ᱥᱟᱝᱜᱷᱟᱭ
ᱥᱟᱝᱦᱟᱭ ᱫᱚ ᱪᱟᱭᱱᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱥᱟᱶᱛᱮ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱠᱚ ᱥᱟᱶ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱦᱚᱸ ᱥᱮᱞᱮᱫᱚᱜ ᱠᱟᱱᱟ ᱾ ᱱᱚᱸᱰᱮ ᱒᱓,᱐᱐᱐,᱐᱐᱐ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱒᱐᱑᱐ ᱥᱟᱞᱮ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱟᱨ ᱒᱔ ᱢᱤᱞᱤᱭᱚᱱ ᱦᱚᱲ ᱠᱚ ᱥᱴᱮᱨᱮᱱᱟ ᱒᱐᱑᱗ ᱥᱟᱞᱮ ᱛᱮ ᱾[᱑][᱒] ᱾ ᱱᱚᱶᱟ ᱫᱚ ᱟᱹᱰᱤ ᱢᱟᱨᱟᱝᱟ ᱟᱨ ᱟᱹᱰᱤ ᱞᱟᱹᱠᱛᱤᱭᱟᱱ ᱟᱨ ᱢᱩᱱᱤᱥᱤᱯᱟᱞᱤᱴᱤ ᱫᱟᱨᱟᱭ ᱛᱮ ᱪᱟᱪᱞᱟᱶᱜ ᱠᱟᱱᱟ ᱵᱮᱡᱤᱝ, ᱛᱤᱭᱟᱡᱤᱱ, ᱪᱚᱝᱠᱤᱝ ᱮᱢᱟᱱ ᱱᱟᱜᱟᱨ ᱠᱚ ᱞᱮᱠᱟ ᱾ ᱱᱤᱛ ᱚᱠᱛᱚ ᱨᱮ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱜᱷᱟᱴ ᱠᱟᱱᱟ ᱾
ᱪᱷᱟᱹᱴᱭᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱝᱦᱟᱭ ᱧᱩᱛᱩᱢ ᱫᱚ ᱢᱟᱱᱰᱟᱨᱤᱱ ᱪᱟᱭᱱᱤᱡᱽ ᱟᱹᱲᱟᱹ Shàng-hǎi ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ 上海 ᱚᱞᱚᱜ ᱠᱟᱱᱟ ᱪᱟᱭᱱᱤᱡᱽ ᱪᱤᱠᱤ ᱛᱮ ᱾ ᱱᱚᱶᱟ ᱨᱮᱱᱟᱜ ᱢᱮᱱᱮᱛ ᱫᱚ "ᱥᱟᱹᱢᱩᱸᱫᱽ-ᱪᱮᱛᱟᱱ-ᱨᱮ" ᱪᱮᱫᱟᱜ ᱥᱮ ᱥᱟᱝᱦᱟᱭ ᱫᱚ ᱥᱟᱢᱟᱝ ᱪᱟᱭᱱᱟ ᱥᱟᱹᱢᱩᱸᱫᱽ ᱨᱮᱱᱟᱜ ᱯᱟᱨᱚᱢ ᱨᱮ ᱢᱮᱱᱟᱜᱼᱟ ᱾ ᱛᱮᱦᱮᱧ ᱭᱟᱝᱛᱮᱡᱽ ᱜᱟᱰᱟ ᱨᱮᱱᱟᱜ ᱡᱚᱵᱽᱨᱟ ᱯᱩᱰᱚᱝ ᱫᱚ ᱟᱹᱰᱤ ᱢᱟᱨᱟᱝ ᱟᱨ ᱰᱟᱶᱩᱱᱴᱟᱶᱩᱱ ᱥᱟᱝᱦᱟᱭ ᱫᱚ ᱥᱟᱹᱢᱩᱸᱫᱽ ᱠᱷᱚᱱ ᱥᱩᱨᱥᱩᱯᱩᱨ ᱔᱐ ᱠᱤᱞᱚᱢᱤᱴᱚᱨᱻᱮ ᱵᱮᱱᱟᱶ ᱠᱟᱫᱼᱟ ᱾ ᱱᱟᱜᱟᱨ ᱫᱚ ᱟᱹᱰᱤ ᱢᱟᱨᱟᱝᱚᱜ ᱠᱟᱱᱟ, ᱮᱱᱛᱮᱨᱮᱦᱚᱸ, ᱱᱚᱸᱰᱮᱱᱤᱡ ᱥᱚᱨᱠᱟᱨ ᱱᱤᱛᱻᱮ ᱥᱟᱢᱵᱽᱲᱟᱶᱮᱫᱼᱟ ᱮᱴᱟᱜ ᱮᱞᱟᱠᱟ ᱠᱚ ᱡᱮᱢᱚᱱ ᱯᱩᱰᱚᱝ ᱟᱨ ᱯᱷᱮᱝᱡᱤᱭᱟᱱ ᱡᱟᱦᱟᱸ ᱫᱚ ᱱᱤᱛ ᱦᱚᱸ ᱥᱟᱹᱢᱩᱸᱫᱽ ᱨᱮᱱᱟᱜ ᱥᱩᱨ ᱨᱮ ᱢᱮᱱᱟᱜᱼᱟ ᱾
ᱥᱟᱝᱜᱷᱟᱭ ᱧᱩᱛᱩᱢ ᱫᱚ ᱟᱹᱰᱤ ᱜᱷᱟᱨᱩ-ᱜᱷᱟᱹᱴᱩ ᱵᱟᱹᱱᱩᱜᱼᱟ ᱮᱴᱟᱜ ᱪᱟᱭᱱᱤᱡᱽ ᱱᱟᱜᱟᱨ ᱞᱮᱠᱟ, ᱪᱮᱫᱟᱜ ᱥᱮ ᱱᱚᱶᱟ ᱫᱚ ᱠᱮᱶᱴᱟ ᱟᱹᱛᱩ ᱛᱟᱦᱮᱸ ᱠᱟᱱᱟ ᱟᱹᱰᱤ ᱫᱤᱱ ᱦᱟᱹᱵᱤᱡ ᱾ ᱠᱷᱟᱴᱚ ᱢᱟᱪᱷᱟ ᱛᱮ ᱢᱮᱱ ᱜᱟᱱᱚᱜᱼᱟ, ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱫᱚ ᱪᱟᱭᱱᱤᱡᱽ ᱛᱮ Hù (沪) ᱜᱮ ᱢᱮᱱᱟᱜᱼᱟ ᱾ ᱦᱩ ᱫᱚ ᱢᱤᱫ ᱢᱟᱨᱮ ᱦᱟᱹᱠᱩ ᱜᱚᱡ ᱡᱤᱱᱤᱥ ᱠᱟᱱᱟ, ᱡᱟᱦᱟᱸ ᱫᱚ ᱢᱟᱫ ᱟᱨ ᱡᱟᱞᱟᱢ ᱛᱮ ᱛᱮᱭᱟᱨ ᱠᱚᱜᱼᱟ ᱾ ᱥᱟᱝᱦᱟᱭ ᱨᱤᱱ ᱥᱩᱨᱥᱩᱯᱩᱨ ᱦᱚᱲ ᱫᱚ ᱱᱚᱶᱟ ᱛᱮ ᱦᱟᱹᱠᱩ ᱟᱨ ᱠᱟᱴᱠᱚᱢ ᱠᱚ ᱥᱟᱵᱮᱫ ᱠᱚ ᱛᱟᱦᱮᱸᱫ ᱥᱩᱡᱚᱶ ᱠᱨᱤᱠ ᱟᱨ ᱮᱴᱟᱜ ᱫᱟᱜ-ᱦᱚᱨ ᱨᱮ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱝᱦᱟᱭ ᱫᱚ ᱭᱟᱝᱛᱮᱡᱽ ᱜᱟᱰᱟ ᱨᱮᱱᱟᱜ ᱢᱚᱪᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱱᱚᱶᱟ ᱫᱚ ᱪᱟᱭᱱᱟ ᱨᱮᱱᱟᱜ ᱥᱟᱢᱟᱝ ᱯᱟᱦᱴᱟ ᱥᱟᱹᱢᱩᱸᱫᱽ ᱛᱟᱞᱟᱨᱮ ᱥᱟᱢᱟᱝ ᱪᱤᱱ ᱥᱟᱹᱢᱩᱸᱫᱽ ᱨᱮ ᱢᱮᱥᱟᱜ ᱠᱟᱱᱟ ᱾ ᱰᱟᱶᱩᱱᱴᱟᱶᱩᱱ ᱥᱟᱝᱦᱟᱭ ᱫᱚ ᱱᱟᱥᱮ ᱠᱚᱧᱮ ᱥᱮᱦᱮᱫ ᱨᱮ ᱢᱮᱱᱟᱜᱼᱟ, ᱡᱟᱦᱟᱸᱨᱮ ᱥᱩᱡᱷᱚᱶ ᱠᱨᱤᱠ ᱦᱩᱶᱟᱝᱯᱩ ᱜᱟᱰᱟ ᱥᱟᱶ ᱢᱮᱥᱟ ᱟᱠᱟᱱᱟ ᱾ ᱱᱚᱶᱟ ᱫᱚ ᱒᱐ ᱠᱤᱞᱚᱢᱤᱴᱚᱨ ᱜᱟᱱ ᱠᱚᱧᱮ ᱦᱩᱭᱩᱜᱼᱟ ᱡᱟᱦᱟᱸ ᱨᱮ ᱦᱩᱶᱟᱝᱯᱩ ᱫᱚ ᱭᱟᱝᱛᱮᱡᱽ ᱜᱟᱰᱟ ᱥᱟᱶ ᱢᱮᱥᱟ ᱦᱟᱠᱟᱱᱟ ᱾ ᱰᱟᱶᱩᱱᱴᱟᱶᱩᱱ ᱟᱨ ᱭᱟᱝᱛᱮᱡᱽ ᱛᱟᱞᱟᱨᱮ ᱫᱚ ᱪᱟᱥ-ᱵᱟᱥ ᱦᱩᱭᱩᱜ ᱠᱟᱱᱟ ᱟᱨ ᱮᱴᱟᱜ ᱱᱟᱜᱟᱨ ᱠᱚ ᱡᱮᱢᱚᱱ ᱶᱩᱥᱚᱝ ᱟᱨ ᱵᱟᱶᱥᱟᱝ ᱫᱚ ᱱᱤᱛ ᱥᱟᱝᱦᱟᱭ ᱨᱮ ᱢᱮᱥᱟᱭᱮᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱟᱭᱱᱟ ᱨᱮᱱᱟᱜ ᱱᱟᱜᱟᱢ ᱞᱮᱠᱟᱛᱮ, ᱥᱟᱝᱦᱟᱭ ᱫᱚ ᱦᱩᱰᱤᱧ ᱠᱮᱶᱴᱟ ᱟᱹᱛᱩ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱥᱩᱨ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱠᱚ ᱫᱚ ᱥᱩᱡᱚᱶᱩ ᱟᱨ ᱦᱟᱝᱡᱚᱶᱩ ᱾ ᱢᱤᱝ ᱟᱨ ᱠᱶᱤᱝ ᱥᱟᱶ ᱥᱟᱝᱦᱟᱭ ᱨᱮᱱᱟᱜ ᱢᱤᱫ ᱢᱟᱨᱟᱝ ᱠᱟᱸᱛ ᱛᱟᱦᱮᱸ ᱠᱟᱱᱟ ᱟᱨ ᱞᱟᱦᱟᱜ ᱠᱟᱱ ᱛᱟᱦᱮᱸᱫ ᱾ ᱢᱤᱝ ᱟᱨ ᱠᱶᱤᱝ ᱥᱟᱶᱛᱮ ᱪᱟᱭᱱᱟ ᱨᱮᱱᱟᱜ ᱜᱩᱶᱟᱝᱡᱚᱶᱩ ᱟᱭᱤᱞᱮᱸᱰ ᱨᱮ ᱦᱚᱲ ᱠᱚ ᱠᱤᱨᱤᱧ ᱟᱹᱠᱷᱨᱤᱧ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱵᱨᱤᱴᱤᱥ ᱠᱚ ᱥᱤᱧᱚᱛᱤᱭᱟᱹ ᱨᱟᱱ ᱟᱹᱠᱷᱨᱤᱧ ᱠᱚ ᱮᱦᱚᱵ ᱞᱮᱫ ᱛᱟᱦᱮᱸᱫ ᱟᱨ ᱚᱸᱰᱮ ᱠᱷᱚᱱ ᱪᱟ ᱟᱨ ᱮᱴᱟᱜ ᱡᱤᱱᱤᱥ ᱠᱚ ᱠᱤᱨᱤᱧᱮᱫ ᱛᱟᱦᱮᱸᱫ ᱪᱟᱭᱱᱟ ᱠᱷᱚᱱᱟᱜ ᱾ ᱑᱘᱔᱐ ᱥᱟᱞᱮᱨᱮ ᱪᱟᱭᱱᱟ ᱵᱨᱤᱴᱤᱥ ᱠᱚ ᱫᱟᱨᱟᱢ ᱞᱟᱹᱜᱤᱫᱻᱮ ᱨᱤᱠᱟᱹ ᱞᱮᱫ ᱛᱟᱦᱮᱸᱫ ᱟᱨ ᱵᱨᱤᱴᱤᱥ ᱠᱚ ᱛᱩᱯᱩᱫ ᱠᱚ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Official Website[permanent dead link]
- ShanghaiEye, an English News website of SMG
- WikiSatellite view of Shanghai at WikiMapia
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ cite web |url = http://www.geohive.com/earth/cy_notagg.aspx |title = Cities: largest (without surrounding suburban areas) |publisher = Geohive |accessdate = 13 September 2011 |deadurl = yes |archiveurl = https://web.archive.org/web/20161205222859/http://www.geohive.com/earth/cy_notagg.aspx |archivedate = 5 December 2016 |df = dmy-all
- ↑ cite web |url = http://www.stats-sh.gov.cn/sjfb/201502/277392.html |trans-title = Shanghai Economic and Social Development Statistical Bulletin 2014 |script-title = zh:2014年上海市国民经济和社会发展统计公报 |publisher = Shanghai Bureau of Statistics |language = Chinese |date = 2015-02-28 |accessdate = 2015-05-01 |deadurl = yes |archiveurl = https://web.archive.org/web/20150309200433/http://www.stats-sh.gov.cn/sjfb/201502/277392.html |archivedate = 9 March 2015 |df = dmy-all