱣ ᱞᱮᱱᱟ ᱾ ᱩᱱᱤ ᱫᱚ ᱢᱩᱢᱵᱟᱭ ᱨᱮᱭᱟᱜ ᱮᱞᱤᱯᱷᱮᱱᱥᱴᱳᱱ ᱠᱚᱞᱮᱡᱽ ᱠᱷᱚᱱ ᱮᱢ.ᱮ ᱮ ᱯᱟᱥ ᱞᱮᱫᱟ ᱾
᱑᱙᱖᱓ ᱨᱮ, ᱜᱳᱣᱟ, ᱫᱚᱢᱚᱱ ᱟᱨ ᱫᱤᱣ ᱨᱮᱭᱟᱜ ᱵᱤᱫᱷᱟᱱᱥᱚᱵᱷᱟ ᱞᱟᱹᱜᱤᱫ ᱯᱩᱭᱞᱩ ᱫᱷᱟᱣ ᱫᱤᱥᱩᱣᱟᱹᱨᱤ ᱞᱮᱠᱟᱛᱮ ᱦᱩᱭ ᱞᱮᱱ ᱵᱟᱪᱷᱱᱟᱣ ᱨᱮ ᱟᱡ ᱵᱟᱵᱟ ᱫᱚᱭᱟᱱᱚᱱᱫᱚ ᱵᱟᱱᱫᱳᱫᱠᱟᱨ ᱯᱩᱭᱞᱩ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱵᱟᱪᱷᱟᱣ ᱞᱮᱱᱟ ᱾ ᱚᱱᱟ ᱥᱮᱨᱢᱟ ᱨᱮᱜᱮ, ᱩᱱᱤ ᱫᱚ ᱜᱩᱨᱩᱫᱚᱛ ᱠᱟᱠᱳᱰᱠᱚᱨ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱟᱨ ᱑᱙᱖᱘ ᱨᱮ ᱵᱟᱱᱫᱳᱫᱠᱟᱨ ᱜᱨᱩᱯ ᱚᱯᱷ ᱠᱚᱢᱯᱟᱱᱤ ᱨᱮᱱ ᱢᱟᱬᱛᱮ ᱪᱟᱞᱟᱣᱵᱮᱱᱟᱣᱤᱡ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱟᱨᱦᱚᱸ ᱡᱩᱣᱟᱹᱱ ᱨᱮᱰ ᱠᱨᱚᱥ ᱥᱟᱶᱛᱟ, ᱥᱤᱧᱚᱛ ᱡᱟᱠᱟᱛ ᱛᱤᱨᱞᱟᱹ ᱢᱤᱫᱩᱱ ᱟᱨ ᱛᱟᱞᱢᱟ ᱥᱟᱶᱛᱟ ᱵᱷᱟᱹᱞᱟᱹᱭ ᱵᱳᱨᱰ ᱨᱮᱱ ᱥᱚᱦᱮᱛ ᱦᱚᱸᱭ ᱛᱟᱸᱦᱮ ᱠᱟᱱᱟ ᱾ ᱩᱱᱤ ᱥᱚᱨᱠᱟᱨᱤ ᱮᱛᱚᱦᱚᱵ ᱥᱮᱪᱮᱫ ᱢᱟᱪᱮᱫ ᱜᱟᱶᱛᱟ ᱟᱸᱰᱮᱯᱟᱥᱮ ᱟᱡᱟᱜ ᱫᱟᱲᱮᱭ ᱛᱮᱭᱟᱨ ᱨᱟᱠᱟᱵ ᱞᱮᱫᱟ ᱾[᱙]
ᱨᱟᱡᱽᱟᱹᱨᱤ ᱨᱮ ᱥᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱚᱥᱤᱠᱚᱞᱟ ᱠᱟᱠᱳᱰᱠᱚᱨ ᱢᱩᱢᱵᱟᱭ ᱨᱮ ᱟᱡᱟᱜ ᱯᱳᱥᱴ ᱜᱨᱮᱡᱩᱭᱮᱴ ᱯᱩᱨᱟᱹᱣ ᱠᱷᱚᱱ ᱨᱩᱣᱟᱹᱲ ᱠᱟᱛᱮ ᱜᱮ ᱥᱟᱶᱛᱟ ᱵᱷᱟᱹᱞᱟᱹᱭ ᱠᱟᱹᱢᱤ ᱥᱟᱶ ᱡᱚᱯᱨᱟᱣ ᱮ ᱛᱟᱸᱦᱮ ᱠᱟᱱᱟ ᱾[᱖] ᱩᱱᱤ ᱯᱳᱱᱰᱟ ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟ ᱑᱙᱖᱗ ᱥᱮᱨᱢᱟ ᱨᱮᱭᱟᱜ ᱜᱳᱣᱟ, ᱫᱚᱢᱚᱱ ᱟᱨ ᱫᱤᱣ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱢᱚᱦᱟᱨᱟᱥᱴᱨᱚᱣᱟᱫᱤ ᱜᱳᱢᱟᱱᱛᱚᱠ ᱯᱟᱨᱴᱤ ᱨᱮᱱ ᱠᱮᱱᱰᱤᱰᱮᱴ ᱞᱮᱠᱟᱛᱮᱭ ᱛᱤᱸᱜᱩ ᱞᱮᱱᱟ ᱟᱨ ᱟᱹᱰᱤ ᱢᱟᱨᱟᱝ ᱚᱨᱡᱚ ᱥᱟᱶᱛᱮᱭ ᱡᱤᱛᱠᱟᱹᱨ ᱞᱮᱱᱟ ᱟᱨ ᱚᱱᱟ ᱥᱟᱶ ᱜᱮᱛᱮ ᱜᱳᱣᱟ, ᱫᱚᱢᱚᱱ ᱟᱨ ᱫᱤᱣ ᱵᱤᱫᱷᱟᱱᱥᱚᱵᱷᱟ ᱨᱮᱱ ᱥᱚᱫᱟᱨ ᱛᱤᱨᱞᱟᱹ ᱥᱚᱦᱮᱛ ᱮ ᱵᱮᱱᱟᱣ ᱮᱱᱟ ᱾[᱑᱐] ᱑᱙᱗᱒ ᱨᱮᱭᱟᱜ ᱜᱳᱣᱟ, ᱫᱚᱢᱚᱱ ᱟᱨ ᱫᱤᱣ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱢᱚᱦᱟᱨᱟᱥᱴᱨᱚᱣᱟᱫᱤ ᱜᱳᱢᱟᱱᱛᱚᱠ ᱯᱟᱨᱴᱤ ᱨᱮᱱ ᱠᱮᱱᱰᱤᱰᱮᱴ ᱞᱮᱠᱟᱛ ᱵᱤᱰᱳᱞᱤᱢ ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟ ᱠᱷᱚᱱ ᱵᱟᱪᱷᱱᱟᱣ ᱨᱮ ᱛᱤᱸᱜᱩ ᱠᱟᱛᱮ ᱮ ᱡᱤᱛᱠᱟᱹᱨ ᱞᱮᱱᱟ ᱾[᱖]
ᱯᱚᱱᱚᱛ ᱢᱚᱱᱛᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱗᱒ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱛᱟᱭᱚᱢ, ᱟᱡ ᱵᱟᱵᱟ ᱥᱤᱨᱟᱹ ᱢᱚᱱᱛᱨᱤ ᱫᱚᱭᱟᱱᱚᱱᱫᱚ ᱵᱟᱱᱫᱳᱫᱠᱟᱨ ᱟᱜ ᱟᱹᱭᱩᱨ ᱛᱮ ᱪᱟᱪᱞᱟᱣᱚᱜ ᱠᱟᱱ ᱥᱚᱨᱠᱟᱨ ᱨᱮ ᱩᱱᱤᱫ ᱫᱚ ᱯᱚᱱᱚᱛ ᱢᱚᱱᱛᱨᱤ ᱠᱮᱛᱟ ᱠᱚ ᱵᱟᱪᱷᱟᱣ ᱞᱮᱫᱮᱭᱟ ᱾ ᱩᱱᱤ ᱫᱚ ᱥᱮᱪᱮᱫ, ᱯᱟᱵᱽᱞᱤᱠ ᱦᱮᱞᱛᱷ, ᱥᱟᱶᱛᱟ ᱵᱷᱟᱹᱞᱟᱹᱭ, ᱱᱮᱼᱦᱚᱲ ᱜᱚᱲᱚ, ᱯᱨᱳᱵᱷᱮᱰᱳᱨᱤᱭᱟ ᱟᱨ ᱦᱩᱰᱤᱝ ᱥᱮᱵᱷᱤᱝ ᱨᱮᱭᱟᱜ ᱟᱹᱜᱤᱸᱵᱷᱟᱨ ᱮ ᱥᱟᱢᱵᱽᱲᱟᱣ ᱞᱮᱫᱟ ᱾[᱑᱑] ᱑᱒ ᱟᱜᱚᱥᱴ ᱑᱙᱗᱓ ᱨᱮ, ᱚᱯᱷᱤᱥ ᱨᱮᱜᱮ ᱟᱡ ᱵᱟᱵᱟᱭ ᱵᱚᱸᱜᱟ ᱛᱟᱞᱟᱭᱮᱱ ᱛᱟᱭᱚᱢ ᱢᱚᱦᱟᱨᱟᱥᱴᱨᱚᱣᱟᱫᱤ ᱜᱳᱢᱟᱱᱛᱚᱠ ᱯᱟᱨᱴᱤ ᱨᱮᱱ ᱥᱟᱱᱟᱢ ᱥᱚᱦᱮᱛ ᱠᱚᱛᱮ ᱩᱱᱤ ᱫᱟᱨᱟᱭ ᱠᱟᱱ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱚ ᱵᱟᱪᱷᱟᱣ ᱞᱮᱫᱮᱭᱟ ᱾[᱑᱒]
ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱟᱹᱢᱤ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱨᱦᱟᱣ ᱟᱨ ᱚᱠᱛᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱤᱨᱯᱷᱟᱹ ᱟᱨ ᱢᱟᱹᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱚᱸᱜᱟ ᱛᱟᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "கோவாவின் முதல் பெண் முதல்வர் சசிகலா ககோத்கர் காலமானார்". oneindia.com. Archived from the original on 15 January 2017. Retrieved 15 February 2017.
- ↑ NewsDesk2 (28 October 2016). "Goa's only Woman Chief Minister Shashikala Kakodkar passes away at 81". newsgram.com. Archived from the original on 20 December 2016. Retrieved 15 February 2017.
- ↑ "Former Goa CM Shashikala Kakodkar dies". thehindu.com. Retrieved 15 February 2017.
- ↑ "Archived copy". Archived from the original on 6 November 2016. Retrieved 5 November 2016.
{{cite web}}: CS1 maint: archived copy as title (link) - ↑ ᱖.᱐ ᱖.᱑ ᱖.᱒ "Archived copy" (PDF). Archived from the original (PDF) on 31 October 2016. Retrieved 30 October 2016.
{{cite web}}: CS1 maint: archived copy as title (link) - ↑ "Shashikala Kakodkar". geni.com. Archived from the original on 31 October 2016. Retrieved 15 February 2017.
- ↑ Staff Correspondent. "Karnatak College invites former students to reconnect". thehindu.com. Retrieved 15 February 2017.
- ↑ Fernandes, Aureliano (1997). Cabinet Government in Goa 1961-1993: A chronicled analysis of 30 years of Government and Politics in Goa. maureen & camvet publishers pvt. ltd.
- ↑ "Archived copy" (PDF). Archived from the original (PDF) on 18 October 2016. Retrieved 30 October 2016.
{{cite web}}: CS1 maint: archived copy as title (link) - ↑ "Archived copy" (PDF). Archived from the original (PDF) on 6 November 2016. Retrieved 5 November 2016.
{{cite web}}: CS1 maint: archived copy as title (link) - ↑ "Her Father's Daughter". navhindtimes.in. Archived from the original on 6 November 2016. Retrieved 15 February 2017.