ᱥᱟᱡᱚᱱ ᱯᱨᱚᱠᱟᱥ
ᱥᱟᱡᱚᱱ ᱯᱨᱚᱠᱟᱥ (ᱡᱟᱱᱟᱢ ᱑᱔ ᱥᱮᱯᱴᱮᱢᱵᱚᱨ ᱑᱙᱙᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱟᱹᱨᱥᱤ ᱠᱷᱮᱸᱞᱚᱸᱰᱤᱭᱟ. ᱠᱟᱱᱟᱭ ᱡᱟᱦᱟᱸᱭ ᱫᱚ ᱯᱷᱨᱤ ᱥᱴᱟᱭᱤᱞ, ᱵᱮᱴᱚᱨᱯᱷᱞᱟᱭ ᱟᱨ ᱢᱮᱰᱞᱮ ᱦᱮᱯᱨᱟᱣ ᱨᱮ ᱡᱤᱛᱠᱟᱹᱨ ᱠᱟᱱᱟᱭ ᱾ ᱠᱮᱨᱟᱞᱟ ᱨᱮ ᱒᱐᱑᱕ ᱡᱟᱹᱛᱤᱭᱟᱹᱨᱤ ᱠᱷᱮᱞᱚᱸᱰ ᱨᱮ, ᱩᱱᱤ ᱘ ᱯᱷᱮᱵᱽᱨᱩᱣᱟᱨᱤ ᱒᱐᱑᱕ ᱨᱮ ᱖ ᱜᱚᱴᱟᱝ ᱜᱳᱞᱰ ᱟᱨ ᱓ ᱜᱚᱴᱟᱝ ᱥᱤᱞᱵᱷᱚᱨ ᱢᱮᱰᱟᱞ ᱡᱤᱛᱠᱟᱹᱨ ᱠᱟᱛᱮ ᱢᱤᱫ ᱨᱤᱠᱚᱨᱰ ᱮ ᱵᱮᱱᱟᱣ ᱞᱮᱫᱼᱟ ᱟᱨ ᱠᱮᱨᱟᱞᱟ ᱨᱮᱱᱟᱜ ᱛᱨᱤᱵᱮᱱᱫᱨᱚᱢ ᱨᱮ ᱦᱩᱭ ᱟᱠᱟᱱ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱷᱮᱞᱚᱸᱰ ᱨᱤᱱᱤᱡ ᱡᱚᱛᱚ ᱠᱷᱚᱱ ᱱᱟᱯᱟᱭ ᱠᱷᱮᱞᱚᱸᱰᱤᱭᱟ. ᱨᱤᱭᱳ ᱒᱐᱑᱖ ᱨᱮ ᱒᱐᱐ ᱢᱤᱴᱚᱨ ᱵᱮᱴᱚᱨᱯᱷᱞᱟᱭ ᱦᱮᱯᱨᱟᱣ ᱨᱮᱭ ᱦᱮᱯᱨᱟᱣ ᱞᱮᱱᱟ ᱾ ᱨᱳᱢ ᱨᱮ ᱒᱐᱑᱑ ᱥᱮᱴᱮ ᱠᱚᱞᱞᱤ ᱴᱨᱚᱯᱷᱤ ᱨᱮ ᱒᱐᱐ ᱢᱤᱴᱚᱨ ᱵᱮᱴᱚᱨᱯᱷᱞᱟᱭ ᱦᱮᱯᱨᱟᱣ ᱨᱮ ᱑.᱕᱖.᱓᱘ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱨᱤᱠᱚᱨᱰ ᱚᱠᱛᱚ ᱨᱮ ᱯᱷᱤᱱᱟ "ᱮ" ᱚᱞᱤᱢᱯᱤᱠ ᱠᱣᱟᱞᱤᱯᱷᱤᱠᱮᱥᱚᱱ ᱚᱠᱛᱚ ᱵᱷᱮᱡᱟᱨ ᱞᱟᱹᱜᱤᱫ ᱛᱮ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱯᱟᱭᱨᱟ ᱡᱤᱛᱠᱟᱹᱨ ᱦᱩᱭ ᱞᱮᱱᱟ ᱾ ᱱᱚᱣᱟ ᱚᱠᱛᱚ ᱨᱮ ᱩᱱᱤ ᱫᱚ ᱒᱐᱐ ᱢᱤᱴᱚᱨ ᱵᱷᱮᱴᱚᱨᱯᱷᱞᱟᱭ ᱦᱮᱯᱨᱟᱣ ᱨᱮ ᱴᱚᱠᱤᱭᱳ ᱚᱞᱚᱢᱯᱤᱠ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱡᱩᱱ ᱒᱐᱒᱑ ᱦᱟᱹᱵᱤᱡ, ᱩᱱᱤ ᱫᱚ ᱯᱷᱨᱤ ᱥᱴᱟᱭᱤᱞ, ᱵᱮᱴᱚᱨᱯᱷᱞᱟᱭ, ᱢᱮᱰᱞᱮ ᱟᱨ ᱨᱮᱞᱮ ᱛᱷᱚᱠ ᱨᱮ ᱑᱑ ᱜᱚᱴᱟᱝ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱯᱟᱭᱨᱟ ᱨᱮᱠᱚᱨᱰ ᱮ ᱟᱢᱮᱴ ᱟᱠᱟᱫ-ᱟ ᱾ ᱥᱟᱡᱚᱱ ᱱᱤᱛᱚᱜ ᱫᱩᱵᱟᱭ ᱨᱮ ᱢᱮᱱᱟᱜ ᱟᱠᱣᱟ ᱱᱟᱥᱚᱱ ᱥᱯᱳᱨᱴᱥ ᱮᱠᱟᱰᱮᱢᱤ (ANSA) ᱨᱮ ᱥᱮᱪᱮᱫᱚᱜ ᱠᱟᱱᱟᱭ ᱾[᱑][᱒][᱓]
ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱡᱚᱱ ᱯᱨᱚᱠᱟᱥ ᱫᱚ ᱠᱮᱨᱟᱞᱟ ᱨᱮᱭᱟᱜ ᱤᱰᱩᱠᱠᱤ ᱦᱚᱱᱚᱛ ᱨᱤᱱᱤᱡ ᱠᱟᱱᱟᱭ ᱾ ᱩᱱᱤ ᱫᱚ ᱱᱮᱭᱵᱮᱞᱤ, ᱠᱩᱰᱰᱟᱞᱳᱨ ᱦᱚᱱᱚᱛ, ᱛᱟᱢᱤᱞᱱᱟᱰᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱟᱭᱳ ᱵᱤ.ᱡᱤ.ᱥᱟᱱᱴᱤᱢᱳᱞ ᱦᱚᱸ ᱢᱤᱫ ᱠᱷᱮᱞᱚᱸᱱᱰᱤᱭᱟ. ᱠᱟᱱᱟᱭ ᱟᱨ ᱟᱭᱢᱟ ᱡᱟᱹᱛᱤᱭᱟᱹᱨᱤ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱦᱮᱯᱨᱟᱣ ᱨᱮ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮ ᱠᱟ.ᱢᱤ ᱟᱠᱟᱫᱟᱭ । ᱱᱤᱵᱷᱮᱞᱤ ᱞᱤᱜᱽᱱᱤᱴ ᱥᱤᱴᱤ ᱥᱣᱤᱢᱤᱝ ᱠᱞᱟᱵᱽ, ᱱᱤᱵᱷᱮᱞᱤ, ᱛᱟᱢᱤᱞᱱᱟᱰᱩ ᱨᱮ ᱥᱮᱪᱮᱫ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱩᱱᱤ ᱫᱚ ᱥᱮᱸᱴ ᱡᱮᱢᱥ ᱨᱮ ᱟᱥᱲᱟ ᱯᱟᱲᱦᱟᱣ ᱞᱮᱱᱟᱭ ᱾ ᱯᱳᱞᱥ ᱢᱮᱴᱨᱤᱠᱩᱞᱮᱥᱚᱱ ᱦᱮᱡᱚᱨ ᱥᱮᱠᱮᱱᱰᱟᱨᱤ ᱟᱥᱲᱟ, ᱮᱱ.ᱮᱞ.ᱥᱤ. ᱵᱚᱭᱞᱥ ᱦᱮᱡᱚᱨ ᱥᱮᱠᱮᱱᱰᱟᱨᱤ ᱟᱥᱲᱟ, ᱡᱚᱵᱟᱦᱚᱨ ᱦᱮᱡᱚᱨ ᱥᱮᱠᱮᱱᱰᱟᱨᱤ ᱟᱥᱲᱟ, ᱱᱮᱭᱵᱮᱞᱤ, ᱛᱟᱢᱤᱞᱱᱟᱰᱩ ᱾ ᱩᱱᱤ ᱫᱚ ᱪᱤᱰᱚᱢᱵᱚᱨᱚᱢ ᱨᱮᱭᱟᱜ ᱟᱱᱱᱟᱢᱚᱞᱟᱭ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱠᱚᱢᱯᱩᱴᱚᱨ ᱮᱯᱞᱤᱠᱮᱥᱚᱱ ᱨᱮ ᱟᱡᱟᱜ ᱜᱨᱮᱡᱩᱮᱥᱚᱱ (graduation) ᱮ ᱯᱩᱨᱟᱹᱣ ᱞᱮᱫ-ᱟ ᱾ ᱱᱤᱛᱚᱜ ᱩᱱᱤ ᱫᱚ ᱠᱮᱨᱟᱞᱟ ᱯᱩᱞᱤᱥ ᱨᱮ ᱚᱯᱷᱤᱥᱚᱨ ᱠᱚᱢᱟᱱᱰᱤᱝ ᱞᱮᱠᱟᱛᱮ ᱥᱮᱞᱮᱫ ᱮᱱᱟᱭ ᱾ ᱱᱤᱵᱷᱮᱞᱤ ᱨᱮ ᱢᱤᱫ ᱯᱩᱞ ᱟᱡᱟᱜ ᱧᱩᱛᱩᱢ ᱛᱮ ᱩᱪᱷᱟᱹᱱ ᱞᱮᱱᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Tokyo 2020: Kerala swimmer Sajan Prakash makes history with 'A' mark". Gulf News. 26 June 2021. Retrieved 26 June 2021.
- ↑ "Sajan Prakash Becomes India's First-Ever Fina 'A' Cut Swimmer". Gulf News. 26 June 2021. Retrieved 26 June 2021.
- ↑ "Sajan creates history". Time of India. 26 June 2021. Retrieved 26 June 2021.