ᱥᱟᱠᱩᱱᱛᱚᱞᱟ

ᱥᱟᱠᱩᱱᱛᱚᱞᱟ
ᱢᱚᱦᱟ ᱵᱷᱟᱨᱚᱛ character
Information
Family	ᱵᱤᱥᱥᱚ ᱢᱤᱛᱨᱚ (ᱟᱯᱟᱛ) ᱢᱮᱱᱚᱠᱟ (ᱮᱝᱜᱟᱛ) ᱠᱟᱱᱣᱟ ᱢᱩᱱᱤ (ᱟᱹᱥᱩᱞ ᱦᱟᱨᱨᱟ ᱵᱟᱵᱟ)
Spouse(s)	ᱥᱟᱸᱦᱚᱸᱥᱟᱱ
Children	ᱵᱷᱚᱨᱚᱛ

ᱦᱤᱱᱫᱩ ᱫᱷᱚᱨᱚᱢ ᱥᱟᱥᱛᱚᱨ ᱨᱮ ᱥᱟᱠᱩᱱᱛᱚᱞᱟ (ᱟᱥᱟᱢᱤᱥᱺ হিন্দু ধৰ্মগ্ৰন্থত শকুন্তলা; ᱤᱝᱨᱟᱹᱡᱤ: Shakuntala, ᱥᱟᱝᱥᱠᱨᱤᱛ: Śakuntalā) ᱫᱚᱭ ᱦᱩᱭᱩᱜ ᱠᱟᱱᱟ ᱟᱹᱰᱤ ᱥᱟᱸᱦᱚᱸᱥᱟᱱ ᱮᱨᱟ ᱟᱨ ᱥᱚᱢᱨᱟᱴ ᱵᱷᱚᱨᱚᱛ ᱨᱮ ᱮᱝᱜᱟᱛ| ᱩᱱᱤᱭᱟᱜ ᱠᱟᱹᱦᱱᱤ ᱫᱚ ᱢᱚᱦᱟ ᱵᱷᱟᱨᱚᱛ ᱨᱮ ᱥᱚᱫᱚᱨ ᱢᱮᱱᱟᱜ-ᱟ ᱟᱨ ᱟᱭᱢᱟ ᱚᱱᱚᱞᱤᱭᱟᱹ ᱠᱚ ᱱᱟᱴᱚᱠ ᱠᱚ ᱚᱞ ᱟᱠᱟᱫᱟ, ᱩᱱᱤ ᱫᱚ ᱠᱟᱞᱤᱫᱟᱥ ᱟᱜ ᱱᱟᱴᱚᱠ "ᱟᱵᱷᱤᱜᱽᱭᱟᱱᱟᱢ ᱥᱟᱠᱩᱱᱛᱟᱞᱟᱢ" ᱱᱟᱴᱚᱠ ᱨᱮ ᱱᱟᱢᱰᱟᱠ ᱪᱟᱹᱨᱤᱛ ᱨᱮ ᱛᱟᱦᱮᱸᱠᱟᱱᱟ|

ᱮᱛᱚᱦᱚᱵ

ᱠᱟᱱᱣᱟ ᱢᱩᱱᱤ ᱫᱚ ᱩᱱᱤ ᱵᱤᱨ ᱨᱮ ᱥᱟᱠᱩᱱᱛᱟ (সংস্কৃত: शकुন্ত) ᱪᱮᱬᱮ ᱦᱚᱯᱚᱱ ᱨᱩᱯ ᱨᱮ ᱧᱟᱢ ᱞᱮᱫᱮᱭᱟ| ᱚᱱᱟ ᱤᱭᱟᱹᱛᱮ, ᱩᱱᱤᱭᱟᱜ ᱧᱩᱛᱩᱢ ᱫᱚ ᱥᱟᱠᱩᱱᱛᱚᱞᱟᱭ ᱫᱚᱦᱚ ᱠᱮᱫ ᱛᱟᱭᱟ, ᱚᱱᱟ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱥᱟᱠᱩᱱᱛᱟ-ᱫᱩᱜ-ᱤᱡ|

ᱢᱚᱦᱟ ᱵᱷᱟᱨᱚᱛ ᱨᱮᱭᱟᱜ ᱮᱛᱚᱦᱚᱵ ᱠᱟᱹᱞᱤ ᱨᱮ ᱠᱟᱱᱣᱟ ᱢᱩᱱᱤᱭᱮ ᱢᱮᱱᱮᱫᱟ-

She was surrounded in the solitude of the wilderness by śakuntas,

therefore, hath she been named by me Shakuntala (Shakunta-protected).

ᱨᱮᱫ:Forsaken Sakuntala painting.jpg

Forsaken Sakuntala painting

ᱡᱟᱱᱟᱢ ᱟᱨ ᱵᱟᱞᱮ ᱩᱢᱟᱹᱨ

ᱨᱤᱥᱤ ᱵᱤᱥᱥᱚ ᱢᱤᱛᱨᱚ ᱣᱟᱜ ᱡᱟᱜ ᱡᱚᱴᱮᱫ ᱛᱮ ᱢᱮᱱᱚᱠᱟ ᱫᱚ ᱵᱟᱹᱲᱛᱤ ᱦᱚᱲᱢᱚ ᱠᱟᱛᱮ ᱥᱟᱠᱩᱱᱛᱚᱞᱟ ᱡᱟᱱᱟᱢᱮ ᱮᱢᱟᱫᱤᱭᱟ| ᱥᱮᱨᱢᱟ ᱨᱟᱡᱽ ᱤᱱᱫᱽᱨᱚ ᱫᱚ ᱵᱤᱥᱥᱚ ᱢᱤᱛᱨᱚᱣᱟᱜ ᱛᱚᱯᱚᱥᱥᱟ ᱨᱟᱹᱯᱩᱫᱽ ᱞᱟᱹᱜᱤᱫ ᱢᱮᱱᱚᱠᱟ ᱩᱱᱤ ᱴᱷᱮᱱᱮ ᱠᱩᱞ ᱞᱮᱫᱮᱭᱟ| ᱢᱮᱱᱚᱠᱟ ᱫᱚ ᱟᱡᱟᱜ ᱠᱟᱹᱢᱤ ᱨᱮᱭᱟᱜ ᱫᱟᱲᱮᱭᱮᱱᱟᱥ| ᱩᱱᱤ ᱫᱚ ᱨᱩᱯ ᱢᱩᱴᱷᱟᱹᱱ ᱛᱮ ᱵᱤᱥᱥᱚ ᱢᱤᱛᱨᱚᱭ ᱟᱹᱱᱰᱤᱡ ᱠᱮᱫᱮᱭᱟ| ᱛᱚᱯᱚᱥᱥᱟ ᱵᱟᱹᱜᱤ ᱠᱟᱛᱮ ᱢᱮᱱᱚᱠᱟ ᱥᱟᱶ ᱦᱚᱲᱢᱚ ᱛᱮᱱᱟᱜ ᱥᱟᱹᱜᱟᱹᱭᱮ ᱡᱚᱲᱟᱣ ᱠᱮᱫᱟ| ᱱᱚᱝᱠᱟ ᱜᱮ ᱟᱭᱢᱟ ᱫᱤᱱ ᱢᱮᱱᱚᱠᱟ ᱥᱟᱶ ᱫᱩᱞᱟᱹᱲ ᱥᱟᱹᱜᱟᱹᱭ ᱡᱚᱲᱟᱣ ᱛᱟᱭᱚᱢ ᱢᱮᱱᱚᱠᱟ ᱫᱚᱭ ᱵᱟᱹᱲᱛᱤ ᱦᱚᱲᱢᱚᱭᱮᱱᱟ| ᱱᱚᱝᱠᱟ ᱛᱮ ᱢᱤᱫᱴᱮᱱ ᱜᱤᱫᱽᱨᱟᱹᱭ ᱡᱟᱱᱟᱢ ᱠᱮᱫᱮᱭᱟ| ᱛᱚᱯᱚᱥᱥᱟ ᱵᱟᱝ ᱯᱩᱨᱟᱹᱣ ᱞᱮᱱᱛᱟᱭ ᱛᱮ ᱠᱩᱨᱩᱫᱟᱛᱮ ᱵᱤᱥᱥᱚ ᱢᱤᱛᱨᱚ ᱫᱚ ᱢᱮᱱᱚᱠᱟ ᱟᱨ ᱩᱱᱤ ᱜᱤᱫᱽᱨᱟᱹᱭ ᱵᱟᱹᱜᱤ ᱚᱴᱚᱣᱟᱜ ᱠᱤᱱᱟᱹ|ᱱᱤᱭᱟᱹ ᱛᱟᱭᱚᱢ ᱢᱮᱱᱚᱠᱟ ᱦᱚᱸ ᱟᱡ ᱨᱮᱱ ᱜᱤᱫᱽᱨᱟᱹ ᱵᱤᱨ ᱨᱮ ᱵᱟᱹᱜᱤ ᱚᱴᱚ ᱠᱟᱛᱮ ᱧᱤᱨ ᱮᱱᱟᱭ| ᱨᱤᱥᱤ ᱠᱟᱱᱣᱣᱟ ᱫᱚ ᱩᱱᱤ ᱜᱚᱫᱽᱨᱟᱹ ᱥᱟᱩᱱᱛᱟ ᱪᱮᱬᱮ ᱨᱩᱯ ᱨᱮ ᱧᱟᱢ ᱠᱮᱫᱮᱭᱟ| ᱩᱱᱤᱭᱟᱜ ᱧᱩᱛᱩᱢ ᱫᱚ ᱥᱟᱠᱩᱱᱛᱚᱞᱟᱭ ᱫᱚᱦᱚ ᱠᱮᱫ ᱛᱟᱭᱟ|ᱤᱱᱟᱹ ᱛᱟᱭᱚᱢ ᱥᱟᱠᱩᱱᱛᱚᱞᱟ ᱫᱚ ᱟᱡᱟᱜ ᱟᱥᱨᱚᱢ ᱨᱮ ᱟᱹᱜᱩ ᱠᱟᱛᱮᱜ-ᱮ ᱦᱟᱨᱩ-ᱵᱩᱨᱩ ᱠᱮᱫᱮᱭᱟ|