ᱥᱟᱢᱟᱥᱛᱤᱯᱩᱨ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱥᱟᱢᱟᱥᱛᱤ ᱯᱩᱨ ᱦᱚᱱᱚᱛ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
Jump to navigation Jump to search

ᱥᱟᱢᱟᱥᱛᱤᱯᱩᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱵᱤᱦᱟᱨ ᱯᱚᱱᱚᱛ ᱨᱮ ᱢᱮᱱᱟᱜ ᱟᱠᱟᱫ ᱢᱤᱫᱴᱟᱝ ᱥᱟᱜᱼᱥᱚᱱ ᱦᱚᱱᱚᱛ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱫᱚ ᱫᱟᱵᱷᱟᱝᱜᱟ ᱰᱤᱵᱷᱤᱡᱚᱱ ᱨᱮ ᱯᱟᱲᱟᱣ ᱟᱠᱟᱱᱟ, ᱱᱤᱭᱟᱹ ᱦᱚᱱᱚᱛ ᱨᱮ ᱵᱟᱨᱭᱟ ᱞᱚᱠ ᱥᱚᱵᱷᱟ ᱴᱚᱴᱷᱟ ᱯᱟᱲᱟᱣ ᱟᱠᱟᱱᱟ ᱥᱟᱢᱟᱥᱛᱤᱯᱩᱨ ᱟᱨ ᱩᱡᱤᱭᱟᱨᱯᱩᱨ ᱾ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱥᱟᱢᱥᱛᱤᱯᱩᱨ ᱨᱮ ᱜᱮ ᱯᱟᱲᱟᱣ ᱟᱠᱟᱱᱟ ᱾ ᱥᱟᱢᱥᱛᱤᱯᱩᱨ ᱦᱚᱱᱚᱛ ᱫᱚ ᱒᱔᱐᱔ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ᱾ ᱒᱐᱐᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱚᱣᱟ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱒᱗,᱑᱖,᱙᱒᱙ ᱡᱚᱱᱟ ᱦᱚᱲ ᱠᱚ ᱛᱟᱦᱮ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱢᱟᱥᱛᱤᱯᱩᱨ ᱦᱚᱱᱚᱛ ᱑᱙᱗᱑ ᱥᱮᱛᱢᱟ ᱨᱮ ᱠᱚ ᱥᱤᱨᱡᱟᱹᱣ, ᱛᱤᱱ ᱛᱮ ᱢᱟᱨᱮ ᱫᱟᱨᱵᱷᱟᱝᱜᱟ ᱦᱚᱱᱚᱛ ᱠᱚ ᱵᱮᱱᱟᱣ ᱟᱹᱨᱩ ᱞᱮᱫᱟ ᱾[᱑]

ᱚᱛᱱᱚᱜ ᱩᱱᱩᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱢᱟᱥᱛᱤ ᱯᱩᱨ ᱦᱚᱱᱚᱛ ᱫᱚ ᱒,᱙᱐᱔ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ [᱒], ᱚᱠᱟ ᱫᱚ ᱟᱢᱟᱫᱟᱡᱽ ᱤᱱᱰᱚᱱᱮᱥᱤᱭᱟ ᱫᱤᱥᱚᱢ ᱨᱮᱱᱟᱜ ᱢᱚᱱᱟ ᱴᱟᱹᱯᱩ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱾[᱓] ᱥᱟᱢᱟᱥᱛᱤᱯᱩᱨ ᱫᱚ ᱠᱚᱭᱮ ᱱᱟᱠᱷᱟ ᱛᱮ ᱵᱟᱜᱽ ᱢᱟᱛᱤ ᱜᱟᱰᱟ ᱛᱮ ᱜᱷᱮᱨᱟᱣ ᱮᱥᱮᱫ ᱠᱟᱛᱮ ᱫᱟᱨᱵᱷᱟᱝᱜᱟ ᱦᱚᱱᱚᱛ ᱠᱷᱚᱱ ᱵᱮᱜᱟᱨ ᱟᱠᱟᱱᱟ ᱾ ᱱᱷᱟᱛᱮ ᱯᱟᱪᱮ ᱱᱟᱠᱷᱟ ᱫᱚ ᱵᱚᱭᱥᱟᱞᱤ ᱟᱨ ᱢᱩᱡᱟᱯᱷᱚᱨ ᱯᱩᱨ ᱦᱚᱱᱚᱛ ᱨᱮᱭᱟᱜ ᱟᱫᱚᱢ ᱦᱤᱥ ᱯᱟᱲᱟᱣ ᱟᱠᱟᱱᱟ, ᱮᱛᱚᱢ ᱱᱟᱠᱷᱟ ᱫᱚ ᱜᱟᱝᱜᱟ ᱦᱚᱱᱚᱛ ᱟᱨ ᱥᱟᱢᱟᱝ ᱱᱟᱠᱷᱟ ᱫᱚ ᱵᱮᱜᱩᱥᱟᱨᱟᱭ ᱟᱨ ᱠᱷᱟᱜᱟᱨᱤᱭᱟ ᱦᱚᱱᱚᱛ ᱡᱟᱯᱟᱜ ᱟᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱥᱟᱢᱟᱥᱛᱤᱯᱩᱨ ᱨᱮ ᱜᱮ ᱯᱟᱲᱟᱣ ᱟᱠᱟᱱᱟ ᱾

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱖ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱚᱧᱪᱟᱭᱚᱛ ᱢᱚᱱᱛᱨᱟᱱᱟᱞᱚᱭ ᱫᱚ ᱒᱕0 ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱥᱟᱢᱟᱥᱛᱤᱯᱩᱨ ᱦᱚᱱᱚᱛ ᱦᱚ ᱛᱟᱭᱚᱱ ᱦᱚᱱᱚᱛ ᱢᱮᱱ ᱛᱮ ᱞᱮᱠᱷᱟ ᱥᱮᱞᱮᱫ ᱞᱮᱫᱟ, ᱢᱩᱴ ᱖᱔᱐ ᱦᱚᱱᱚᱛ ᱢᱩᱫᱽ ᱨᱮ ᱾ ᱱᱚᱣᱟ ᱥᱟᱢᱟᱥᱛᱤ ᱯᱩᱨ ᱦᱚᱱᱚᱛ ᱫᱚ ᱵᱤᱦᱟᱨ ᱨᱮᱭᱟᱜ ᱯᱮ ᱜᱮᱞ ᱛᱩᱨᱩᱭ ᱜᱚᱴᱟᱝ ᱦᱚᱱᱚᱛ ᱠᱚ ᱨᱮ ᱱᱟᱦᱟᱜ Backward Region Grant Fund Programme (BRGF) ᱠᱷᱚᱱ ᱠᱟᱹᱣᱰᱤ ᱜᱚᱲᱚᱭ ᱦᱟᱛᱟᱣ ᱮᱫᱟ ।

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱥᱟᱢᱟᱥᱛᱤ ᱯᱩᱨ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱔,᱒᱕᱔,᱗᱘᱒ ᱡᱚᱱᱟ, ᱟᱢᱫᱟᱡᱽ ᱠᱚᱝᱜᱚ ᱨᱤᱯᱟᱵᱽᱞᱤᱠ ᱫᱤᱥᱚᱢ ᱥᱚᱢᱟᱱ ᱦᱩᱭᱩᱜᱼᱟ ᱟᱨᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱠᱮᱱᱴᱩᱠᱤ ᱯᱚᱱᱚᱛ ᱩᱱᱟᱹᱜ ᱥᱚᱢᱟᱱ ᱦᱩᱭᱩᱜᱼᱟ ᱾ ᱱᱤᱭᱟ. ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱔᱕ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱨᱮ ᱑,᱔᱖᱕ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮᱼᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟ.ᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱒᱕.᱓᱓% ᱾ ᱵᱮᱜᱩᱥᱟᱨᱟᱭ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱐᱙ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱖᱔.᱒᱑% ᱦᱤᱥ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Law, Gwillim (2011-09-25). "Districts of India". Statoids. Retrieved 2011-10-11. 
  2. Srivastava, Dayawanti et al. (ed.) (2010). "States and Union Territories: Bihar: Government". India 2010: A Reference Annual (54th ed.). New Delhi, India: Additional Director General, Publications Division, Ministry of Information and Broadcasting (India), Government of India. pp. 1118–1119. ISBN 978-81-230-1617-7. 
  3. "Island Directory Tables: Islands by Land Area". United Nations Environment Program. 1998-02-18. Retrieved 2011-10-11. Muna 2,889km2 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]