ᱥᱟᱞᱮᱢ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱟᱞᱮᱢ ᱦᱚᱱᱚᱛ
சேலம் மாவட்டம்
ᱛᱟᱢᱤᱞᱱᱟᱰᱩ ᱨᱮᱱᱟᱜ ᱦᱚᱱᱚᱛ
Salem Seelanaickenpati.jpg
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱛᱟᱢᱤᱞᱱᱟᱰᱩ
(ᱠᱷᱚᱸᱰ) (ᱠᱷᱚᱸᱰ)
ᱦᱮᱰᱠᱩᱣᱟᱴᱚᱨ ᱥᱟᱞᱮᱢ
ᱮᱨᱤᱭᱟ
 • ᱜᱩᱴ 5245 ᱠᱤᱢᱤ (2025 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱜᱩᱴ ᱓,᱔᱘᱒,᱐᱕᱖
 • ᱰᱮᱱᱥᱤᱴᱤ 660/ᱠᱤᱢᱤ2 (1700/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞ
 • ᱥᱤᱠᱷᱱᱟᱹᱛ ᱫᱚᱨ ᱗᱒,᱘᱖%
 • ᱡᱟᱱᱟᱝ ᱡᱟᱹᱱᱤ ᱙᱕᱔
IST (ᱭᱩᱴᱤᱥᱤ+05:30)
ᱣᱮᱵᱽᱥᱟᱭᱤᱴ salem.nic.in

ᱥᱟᱞᱮᱢ ᱦᱚᱱᱚᱛ (ᱤᱝᱨᱟᱹᱡᱤᱺ Salem District) ᱫᱚ ᱮᱛᱚᱢ ᱥᱤᱧᱚᱛ ᱨᱮ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱥᱟᱞᱮᱢ ᱦᱚᱱᱚᱛ ᱫᱚ ᱛᱟᱢᱤᱞᱱᱟᱰᱩ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱩᱛᱟᱹᱨ ᱦᱚᱱᱚᱛ ᱛᱟᱦᱮᱸ ᱠᱟᱱᱟ, ᱛᱤᱱ ᱦᱟᱹᱵᱤᱡ ᱫᱷᱟᱨᱢᱟ ᱯᱩᱨᱤ ᱦᱚᱱᱚᱛ ᱟᱹᱣᱨᱤ ᱜᱮᱫ ᱵᱮᱜᱟᱨ ᱾ ᱱᱤᱛᱚᱜ ᱱᱤᱭᱟᱹ ᱦᱚᱱᱚᱛ ᱫᱚ ᱫᱷᱟᱨᱢᱟ ᱯᱩᱨᱤ, ᱠᱨᱤᱥᱱᱟ ᱜᱤᱨᱤ, ᱱᱟᱢᱟᱠᱠᱟᱞ ᱮᱢᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱦᱚᱱᱚᱛ ᱠᱚ ᱛᱮᱭᱟᱨ ᱟᱠᱟᱫᱟ ᱾ ᱥᱟᱞᱮᱱ ᱱᱟᱝᱜᱽᱨᱟᱦᱟ ᱜᱮ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱫᱚ ᱵᱷᱟᱹᱴᱤᱭᱟᱹ ᱴᱷᱟᱺᱭ ᱫᱚ ᱠᱟᱱᱟ, ᱥᱟᱞᱮᱢ ᱱᱝᱜᱽᱨᱟᱦᱟ ᱵᱮᱜᱚᱨ ᱱᱤᱭᱟᱹ ᱦᱚᱱᱚᱛ ᱨᱮ ᱟᱨᱷᱚ ᱟᱭᱢᱟ ᱱᱟᱝᱜᱽᱨᱟᱦᱟ ᱠᱚ ᱢᱮᱱᱟᱜ ᱟᱠᱟᱫᱟ, ᱚᱱᱟᱠᱚ ᱫᱚ ᱦᱩᱭᱩᱜ ᱠᱟᱱᱟ ᱢᱮᱴᱴᱩᱨ, ᱛᱷᱟᱢ ᱢᱟᱢ ᱯᱟᱴᱴᱤ, ᱟᱴᱴᱩᱨ,ᱚᱢᱟᱞᱩᱨ, ᱥᱟᱝᱠᱟ ᱜᱤᱨᱤ, ᱮᱲᱟ ᱯᱟᱰᱰᱤ ᱮᱢᱟᱱ ᱾ ᱥᱟᱞᱮᱢ ᱨᱮ ᱵᱟᱨ ᱜᱮᱥᱟᱭ ᱥᱮᱨᱢᱟ ᱢᱟᱲᱟᱝ ᱨᱮᱭᱟᱜ ᱱᱟᱜᱟᱢ ᱰᱩᱱᱰᱦᱟᱹᱣ ᱧᱟᱢ ᱟᱠᱟᱱᱟ,ᱢᱤᱫ ᱨᱩᱯᱟᱹ ᱨᱮᱭᱟᱜ ᱥᱤᱠᱠᱟᱹ ᱚᱠᱟ ᱫᱚ ᱨᱚᱢᱟᱱ ᱠᱟᱹᱭᱥᱟᱹᱨ ᱛᱤᱵᱟᱨᱤᱥᱮᱥ ᱠᱞᱟᱣᱰᱤᱥᱮᱥ ᱱᱮᱨᱚ (᱓᱗-᱖᱘ ᱢᱟᱹᱥᱤ ᱢᱟᱲᱟᱝ) ᱟᱜ ᱠᱟᱱ, ᱱᱤᱭᱟᱹ ᱱᱟᱜᱟᱢᱤᱭᱟᱹ ᱥᱚᱢᱚᱞ ᱫᱚ ᱑᱙᱘᱗ ᱥᱮᱨᱢᱟ ᱨᱮ ᱥᱟᱞᱮᱢ ᱨᱮᱭᱟᱜ ᱠᱚᱱᱮᱨᱤᱭᱟᱯᱟᱴᱴᱤ ᱾ ᱱᱤᱭᱟᱹ ᱡᱟᱭᱜᱟ ᱫᱚ ᱥᱟᱝᱜᱟᱢ ᱡᱩᱜᱽ ᱨᱮᱱ ᱢᱟᱡᱷᱟᱣᱟᱨ ᱨᱟᱡᱟ ᱟᱫᱷᱤᱭᱟᱢᱟᱱ ᱟᱨ ᱣᱟᱞᱟᱣᱤ ᱚᱨᱤ ᱦᱚᱛᱮ ᱛᱮ ᱥᱟᱥᱚᱱ ᱞᱮᱱᱟ ᱾ ᱱᱤᱭᱟᱹ ᱡᱟᱭᱜᱟ ᱫᱚ ᱠᱚᱝᱜᱩ ᱱᱟᱰᱩ ᱟᱨ ᱢᱟᱡᱦᱟ ᱱᱟᱰᱩ ᱨᱮᱭᱟᱜ ᱦᱤᱸᱥ ᱠᱟᱱᱟ, ᱢᱤᱫ ᱢᱟᱨᱟᱝ ᱴᱚᱴᱷᱟ ᱚᱠᱟ ᱫᱚ ᱢᱟᱹᱥᱤ ᱢᱟᱲᱟᱝ ᱒ ᱜᱟᱭ ᱥᱮᱨᱢᱟ ᱢᱟᱲᱟᱝ ᱛᱟᱦᱮᱸ ᱠᱟᱱ ᱾ ᱥᱟᱞᱮᱢ ᱫᱚ ᱛᱟᱢᱤᱞ ᱱᱟᱰᱩ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱦᱚᱱᱚᱛ ᱛᱟᱦᱮ ᱠᱟᱱᱟ ᱾ ᱱᱤᱭᱟᱹ ᱫᱚ ᱑᱙᱖᱕ ᱥᱮᱨᱢᱟ ᱨᱮ ᱫᱷᱟᱨᱢᱟ ᱯᱩᱨᱤ ᱦᱚᱱᱚᱛ ᱨᱮ ᱠᱚ ᱜᱮᱫ ᱵᱮᱜᱟᱨ ᱠᱮᱫᱟ, ᱑᱙᱙᱗ ᱥᱮᱨᱢᱟ ᱨᱮ ᱢᱟᱱᱟᱠᱠᱟᱞ ᱦᱚᱱᱚᱛ ᱨᱮ ᱠᱚ ᱜᱮᱫ ᱵᱮᱜᱟᱨ ᱠᱮᱫᱟ ᱾

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ, ᱥᱟᱞᱮᱢ ᱦᱚᱱᱚᱛ ᱨᱮ ᱓,᱔᱘᱒,᱐᱕᱖ ᱡᱚᱱᱟ ᱛᱟᱦᱮᱸ ᱠᱟᱱᱟ, ᱢᱤᱫ ᱜᱮ-ᱥᱟᱭ ᱦᱮᱨᱮᱞ ᱦᱚᱯᱚᱱ ᱵᱚᱫᱚᱞ ᱛᱮ ᱢᱟᱭᱡᱤᱣ ᱠᱚᱣᱟᱜ ᱞᱮᱠᱷᱟ ᱫᱚ ᱙᱕᱔ ᱡᱚᱱᱟ ᱠᱚ ᱛᱟᱸᱦᱮᱸ ᱠᱟᱱᱟ, ᱚᱠᱟ ᱫᱚ ᱡᱟᱹᱡᱟᱹᱛᱨᱤᱭᱟᱹ ᱫᱚᱨ ᱙᱒᱙ ᱠᱷᱚᱱ ᱫᱚ ᱪᱮᱛᱟᱱ ᱜᱮ ᱾ ᱞᱮᱠᱷᱟ ᱜᱩᱴ ᱨᱮ ᱓᱔᱔,᱙᱖᱐ ᱫᱚ ᱛᱩᱨᱩᱭ ᱥᱮᱨᱢᱟ ᱠᱷᱳᱱ ᱠᱚ ᱞᱟᱛᱟᱨ ᱜᱮᱭᱟ, ᱚᱱᱠᱚ ᱢᱩᱫᱽ ᱨᱮ ᱑᱘᱐,᱐᱐᱒ ᱫᱚ ᱠᱚᱲᱟ ᱦᱚᱯᱚᱱ ᱟᱨ ᱑᱖᱔,᱙᱕᱘ ᱫᱚ ᱠᱩᱲᱤ ᱦᱚᱯᱚᱱ ᱠᱚ ᱛᱟᱦᱮᱸ ᱠᱟᱱᱟ ᱾ ᱧᱩᱢ ᱵᱮᱜᱟᱨ ᱡᱟᱹᱛ ᱟᱨ ᱧᱩᱢ ᱵᱮᱨ ᱡᱚᱱᱚ ᱡᱟᱹᱛᱤ ᱠᱚᱣᱟᱜ ᱞᱮᱠᱷᱟ ᱫᱚ ᱱᱚᱝᱠᱟ ᱞᱮᱠᱟ ᱛᱟᱸᱦᱮᱸ ᱠᱟᱱᱟ ᱑᱖ᱹ᱖᱗% ᱟᱨ ᱓ᱹ᱓᱔% ᱦᱤᱸᱥ ᱾ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱥᱮᱪᱮᱫ ᱫᱚᱨ ᱫᱚ ᱛᱟᱸᱦᱮᱸ ᱠᱟᱱᱟ ᱗᱒ᱹ᱘᱖%, ᱚᱠᱟ ᱫᱚ ᱡᱟᱹᱡᱟᱹᱛᱨᱤ ᱫᱷᱟᱯ ᱨᱮᱭᱟᱜ ᱵᱟᱨᱟ ᱵᱟᱹᱨᱤ ᱜᱮ ᱗᱒ᱹ᱙᱙% ᱦᱤᱸᱥ ᱾

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱞᱮᱢ ᱦᱚᱱᱚᱛ ᱨᱮ ᱟᱹᱰᱤ ᱟᱭᱢᱟ ᱥᱮᱪᱮᱫ ᱟᱠᱷᱲᱟ ᱠᱚ ᱢᱮᱱᱟᱜ ᱠᱟᱫᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱡᱮᱞᱮᱠᱟ ᱥᱚᱨᱠᱟᱨᱤ ᱥᱠᱩᱞ- ᱥᱚᱨᱠᱟᱨᱤ ᱥᱠᱩᱞ, ᱥᱚᱱᱟ ᱠᱚᱞᱮᱡᱽ ᱚᱯᱷ ᱴᱤᱠᱱᱚᱞᱚᱡᱤ, ᱤᱱᱰᱤᱭᱟᱱ ᱤᱥᱴᱤᱴᱤᱣᱩᱰ ᱚᱯᱷ ᱦᱮᱱᱰ ᱞᱩᱢ ᱴᱮᱠᱱᱚᱞᱚᱡᱤ, ᱥᱚᱨᱠᱟᱨᱤ ᱯᱚᱞᱤᱴᱮᱠᱱᱤᱠᱝ ᱠᱚᱞᱮᱡᱽ, ᱥᱮᱱᱴᱨᱟᱞ ᱞᱚ ᱠᱚᱞᱮᱡᱽ, ᱢᱚᱦᱟᱱ ᱠᱩᱢᱟᱨ ᱢᱟᱝᱜᱟᱞᱟᱢ ᱠᱚᱞᱮᱡᱽ ᱮᱢᱟᱱ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]