ᱥᱟᱢᱟ ᱡᱟᱭᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱢᱟ ᱡᱟᱭᱱ


ᱥᱟᱢᱟ ᱡᱟᱭᱱ ᱫᱚ ᱢᱤᱫ ᱧᱩᱛᱩᱢᱟᱱ ᱤᱱᱰᱤᱭᱟᱱ ᱯᱷᱳᱨᱮᱱ ᱥᱮᱨᱵᱷᱤᱥ (IFS) ᱟᱯᱷᱤᱥᱚᱨ ᱠᱟᱱᱟᱭ ᱾ ᱥᱤᱧᱚᱛ ᱫᱤᱥᱚᱢ ᱯᱟᱦᱟᱴᱟ ᱮᱴᱟᱜ ᱫᱮᱥ ᱫᱤᱥᱚᱢ ᱨᱮ ᱨᱟᱡᱽᱫᱩᱛ (Ambassador) ᱞᱮᱠᱟᱭ ᱛᱟᱦᱮᱸ ᱟᱠᱟᱱᱟ ᱾ ᱨᱟᱡᱽᱫᱩᱛ ᱠᱟᱢᱠᱟᱡᱽ ᱨᱮ ᱟᱡᱟᱜ ᱞᱟᱥᱮᱨ ᱦᱟᱛᱟᱝ ᱫᱚ ᱫᱮᱥ ᱵᱤᱫᱮᱥ ᱨᱮ ᱥᱟᱨᱦᱟᱣ ᱟᱠᱟᱱᱟ ᱾ ᱒᱐᱑᱗ ᱥᱟᱞ ᱠᱷᱚᱱ ᱱᱤᱛ ᱦᱟᱹᱵᱤᱡ ᱜᱨᱤᱠ (Greece) ᱨᱮ ᱥᱤᱧᱚᱛ ᱫᱤᱥᱚᱢ ᱯᱟᱦᱟᱴᱟ ᱠᱷᱚᱱ ᱨᱟᱡᱽᱫᱩᱛ ᱢᱮᱱᱟᱭᱟ ᱾[᱑]ᱚᱜᱚᱥᱴ ᱒᱐᱐᱘ ᱠᱷᱚᱱ ᱚᱜᱚᱥᱴ ᱒᱐᱑᱑ ᱦᱟᱹᱵᱤᱡ ᱥᱤᱧᱚᱛ ᱫᱤᱥᱚᱢ ᱯᱟᱦᱟᱴᱟ ᱠᱷᱚᱱ ᱟᱤᱵᱷᱚᱨᱤ ᱠᱳᱥᱴ (Ivory Coast), ᱥᱤᱮᱨᱟ ᱞᱤᱭᱳᱱ (Sierra Leone), ᱞᱤᱵᱮᱨᱤᱭᱟ (Liberia), ᱜᱤᱱᱤ (Guinea) ᱨᱮ ᱯᱩᱭᱞᱩ ᱛᱮ ᱨᱟᱡᱽᱫᱩᱛ ᱮ ᱛᱟᱦᱮᱸ ᱠᱟᱱᱟᱭ ᱾ ᱢᱮ ᱒᱐᱑᱔ ᱠᱷᱚᱱ ᱡᱩᱱ ᱒᱐᱑᱗ ᱦᱟᱹᱵᱤᱡ ᱯᱟᱱᱟᱢᱟ, ᱠᱳᱥᱴᱟᱨᱤᱠᱟ ᱟᱨ ᱱᱤᱠᱟᱨᱟᱜᱩᱣᱟ ᱫᱤᱥᱚᱢ ᱨᱮ ᱥᱤᱧᱚᱛ ᱫᱤᱥᱚᱢ ᱯᱟᱦᱴᱟ ᱠᱷᱚᱱ ᱨᱟᱡᱽᱫᱩᱛ ᱮ ᱛᱟᱦᱮᱸ ᱠᱟᱱᱟ ᱾[᱒][᱓]

ᱨᱳᱢ, ᱤᱴᱟᱞᱤ ᱨᱮ ᱰᱮᱯᱩᱴᱤ ᱪᱤᱯᱷ ᱚᱯᱷ ᱢᱤᱥᱚᱱ ᱞᱮᱠᱟᱭ ᱛᱟᱦᱮᱸ ᱠᱟᱱᱟ ᱾ ᱟᱢᱮᱨᱤᱠᱟ ᱨᱮ ᱨᱟᱡᱽ ᱟᱹᱨᱤ ᱥᱚᱞᱟᱦᱟᱠᱟᱨ ᱟᱨ UNESCO ᱯᱟᱨᱤᱥ, ᱯᱷᱨᱟᱱᱥ ᱨᱮ Permanent Delegate ᱮ ᱛᱟᱦᱮᱸ ᱠᱟᱱᱟ ᱾

ᱦᱟᱨᱟᱵᱩᱨᱩ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱕᱙ ᱥᱟᱞ ᱨᱮ ᱡᱚᱢᱩ ᱟᱨ ᱠᱟᱥᱢᱤᱨ ᱨᱮ ᱡᱟᱱᱟᱢ ᱞᱮᱱᱟᱭ ᱾ University of Jammu ᱨᱮ ᱨᱟᱡᱽ ᱟᱹᱨᱤ ᱥᱟᱬᱮᱥ ᱨᱮ ᱵᱟᱰᱚᱦᱤ (B.A.) ᱥᱟᱹᱛ ᱞᱮᱜᱼᱟᱭ ᱾ ᱚᱱᱟ ᱵᱤᱱᱤᱰ ᱨᱮ ᱞᱩᱭᱞᱩ ᱴᱷᱟᱶ ᱨᱮ ᱛᱟᱦᱮᱸ ᱮᱱᱛᱮ Chancellor's Gold medal ᱮ ᱧᱟᱢ ᱞᱮᱜᱼᱟ ᱾ Jawaharlal Nehru University ᱱᱟᱶᱟ ᱫᱤᱞᱞᱤ ᱠᱷᱚᱱ ᱯᱷᱤᱞᱚᱥᱚᱯᱷᱤ ᱟᱨ ᱨᱟᱡᱽ ᱟᱹᱨᱤ ᱥᱟᱬᱮᱥ ᱮ ᱵᱟᱨ ᱫᱷᱟᱣ M.A. ᱥᱟᱹᱛ ᱟᱠᱟᱜᱼᱟ ᱾[᱔]ᱟᱡᱟᱜ ᱞᱟᱥᱮᱨ ᱦᱟᱛᱟᱝ ᱫᱟᱲᱮ ᱛᱮ UGC Felloship ᱦᱚᱸᱭ ᱧᱟᱢ ᱟᱠᱟᱜᱼᱟ ᱾

ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱢᱟ ᱡᱟᱭᱱ ᱫᱚ ᱑᱙᱘᱓ ᱥᱟᱞ ᱠᱷᱚᱱ Indian Foreign Service ᱨᱮ ᱱᱟᱜ ᱮᱱᱮᱡ ᱛᱟᱭ ᱾[᱕]ᱚᱱᱟ ᱢᱟᱬᱟᱝ ᱫᱚ Counter Terrorism Division ᱢᱩᱲᱩᱛ ᱵᱤᱪᱟᱹᱨᱤᱭᱟ ᱟᱨ ᱵᱟᱝ ᱫᱤᱥᱟᱹ ᱩᱫᱩᱜᱤᱡ ᱞᱮᱠᱟ ᱠᱟᱹᱢᱤ ᱛᱚᱨᱟᱣ ᱞᱮᱜᱼᱟ ᱚᱱᱟ ᱥᱟᱶᱛᱮ ᱯᱚᱞᱤᱥᱤ ᱯᱞᱟᱱᱤᱝ ᱟᱨ ᱨᱤᱥᱟᱨᱪ on Terrorism Diplomacy ᱵᱤᱫᱮᱥ ᱨᱟᱡᱽ ᱟᱹᱨᱤ ᱵᱤᱵᱷᱟᱜ ᱱᱟᱶᱟ ᱫᱤᱞᱞᱤ ᱨᱮ ᱛᱟᱦᱮᱸ ᱠᱟᱛᱮ ᱨᱟᱭ ᱨᱤᱛ ᱠᱚᱭ ᱥᱩᱜ-ᱛᱚᱨᱟᱣ ᱮᱫ ᱛᱟᱦᱮᱸ ᱫᱚᱜ ᱾[᱖]ᱨᱟᱡᱽᱫᱩᱛ ᱡᱟᱭᱱ ᱫᱚ ᱥᱤᱧᱚᱛ ᱫᱤᱥᱚᱢ ᱯᱟᱦᱟᱴᱟ ᱠᱷᱚᱱ ᱡᱮᱜᱮᱛᱟᱹᱨᱤ ᱥᱩᱞᱩᱠ ᱥᱟᱹᱜᱟᱹᱭ ᱜᱟᱶᱛᱟ ᱨᱤᱱᱤᱡ ᱡᱚᱜᱚ ᱥᱩᱛᱨᱮᱛ ᱮ ᱛᱟᱦᱮᱸ ᱠᱟᱱᱟ ᱾[᱗]

᱑᱙᱙᱗ ᱠᱷᱚᱱ ᱒᱐᱐᱑ ᱥᱟᱞ ᱦᱟᱹᱵᱤᱡ ᱥᱤᱧᱚᱛ ᱫᱤᱥᱚᱢ ᱯᱟᱦᱟᱴᱟ ᱠᱷᱚᱱ Washington DC ᱨᱮ ᱨᱟᱡᱽ ᱟᱹᱨᱤ ᱥᱟᱞᱟᱦᱟ ᱠᱟᱨ ᱮ ᱛᱟᱦᱮᱸ ᱠᱟᱱᱟ ᱾ ᱚᱸᱰᱮ ᱥᱤᱧᱚᱛ ᱫᱤᱥᱚᱢ ᱟᱨ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱱᱟᱜ ᱥᱩᱞᱩᱠ ᱥᱟᱹᱜᱟᱹᱭ ᱤᱫᱤ ᱠᱟᱛᱮ ᱨᱟᱡᱽ ᱟᱹᱨᱤ ᱠᱟᱹᱢᱤᱠᱚᱭ ᱥᱩᱜ ᱛᱚᱨᱟᱣ ᱮᱫ ᱛᱟᱦᱮᱸ ᱫᱚᱜ ᱾ ᱒᱐᱐᱓ ᱠᱷᱚᱱ ᱒᱐᱐᱕ ᱥᱟᱞ ᱨᱮ ᱢᱟᱱᱤᱞᱟ, Philippine ᱨᱮ Deputy Chief Of Mission ᱟᱨ Charge de Affairs ᱨᱮᱱᱟᱜ ᱠᱟᱹᱢᱤ ᱥᱩᱜ ᱛᱚᱨᱟᱣ ᱞᱮᱜᱼᱟ ᱾ ᱚᱱᱟ ᱢᱟᱬᱟᱝ ᱨᱮ Turkey ᱟᱨ Argentina ᱨᱮᱱᱟᱜ ᱨᱟᱡᱽᱫᱩᱛ ᱨᱟᱡᱽ ᱟᱹᱨᱤ ᱠᱟᱹᱢᱤ ᱛᱚᱨᱟᱣ ᱞᱮᱜᱼᱟ ᱾ ᱒᱐᱐᱙ ᱥᱟᱞ ᱨᱮ University of Liberia ᱨᱮ ᱮᱛᱚᱦᱚᱵ ᱜᱟᱞᱚᱪᱤᱭᱟᱹ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱚᱱᱟᱛᱮ ᱚᱸᱰᱮ Doctors of Letters ᱨᱮᱱᱟᱜ ᱢᱟᱹᱱ ᱥᱟᱠᱟᱡ ᱠᱚ ᱮᱢᱟᱫᱮ ᱛᱟᱦᱮᱸᱫᱚᱜ ᱾ ᱒᱐᱐᱙ ᱨᱮ British Institute of Management ᱟᱨ Technology ᱨᱮᱱᱟᱜ ᱥᱚᱱᱮᱨ ᱥᱟᱹᱛ ᱟᱥᱲᱟ ᱨᱮ ᱮᱛᱚᱦᱚᱵ ᱜᱟᱞᱚᱪᱤᱭᱟᱹ ᱞᱮᱠᱟᱛᱮ ᱛᱟᱦᱮᱸ ᱠᱟᱛᱮ ᱪᱮᱛᱮᱫᱤᱭᱟᱹ ᱠᱚ ᱵᱩᱜᱤ ᱦᱚᱨᱛᱮ ᱛᱟᱲᱟᱢ ᱠᱟᱛᱮ ᱢᱟᱹᱱᱢᱤ ᱞᱟᱹᱜᱤᱫ ᱠᱟᱹᱢᱤ ᱯᱮ ᱢᱮᱱᱛᱮ ᱞᱟᱹᱭ ᱟᱫ ᱠᱚ ᱛᱟᱦᱮᱸ ᱫᱚᱜ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Shamma Jain appointed Indian envoy to Greece". Business Standard. Retrieved 29 June 2017.
  2. "CII Interactive Session". Confederation of Indian Industry. Archived from the original on 17 May 2014. Retrieved 14 May 2014.
  3. "Embassy of India in Ivory Coast". Ministry of External Affairs. Retrieved 8 September 2008.
  4. "Center for African Studies" (PDF). JNU. Retrieved 14 May 2014.
  5. "Shamma Jain appointed as the next Ambassador of India to Panama". Ministry of External Affairs. Retrieved 14 May 2014.
  6. "MEA Organization" (PDF). Ministry of External Affairs. Retrieved 14 May 2014.
  7. "MEA Moves its Men, Post-Haste". Indian Express. Archived from the original on 14 April 2014. Retrieved 14 May 2014.