ᱥᱟᱜᱽᱨᱟᱢ ᱢᱟᱹᱡᱷᱤ
| ᱥᱟᱜᱽᱨᱟᱢ ᱢᱟᱹᱡᱷᱤ | |
|---|---|
.jpg) | |
| ᱢᱩᱬ ᱧᱩᱛᱩᱢ | আবুল হাসনাত মোহাম্মদ কামারুজ্জামান |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱗ ᱢᱮ ᱑᱙᱐᱑ ᱨᱟᱡᱽᱥᱟᱦᱤ |
| ᱜᱩᱨ | ᱗ ᱥᱮᱯᱴᱮᱢᱵᱚᱨ ᱑᱙᱗᱘ ᱨᱟᱡᱽᱥᱟᱦᱤ, ᱵᱟᱝᱞᱟᱫᱮᱥ |
| ᱫᱤᱥᱚᱢᱤᱭᱟᱹ | ᱵᱟᱝᱞᱟᱫᱮᱥᱤ |
| ᱠᱟᱹᱢᱤ | ᱨᱟᱡᱟᱨᱤ, ᱤᱣᱯᱤ ᱪᱮᱭᱟᱨᱢᱮᱱ |
ᱥᱟᱜᱽᱨᱟᱢ ᱢᱟᱹᱡᱷᱤ (᱑᱗ ᱢᱮ ᱑᱙᱐᱑ - ᱗ ᱥᱮᱯᱴᱮᱢᱵᱚᱨ ᱑᱙᱗᱘) ᱵᱤᱨ ᱢᱩᱠᱛᱤᱡᱩᱫᱽᱫᱷᱚ ᱥᱟᱜᱽᱨᱟᱢ ᱦᱟᱸᱥᱫᱟ ᱚᱠᱚᱭ ᱫᱚ ᱥᱟᱜᱽᱨᱟᱢ ᱢᱟᱹᱡᱷᱤ ᱥᱮ ᱥᱟᱜᱽᱨᱟᱢ ᱢᱟᱺᱧᱡᱽᱦᱤ ᱢᱮᱱᱛᱮ ᱰᱷᱤᱨᱮ ᱩᱯᱲᱩᱢᱚᱜᱼᱟ ᱾ ᱩᱱᱤ ᱫᱚ ᱱᱟᱦᱟᱜ ᱵᱟᱝᱞᱟᱫᱤᱥᱚᱢ ᱨᱮᱱᱟᱜ ᱨᱟᱡᱽᱥᱟᱹᱦᱤ ᱡᱤᱞᱟ ᱨᱮᱱᱟᱜ ᱜᱳᱫᱟᱜᱟᱲᱤ ᱛᱷᱟᱱᱟ ᱨᱮᱱᱟᱜ ᱢᱚᱦᱟᱫᱮᱵᱽᱯᱩᱨ ᱟᱛᱚ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱚᱱᱟ ᱟᱛᱚ ᱫᱚ ᱦᱚᱲ ᱥᱮ ᱥᱟᱱᱛᱟᱞᱤ ᱛᱮ ᱫᱚ ᱢᱟᱞᱠᱚᱢᱞᱟ ᱢᱮᱱ ᱛᱮ ᱠᱚ ᱪᱤᱱᱦᱟᱹᱣᱟ ᱾ ᱵᱟᱝᱞᱟᱫᱤᱚᱢ ᱨᱮᱱ ᱯᱨᱚᱛᱷᱚᱢ ᱥᱟᱨᱛᱷᱚᱠ ᱨᱟᱡᱽᱱᱤᱛᱤᱠ ᱦᱤᱥᱮᱸᱵᱛᱮ ᱱᱟᱜᱟᱢ ᱨᱮᱱᱟᱜ ᱥᱚᱱᱟ ᱠᱷᱟᱛᱟᱨᱮ ᱩᱱᱤᱭᱟᱠ ᱧᱩᱛᱩᱢ ᱫᱚ ᱚᱞ ᱛᱟᱦᱮᱸᱱᱟ ᱾ ᱑᱙᱗᱑ ᱥᱟᱞ ᱨᱮᱭᱟᱜ ᱢᱩᱠᱛᱤᱡᱩᱫᱽᱫᱷᱚ ᱨᱮ ᱩᱱᱤᱭᱟᱜ ᱫᱚ ᱢᱟᱨᱟᱝ ᱮᱱᱮᱢ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱵᱷᱟᱨᱚᱛ ᱨᱮᱱᱟᱜ ᱥᱚᱨᱚᱱᱟᱨᱛᱷᱤ (refugee) ᱠᱮᱢᱯ ᱟᱹᱪᱩᱨ ᱟᱹᱪᱩᱨ ᱛᱮ ᱩᱱᱤ ᱫᱚ ᱥᱟᱱᱛᱟᱲ ᱠᱚ ᱥᱟᱞᱟᱫ ᱮᱴᱟᱜ ᱟᱹᱫᱤᱵᱟᱹᱥᱤ ᱡᱟᱹᱛ ᱨᱮᱱ ᱠᱚᱲᱟ ᱠᱚ ᱧᱟᱢ ᱠᱟᱛᱮᱜ ᱢᱩᱠᱛᱤᱡᱩᱫᱽᱫᱷᱚ ᱨᱮ ᱪᱟᱞᱟᱜ ᱩᱫᱜᱟᱹᱣ ᱮ ᱮᱢᱟᱫ ᱠᱚ ᱛᱟᱦᱮᱸ ᱱᱟᱭ ᱾
ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱜᱽᱨᱟᱢ ᱢᱟᱹᱡᱷᱤ ᱫᱚ ᱑᱙᱐᱑ ᱥᱮᱨᱢᱟ ᱨᱮ ᱵᱟᱝᱞᱟᱫᱤᱥᱚᱢ ᱨᱮᱭᱟᱜ ᱨᱟᱡᱽᱥᱟᱹᱦᱤ ᱦᱚᱱᱚᱛ, ᱜᱳᱫᱟᱜᱟᱲᱤ ᱛᱷᱟᱱᱟ ᱨᱮᱭᱟᱜ ᱢᱚᱦᱟᱫᱮᱵᱽᱯᱩᱨ (ᱥᱟᱱᱛᱟᱞᱤ ᱛᱮ ᱢᱟᱞᱠᱚᱢᱞᱟ) ᱟᱛᱚ ᱨᱮᱭ ᱡᱟᱱᱟᱢ ᱟᱠᱟᱱᱟ ᱾
ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱗ ᱥᱮᱯᱴᱮᱢᱵᱚᱨ ᱑᱙᱗᱙
ᱨᱟᱡᱽᱱᱤᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱩᱠᱛᱚᱯᱷᱨᱚᱱᱴ ᱱᱤᱨᱵᱟᱪᱚᱱ (Juktafront Nirbachan-1954) ː ᱯᱩᱨᱩᱵ
ᱯᱟᱠᱤᱥᱛᱟᱱ ᱠᱷᱚᱱ ᱮᱢᱹᱮᱞᱹᱮ (MLA)᱑᱙᱕᱔[᱑] ᱾
ᱤᱣᱱᱤᱭᱚᱱ ᱯᱚᱨᱤᱥᱚᱫ ᱪᱮᱭᱟᱨᱢᱮᱱ (Union Parishad Chairman-1957) ː ᱤᱣᱱᱤᱭᱚᱱ ᱯᱚᱨᱤᱥᱚᱫ ᱪᱮᱭᱟᱨᱢᱮᱱ ᱵᱟᱪᱷᱱᱟᱣ ᱞᱮᱱᱟᱭ ᱑᱙᱕᱗ ᱾
᱑᱙᱗᱑ ᱥᱟᱞ ᱨᱮ ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱴᱨᱮᱱᱟᱨ ᱟᱨ ᱯᱷᱨᱤᱰᱚᱢ ᱯᱷᱟᱭᱴᱟᱨ ᱮ ᱛᱟᱦᱮ ᱠᱟᱱᱟ ᱾
ᱥᱟᱶᱛᱟ ᱥᱮᱵᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱖᱒ ᱥᱮᱨᱢᱟ ᱨᱮᱱᱟᱜ ᱥᱟᱯᱨᱚᱫᱟᱭᱤᱠ ᱫᱟᱝᱜᱟ ᱨᱮ ᱟᱭᱢᱟ ᱟᱹᱫᱤᱵᱟᱥᱤ ᱭᱮ ᱨᱩᱠᱷᱤᱭᱟᱹ ᱟᱠᱟᱫ ᱠᱚᱣᱟ ᱾ ᱜᱳᱜᱨᱟᱢ ᱟᱛᱚ ᱨᱮ ᱦᱮᱞᱛᱷ ᱠᱚᱢᱯᱞᱮᱠᱥ ᱮ ᱵᱮᱨᱮᱫ ᱞᱮᱫᱟ ᱾
ᱥᱤᱠᱠᱷᱟᱹ ᱵᱤᱥᱛᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱟᱡᱽᱥᱟᱦᱤ ᱨᱮᱱᱟᱜ ᱜᱚᱫᱟᱜᱟᱲᱤ ᱡᱮᱞᱟ ᱨᱮᱱᱟᱜ ᱵᱚᱴᱛᱩᱞᱤ, ᱢᱚᱫᱷᱩᱢᱟᱴ ᱟᱨ ᱥᱤᱛᱚᱞᱯᱩᱨ ᱟᱛᱚ ᱨᱮ ᱯᱨᱟᱭᱢᱟᱨᱤ ᱤᱥᱠᱩᱞ ᱮ ᱵᱤᱨᱤᱫ ᱞᱮᱫᱟ ᱾ ᱑᱙᱔᱕ ᱥᱮᱨᱢᱟ ᱨᱮ ᱟᱡ ᱨᱮᱱ ᱜᱟᱛᱮ ᱠᱚ ᱥᱚᱝᱜᱮ ᱠᱟᱛᱮᱜ ᱯᱟᱱᱤᱦᱟᱨᱟ ᱯᱟᱵᱽᱞᱤᱠ ᱞᱟᱭᱵᱨᱮᱨᱤ ᱠᱚ ᱵᱤᱨᱤᱫ ᱞᱮᱫᱟ ᱾ ᱧᱮᱛᱚᱜ ᱚᱱᱟ ᱞᱟᱭᱵᱨᱮᱨᱤ ᱨᱮ ᱓᱐᱐᱐ ᱠᱷᱚᱵ ᱰᱷᱤᱨ ᱰᱚᱠᱩᱢᱮᱱᱴᱥ ᱢᱮᱱᱟᱜᱼᱟ ᱾ ᱦᱚᱲ ᱦᱚᱯᱚᱱ ᱯᱟᱲᱦᱟᱣ ᱞᱟᱦᱟ ᱟᱪᱚ ᱠᱚ ᱞᱟᱹᱜᱤᱫ ᱑᱙᱕᱖ ᱥᱟᱞ ᱨᱮ ᱨᱟᱡᱽᱥᱟᱦᱤ ᱨᱮ ᱦᱳᱥᱴᱮᱞ ᱮ ᱪᱟᱹᱞᱩ ᱞᱮᱫᱟ ᱾ ᱚᱠᱟ ᱫᱚ ᱧᱮᱛᱚᱜ ᱠᱚ ᱢᱮᱛᱟᱜ ᱠᱟᱱᱟ 'ᱥᱟᱜᱽᱨᱟᱢ ᱦᱳᱥᱴᱮᱞ' ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Tribune, Bangla. "সাগারাম মাঝি: সমতলের যে আদিবাসী মুক্তিযোদ্ধাকে সবাই ভুলে গেছে". Bangla Tribune. Archived from the original on 2023-05-17. Retrieved 2023-05-17.