ᱥᱟᱜᱟᱲ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱜᱟᱲ

ᱥᱟᱜᱟᱲ ᱫᱚ ᱵᱟᱨ ᱪᱟᱠᱟᱣᱟᱱᱟᱜ ᱜᱟᱹᱰᱤ ᱠᱟᱱᱟ ᱡᱟᱦᱟᱸ ᱫᱚ ᱰᱟᱝᱨᱟ(ᱰᱟ.ᱝᱨᱤ) ᱵᱟᱝᱠᱷᱟᱱ ᱠᱟᱰᱟ ᱠᱚ ᱚᱨᱟ ᱾ ᱟᱹᱰᱤ ᱥᱮᱫᱟᱭ ᱠᱷᱚᱱᱟᱜ ᱥᱟᱜᱟᱲ ᱫᱚ ᱟᱵᱚ ᱵᱚ ᱵᱮᱵᱷᱟᱨ ᱟᱹᱜᱩᱭᱮᱫᱟ ᱾[᱑] ᱱᱚᱶᱟ ᱫᱚ ᱢᱩᱬ ᱠᱟᱛᱮ ᱡᱤᱱᱤᱥ ᱤᱫᱤ ᱟᱹᱜᱩ ᱨᱮ ᱵᱮᱵᱷᱟᱨᱚᱜᱼᱟ ᱾[᱒] ᱥᱮᱫᱟᱭ ᱡᱩᱜᱽ ᱨᱮᱫᱚ ᱥᱟᱜᱟᱲ ᱛᱮᱜᱮ ᱵᱟᱹᱦᱩ ᱦᱚᱸᱠᱚ ᱟᱹᱜᱩᱭᱮᱫ ᱠᱚ ᱛᱟᱦᱮᱸᱫ ᱾

ᱜᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑. ᱱᱚᱶᱟ ᱨᱮᱭᱟᱜ ᱵᱟᱨᱭᱟ ᱪᱟᱠᱟ ᱢᱮᱱᱟᱜᱼᱟ ᱾ ᱵᱟᱱᱟᱨ ᱪᱟᱠᱟ ᱱᱤᱜᱷᱟᱹ ᱨᱮᱭᱟᱜ ᱵᱟᱨ ᱯᱟᱦᱴᱟ ᱨᱮ ᱞᱟᱜᱟᱣ ᱠᱚᱜᱼᱟ ᱾

᱒. ᱪᱟᱠᱟ ᱨᱮᱭᱟᱜ ᱛᱟᱞᱟ ᱵᱷᱟᱜᱽ ᱫᱚ ᱯᱟᱹᱭ ᱵᱟᱠᱷᱟᱱ ᱵᱮᱞᱩᱸᱰ ᱠᱚ ᱢᱮᱛᱟᱜᱼᱟ ᱾ ᱥᱟᱭᱠᱮᱞ ᱪᱟᱠᱟ ᱨᱮᱭᱟᱜ ᱤᱥᱯᱚᱠ ᱞᱮᱠᱟ ᱡᱟᱦᱟᱸ ᱛᱟᱦᱮᱸᱱᱟ ᱚᱱᱟ ᱫᱚ ᱟᱨᱟ ᱠᱚ ᱢᱮᱛᱟᱜᱼᱟ ᱾

᱓. ᱨᱤᱝ ᱞᱮᱠᱟ ᱡᱟᱦᱟᱸ ᱛᱟᱦᱮᱸᱱᱟ ᱚᱱᱟ ᱫᱚ ᱯᱩᱴᱷᱤᱭᱟᱹ ᱠᱚ ᱢᱮᱛᱟᱜᱼᱟ ᱾ ᱯᱩᱴᱷᱤᱭᱟᱹ ᱪᱮᱛᱟᱱ ᱨᱮᱫᱚ ᱢᱮᱬᱦᱮᱫ ᱨᱮᱭᱟᱜ ᱦᱟᱹᱞ ᱞᱟᱜᱟᱣ ᱠᱚᱜᱼᱟ ᱾

᱔. ᱥᱟᱜᱟᱲ ᱨᱮᱭᱟᱜ ᱢᱟᱬᱟᱝ ᱨᱮᱫᱚ ᱰᱟᱝᱜᱽᱨᱟ/ᱠᱟᱰᱟ ᱡᱚᱲᱟᱣ ᱵᱟᱠᱷᱨᱟ ᱟᱨᱟᱬ ᱞᱟᱜᱟᱣ ᱠᱚᱜᱼᱟ ᱾

᱕. ᱥᱮᱫᱟᱭ ᱫᱚ ᱠᱟᱴ ᱨᱮᱭᱟᱜ ᱪᱟᱠᱟ ᱟᱨ ᱠᱟᱴ ᱨᱮᱭᱟᱜ ᱱᱤᱜᱷᱟᱹ ᱠᱚ ᱵᱮᱵᱷᱟᱨ ᱛᱟᱦᱮᱸᱫ ᱾ ᱱᱮᱛᱟᱨ ᱫᱚ ᱢᱮᱬᱦᱮᱫ ᱪᱟᱠᱟ ᱟᱨ ᱢᱮᱬᱦᱮᱫ ᱱᱤᱜᱷᱟᱹ ᱠᱚ ᱵᱮᱵᱷᱟᱨ ᱮᱫᱟ ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]


ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]