ᱥᱟᱫᱤᱭᱟ
ᱥᱚᱫᱤᱭᱟ
Sadiya | |
|---|---|
ᱱᱥᱝᱜᱽᱨᱟᱦᱟ | |
| ᱵᱟᱦᱱᱟ ᱧᱩᱛᱩᱢ: Starting point of Assam | |
| ᱫᱤᱥᱚᱢ |  India |
| ᱯᱚᱱᱚᱛ | ᱟᱥᱟᱢ |
| ᱦᱚᱱᱚᱛ | ᱛᱤᱱᱤᱥᱩᱠᱤᱭᱟ |
| ᱩᱥᱩᱞ | 123 ᱢᱤᱴᱚᱨ (404 ᱯᱷᱩᱴ) |
| Languages | |
| • Official | ᱟᱥᱟᱢᱤᱥ |
| ᱚᱠᱛᱚ ᱴᱚᱴᱷᱟ | ᱭᱩ.ᱴᱤ.ᱥᱤ+৫:৩০ (ᱥᱤᱧᱚᱛ ᱢᱟ.ᱱ ᱚᱠᱛᱮ) |
| ᱯᱤᱱ ᱠᱳᱰ | ৭৮৬১৫৭ |
ᱥᱚᱫᱤᱭᱟ (ᱟᱥᱟᱢᱤᱥ: শদিয়া, [Xodia]) ᱫᱚ ᱦᱩᱭᱩᱜ ᱟᱠᱟᱱᱟ ᱠᱚᱭᱮ - ᱥᱟᱢᱟᱝ ᱥᱤᱧᱚᱛ ᱛᱟᱵᱮ ᱨᱮ ᱢᱮᱱᱟᱜ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫ ᱴᱮᱱ ᱦᱩᱰᱤᱧ ᱱᱟᱝᱜᱽᱨᱟᱦᱟ।ᱱᱚᱣᱟ ᱫᱚ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱛᱟᱵᱮ ᱨᱮ ᱢᱮᱱᱟᱜ-ᱟ। ᱞᱚᱦᱤᱛ ᱜᱟᱪᱟ ᱯᱟᱨᱚᱢ ᱨᱮ ᱢᱮᱱᱟᱜ ᱱᱚᱣᱟ ᱱᱟᱝᱜᱽᱨᱟᱦᱟ ᱵᱮᱲᱦᱟᱭ ᱛᱮ ᱦᱤᱢᱟᱞᱚᱭ ᱵᱩᱨᱩ ᱛᱮ ᱮᱥᱮᱫ ᱟ.ᱪᱩᱨ ᱟᱠᱟᱱᱟ। ᱥᱚᱫᱤᱭᱟ ᱫᱚ ᱥᱚᱛ ᱯᱷᱩᱞ ᱧᱩᱛᱩᱢ ᱟᱱ ᱵᱟᱦᱟ ᱠᱟ.ᱛᱷᱤᱨ ᱜᱟ.ᱠᱷᱩᱲ ᱜᱮᱭᱟ।
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱫᱤᱭᱟ, ᱑᱑᱘᱗ ᱥᱮᱨᱢᱟ ᱨᱮ ᱵᱤᱨ ᱯᱟᱞ ᱧᱩᱛᱩᱢ ᱟᱱ ᱥᱩᱛᱤᱭᱟ ᱜᱟᱛᱟᱠ ᱨᱮ ᱦᱚ ᱠᱚᱭᱮ - ᱥᱟᱢᱟᱝ ᱟᱥᱟᱢ ᱟᱨ ᱱᱟᱦᱟᱜ ᱚᱨᱩᱱᱟᱪᱟᱞ ᱯᱨᱚᱫᱮᱥ ᱨᱮᱭᱟᱜ ᱟᱫᱚᱢ ᱦᱤᱥ ᱤᱫᱤ ᱵᱟᱱᱫᱷᱦᱟᱣ ᱞᱮᱫᱟᱭ ᱢᱤᱫ ᱴᱮᱱ ᱥᱚᱛᱤᱭᱟ/ᱪᱩᱛᱤᱭᱟ ᱨᱟᱡᱚᱥᱴᱤ ᱨᱮᱛᱟᱜ ᱨᱟᱡᱽ ᱜᱟᱲ। ᱵᱤᱨ ᱯᱟᱞ ᱨᱮ ᱦᱚᱯᱚᱱ ᱜᱯᱣᱨᱤ ᱱᱟᱨᱟᱭᱚᱱ ᱦᱚ ᱜᱮ- ᱯᱮ ᱥᱟᱭ ᱥᱮᱨᱢᱟ ᱨᱮ ᱥᱚᱫᱤᱭᱟ ᱨᱮ ᱜᱮ ᱨᱟᱡᱽ ᱜᱟᱲᱮ ᱛᱷᱟᱯᱚᱱ ᱞᱮᱫᱟ ᱟᱨ ᱜᱮ-ᱛᱩᱨᱩᱭ ᱥᱮᱨᱢᱟ ᱦᱟ.ᱵᱤᱡ ᱮᱱᱠᱟ ᱛᱟᱦᱮ ᱞᱮᱱᱟ। ᱥᱚᱫᱤᱭᱟ ᱫᱚ ᱵᱨᱤᱴᱤᱥ ᱨᱟᱡᱽ ᱨᱮᱱᱟᱜ ᱥᱟᱢᱟᱝ ᱵᱟᱝᱞᱟ ᱟᱨ ᱟᱥᱟᱢ ᱴᱚᱴᱷᱟ ᱛᱟᱵᱮ ᱨᱮ ᱛᱟᱦᱮ ᱠᱟᱱ ᱞᱚᱠᱷᱤᱢᱯᱩᱨ ᱦᱚᱱᱚᱛ ᱠᱚᱭᱮ- ᱥᱟᱢᱟᱝ ᱥᱤᱢᱟ.ᱱᱟ ᱨᱮᱭᱟᱜ ᱰᱮᱨᱟ ᱛᱟᱦᱮ ᱠᱟᱱᱟ । ᱜᱟᱰᱟ ᱦᱟᱱᱟ ᱯᱟᱨᱚᱢ ᱨᱮ ᱟᱥᱟᱢ- ᱵᱟᱝᱞᱟ ᱡᱚᱱᱚᱲᱟᱣ ᱞᱟ.ᱜᱤᱫ ᱢᱤᱫ ᱴᱮᱱ ᱨᱮᱞ ᱞᱟᱭᱮᱱ ᱨᱮᱭᱟᱜ ᱨᱮᱞ ᱥᱴᱮᱥᱚᱱ ᱦᱚ ᱛᱟᱦᱮ ᱠᱟᱱᱟ। ᱥᱚᱫᱤᱭᱟ ᱫᱚ ᱯᱷᱟ.ᱫᱽ ᱠᱚᱣᱟᱜ ᱜᱟᱲ ᱞᱮᱠᱟ ᱦᱚ ᱞᱟᱲᱪᱟᱲᱚᱜ ᱠᱟᱱ ᱛᱟᱦᱮᱱᱟ। ᱚᱱᱰᱮᱱᱟᱜ ᱵᱟᱡᱟᱨ ᱨᱮ ᱢᱤᱥᱤᱢᱤ, ᱟᱵᱚᱨ ᱟᱨ ᱠᱷᱟᱢᱛᱤ ᱮᱢᱟᱱ ᱵᱩᱨᱩ ᱯᱟᱨᱚᱢ ᱨᱮᱱ ᱦᱚᱲ ᱠᱚ ᱠᱟᱥᱚᱢ ᱠᱤᱪᱨᱤᱪ, ᱵᱩᱞᱩᱝ ᱟᱨ ᱫᱷᱟᱛᱚᱵᱽ ᱵᱷᱟᱡᱟᱱ ᱵᱚᱫᱚᱞ ᱛᱮ ᱨᱚᱵᱚᱲ, ᱢᱚᱢ, ᱦᱟ.ᱛᱤ ᱰᱟᱴᱟ ᱟᱨ ᱠᱚᱥᱛᱩᱨᱤ ᱮᱢᱟᱱ ᱛᱮᱭᱟᱜ ᱡᱤᱱᱤᱥ ᱠᱚ ᱟ.ᱜᱩ ᱚᱴᱚ ᱠᱟᱜ ᱠᱟᱱ ᱛᱟᱦᱮᱱᱟ।
ᱱᱟᱦᱟᱜ ᱥᱚᱫᱤᱭᱟ ᱨᱮ ᱥᱤᱧᱚᱛᱤᱭᱟ. ᱨᱮᱰ ᱠᱨᱚᱥ ᱨᱮᱭᱟᱜ ᱢᱤᱫ ᱴᱮᱱ ᱥᱮᱬᱟ ᱦᱚᱱᱚᱛ ᱢᱩᱲᱩᱛ ᱠᱟ.ᱢᱤ ᱚᱲᱟᱜ ᱢᱮᱱᱟᱜ-ᱟ।
ᱚᱛᱱᱚᱛ ᱩᱱᱩᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱫᱤᱭᱟ ᱨᱮᱭᱟᱜ ᱚᱛᱱᱚᱛ ᱴᱷᱟ.ᱭ ᱫᱚ ᱦᱩᱭᱩᱜ ᱠᱟᱱᱟ- 27°50′N 95°40′E / 27.83°N 95.67°E[᱑] ᱫᱚᱨᱭᱟ ᱥᱟᱦᱴᱟ ᱠᱷᱚᱱ ᱩᱥᱩᱞ ᱟᱢᱫᱟᱡᱽ 123 m (404 ft)।
ᱥᱚᱫᱤᱭᱟ ᱟ.ᱰᱤ ᱟᱭᱢᱟ ᱦᱚᱲ ᱜᱮ ᱫᱤᱦᱤᱝ (ᱪᱟᱝᱯᱩ,ᱥᱤᱭᱟᱝ, ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱨᱮᱭᱟᱜ ᱟᱥᱚᱞ ᱥᱚᱰᱚᱜ), ᱫᱤᱵᱟᱝ, ᱟᱨ ᱞᱚᱦᱤᱛ ᱜᱟᱰᱟ ᱡᱚᱱᱚᱲ ᱨᱮ ᱵᱨᱚᱦᱢᱚᱯᱩᱛᱨᱚᱭ ᱜᱚᱲᱦᱚᱱ ᱟᱠᱟᱫ ᱫᱷᱟ.ᱨᱛᱤ ᱨᱮᱭᱟᱜ ᱡᱚᱛᱚ ᱢᱟᱨᱟᱝ ᱚᱛ-ᱦᱟ.ᱴᱤᱧ ᱢᱮᱱ ᱛᱮ ᱠᱚ ᱵᱟᱛᱟᱣᱟ।
ᱨᱟᱡᱽᱨᱤᱭᱟ.
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱫᱤᱭᱟ ᱫᱚ ᱞᱚᱠᱷᱤᱢᱯᱩᱨ ᱞᱚᱠ ᱥᱚᱵᱷᱟ ᱛᱟᱵᱮ ᱨᱮ ᱢᱮᱱᱟᱜ-ᱟ ᱟᱨ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱑᱒᱖ ᱮᱞ ᱥᱚᱫᱤᱭᱟ ᱵᱤᱫᱷᱟᱱ ᱥᱚᱵᱷᱟ ᱥᱚᱢᱚᱥᱴᱤ।
ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱨᱮᱭᱟᱜ ᱯᱮᱭᱟ ᱢᱚᱦᱩᱠᱢᱟ ᱢᱩᱫᱽ ᱨᱮ ᱥᱚᱫᱤᱭᱟ ᱦᱚ ᱢᱤᱫ ᱴᱮᱱ ᱢᱚᱦᱩᱠᱢᱟ ᱠᱟᱱᱟ। ᱪᱚᱯᱟᱠᱷᱚᱣᱟ ᱫᱚ ᱥᱚᱫᱤᱭᱟ ᱨᱮᱭᱟᱜ ᱛᱟᱞᱢᱟ ᱴᱷᱟ.ᱭ ᱠᱟᱱᱟ᱾ [᱒]
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Falling Rain Genomics, Inc - Sadiya". Archived from the original on 2016-03-03. Retrieved 2019-08-07.
- ↑ "List of Parliamentary & Assembly Constituencies" (PDF). Assam. Election Commission of India. Archived from the original (PDF) on 2006-05-04. Retrieved 2008-10-06.