ᱥᱟᱦᱡᱟᱦᱟᱱ
ᱥᱟᱦᱟᱵᱽ-ᱩᱫᱽ-ᱫᱤᱱ ᱢᱚᱦᱢᱚᱫᱽ ᱠᱷᱩᱨᱟᱢ ᱫᱚ ᱵᱟᱹᱲᱛᱤ ᱥᱟᱦᱡᱟᱦᱟᱱ ᱢᱮᱱᱛᱮ ᱜᱮ ᱠᱚ ᱵᱟᱰᱟᱭᱮᱭᱟ ᱾ ᱥᱚᱢᱨᱟᱴ ᱡᱟᱦᱟᱝᱜᱤᱨᱤᱡ ᱛᱮᱥᱟᱨ ᱦᱚᱱ ᱫᱚ ᱥᱟᱦᱡᱟᱦᱟᱱ ᱮ ᱛᱟᱦᱮᱸᱠᱟᱱᱟ ᱾ ᱩᱱᱤ ᱫᱚ ᱕ ᱡᱟᱹᱱᱩᱣᱟᱹᱨᱤ ᱑᱕᱙᱒ ᱥᱟᱞᱮ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱝᱜᱤᱨᱟᱜ ᱜᱚᱡ ᱛᱟᱭᱚᱢ ᱟᱡ ᱨᱤᱱ ᱡᱚᱛᱚ ᱵᱚᱭᱦᱟᱭ ᱜᱚᱡ ᱠᱮᱫ ᱠᱚᱣᱟ ᱟᱨ ᱔ ᱯᱷᱮᱵᱽᱨᱩᱣᱟᱨᱤ ᱑᱖᱒᱘ ᱥᱟᱞᱮᱨᱮ ᱨᱟᱡᱽ ᱜᱟᱹᱫᱤ ᱨᱮᱭ ᱫᱩᱲᱩᱵ ᱞᱮᱱ ᱛᱟᱦᱮᱸᱫ ᱾ ᱟᱡ ᱨᱤᱱ ᱯᱮᱭᱟ ᱨᱟᱹᱱᱤ ᱠᱷᱚᱱ, ᱫᱚᱥᱟᱨᱤᱡ ᱫᱚ ᱢᱚᱢᱚᱛᱟᱡᱽ ᱧᱩᱛᱩᱢᱟᱭ ᱛᱟᱦᱮᱸᱫ ᱾ ᱢᱚᱢᱚᱛᱟᱡᱽ ᱥᱟᱶ ᱑᱖᱑᱒ ᱥᱟᱞᱮᱨᱮ ᱟᱹᱠᱤᱱᱟᱜ ᱵᱟᱯᱞᱟ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱖᱓᱑ ᱥᱟᱞᱮᱨᱮ ᱢᱚᱢᱚᱛᱟᱡᱟᱜ ᱜᱩᱨ ᱛᱟᱭᱚᱢ ᱟᱡ ᱧᱩᱛᱩᱢ ᱛᱮ ᱛᱟᱡᱽᱢᱚᱦᱚᱞ ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱫᱤᱞᱞᱤ ᱨᱮᱱᱟᱜ ᱡᱟᱢᱟ ᱢᱚᱥᱡᱤᱫᱽ ᱟᱨ ᱟᱜᱽᱨᱟ ᱨᱮᱱᱟᱜ ᱢᱚᱛᱤ ᱢᱚᱥᱡᱤᱫᱽ ᱦᱚᱸ ᱟᱡ ᱜᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱥᱟᱦᱟᱡᱟᱦᱟᱱᱵᱟᱫᱽ ᱧᱩᱛᱩᱢ ᱛᱮ ᱢᱤᱫ ᱱᱟᱶᱟ ᱨᱟᱡᱽᱜᱟᱲᱮ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾ ᱑᱖᱕᱘ ᱥᱟᱞᱮ ᱟᱡᱤᱡ ᱦᱚᱯᱚᱱ ᱚᱣᱨᱚᱝᱡᱟᱵᱽ ᱟᱡ ᱫᱚᱭ ᱵᱚᱱᱫᱤ ᱠᱮᱫᱮ ᱛᱮ ᱨᱟᱡᱽᱜᱟᱹᱫᱤᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱤᱨᱟᱹᱞ ᱥᱮᱨᱢᱟ ᱵᱚᱱᱫᱤ ᱡᱤᱭᱚᱱ ᱠᱷᱟᱸᱰᱟᱣ ᱠᱟᱛᱮ ᱒᱒ ᱡᱟᱱᱩᱣᱟᱨᱤ ᱑᱖᱖᱖ ᱥᱟᱞᱮᱨᱮ ᱟᱡᱟᱜ ᱡᱤᱣᱤ ᱵᱟᱹᱛᱤ ᱫᱚ ᱤᱬᱤᱡ ᱞᱮᱱ ᱛᱟᱦᱮᱸᱫ ᱾
ᱦᱩᱞ ᱥᱟᱢᱟᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱡᱽ ᱜᱟᱹᱫᱤ ᱦᱟᱥᱚᱞ ᱛᱟᱭᱚᱢ ᱟᱹᱰᱤ ᱱᱟᱯᱟᱭ ᱛᱮ ᱥᱟᱦᱡᱟᱦᱟᱱ ᱫᱚ ᱥᱟᱥᱚᱱᱮ ᱪᱚᱲᱟᱣᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱩᱱᱫᱮᱞ ᱨᱟᱡᱟ ᱡᱩᱡᱷᱟᱨ ᱥᱤᱝ ᱟᱨ ᱟᱯᱷᱜᱟᱱ ᱨᱟᱡᱟ ᱠᱷᱟᱸᱡᱟᱦᱟᱱ ᱞᱚᱫᱤᱭᱟᱜ ᱦᱩᱞᱥᱟᱹᱭᱮ ᱥᱟᱢᱟᱝ ᱫᱟᱨᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱ ᱡᱚᱠᱷᱚᱡ ᱦᱩᱜᱩᱲᱤ ᱨᱮ ᱯᱚᱨᱛᱩᱜᱤᱡᱽ ᱠᱚ ᱟᱹᱰᱤ ᱞᱮᱠᱟᱱ ᱱᱟᱦᱟᱪᱟᱨ ᱠᱚ ᱪᱷᱩᱴᱟᱹᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟᱛᱮ ᱥᱟᱦᱡᱟᱦᱟᱱ ᱟᱨ ᱨᱤᱱ ᱯᱷᱟᱹᱫᱽ ᱠᱚ ᱠᱩᱞ ᱠᱟᱛᱮ ᱚᱱᱟ ᱴᱚᱴᱷᱟᱠᱚᱭ ᱫᱚᱠᱷᱚᱞ ᱞᱮᱫ ᱛᱟᱦᱮᱸᱫ ᱾ ᱟᱭᱢᱟ ᱯᱚᱨᱛᱩᱜᱤᱡᱽ ᱠᱚ ᱜᱚᱡ ᱮᱱᱟ ᱟᱨ ᱠᱚ ᱵᱚᱱᱫᱤ ᱠᱮᱫ ᱠᱚᱣᱟ ᱾ ᱥᱟᱦᱡᱟᱦᱟᱱᱟᱜ ᱥᱟᱥᱮᱛ ᱚᱠᱛᱚ ᱨᱮ ᱠᱚᱧᱮ ᱥᱮᱦᱮᱫ ᱟᱨ ᱜᱩᱡᱽᱨᱟᱴ ᱨᱮ ᱟᱹᱰᱤ ᱡᱩᱨ ᱠᱚ ᱨᱮᱸᱜᱮᱡ ᱱᱟᱪᱟᱨ ᱞᱮᱱᱟ ᱾ ᱥᱟᱦᱡᱟᱦᱟᱱᱟᱜ ᱜᱚᱜᱽᱲᱚ ᱥᱟᱶᱛᱮ ᱨᱮᱦᱚᱸ ᱟᱭᱢᱟ ᱠᱚᱣᱟᱜ ᱡᱤᱣᱤ ᱪᱟᱞᱟᱣᱮᱱᱟ ᱾
ᱠᱟᱱᱫᱟᱦᱟᱨ ᱦᱩᱞᱥᱟᱸᱜᱷᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱦᱡᱟᱦᱟᱱ ᱯᱟᱨᱚᱥᱭᱚ ᱥᱚᱢᱨᱟᱴ ᱜᱚᱵᱚᱞ ᱠᱷᱚᱱ ᱠᱟᱱᱫᱟᱦᱟᱨ ᱨᱮᱡ ᱞᱟᱹᱜᱤᱫ ᱞᱮᱛᱟᱲ ᱮ ᱨᱤᱠᱟᱹ ᱞᱮᱫ ᱨᱮᱦᱚᱸ ᱵᱟᱭ ᱨᱮᱡ ᱫᱟᱲᱮᱭᱟᱫᱮᱭᱟ ᱾ ᱱᱚᱶᱟ ᱫᱟᱨᱟᱭ ᱛᱮ ᱢᱚᱜᱚᱞ ᱫᱟᱲᱮ ᱢᱚᱥᱨᱟ ᱭᱮᱱᱟ ᱢᱮᱱᱛᱮ ᱵᱟᱰᱟᱭᱮᱱᱟ ᱾ ᱥᱟᱦᱡᱟᱦᱟᱱ ᱛᱟᱞᱟ ᱮᱥᱤᱭᱟ ᱨᱮᱱᱟᱜ ᱱᱤᱡᱚᱨ ᱵᱟᱵᱟ ᱟᱯᱟᱛ ᱛᱮᱠᱚᱣᱟᱜ ᱛᱟᱹᱨᱤ ᱨᱮ ᱢᱮᱱᱟᱜ ᱫᱤᱥᱚᱢ ᱠᱚ ᱦᱚᱸ ᱨᱮᱡ ᱞᱟᱹᱜᱤᱫ ᱞᱮᱛᱟᱲ ᱜᱮ ᱯᱷᱟᱹᱫᱽ ᱠᱚᱭ ᱵᱷᱮᱡᱟ ᱞᱮᱫ ᱠᱚᱣᱟ ᱾ ᱢᱮᱱᱠᱷᱟᱱ ᱚᱸᱰᱮ ᱦᱚᱸ ᱵᱟᱭ ᱫᱟᱲᱮᱞᱮᱱ ᱛᱟᱦᱮᱸᱫ ᱟᱭᱢᱟ ᱫᱷᱚᱱ ᱨᱮᱱᱟᱜ ᱠᱷᱤᱛᱤ ᱠᱟᱛᱮ ᱦᱮᱡ ᱦᱩᱭᱟᱫᱮ ᱛᱟᱦᱮᱸᱫ ᱾
ᱠᱚᱸᱡᱮ ᱥᱮᱦᱮᱫ ᱦᱩᱞᱥᱟᱸᱜᱷᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱦᱢᱚᱫᱽᱱᱚᱜᱚᱨ ᱱᱟᱜᱟᱨ ᱨᱤᱱᱤᱡ ᱧᱩᱛᱩᱢᱟᱱ ᱢᱚᱱᱛᱨᱤ ᱢᱟᱞᱤᱠ ᱚᱢᱵᱚᱨᱟᱜ ᱜᱩᱨ ᱛᱟᱭᱚᱢ ᱟᱡᱤᱡ ᱦᱚᱯᱚᱱ ᱯᱷᱚᱛᱮ ᱠᱷᱟᱱ ᱚᱦᱢᱚᱫᱽᱱᱚᱜᱚᱨ ᱨᱤᱱᱤᱡ ᱥᱩᱞᱛᱟᱱ ᱜᱚᱡ ᱠᱟᱛᱮ ᱟᱡᱤᱡ ᱦᱚᱯᱚᱱ ᱦᱩᱥᱮᱱ ᱥᱟᱦ ᱨᱟᱡᱽᱜᱟᱹᱫᱤ ᱨᱮ ᱫᱚᱲᱚᱢ ᱠᱟᱛᱮ ᱥᱟᱱᱟᱢ ᱟᱭᱫᱟᱹᱨ ᱟᱡ ᱮ ᱤᱫᱤᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱚᱠᱛᱚ ᱨᱮ ᱥᱟᱦᱡᱟᱦᱟᱱ ᱞᱮᱛᱟᱲ ᱩᱴᱠᱟᱹᱨ ᱚᱦᱢᱚᱫᱽᱱᱚᱜᱚᱨ ᱨᱮᱱᱟᱜ ᱨᱟᱡᱽᱜᱟᱲ ᱫᱚᱣᱞᱟᱛᱵᱟᱫ ᱫᱚᱭ ᱫᱚᱠᱷᱚᱞ ᱞᱮᱫ ᱛᱟᱦᱮᱸᱫ ᱾ ᱑᱖᱓᱓ ᱥᱟᱞᱮ ᱚᱦᱢᱚᱫᱽᱱᱚᱜᱚᱨ ᱢᱚᱜᱚᱞ ᱨᱟᱡᱽ ᱛᱟᱹᱨᱤ ᱨᱮ ᱥᱮᱞᱮᱫ ᱮᱱᱟ ᱟᱨ ᱡᱟᱭᱡᱩᱜᱽ ᱞᱟᱹᱜᱤᱫ ᱱᱤᱡᱟᱢᱥᱟᱦᱤ ᱵᱚᱝᱥᱚ ᱫᱚ ᱟᱫ ᱥᱟᱹᱨᱤᱭᱮᱱᱟ ᱾ ᱚᱱᱟ ᱵᱚᱝᱥᱚ ᱨᱮᱱᱟᱜ ᱫᱚᱦᱲᱟ ᱨᱟᱠᱟᱵ ᱠᱮᱴᱮᱡ ᱟᱨ ᱚᱦᱢᱚᱫᱽᱱᱚᱜᱚᱨ ᱨᱮᱱᱟᱜ ᱯᱷᱩᱨᱜᱟᱹᱞ ᱟᱹᱜᱩᱭ ᱞᱟᱹᱜᱤᱫ ᱢᱚᱨᱚᱦᱚᱴᱟ ᱨᱟᱡᱟ ᱟᱭᱢᱟ ᱨᱤᱠᱟᱹ ᱠᱟᱛᱮ ᱦᱚᱸ ᱵᱟᱭ ᱫᱟᱲᱮᱭᱟᱫ ᱛᱟᱦᱮᱸᱫ ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Shah Jehan in Christian Art
- Shah Jahan's 353rd death anniversary observed at Taj Mahal at TwoCircles.net
- History of Islam in India at IndiaNest.com Archived ᱒᱐᱐᱖-᱐᱖-᱑᱘ at the Wayback Machine.
- A Handbook to Agra and the Taj – Sikandra, Fatehpur-Sikri and the Neighbourhood by E. B. Havel (Project Gutenberg)
- Indian & Mughal History Discussions at History Forum
- 'The Man Of Marble' – Outlook India
- http://www.gutenberg.org/catalog/world/readfile?fk_files=55696