ᱥᱟᱨᱚᱥᱠᱚᱬᱟ ᱵᱽᱞᱚᱠ

ᱥᱟᱨᱚᱥᱠᱚᱬᱟ (ସାରଶକଣା/Saraskana): ᱳᱰᱤᱥᱟ ᱯᱚᱱᱚᱛ ᱢᱭᱩᱨᱵᱷᱸᱡᱽ ᱦᱚᱱᱚᱛ ᱨᱮᱱᱟᱜ ᱒᱖ ᱜᱚᱴᱟᱝ ^[᱑]ᱵᱽᱞᱚᱠ ᱠᱷᱚᱱ ᱢᱤᱫ ᱴᱟᱝ ᱵᱽᱞᱚᱠ ᱦᱩᱭᱩᱜ ᱠᱟᱱᱟ ᱥᱟᱨᱚᱥᱠᱚᱬᱟ ᱵᱞᱚᱠ ᱾ ᱥᱟᱨᱚᱥᱠᱚᱬᱟ ᱵᱞᱚᱠ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱢᱩᱠᱷᱤᱭᱟᱹ ᱥᱚᱫᱚᱨ ᱵᱟᱨᱤᱯᱚᱫᱟ ᱠᱷᱚᱱ ᱔᱔ ᱠᱤᱞᱚᱢᱤᱴᱚᱨ ᱮᱛᱚᱢ ᱥᱮᱫ ᱑᱘ ᱱᱚᱢᱵᱚᱨ ᱡᱟᱹᱛᱤᱭᱟᱨᱤ ᱨᱟᱡᱽ ᱰᱟᱦᱟᱨᱛᱮ ᱦᱮᱡ ᱞᱮᱱᱠᱷᱟᱱ ᱧᱟᱢᱚᱜ-ᱟ ᱾ᱡᱟᱢᱥᱮᱫᱯᱩᱨ ᱠᱷᱚᱱ ᱢᱤᱫ ᱦᱚᱲ ᱮ ᱦᱟᱹᱡᱩᱜ ᱠᱷᱟᱱ ᱡᱟᱢᱥᱮᱫᱯᱩᱨ-ᱢᱩᱥᱟᱹᱵᱩᱱᱤ ᱨᱳᱫ ᱛᱮ ᱡᱟᱫᱩᱜᱳᱰᱟ ᱥᱮᱫ ᱛᱮ ᱑᱐᱑ ᱠᱤᱞᱚᱢᱤᱴᱚᱨ ᱦᱚᱨ ᱛᱮ ᱦᱮᱡ ᱫᱟᱲᱮᱭᱟᱜ ᱟᱭ ᱟᱨ ᱵᱟᱝ ᱜᱷᱟᱴᱥᱤᱞᱟ ᱫᱷᱟᱞᱢᱩᱜᱚᱰ ᱦᱚᱨ ᱛᱮ ᱵᱚᱦᱚᱲᱟᱜᱚᱰᱟ ᱥᱮᱫ ᱛᱮ ᱥᱟᱨᱚᱥᱠᱚᱬᱟ ᱑᱐᱔ ᱠᱤᱞᱚᱢᱤᱴᱚᱨ ᱦᱮᱡ ᱠᱟᱛᱮᱫ ᱥᱟᱨᱚᱥᱠᱚᱢᱟᱭ ᱥᱮᱴᱮᱨ ᱫᱟᱲᱮᱭᱟᱜ-ᱟ ᱾ᱨᱮᱞ ᱰᱟᱦᱟᱨ ᱛᱮᱦᱚᱸ ᱵᱟᱞᱮᱥᱚᱨ ᱠᱷᱚᱱ ᱵᱩᱰᱟᱹᱢᱚᱨᱟ ᱦᱮᱡ ᱟᱛᱮ ᱚᱱᱮ ᱠᱷᱚᱱ ᱑᱙ ᱠᱤᱞᱚᱢᱤᱴᱚᱨ ᱦᱚᱨ ᱛᱮ ᱥᱟᱨᱥᱠᱚᱬᱟ ᱦᱮᱡ ᱜᱟᱱᱚᱜ-ᱟ ᱾

ᱥᱤᱢᱟᱹ

ᱥᱟᱨᱚᱥᱠᱚᱬᱟ ᱵᱞᱚᱠ ᱨᱮᱱᱟᱜ ᱥᱤᱢᱟᱹ ᱟᱭᱛᱟᱱ ᱫᱚ ᱓᱑᱑ᱹ᱘᱔ km² ᱠᱟᱱᱟ ᱾ ᱥᱟᱨᱚᱥᱠᱚᱬᱟ ᱵᱞᱚᱠ ᱨᱮᱱᱟᱜ ᱥᱟᱢᱟᱝ ᱨᱮ ᱵᱮᱸᱜᱚᱞ ᱟᱨ ᱡᱷᱟᱨᱠᱟᱸᱰ ᱯᱚᱱᱚᱛ ᱢᱮᱱᱟᱜ-ᱟ, ᱮᱛᱚᱢ ᱨᱮ ᱡᱷᱟᱨᱠᱟᱸᱰ ᱯᱚᱱᱚᱛ ᱢᱮᱱᱟᱜ-ᱟ ᱾ᱯᱟᱪᱮᱨᱮ ᱵᱤᱡᱚᱛᱚᱲᱟ ᱵᱞᱚᱠ ᱠᱚᱸᱡᱮ ᱨᱮ ᱵᱤᱥᱚᱭᱤ,ᱵᱟᱺᱨᱤᱯᱳᱥᱤ, ᱠᱩᱞᱤ-ᱟᱱᱟ ᱵᱞᱚᱠ ᱢᱮᱱᱟᱜ-ᱟ ᱾ ^[᱒]

ᱞᱮᱠᱷᱟᱠᱚ

᱒᱐᱑᱑ ᱨᱮᱱᱟᱜ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱵᱽᱞᱚᱠ ᱨᱮ ᱒᱐᱐ ᱜᱚᱴᱟᱝ ᱟᱹᱛᱩ ᱟᱨ ᱑᱕ ᱜᱚᱴᱟᱝ ᱜᱨᱟᱢᱯᱚᱸᱪᱟᱭᱚᱴ ᱢᱮᱱᱟᱜ-ᱟᱽ᱾ᱵᱽᱞᱚᱠ ᱨᱮ ᱒᱓᱙᱓᱕ ᱚᱲᱟᱜ ᱢᱮᱱᱟᱜ-ᱟ ᱾ ᱱᱚᱣᱟ ᱵᱽᱞᱚᱠ ᱨᱮ ᱑,᱐᱐,᱘᱑᱖ ᱦᱚᱲ ᱢᱮᱱᱟᱜ ᱠᱚᱣᱟ ᱚᱱᱟ ᱢᱩᱫ ᱨᱮ ᱠᱚᱲᱟ ᱠᱚ ᱦᱦᱩᱭᱩᱜ ᱠᱟᱱᱟ ᱕᱐,᱙᱐᱔ ᱟᱨ ᱠᱩᱲᱤ ᱠᱚ ᱦᱩᱭᱩᱜ ᱠᱟᱱᱟ ᱔᱙,᱙᱑᱒᱾ ᱱᱚᱰᱮ ᱨᱮᱱ ᱡᱚᱛᱚ ᱵᱟᱹᱥᱤᱸᱫᱟ ᱟᱹᱛᱩ ᱨᱤᱱ ᱠᱟᱱᱟ ᱠᱚ ^[᱓]᱾

ᱟᱹᱢᱟᱹᱞᱤ

ᱥᱟᱨᱚᱥᱠᱚᱬᱟ ᱨᱮᱱᱟᱜ ᱛᱚᱦᱚᱥᱤᱞ ᱟᱨ ᱵᱞᱚᱠ ᱟᱹᱢᱟᱞᱤᱹ ᱵᱟᱱᱟᱨ ᱫᱚ ᱥᱟᱨᱚᱥᱠᱚᱬᱟ ᱨᱮᱜᱮ ᱢᱮᱱᱟᱜ-ᱟ ᱾ ᱥᱟᱨᱚᱥᱠᱚᱬᱟ ᱛᱚᱦᱚᱥᱤᱞ ᱨᱮ ᱖ ᱜᱚᱴᱟᱝ ᱟᱨ ᱟᱭᱤ ᱢᱚᱱᱰᱚᱲ ᱢᱮᱱᱟᱜ-ᱟ ᱡᱮᱢᱚᱱ ᱥᱟᱨᱚᱥᱠᱚᱬᱟ, ᱥᱤᱨᱥᱟ,ᱨᱟᱡᱟᱞᱳᱠᱟ-᱑, ᱵᱷᱩᱨᱥᱟᱬᱤ, ᱠᱚᱯᱟᱰᱤᱦᱟ, ᱯᱳᱠᱷᱳᱨᱤᱭᱟ ^[᱔]᱾ ᱵᱽᱞᱚᱠ ᱨᱮ ᱢᱤᱫᱴᱟᱝ ᱛᱷᱟᱱᱟ ᱡᱷᱟᱨᱯᱚᱠᱳᱨᱤᱭᱟ ᱨᱮ ᱢᱮᱱᱟᱜ-ᱟ ᱾ ᱥᱟᱨᱚᱥᱠᱚᱬᱟ ᱨᱮᱱᱟᱜ ᱥᱤᱨᱥᱟ ᱨᱮ ᱢᱤᱫ ᱜᱩᱥᱴᱤ ᱰᱟᱠᱛᱚᱨᱠᱷᱟᱱᱟ ᱢᱮᱱᱟᱜ-ᱟ ᱡᱟᱦᱟᱸᱫᱚ ᱥᱟᱨᱚᱥᱠᱚᱢᱟ ᱠᱷᱚᱱ ᱘ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ^[᱕] ᱾ ᱚᱱᱟ ᱥᱟᱶ ᱯᱟᱠᱴᱤᱭᱟ ,ᱥᱟᱨᱚᱥᱠᱚᱬᱟ,ᱡᱷᱟᱨᱯᱳᱠᱳᱨᱤᱭᱟ ᱨᱮ ᱯᱩᱭᱞᱩ ᱛᱤᱠᱪᱷᱟᱹ ᱛᱟᱞᱢᱟ ᱢᱮᱱᱟᱜ-ᱟ ^[᱖]᱾ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱳᱰᱤᱥᱟ ᱜᱨᱟᱢᱭᱚ ᱵᱮᱸᱠ, ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱥᱤᱱᱰᱤᱠᱮᱴ ᱵᱮᱸᱠ,ᱢᱚᱭᱩᱨᱵᱷᱚᱸᱡ ᱥᱚᱢᱚᱵᱟᱭ ᱵᱮᱸᱠ ᱮᱢᱟᱱ ᱵᱮᱸᱠ ᱠᱚᱦᱚᱸ ᱱᱚᱣᱟ ᱵᱞᱚᱠ ᱨᱮ ᱢᱮᱱᱟᱜ-ᱟ ᱾

ᱵᱟᱪᱷᱱᱟᱣ ᱢᱟᱰᱮᱨ

ᱥᱟᱨᱚᱥᱠᱚᱬᱟ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱢᱟᱰᱮᱨ ᱫᱚ ᱥᱟᱨᱚᱥᱠᱚᱬᱟ, ᱵᱤᱡᱚᱛᱲᱟ, ᱵᱤᱥᱚᱭᱤ ᱵᱞᱚᱠ ᱟᱨ ᱠᱩᱥᱩᱢᱤ ᱵᱞᱚᱠ ᱨᱮᱱᱟᱜ ᱯᱮᱭᱟ ᱜᱨᱟᱢ ᱯᱚᱸᱪᱟᱭᱚᱛ ᱡᱚᱭᱚᱯᱩᱨ, ᱠᱩᱥᱩᱢᱤ ᱟᱨ ᱢᱚᱭᱩᱨᱫᱟᱨ ᱡᱤᱹᱯᱤ ᱢᱮᱥᱟ ᱟᱛᱮᱫ ᱦᱩᱭ ᱟᱠᱟᱱᱟ ᱾ ᱒᱐᱑᱙ ᱨᱮᱱᱟᱜ ᱵᱟᱪᱷᱚᱱ ᱨᱮ ᱵᱤ ᱡᱮ ᱯᱤ ᱨᱤᱱᱤᱡ ᱵᱩᱰᱷᱟᱹᱱ ᱢᱩᱨᱢᱩ ᱡᱤᱛᱠᱟᱹᱨ ᱞᱮᱱᱟᱭ ᱾

ᱧᱮᱞ ᱡᱚᱝ ᱴᱦᱟᱶ

ᱢᱮᱨᱩ ᱢᱚᱴᱷᱚ^[᱗]
ᱥᱟᱨᱚᱥᱤ ᱠᱷᱮᱛᱨᱚ

ᱥᱟᱹᱠᱷᱭᱟᱹᱛ

↑ https://mayurbhanj.nic.in/subdivision-blocks/
↑ https://gisodisha.nic.in/District/mayurbhanj/mayurbhanjpdf/Blocks/Saraskana%20Block/Saraskana_GP%20Map.pdf
↑ https://censusindia.gov.in/2011census/dchb/2107_PART_B_DCHB_MAYURBHANJ.pdf
↑ http://bhulekh.ori.nic.in/TahasilWebsite/TahasilInfo.aspx^{[permanent dead link]}
↑ "Archive copy". Archived from the original on 2020-07-11. Retrieved 2020-07-12.{{cite web}}: CS1 maint: archived copy as title (link)
↑ "Archive copy". Archived from the original on 2020-07-11. Retrieved 2020-07-12.{{cite web}}: CS1 maint: archived copy as title (link)
↑ https://www.youtube.com/watch?v=ka_VUW71H9M

ᱵᱟᱦᱨᱮ ᱡᱚᱱᱚᱲ

https://mayurbhanj.nic.in/

[1] ttps://mayurbhanj.nic.in/subdivision-blocks/

[2] ttps://gisodisha.nic.in/District/mayurbhanj/mayurbhanjpdf/Blocks/Saraskana%20Block/Saraskana_GP%20Map.pdf

[3] ttps://censusindia.gov.in/2011census/dchb/2107_PART_B_DCHB_MAYURBHANJ.pdf

[4] ttp://bhulekh.ori.nic.in/TahasilWebsite/TahasilInfo.aspx^{[permanent dead link]}

[5] "Archive copy". Archived from the original on 2020-07-11. Retrieved 2020-07-12.{{cite web}}: CS1 maint: archived copy as title (link)

[6] "Archive copy". Archived from the original on 2020-07-11. Retrieved 2020-07-12.{{cite web}}: CS1 maint: archived copy as title (link)

[7] ttps://www.youtube.com/watch?v=ka_VUW71H9M

[᱑]

[᱒]

[᱓]

[᱔]

[᱕]

[᱖]

[᱗]