ᱥᱟᱠᱨᱟᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱥᱟᱠᱨᱟᱛ ᱟᱨᱵᱟᱝ ᱢᱚᱠᱚᱨ ᱥᱚᱝᱠᱨᱟᱱᱛᱤ ᱫᱚ ᱦᱤᱸᱫᱩ ᱠᱮᱞᱮᱱᱰᱚᱨ ᱨᱮᱭᱟᱜ ᱯᱟᱨᱟᱵᱽ ᱠᱟᱱᱟ, ᱡᱟᱦᱟᱸᱫᱚ ᱥᱤᱧ ᱵᱚᱝᱜᱟ ᱧᱩᱛᱩᱢ ᱛᱮ ᱟᱞᱟᱭ ᱟᱠᱟᱱᱟ ᱾ ᱱᱚᱶᱟᱫᱚ ᱵᱩᱪᱷᱨᱤᱜᱮ ᱡᱟᱱᱩᱣᱟᱨᱤ ᱪᱟᱸᱫᱚᱨᱮ ᱢᱟᱱᱟᱣᱜ ᱟ ᱾ ᱥᱤᱧ ᱵᱚᱝᱜᱟ ᱢᱚᱠᱚᱨ ᱠᱨᱟᱱᱛᱤᱛᱮ ᱥᱚᱱᱚᱜ ᱠᱟᱱ ᱨᱮᱭᱟᱜ ᱱᱚᱶᱟᱫᱚ ᱮᱛᱚᱦᱚᱵ ᱫᱤᱱ ᱠᱟᱱᱟ, ᱥᱟᱶᱛᱮ ᱨᱟᱵᱟᱝ ᱪᱟᱸᱫᱚ ᱢᱩᱪᱟᱹᱫᱚᱜ ᱠᱟᱱ ᱨᱮᱭᱟᱜ ᱟᱨ ᱮᱴᱟᱜ ᱫᱩᱣᱟᱹᱨ ᱟᱨᱵᱟᱝᱢᱟ ᱚᱭᱚᱱᱛᱮ ᱵᱚᱞᱚ ᱠᱟᱛᱮ ᱫᱤᱱ ᱢᱟᱨᱟᱝᱚᱜ ᱮ ᱮᱦᱚᱵᱚᱜᱼᱟ ᱾

ᱯᱟᱨᱟᱵᱚᱜ ᱨᱮᱭᱟᱜ ᱢᱟᱦᱟ ᱢᱟ.ᱦᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱠᱨᱟᱛ ᱫᱚ ᱥᱟᱱᱛᱟᱲᱟᱜ ᱟᱹᱰᱤ ᱢᱟᱨᱮ ᱯᱟᱨᱟᱵᱽ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ, ᱡᱟᱦᱟᱸ ᱥᱤᱧ ᱪᱟᱸᱫᱚᱣᱟᱜ ᱟᱹᱪᱩᱨᱚᱜ ᱪᱟᱸᱠ ᱞᱮᱠᱟᱛᱮ ᱦᱩᱭᱩᱜ ᱠᱟᱱᱟ,ᱤᱠᱷᱟᱹᱱ ᱵᱤᱥᱛᱤ ᱯᱟᱨᱟᱵᱽ ᱫᱚ ᱦᱤᱸᱫᱩ ᱠᱮᱞᱮᱱᱰᱚᱨ ᱞᱮᱠᱟᱛᱮᱧᱤᱫᱟᱹ ᱪᱟᱸᱫᱚ ᱪᱟᱸᱠ ᱯᱟᱸᱡᱟ ᱠᱟᱛᱮ ᱢᱟᱱᱟᱣᱜ ᱠᱟᱱᱟ ᱾ ᱥᱤᱧ ᱪᱟᱸᱫᱚᱣᱟᱜ ᱪᱟᱸᱠ ᱯᱟᱸᱡᱟ ᱠᱟᱛᱮ ᱯᱟᱨᱟᱵᱽ ᱢᱟᱱᱟᱣᱜ ᱠᱟᱱᱛᱮ ᱱᱚᱶᱟᱫᱚ ᱵᱩᱪᱷᱨᱤᱜᱮ ᱜᱨᱮᱜᱚᱨᱤᱭᱟᱱ ᱠᱮᱞᱮᱱᱰᱚᱨ ᱞᱮᱠᱟᱛᱮ ᱡᱟᱱᱩᱣᱟᱨᱤ ᱑᱔ᱨᱮ ᱯᱟᱲᱟᱣᱜ ᱠᱟᱱᱟ,ᱛᱚᱵᱮ ᱚᱠᱟ ᱚᱠᱟ ᱥᱮᱨᱢᱟ ᱫᱚ ᱢᱟᱺᱦᱤᱛ ᱵᱟᱹᱲᱛᱤᱜ ᱞᱮᱠᱟᱛᱮ ᱢᱤᱫ ᱫᱤᱱ ᱛᱟᱭᱚᱢᱚᱜ ᱟ ᱾ᱱᱚᱶᱟ ᱯᱟᱨᱟᱵᱽ ᱫᱚ ᱢᱚᱠᱚᱨ ᱥᱚᱝᱠᱨᱟᱱᱛᱤ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱱ ᱨᱮᱦᱚᱸ ᱟᱹᱰᱤᱞᱮᱠᱟ ᱧᱩᱛᱩᱢ ᱟᱠᱟᱱᱟ, ᱡᱮᱢᱚᱱ ᱢᱟᱜᱷᱤ, ᱡᱟᱦᱟᱸ ᱥᱤᱠᱷ ᱞᱳᱦᱨᱤ ᱢᱟᱬᱟᱝᱛᱮ ᱦᱤᱡᱩᱜ ᱟ ,ᱩᱛᱚᱨ ᱵᱷᱟᱨᱚᱛ ᱨᱤᱱ ᱦᱤᱸᱫᱩ ᱟᱨ , ᱢᱚᱦᱟᱨᱟᱥᱴᱨᱚᱨᱮ ᱢᱚᱠᱚᱨ ᱥᱚᱝᱠᱨᱟᱱᱛᱤ(ᱯᱮᱰᱟ ᱯᱚᱱᱰᱚᱜᱟ, ᱜᱳᱣᱟ, ᱟᱸᱫᱷᱨᱚᱯᱨᱚᱫᱮᱥ, ᱯᱩᱪᱷᱤᱢ ᱵᱟᱝᱞᱟ(ᱯᱚᱩᱥᱚ ᱥᱚᱸᱱᱜᱷᱨᱟᱱᱛᱤ ᱦᱚᱸᱠᱚ ᱢᱮᱱᱟ), ᱠᱚᱨᱱᱟᱴᱚᱠ ᱟᱨ ᱛᱮᱞᱮᱱᱜᱟᱱᱟ, ᱢᱚᱡᱷᱟᱞ ᱥᱤᱧᱚᱛᱨᱮ ᱥᱩᱠᱟᱨᱟᱛ, ᱟᱥᱟᱢᱨᱮ ᱢᱟᱜᱷ ᱵᱤᱦᱩ, ᱟᱨ ᱛᱟᱢᱤᱞ ᱠᱚᱫᱚ ᱛᱷᱟᱭᱤ ᱯᱳᱱᱜᱚᱞ ᱦᱚᱸᱠᱚ ᱢᱮᱛᱟᱜ ᱟ ᱾

ᱥᱟᱠᱨᱟᱛ ᱫᱚ ᱨᱚᱝᱵᱮᱨᱚᱝ ᱥᱟᱡᱽ, ᱜᱤᱫᱨᱟᱹ ᱠᱚᱣᱟᱜ ᱚᱲᱟᱜ ᱚᱲᱟᱜ ᱦᱤᱨᱤ,ᱥᱮᱨᱮᱧ ᱟᱨ ᱠᱚᱭ, ᱯᱟᱛᱟ, ᱮᱱᱮᱡ, ᱜᱩᱰᱤ ᱩᱰᱟᱹᱣ, ᱥᱮᱸᱜᱮᱞ ᱡᱩᱞ ᱟᱨ ᱡᱚᱢᱧᱩ ᱠᱟᱛᱮ ᱥᱟᱶᱛᱟᱨᱤ ᱯᱟᱨᱟᱵᱽ ᱞᱮᱠᱟᱛᱮ ᱢᱟᱱᱟᱣᱜ ᱟ ᱾ᱢᱟᱜᱷ ᱯᱟᱛᱟ,ᱰᱟᱭᱱᱟ ᱮᱞᱹᱮᱠ(ᱥᱤᱧᱚᱛ ᱵᱤᱨᱫᱟᱹ ᱪᱮᱛᱟᱱᱨᱮ ᱯᱟᱹᱨᱩᱠᱤᱭᱟᱹ ᱦᱟᱠᱟᱱ ᱦᱟᱨᱵᱷᱟᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱ ᱯᱨᱚᱯᱷᱮᱥᱚᱨ)ᱞᱟᱹᱭ ᱟᱠᱟᱫ ᱞᱮᱠᱟᱛᱮ ᱦᱤᱸᱫᱩ ᱢᱚᱦᱟᱠᱟᱵᱭᱚ ᱢᱚᱦᱟᱵᱷᱟᱨᱚᱛᱨᱮ ᱚᱞ ᱟᱠᱟᱱᱟ ᱾ ᱱᱚᱶᱟ ᱫᱤᱱᱨᱮ ᱵᱤᱥᱛᱤ ᱢᱟᱱᱟᱣ ᱦᱚᱲ ᱯᱩᱱᱟᱺᱭ ᱜᱟᱰᱟ ᱟᱨ ᱫᱟᱨᱦᱟ ᱥᱮᱱ ᱠᱟᱛᱮ ᱥᱤᱧ ᱵᱚᱝᱜᱟ ᱠᱚ ᱥᱟᱨᱦᱟᱣ ᱮᱭᱟ ᱟᱨᱠᱚ ᱩᱢ ᱟ ᱾ ᱜᱮᱞᱵᱟᱨ ᱥᱮᱨᱢᱟᱨᱮ ᱢᱤᱫ ᱫᱷᱟᱣᱫᱚ ᱦᱤᱸᱫᱩᱠᱚ ᱵᱷᱮᱜᱟᱨ ᱞᱮᱠᱟᱛᱮ ᱥᱟᱠᱨᱟᱛ ᱠᱚ ᱢᱟᱱᱟᱶᱟ, ᱔᱐᱐ ᱠᱷᱚᱱ ᱑᱐᱐᱐ ᱞᱟᱠᱷ ᱦᱚᱲ ᱯᱩᱱᱟᱺᱭ ᱛᱷᱟᱱ ᱛᱤᱨᱛᱷᱚ ᱠᱚ ᱥᱮᱱᱚᱜ ᱟ ᱾ᱥᱟᱠᱨᱟᱛ ᱡᱚᱦᱚᱜ ᱜᱮ ᱠᱩᱢᱵᱷᱚ ᱢᱮᱲᱟ ᱚᱠᱛᱚᱨᱮ ᱥᱤᱧ ᱵᱚᱝᱜᱟ ᱱᱮᱦᱚᱨ ᱠᱟᱛᱮ ᱯᱮᱯᱮᱭᱟ ᱜᱟᱰᱟ ᱫᱩᱞ ᱢᱤᱫ ᱟᱠᱟᱱ ᱯᱨᱚᱭᱟᱜᱽ ᱨᱮ ᱜᱚᱝᱜᱟ ᱟᱨ ᱡᱚᱢᱩᱱᱟ ᱜᱟᱰᱟᱨᱮᱠᱚ ᱛᱩᱯᱩᱱᱟ ᱾ ᱟᱫᱤ ᱥᱚᱝᱠᱚᱨᱟᱪᱟᱨᱡᱭᱚ ᱞᱮᱠᱟᱱ ᱦᱤᱸᱫᱩ ᱫᱦᱚᱨᱢᱚ ᱨᱤᱱ ᱯᱷᱮᱰᱟᱛ ᱦᱚᱲᱦᱚᱸ ᱱᱚᱶᱟ ᱫᱚᱠᱚ ᱥᱟᱹᱠᱤ ᱥᱚᱵᱷᱟᱭᱟ ᱾ ᱢᱟᱺᱦᱤᱛ ᱨᱟᱵᱟᱝ ᱵᱚᱦᱚᱨ ᱢᱩᱪᱟᱹᱫ

ᱥᱟᱠᱨᱟᱛ ᱫᱚ ᱦᱤᱸᱫᱩ ᱠᱚᱣᱟᱜ ᱥᱤᱧ ᱪᱟᱸᱫᱚ ᱪᱟᱸᱠ ᱞᱮᱠᱟᱛᱮ ᱴᱷᱟᱹᱣᱠᱟᱹᱜ ᱟ,ᱟᱨ ᱜᱨᱮᱜᱟᱨᱤᱭᱟᱱ ᱠᱮᱞᱮᱱᱰᱚᱨ ᱨᱮᱭᱟᱜ ᱑᱔ ᱡᱟᱱᱩᱣᱟᱨᱤ ᱨᱮ ᱯᱟᱲᱟᱣᱜ ᱟ, ᱢᱮᱱᱠᱷᱟᱱ ᱢᱤᱢᱤᱫ ᱫᱷᱟᱣ ᱫᱚ ᱡᱟᱱᱩᱣᱟᱨᱤ ᱑᱕ ᱨᱮ ᱢᱟᱱᱟᱣᱜ ᱟ ᱾ ᱥᱮᱬᱟ ᱫᱤᱱ ᱥᱮᱴᱮᱨᱚᱜ ᱨᱮᱭᱟᱜ ᱱᱚᱶᱟᱫᱚᱭ ᱞᱟᱹᱭ ᱟ ᱾ ᱥᱟᱠᱨᱟᱛ ᱫᱚ ᱦᱤᱸᱫᱩ ᱠᱮᱞᱮᱱᱰᱚᱨ ᱨᱮᱭᱟᱜ ᱢᱚᱠᱚᱨ ᱪᱟᱸᱫᱚᱨᱮ ᱯᱟᱲᱟᱣᱜ ᱟ, ᱟᱨ ᱧᱤᱫᱟᱹ ᱪᱟᱸᱫᱚ ᱞᱮᱠᱷᱟ ᱞᱮᱠᱟᱛᱮ ᱢᱟᱜᱷ(ᱚᱱᱟᱛᱮᱜᱮ ᱚᱠᱟᱨᱮ ᱚᱠᱟᱨᱮᱫᱚ ᱢᱟᱜᱷ ᱥᱚᱱᱠᱨᱟᱱᱛᱤ ᱟᱨᱵᱟᱝᱢᱟ ᱢᱟᱜᱷ ᱯᱟᱨᱟᱵᱽ ᱦᱚᱸᱠᱚ ᱢᱮᱛᱟᱜ ᱟ ᱾ ᱥᱤᱧᱚᱛ ᱨᱮ ᱨᱟᱵᱟᱝ ᱪᱟᱵᱟᱜ ᱨᱮᱭᱟᱜ ᱟᱨ ᱵᱚᱪᱷᱚᱨ ᱨᱮᱭᱟᱜ ᱡᱚᱛᱚ ᱠᱷᱚᱱ ᱥᱮᱬᱟ ᱧᱤᱫᱟᱹ, ᱧᱤᱫᱟᱹ ᱪᱟᱸᱫᱚ ᱞᱮᱠᱟᱛᱮ ᱯᱩᱥ ᱟᱨ ᱥᱤᱧ ᱪᱟᱸᱫᱚᱣᱟᱜ ᱵᱤᱠᱨᱚᱢᱤ ᱦᱚᱨᱟ ᱞᱮᱠᱟᱛᱮ ᱫᱷᱚᱱᱩ ᱠᱚ ᱢᱮᱛᱟᱜᱟᱜ ᱟ ᱾ ᱱᱚᱶᱟ ᱯᱟᱨᱟᱵᱽ ᱫᱚ ᱮᱛᱚᱦᱚᱵ ᱪᱟᱸᱫᱚ ᱥᱟᱶ ᱢᱟᱨᱟᱝ ᱫᱤᱱ ᱞᱮᱠᱟᱛᱮ ᱢᱟᱱᱟᱣᱜ ᱟ ᱾

ᱥᱟᱠᱨᱟᱛ ᱢᱟᱱᱟᱣ ᱞᱟᱹᱜᱤᱫ ᱦᱤᱥᱟᱹᱵᱽ ᱫᱚ ᱵᱟᱨ ᱞᱮᱠᱟᱱᱟ ᱺᱱᱤᱨᱟᱭᱚᱬᱚ(ᱵᱤᱱ ᱵᱟᱨᱟᱵᱟᱹᱨᱤ ᱛᱮ ᱢᱟᱬᱟᱝᱟᱜ ᱢᱤᱫᱟᱜ ᱥᱤᱧ ᱧᱤᱫᱟᱹ,ᱮᱸᱜᱮᱞ) ᱟᱨ ᱥᱟᱭᱟᱱᱟ(ᱵᱟᱨᱟᱵᱟᱹᱨᱤ ᱠᱟᱛᱮ,ᱦᱚᱨᱟ ᱦᱟᱱᱟᱜ) ᱾ ᱡᱟᱱᱩᱣᱟᱨᱤ ᱑᱔ ᱢᱟᱺᱦᱤᱛ ᱫᱚ ᱱᱤᱨᱟᱭᱚᱬ᱾ ᱦᱚᱨᱟᱛᱮ, ᱟᱨ ᱥᱟᱭᱟᱱᱟ ᱦᱚᱨᱟᱫᱚ ᱫᱟᱹᱭᱠᱟᱹ ᱞᱮᱠᱟᱛᱮ ᱦᱤᱥᱟᱹᱵᱚᱜ ᱟ ᱰᱤᱥᱮᱢᱵᱚᱨ ᱒᱓,ᱦᱤᱸᱫᱩ ᱠᱮᱞᱮᱱᱰᱚᱨ ᱨᱮᱱᱟᱜ ᱢᱟᱱᱟᱣ ᱵᱟᱛᱟᱣ ᱞᱮᱠᱟᱛᱮ ᱾ ᱥᱤᱧᱚᱛ ᱠᱮᱞᱮᱱᱰᱚᱨ ᱞᱮᱠᱟᱛᱮ , ᱢᱤᱫ ᱥᱮᱨᱢᱟ ᱛᱟᱭᱚᱢ, ᱥᱤᱧ ᱪᱟᱸᱫᱚ ᱟᱡᱟᱜ ᱢᱟᱨᱮ ᱴᱷᱟᱶᱛᱮ ᱒᱐ ᱴᱤᱬᱤᱡ ᱵᱤᱞᱚᱢᱛᱮ ᱵᱩᱪᱷᱨᱤᱭᱮ ᱨᱩᱣᱟᱹᱲᱟ, ᱡᱟᱦᱟᱸᱭ ᱞᱟᱹᱭ ᱟ ᱡᱮ ᱥᱤᱧ ᱪᱟᱸᱫᱚ ᱫᱚ ᱗᱒ ᱵᱚᱪᱷᱚᱨ ᱨᱮ ᱢᱤᱫ ᱫᱤᱱ ᱵᱤᱥᱛᱤᱭᱮ ᱞᱟᱹᱠᱛᱤᱜ ᱟ ᱾ ᱚᱱᱟᱜᱮ ᱥᱟᱠᱨᱟᱛ ᱯᱟᱨᱟᱵᱽ ᱫᱚ ᱑᱔ ᱠᱷᱚᱱ ᱑᱕ ᱡᱟᱱᱩᱣᱟᱨᱤᱛᱮ ᱩᱪᱟᱹᱲᱚᱜ ᱨᱮᱭᱟᱜ ᱚᱡᱮ ᱫᱚ ᱠᱟᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]