ᱥᱚᱭᱚᱫᱽ ᱟᱵᱽᱫᱩᱥ ᱥᱟᱢᱟᱫᱽ (ᱢᱟᱪᱮᱛ)
| ᱥᱟᱭᱤᱫᱽ ᱟᱵᱽᱫᱩᱥ ᱥᱟᱢᱟᱫᱽ | |
|---|---|
 ᱥᱟᱭᱤᱫᱽ ᱟᱵᱽᱫᱩᱥ ᱥᱟᱢᱟᱫᱽ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱙᱔᱒ ᱵᱟᱝᱞᱟᱫᱮᱥ |
| ᱜᱩᱨ | ᱒᱘ ᱡᱩᱞᱟᱭ ᱒᱐᱒᱑ (᱗᱙ ᱵᱚᱭᱚᱥ)
[᱑] ᱵᱚᱨᱤᱫᱟᱨᱟ, ᱰᱷᱟᱠᱟ, ᱵᱟᱝᱞᱟᱫᱮᱥ |
| ᱠᱟᱹᱢᱤ | Executive Chairman (Cabinet Minister), Board of Investment, Bangladesh |
| ᱠᱟᱹᱢᱤ ᱚᱠᱛᱚ | 1965–2021 |
ᱥᱟᱭᱤᱫᱽ ᱟᱵᱽᱫᱩᱥ ᱥᱟᱢᱟᱫᱽ (ᱡᱟᱱᱟᱢ ᱑᱙᱔᱒ - ᱒᱘ ᱡᱩᱞᱟᱭ ᱒᱐᱒᱑) ᱫᱚ ᱢᱤᱫ ᱠᱟᱹᱣᱰᱤ ᱟᱹᱨᱤ ᱥᱟᱬᱮᱥ (ᱤᱠᱚᱱᱚᱢᱤᱠᱥ) ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱵᱚᱥᱴᱚᱱ ᱥᱴᱮᱴ ᱠᱚᱞᱮᱡᱽ, ᱵᱚᱥᱴᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱥᱟᱢᱟᱝ ᱯᱮᱥᱤᱯᱷᱤᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱟᱨ ᱥᱟᱢᱟᱝ ᱠᱳᱨᱤᱭᱟ ᱨᱮᱱᱟᱜ ᱦᱟᱱᱠᱩᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱟᱪᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱥᱟᱢᱟᱫᱽ ᱫᱚ ᱢᱤᱫ ᱡᱟᱹᱛᱤᱭᱟᱹᱨᱤ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱥᱚᱨᱠᱟᱨᱤ ᱠᱟᱹᱢᱤᱭᱟᱹ, ᱮᱠᱚᱱᱚᱢᱤᱥᱴ ᱟᱨ ᱢᱟᱹᱱᱢᱤ ᱟᱹᱭᱫᱟᱹᱨᱤ ᱠᱟᱹᱢᱤᱭᱟᱹ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱵᱟᱸᱜᱽᱞᱟᱫᱮᱥ ᱨᱮ, ᱩᱱᱤ ᱫᱚ ᱮᱱᱟᱨᱡᱤ ᱟᱨ ᱢᱤᱱᱮᱨᱟᱞ ᱨᱤᱥᱳᱨᱥ ᱢᱤᱱᱤᱥᱴᱨᱤ ᱨᱮ ᱯᱟᱨᱢᱮᱱᱴᱮᱱᱴ ᱥᱮᱠᱨᱮᱴᱟᱨᱤ ᱟᱨ ᱯᱨᱟᱭᱢᱤᱭᱟᱨ ᱢᱚᱱᱛᱨᱤ ᱨᱮ ᱯᱨᱤᱱᱥᱤᱯᱟᱞ ᱥᱮᱠᱨᱮᱴᱟᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱥᱟᱢᱟᱫᱽ ᱫᱚ ᱵᱟᱝᱞᱟᱫᱮᱥ ᱵᱳᱨᱰ ᱚᱯᱷ ᱤᱱᱵᱷᱮᱥᱴᱢᱮᱱᱴ ᱨᱤᱱᱤᱡ ᱮᱠᱡᱤᱠᱩᱴᱤᱵᱽ ᱪᱮᱭᱟᱨᱢᱮᱱ ᱛᱟᱦᱮᱸ ᱠᱟᱱᱟᱭ ᱾
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱢᱟᱫᱽ ᱫᱚ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱠᱟᱹᱣᱰᱤ ᱟᱹᱨᱤ ᱥᱟᱬᱮᱥ (ᱤᱠᱚᱱᱚᱢᱤᱠᱥ) ᱨᱮ ᱟᱡᱟᱜ ᱵᱮᱪᱞᱚᱨ ᱰᱤᱜᱽᱨᱤ ᱦᱟᱛᱟᱣ ᱞᱮᱫᱼᱟ ᱾ ᱩᱱᱤ ᱫᱚ UCLA ᱨᱮ ᱯᱚᱥᱴ ᱜᱽᱨᱮᱡᱩᱣᱮᱴ ᱮ ᱯᱟᱲᱦᱟᱣ ᱞᱮᱫ-ᱟ ᱾ ᱑᱙᱗᱗ ᱥᱟᱞᱮ ᱨᱮ, ᱥᱟᱢᱟᱫᱽ ᱫᱚ ᱵᱚᱥᱴᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱠᱚᱱᱚᱢᱤᱠᱥ ᱟᱨ ᱯᱚᱞᱤᱴᱤᱠᱟᱞ ᱤᱠᱚᱱᱚᱢᱤᱠᱥ ᱨᱮ ᱢᱟᱥᱴᱚᱨ ᱰᱤᱜᱽᱨᱤ ᱟᱨ ᱑᱙᱗᱙ ᱥᱟᱞᱮ ᱨᱮ ᱰᱚᱠᱴᱚᱨᱮᱴ ᱰᱤᱜᱽᱨᱤ ᱮ ᱧᱟᱢ ᱞᱮᱫᱼᱟ ᱾
ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱰᱨ. ᱥᱟᱢᱟᱫᱽ ᱫᱚ ᱑᱙᱖᱔ ᱥᱟᱞᱮ ᱨᱮ ᱯᱟᱠᱤᱥᱛᱟᱱ ᱥᱤᱵᱤᱞ ᱥᱚᱨᱵᱷᱤᱥ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱵᱚᱝᱜᱚᱵᱚᱱᱫᱷᱩᱣᱤᱡ ᱯᱨᱟᱭᱵᱷᱮᱴ ᱥᱮᱠᱨᱮᱴᱟᱨᱤ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱡᱚᱜᱽᱫᱷᱚᱞᱟ ᱯᱷᱩᱨᱜᱟᱹᱞ ᱞᱟᱹᱰᱷᱟᱹᱭᱤᱭᱟᱹ ᱰᱨᱹ ᱥᱟᱭᱤᱫᱽ ᱟᱵᱽᱫᱩᱥ ᱥᱟᱢᱟᱫᱽ, ᱡᱟᱦᱟᱸᱭ ᱫᱚ ᱛᱟᱭᱚᱢ ᱛᱮ ᱑᱙᱙᱖-᱒᱐᱐᱑ ᱚᱠᱛᱚ ᱨᱮ ᱥᱚᱨᱠᱟᱨᱤᱡ ᱯᱨᱤᱱᱥᱤᱯᱟᱞ ᱥᱮᱠᱨᱮᱴᱟᱨᱤ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱼᱟ ᱾ ᱑᱙᱗᱑ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱰᱨᱹ ᱥᱟᱢᱟᱫᱽ ᱫᱚ ᱯᱟᱠᱤᱥᱛᱟᱱ ᱨᱤᱱᱤᱡ ᱩᱱᱚᱠᱛᱚ ᱥᱤᱵᱷᱤᱞ ᱥᱚᱨᱵᱷᱤᱥ (ᱥᱤᱹᱮᱥᱹᱯᱤ) ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱨᱚᱝᱜᱟᱢᱟᱴᱤ ᱨᱤᱱᱤᱡ ᱟᱰᱤᱥᱱᱟᱞ ᱰᱮᱯᱩᱴᱤ ᱠᱚᱢᱤᱥᱱᱚᱨ (ᱮᱹᱰᱤᱹᱥᱤ) ᱞᱮᱠᱟᱛᱮ ᱠᱟᱹᱢᱤᱠᱟᱱ ᱵᱤᱫᱟᱹᱞ ᱯᱟᱠᱤᱥᱛᱟᱱ ᱥᱟᱶ ᱥᱟᱹᱜᱟᱹᱭ ᱛᱚᱯᱟᱜ ᱠᱟᱛᱮ ᱢᱩᱡᱤᱵᱽᱱᱚᱜᱚᱨ ᱥᱚᱨᱠᱟᱨ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾
᱑᱙᱘᱐ ᱠᱷᱚᱱ ᱑᱙᱘᱒ ᱫᱷᱟᱹᱵᱤᱡ, ᱥᱟᱢᱟᱫᱽ ᱫᱚ ᱵᱟᱝᱞᱟᱫᱮᱥ ᱮᱰᱢᱤᱱᱤᱥᱴᱨᱮᱴᱤᱵᱽ ᱥᱴᱟᱯ ᱠᱚᱞᱮᱡᱽ ᱨᱮ ᱢᱟᱪᱮᱛ ᱟᱨ ᱰᱟᱭᱨᱮᱠᱴᱚᱨ ᱛᱟᱦᱮᱸ ᱠᱟᱱᱟᱭ ᱾ ᱑᱙᱘᱒ ᱠᱷᱚᱱ ᱑᱙᱘᱕ ᱫᱷᱟᱹᱵᱤᱡ, ᱩᱱᱤ ᱫᱚ ᱵᱟᱝᱞᱟᱫᱮᱥ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮᱭᱤᱡ ᱠᱟᱹᱣᱰᱤ ᱟᱹᱨᱤ ᱦᱩᱫᱤᱥ ᱮᱢᱤᱡ (Advisor) ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾[᱒] ᱛᱟᱭᱚᱢ, ᱑᱙᱘᱕ ᱠᱷᱚᱱ ᱑᱙᱙᱐ ᱫᱷᱟᱹᱵᱤᱡ, ᱩᱱᱤ ᱫᱚ ᱯᱚᱵᱽᱞᱤᱠ ᱮᱰᱢᱤᱱᱤᱥᱴᱨᱮᱥᱚᱱ ᱟᱨ ᱤᱠᱚᱱᱚᱢᱤᱠ ᱰᱮᱵᱽᱞᱚᱯᱢᱮᱸᱴ ᱴᱨᱮᱱᱤᱝ ᱮᱠᱟᱰᱮᱢᱤ ᱨᱮ ᱤᱠᱚᱱᱚᱢᱤᱠᱥ ᱨᱮᱱ ᱯᱟᱹᱴᱷᱩᱣᱟᱹ ᱠᱚᱭ ᱯᱟᱲᱦᱟᱣᱮᱫ ᱠᱚ ᱛᱟᱦᱮᱸᱫ᱾
᱑᱙᱙᱐ ᱠᱷᱚᱱ ᱑᱙᱙᱖ ᱫᱷᱟᱹᱵᱤᱡ, ᱥᱟᱢᱟᱫᱽ ᱫᱚ ᱭᱩᱱᱟᱭᱴᱮᱰ ᱱᱮᱥᱚᱱ ᱮᱥᱤᱭᱟᱱ ᱟᱨ ᱯᱮᱥᱤᱯᱷᱤᱠ ᱰᱮᱵᱷᱞᱚᱯᱢᱮᱸᱴ ᱥᱮᱱᱴᱚᱨ ᱨᱮᱱᱟᱜ ᱤᱠᱚᱱᱚᱢᱤᱠᱥ ᱟᱨ ᱤᱱᱯᱷᱚᱨᱢᱮᱥᱚᱱ ᱴᱮᱠᱱᱚᱞᱚᱡᱤ ᱯᱨᱚᱜᱽᱨᱟᱢ ᱨᱤᱱᱤᱡ ᱰᱤᱨᱮᱠᱴᱚᱨ ᱛᱟᱦᱮᱸ ᱠᱟᱱᱟᱭ ᱟᱨ ᱑᱙᱙᱒ ᱠᱷᱚᱱ ᱑᱙᱙᱗ ᱫᱷᱟᱹᱵᱤᱡ, ᱩᱱᱤ ᱫᱚ ᱮᱥᱤᱭᱟ ᱟᱨ ᱯᱟᱥᱯᱷᱤᱠ ᱨᱮᱱᱟᱜ ᱰᱮᱵᱷᱞᱚᱯᱢᱮᱸᱴ ᱨᱤᱥᱟᱨᱪ ᱟᱨ ᱴᱨᱮᱱᱤᱝ ᱤᱱᱥᱴᱤᱴᱭᱩᱴ ᱨᱮᱱᱟᱜ ᱢᱟᱞᱮᱥᱤᱭᱟ ᱪᱮᱯᱴᱟᱨ ᱨᱤᱱᱤᱡ ᱮᱠᱡᱤᱠᱩᱴᱤᱵᱷ ᱥᱮᱠᱨᱮᱴᱟᱨᱤ ᱛᱟᱦᱮᱸ ᱠᱟᱱᱟᱭ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "PM mourns former principal secretary Dr SA Samad's death". The Independence. 28 July 2021. Retrieved 28 July 2021.
- ↑ Dr. Syed Abdus Samad Archived ᱑᱘ ᱯᱷᱮᱵᱽᱨᱩᱣᱟᱨᱤ ᱒᱐᱑᱓ at the Wayback Machine. Government of Bangladesh.