ᱥᱚᱨᱚᱥᱣᱚᱛᱤ ᱨᱟᱬᱮ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱚᱨᱚᱥᱣᱚᱛᱤ ᱨᱟᱬᱮ
ᱡᱟᱱᱟᱢ ᱚᱠᱴᱚᱵᱚᱨ ᱔, ᱑᱙᱑᱓(1913-10-04)
ᱢᱤᱨᱚᱡᱽ, Bombay Presidency, ᱵᱽᱨᱤᱴᱤᱥ ᱤᱱᱰᱤᱭᱟ
ᱢᱩᱬ ᱢᱤᱨᱚᱡᱽ, ᱢᱚᱦᱟᱨᱟᱥᱴᱨᱚ
ᱵᱚᱝᱜᱟ ᱛᱟᱞᱟ ᱑᱐ ᱚᱠᱴᱚᱵᱚᱨ ᱒᱐᱐᱖ (᱙᱓ ᱵᱚᱭᱚᱥ)
ᱢᱩᱢᱵᱟᱭᱤ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ
ᱡᱮᱱᱨᱮᱥ Hindustani Classical, ᱠᱷᱟᱭᱚᱞ, ᱛᱷᱩᱢᱨᱤ, ᱵᱷᱚᱡᱚᱱ, ᱚᱵᱷᱚᱸᱜᱽ, etc.
ᱚᱠᱩᱯᱮᱥᱚᱱ Hindustani Classical vocalist
ᱠᱟᱹᱢᱤ ᱚᱠᱛᱚ ᱑᱙᱓᱓–᱒᱐᱐᱖

ᱥᱚᱨᱚᱥᱣᱚᱛᱤ ᱨᱟᱬᱮ (᱔ ᱚᱠᱴᱚᱵᱚᱨ, ᱑᱙᱑᱓ - ᱑᱐ ᱚᱠᱴᱚᱵᱚᱨ, ᱒᱐᱐᱖) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱚᱞ ᱥᱮᱨᱮᱧᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱠᱤᱨᱟᱱᱟ ᱜᱷᱚᱨᱟᱱᱟ ᱨᱤᱱᱤᱡ ᱛᱷᱟᱯᱚᱱᱤᱭᱟᱹ ᱩᱥᱛᱟᱫᱽ ᱚᱵᱽᱫᱩᱞ ᱠᱚᱨᱤᱢ ᱠᱷᱟᱱ (᱑᱘᱗᱒-᱑᱙᱓᱗) ᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ [᱑]ᱩᱱᱤᱭᱟᱜ ᱜᱷᱟᱨᱚᱸᱡᱽ ᱨᱮᱱᱟᱜ ᱡᱤᱞᱤᱧ ᱟᱨ ᱢᱟᱦᱟᱱ ᱥᱮᱱᱮᱨᱮᱧ ᱨᱟᱭᱨᱤᱛ ᱛᱟᱦᱮᱸ ᱟᱠᱟᱱᱟ ᱾ ᱩᱱᱤ ᱫᱚ ᱟᱡ ᱢᱟᱨᱟᱝ ᱫᱟᱫᱟ ᱥᱩᱨᱮᱥᱵᱟᱵᱩ ᱢᱟᱱᱮ ᱟᱨ ᱟᱡ ᱫᱟᱹᱭ ᱦᱤᱨᱟᱵᱷᱟᱭᱤ ᱵᱟᱫᱳᱰᱮᱠᱚᱨ ᱴᱷᱮᱱ ᱠᱷᱚᱱ ᱠᱤᱨᱟᱱᱟ ᱜᱷᱟᱨᱟᱱᱟ ᱛᱚᱦᱚᱨ ᱨᱮ ᱮᱛᱚᱦᱚᱵ ᱥᱮᱪᱮᱫ ᱮ ᱟᱢᱮᱴ ᱠᱮᱫ-ᱟ ᱾ ᱩᱱᱠᱤᱱ ᱵᱟᱱᱟ ᱦᱚᱲ ᱱᱤᱡᱮ ᱤᱱᱟᱹ ᱚᱠᱛᱚ ᱨᱤᱱ ᱫᱚ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱚᱞ ᱥᱮᱱᱮᱨᱮᱧ ᱨᱤᱱ ᱧᱩᱛᱩᱢᱟᱱ ᱤᱯᱤᱞ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱟᱡ ᱫᱟᱹᱭ ᱦᱤᱨᱟᱵᱷᱟᱭᱤ ᱵᱟᱫᱳᱰᱮᱠᱚᱨ ᱥᱟᱶ ᱡᱩᱜᱚᱞᱵᱚᱱᱫᱤ ᱛᱚᱦᱚᱨ ᱛᱮᱦᱚᱸ ᱥᱮᱨᱮᱧ ᱠᱤᱱ ᱥᱮᱨᱮᱧ ᱟᱠᱟᱫ-ᱟ ᱾

ᱮᱛᱚᱦᱚᱵ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱨᱚᱥᱣᱚᱛᱤ ᱨᱟᱬᱮ ᱫᱚ ᱔ ᱚᱠᱴᱚᱵᱚᱨ ᱑᱙᱑᱓, ᱦᱤᱞᱚᱜ ᱩᱥᱛᱟᱫᱽ ᱚᱵᱽᱫᱩᱞ ᱠᱚᱨᱤᱢ ᱠᱷᱟᱱ (᱑᱘᱗᱒-᱑᱙᱓᱗) ᱟᱨ ᱛᱟᱨᱟᱵᱟᱭᱤ ᱢᱟᱱᱮ ᱛᱤᱠᱤᱱ ᱴᱷᱮᱱ ᱥᱚᱠᱤᱱᱟ ᱦᱟᱜ ᱨᱩᱯ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱥᱮᱱᱮᱨᱮᱧ ᱜᱷᱟᱨᱚᱸᱡᱽ ᱨᱮᱭ ᱚᱞ ᱯᱟᱲᱦᱟᱣ ᱟᱠᱟᱱᱟ ᱾ ᱟᱡ ᱡᱟᱶᱟᱭ ᱴᱷᱮᱱ ᱠᱷᱚᱱ ᱮ ᱵᱷᱮᱜᱟᱨ ᱮᱱ ᱛᱟᱭᱚᱢ ᱟᱡ ᱟᱭᱳ ᱛᱟᱨᱟᱵᱟᱭᱤ ᱫᱚ ᱟᱡ ᱨᱤᱱ ᱡᱚᱛᱚ ᱢᱚᱬᱮ ᱦᱚᱲ ᱜᱤᱫᱽᱨᱟᱹ ᱠᱚᱣᱟᱜ ᱧᱩᱛᱩᱢ ᱮ ᱟᱹᱨᱩ ᱠᱮᱫ-ᱟ ᱺ ᱚᱱᱟᱛᱮ ᱥᱚᱠᱤᱱᱟ ᱠᱩᱢᱟᱨᱤ ᱫᱚ ᱥᱚᱨᱚᱥᱣᱚᱛᱤ ᱢᱟᱱᱮᱭ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱟᱡ ᱫᱟᱫᱟ ᱥᱩᱨᱮᱥᱵᱟᱵᱩ ᱢᱟᱱᱮ ᱴᱷᱮᱱ ᱠᱷᱚᱱ ᱥᱮᱱᱮᱨᱮᱧ ᱥᱮᱪᱮᱫᱚᱜ ᱞᱟᱹᱜᱤᱫ ᱮ ᱟᱞᱟᱭ ᱮᱱᱟ ᱾ ᱛᱟᱭᱚᱢ ᱛᱮ ᱑᱙᱓᱐ ᱨᱮᱱᱟᱜ ᱛᱟᱭᱚᱢ ᱛᱮ ᱩᱱᱤ ᱫᱚ ᱟᱡᱤᱡ ᱵᱩᱦᱤᱱ ᱦᱤᱨᱟᱵᱷᱟᱭᱤ ᱵᱟᱫᱳᱰᱮᱠᱚᱨ ᱴᱷᱮᱱ ᱠᱷᱚᱱ ᱦᱚᱸ ᱥᱮᱪᱮᱫᱚᱜ ᱮ ᱮᱛᱚᱦᱚᱵ ᱠᱮᱫ-ᱟ ᱾

ᱟᱡᱟᱜ ᱥᱮᱱᱮᱨᱮᱧ ᱜᱮᱭᱟᱱ ᱮ ᱵᱟᱹᱲᱛᱤ ᱦᱚᱪᱚᱭ ᱞᱟᱹᱜᱤᱫ ᱩᱤ ᱫᱚ ᱚᱞᱞᱟᱫᱤᱭᱟ ᱠᱷᱟᱱ ᱤᱡ ᱦᱚᱢᱚᱱ ᱠᱚᱲᱟ, ᱡᱚᱭᱯᱩᱨ ᱜᱷᱟᱨᱚᱸᱡᱽ ᱨᱤᱱᱤᱡ ᱩᱥᱛᱟᱫᱽ ᱱᱚᱛᱛᱷᱚᱱ ᱠᱷᱟᱱ, ᱜᱽᱣᱟᱞᱤᱭᱚᱨ ᱜᱷᱟᱨᱚᱡᱽ ᱨᱤᱱᱤᱡ ᱵᱤ.ᱟᱨ. ᱫᱮᱵᱽᱫᱸᱚᱨ ᱟᱨ ᱯᱚᱸᱰᱤᱛ ᱢᱟᱪᱮᱛ ᱠᱨᱩᱥᱱᱚᱨᱟᱣ ᱯᱷᱩᱞᱚᱝᱵᱚᱨᱤᱠᱚᱨ ᱞᱮᱠᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱜᱷᱟᱨᱚᱸᱡᱽ ᱨᱤᱱ ᱩᱥᱛᱟᱫᱽ ᱴᱷᱮᱱ ᱠᱷᱚᱱ ᱥᱮᱪᱮᱫᱚᱜ ᱨᱮᱱᱟᱜ ᱫᱟᱣ ᱮ ᱧᱟᱢ ᱟᱠᱟᱫ-ᱟ ᱾

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱨᱚᱥᱣᱚᱛᱤ ᱵᱟᱭᱤ ᱫᱚ ᱟᱡᱟᱜ ᱥᱮᱱᱮᱨᱮᱧ ᱠᱟᱹᱢᱤ ᱡᱤᱭᱚᱱ ᱨᱮᱱᱟᱜ ᱮᱛᱚᱦᱚᱵ ᱮᱭᱟᱭ ᱥᱮᱨᱢᱟ ᱨᱮᱱᱟᱜ ᱵᱚᱭᱚᱥ ᱨᱮ ᱥᱮᱱᱮᱨᱮᱧ ᱜᱟᱭᱟᱱ, ᱥᱚᱝᱜᱤᱛ ᱮᱠᱚᱪ ᱯᱟᱭᱚᱞ ᱮᱢᱟᱱ ᱞᱮᱠᱟᱱ ᱜᱟᱭᱟᱱ ᱠᱚᱨᱮ ᱢᱮᱞᱟᱝᱠᱤ ᱩᱫᱩᱜ ᱥᱚᱫᱚᱨ ᱥᱟᱶᱛᱮᱭ ᱛᱚᱨᱟᱣ ᱟᱠᱟᱫ ᱛᱟᱦᱮᱸᱫ ᱾ ᱠᱟᱹᱡ ᱩᱢᱮᱨ ᱢᱮᱱ ᱫᱚ ᱑᱙᱒᱙ ᱥᱟᱞᱮ ᱠᱷᱚᱱ ᱜᱮ ᱩᱱᱤ ᱫᱚ ᱯᱩᱨᱟᱹ ᱥᱤᱧᱚᱛ ᱡᱟᱠ ᱨᱮ ᱵᱟᱞᱚᱝᱜᱚᱫᱷᱚᱨᱵᱽ ᱞᱮᱠᱟᱱ ᱧᱩᱛᱩᱢᱟᱱ ᱵᱟᱰᱚᱦᱤᱭᱟᱹ ᱠᱚ ᱥᱟᱶ ᱯᱩᱭᱞᱩ ᱴᱷᱟᱶ ᱨᱮ ᱛᱟᱦᱮᱸ ᱠᱟᱛᱮ ᱩᱫᱩᱜ ᱥᱚᱫᱚᱨ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱑᱙᱓᱓ ᱥᱟᱞᱮ ᱨᱮ ᱩᱱᱤ ᱫᱚ ᱨᱮᱰᱤᱭᱳ ᱨᱮ ᱩᱫᱩᱜ ᱥᱚᱫᱚᱨ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱩᱱᱤ ᱫᱚ ᱑᱙᱙᱐ ᱫᱷᱟᱹᱵᱤᱡ ᱛᱮ ᱫᱤᱥᱩᱣᱟᱹ ᱥᱟᱢᱟᱝ ᱨᱮ ᱩᱫᱩᱜ ᱥᱚᱫᱚᱨ ᱴᱷᱮᱱ ᱠᱷᱚᱱ ᱟᱡᱟᱜ ᱡᱤᱨᱟᱹᱣᱜ ᱚᱠᱛᱚ ᱞᱟᱹᱭ ᱥᱚᱫᱚᱨ ᱫᱷᱟᱹᱵᱤᱡ ᱞᱟᱯᱷᱟᱝ ᱜᱽᱨᱮᱰ ᱵᱟᱰᱚᱦᱤᱭᱟᱹ ᱠᱚ ᱞᱮᱠᱟᱛᱮ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮ ᱟᱡᱟᱜ ᱩᱫᱩᱜ ᱥᱚᱫᱚᱨ ᱠᱟᱹᱢᱤᱭ ᱛᱚᱸᱜᱮ ᱫᱚᱦᱚ ᱞᱮᱫ-ᱟ ᱾

ᱩᱱᱤ ᱫᱚ ᱦᱤᱱᱫᱤ ᱟᱨ ᱢᱚᱨᱟᱴᱷᱤ ᱯᱷᱤᱞᱤᱢ ᱞᱟᱹᱜᱤᱫ ᱦᱚᱸ ᱯᱞᱮᱵᱮᱠ ᱥᱮᱨᱮᱧ ᱟᱠᱟᱫ ᱯᱩᱭᱞᱩ ᱛᱤᱨᱞᱟᱹ ᱵᱟᱰᱚᱦᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱦᱤᱱᱫᱤ ᱯᱷᱤᱞᱤᱢ ᱥᱚᱨᱜᱚᱢ (᱑᱙᱕᱐)ᱟᱨ ᱵᱷᱩᱢᱤᱠᱟ (᱑᱙᱗᱗) ᱞᱟᱹᱜᱤᱫ ᱥᱮᱨᱮᱧᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Prabha Atre