ᱥᱟᱨᱚᱫᱟ ᱫᱮᱵᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱨᱤ ᱥᱟᱨᱚᱫᱟ ᱫᱮᱵᱤ
Sri Sarada Devi
Personal
Born
Kshemankari/ Thakurmani/ Saradamani Mukhopadhyay

᱒᱒ ᱰᱤᱥᱮᱢᱵᱚᱨ ᱑᱘᱕᱓(1853-12-22)
Joyrambati, Bengal, British India
Died᱒᱐ ᱡᱩᱞᱟᱭ ᱑᱙᱒᱐ (᱖᱖ ᱵᱚᱭᱚᱥ)
Bagbazar, Kolkata, Bengal, British India
Cause of deathBlack fever
ReligionHinduism
SpouseSri Ramakrishna Paramhamsa
Religious career
GuruSri Ramakrishna Paramahamsa (spiritual consort)
HonorsShree Shree Maa
Quotation
"I am the mother of the wicked, as I am the mother of the virtuous. Never fear. Whenever you are in distress, just say to yourself 'I have a mother.'"[᱑]

ᱥᱟᱨᱚᱫᱟ ᱫᱮᱵᱤ (᱒᱒ ᱰᱤᱥᱮᱢᱵᱚᱨ ᱒᱘᱕᱓- ᱒᱐ ᱡᱩᱞᱟᱭ ᱑᱙᱒᱐) ᱫᱚ ᱩᱱᱤᱥ ᱥᱚᱛᱚᱠ ᱨᱮᱱ ᱧᱩᱛᱩᱢᱟᱱ ᱫᱷᱚᱨᱚᱢᱜᱩᱨᱩ ᱨᱟᱢᱠᱨᱤᱥᱱᱚ ᱯᱚᱨᱟᱢᱦᱚᱝᱥᱚ ᱨᱮᱱ ᱚᱲᱟᱜ ᱜᱳᱢᱠᱮ ᱟᱨ ᱥᱟᱫᱷᱚᱱ ᱨᱮᱱ ᱜᱚᱲᱚᱲ ᱛᱮᱱᱤᱡ ᱟᱨ ᱨᱟᱢᱠᱨᱤᱥᱱᱚ ᱢᱚᱴᱷ ᱟᱨ ᱢᱤᱥᱚᱱ ᱨᱮᱱ ᱥᱚᱝᱜᱷᱡᱚᱱᱟᱱᱤᱭ ᱛᱟᱦᱮᱸ ᱠᱟᱱᱟ᱾ ᱟᱡ ᱨᱮᱱ ᱡᱟᱦᱟ ᱛᱤᱱᱟ.ᱜ ᱵᱷᱚᱠᱛᱚ ᱢᱮᱱᱟᱜ ᱠᱚᱣᱟ ᱩᱱᱠᱩ ᱫᱚ ᱥᱨᱤ ᱥᱨᱤ ᱢᱟ ᱧᱩᱛᱩᱢ ᱛᱮ ᱠᱚ ᱢᱮᱛᱟᱭᱟ᱾ ᱨᱟᱢᱠᱨᱤᱥᱱᱚ ᱟᱜ ᱡᱟᱦᱟ ᱞᱟᱲᱟᱣᱱᱟ ᱛᱟᱞᱟᱛᱮ ᱢᱟᱨᱟᱝ ᱤᱫᱤᱭᱟᱠᱟᱱᱟ ᱚᱱᱟ ᱨᱮ ᱫᱚ ᱥᱟᱨᱚᱫᱟ ᱫᱮᱵᱤᱭᱟᱜ ᱮᱱᱮᱢ ᱟ.ᱰᱤ ᱜᱮ ᱡᱟᱥᱛᱤ ᱛᱟᱠᱚᱣᱟ᱾ ᱵᱟᱸᱠᱩᱲᱟ ᱦᱚᱱᱚᱛ ᱨᱮᱱᱟᱜ ᱡᱚᱭᱨᱟᱢᱵᱟᱴᱤ ᱨᱮᱭ ᱡᱟᱱᱟᱢ ᱟᱠᱟᱱᱟ᱾ ᱵᱟᱯᱞᱟ ᱢᱟᱲᱟᱝ ᱧᱩᱛᱩᱢ ᱛᱟᱦᱮᱸ ᱠᱟᱱ ᱛᱟᱭᱟ ᱥᱟᱨᱚᱫᱟᱢᱚᱱᱤ ᱢᱩᱠᱷᱭᱚᱯᱟᱫᱷᱟᱭ᱾ ᱟ.ᱰᱤ ᱦᱩᱰᱤᱧ ᱩᱢᱮᱨ ᱨᱮᱜᱮ ᱢᱚᱲᱮ ᱥᱮᱨᱢᱟ ᱩᱢᱮᱨ ᱨᱮᱜᱮ ᱨᱟᱢᱠᱨᱤᱥᱱᱚ ᱥᱟᱣ ᱛᱮ ᱵᱟᱯᱞᱟ ᱦᱳᱭ ᱞᱮᱱ ᱛᱟᱭᱟ᱾ ᱡᱟᱦᱟᱭ ᱫᱚ ᱟᱡᱟᱜ ᱡᱤᱭᱚᱱ ᱞᱟ.ᱭ ᱛᱮ ᱠᱚ ᱧᱮᱞ ᱟᱠᱟᱫᱟ ᱩᱱᱠᱩᱣᱟᱜ ᱢᱚᱛ ᱛᱮ ᱩᱱᱠᱤᱱ ᱵᱟᱵᱟ ᱦᱚᱲ ᱜᱮ ᱥᱚᱱ-ᱱᱟᱥ ᱡᱤᱭᱚᱱ ᱨᱮ ᱟᱫᱚᱨᱥᱚ ᱛᱷᱟᱯᱚᱱ ᱞᱟ.ᱜᱤᱫ ᱛᱮ ᱡᱩᱫᱟ. ᱡᱩᱫᱟ. ᱞᱮᱠᱟ ᱛᱮ ᱵᱚᱢᱵᱷᱨᱚᱪᱚᱨᱡᱚ ᱡᱤᱭᱚᱱ ᱞᱟ.ᱜᱤᱫ ᱛᱮ ᱠᱤᱱ ᱛᱮᱭᱟᱨᱚᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱨᱟᱢᱠᱨᱤᱥᱱᱚ ᱦᱟᱱᱟᱯᱩᱨᱤ ᱛᱮ ᱪᱟᱞᱟᱣ ᱛᱟᱭᱚᱢ ᱫᱚ ᱥᱟᱨᱚᱫᱟ ᱫᱮᱵᱤ ᱫᱚ ᱡᱚᱭᱨᱟᱢᱵᱟᱴᱤ ᱟᱨ ᱠᱳᱞᱠᱟᱛᱟ ᱩᱫᱵᱳᱫᱷᱚᱱ ᱵᱷᱚᱵᱟᱱ ᱨᱮ ᱟᱡᱟᱜ ᱢᱩᱪᱟ.ᱫ ᱡᱤᱭᱚᱱ ᱫᱚᱭ ᱠᱷᱟᱸᱰᱟᱣ ᱞᱮᱫᱟ᱾ ᱩᱱᱤᱭᱟᱜ ᱜᱳᱴᱟ ᱡᱤᱭᱚᱱ ᱜᱮ ᱡᱟᱶᱟᱭ, ᱵᱚᱭᱦᱟ, ᱟᱨ ᱟᱡ ᱨᱮ ᱵᱷᱚᱠᱛᱤᱭᱟᱱ ᱜᱤᱫᱽᱨᱟᱹ ᱠᱚ ᱥᱮᱵᱟ ᱛᱮᱜᱮ ᱟᱡᱟᱜ ᱡᱤᱭᱚᱱ ᱮ ᱠᱷᱟᱸᱰᱟᱣ ᱞᱮᱫᱟ᱾ ᱨᱟᱢᱠᱨᱤᱥᱱᱟ ᱨᱮᱱ ᱡᱟᱦᱟ ᱛᱤᱱᱟ.ᱜ ᱥᱤᱥ-ᱥᱚ ᱠᱚ ᱛᱟᱦᱮᱸ ᱠᱟᱱᱟ ᱩᱱᱠᱩ ᱫᱚ ᱥᱟᱨᱚᱫᱟ ᱫᱮᱵᱤ ᱫᱚ ᱟᱭᱳ ᱢᱮᱱ ᱛᱮᱜᱮ ᱠᱚ ᱢᱟᱱᱟᱣ ᱮᱱ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱨᱟᱢᱠᱨᱤᱥᱱᱚ ᱦᱟᱱᱟᱯᱩᱨᱤ ᱛᱟᱭᱚᱢ ᱩᱱᱤ ᱴᱷᱮᱱ ᱡᱟᱦᱟᱱᱟᱜ ᱩᱯᱚᱫᱮᱥ ᱟᱨ ᱠᱟ.ᱢᱤ ᱨᱮ ᱩᱫᱽᱜᱟ.ᱣ ᱧᱟᱢ ᱞᱟ.ᱜᱤᱫ ᱛᱮ ᱠᱚ ᱦᱤᱡᱩᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱢᱤᱫ ᱴᱟᱝ ᱟᱛᱳ ᱚᱲᱟᱜ ᱨᱮᱱ ᱛᱤᱨᱞᱟ. ᱞᱮᱠᱟ ᱛᱟᱦᱮᱸ ᱠᱟᱛᱮᱫ ᱦᱚᱸ ᱛᱟᱭᱚᱢ ᱛᱮ ᱫᱚ ᱟ.ᱰᱤ ᱜᱮ ᱢᱟᱱᱟᱣ ᱠᱟᱛᱮᱫ ᱠᱚ ᱵᱚᱸᱜᱟ ᱟᱭᱟ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ

 ᱑᱘᱕᱓ ᱥᱟᱞᱮ ᱒᱒ ᱰᱤᱥᱮᱢᱵᱚᱨ (ᱵᱟᱝᱞᱟ ᱑᱒᱖᱐ ᱥᱟᱞᱮ ᱘ ᱯᱩᱥ ᱦᱤᱱᱫᱩ ᱯᱟᱸᱡᱤ ᱞᱮᱠᱟᱛᱮ, ᱟᱸᱜᱷᱟᱲ ᱠᱨᱤᱥᱱᱟ ᱥᱚᱯᱛᱚᱢᱤ ᱛᱤᱛᱷᱤ) ᱯᱚᱪᱷᱤᱢᱵᱟᱝᱞᱟ ᱨᱮᱱᱟᱜ ᱵᱤᱥᱱᱩᱯᱩᱨ ᱢᱚᱦᱚᱠᱩᱢᱟ ᱨᱮ ᱢᱮᱱᱟᱜ ᱢᱤᱫ ᱦᱩᱰᱤᱧ ᱟᱛᱳ ᱡᱚᱭᱨᱟᱢᱵᱟᱴᱤ ᱨᱮ ᱨᱮᱸᱜᱮᱡᱽ ᱵᱨᱟᱢᱵᱷᱚᱱ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱟᱜ ᱧᱩᱛᱩᱢ ᱫᱚ ᱨᱟᱢᱪᱚᱱᱫᱨᱚ ᱢᱩᱠᱷᱭᱚᱯᱟᱫᱷᱟᱭ ᱟᱨ ᱟᱭᱳ ᱟᱜ ᱧᱩᱛᱩᱢ ᱫᱚ ᱥᱮᱢᱟᱥᱩᱱᱫᱚᱨᱤ ᱫᱮᱵᱤ᱾. [᱒] ᱥᱟᱨᱚᱫᱟ ᱫᱮᱵᱤ ᱨᱮᱱ ᱵᱟᱵᱟᱜᱟᱬᱟ ᱠᱚ ᱫᱚ ᱨᱟᱢ ᱨᱮᱱ ᱩᱯᱟᱥᱚᱠ ᱠᱚ ᱛᱟᱦᱮᱸ ᱠᱟᱱᱟ᱾ ᱥᱟᱨᱚᱫᱟ ᱫᱮᱵᱤ ᱫᱚ ᱩᱱᱠᱤᱱ ᱨᱮᱱ ᱢᱟᱨᱟᱝ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ᱾ᱡᱟᱱᱟᱢ ᱛᱟᱭᱚᱢ ᱯᱳᱭᱞᱳ ᱛᱮ ᱥᱟᱨᱚᱫᱟ ᱫᱮᱵᱤ ᱟᱜ ᱧᱩᱛᱩᱢ ᱠᱚ ᱫᱚᱦᱚ ᱞᱮᱫᱟ "ᱠᱷᱮᱢᱟᱝᱠᱚᱨᱤ"᱾ ᱨᱟᱥᱤ ᱞᱮᱠᱟ ᱛᱮ ᱧᱩᱛᱩᱢ ᱠᱚ ᱫᱚᱦᱚ ᱞᱮᱫ ᱛᱟᱭᱟ "ᱴᱷᱟᱠᱩᱨᱢᱚᱱᱤ"᱾ ᱛᱟᱭᱚᱢ ᱛᱮ "ᱠᱷᱮᱢᱟᱝᱠᱚᱨᱤ" ᱧᱩᱛᱩᱢ ᱵᱚᱫᱚᱞ ᱛᱮ "ᱥᱟᱨᱚᱫᱟᱢᱚᱱᱤ" ᱠᱚ ᱫᱚᱦᱚ ᱞᱮᱫᱟ᱾ ᱨᱟᱢᱪᱚᱱᱫᱨᱚ ᱢᱩᱠᱷᱭᱚᱯᱟᱫᱷᱟᱭ ᱫᱚ ᱪᱟᱥ ᱠᱟ.ᱢᱤ ᱠᱟᱛᱮᱫ ᱟᱨ ᱵᱚᱸᱜᱟ ᱠᱟᱛᱮᱫ ᱜᱷᱟᱨᱚᱸᱡᱽ ᱮ ᱥᱟᱢᱲᱟᱣ ᱮᱫ ᱛᱟᱦᱮᱸ ᱠᱟᱱᱟ ᱟᱨ ᱱᱩᱠᱩ ᱯᱮ ᱵᱚᱭᱦᱟᱭ ᱧᱮᱞ ᱮᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱨᱮᱸᱜᱮᱡᱽ ᱦᱳᱭ ᱠᱟᱛᱮᱫ ᱦᱚᱸ ᱩᱱᱤ ᱫᱚ ᱦᱚᱲᱟᱜ ᱮ ᱩᱯᱠᱟ.ᱨ ᱮᱫ ᱛᱟᱦᱮᱸ ᱠᱟᱱᱟ ᱟᱨ ᱡᱟ.ᱥᱛᱤ ᱮ ᱫᱟᱱ ᱮᱫ ᱛᱟᱦᱮᱸ ᱠᱟᱱᱟ᱾ ᱥᱟᱨᱚᱫᱟ ᱫᱮᱵᱤ ᱡᱟᱱᱟᱢ ᱛᱟᱭᱚᱢ ᱫᱚ ᱠᱟᱫᱟᱢᱵᱤᱱᱤ ᱧᱩᱛᱩᱢ ᱛᱮ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱟᱨ ᱯᱨᱚᱥᱚᱱ-ᱱᱚ ᱠᱩᱢᱟᱨ, ᱩᱢᱮᱥᱪᱚᱱᱫᱨᱚ, ᱠᱟᱞᱤᱠᱩᱢᱟᱨ, ᱵᱟᱨᱫᱟᱯᱨᱚᱥᱟᱫ, ᱟᱨ ᱚᱵᱷᱚᱭᱪᱟᱨᱚᱱ ᱧᱩᱛᱩᱢ ᱛᱮ ᱢᱚᱲᱮ ᱜᱚᱴᱟᱜ ᱠᱚᱲᱟ ᱜᱤᱫᱽᱨᱟᱹ ᱠᱚ ᱡᱟᱱᱟᱢ ᱞᱮᱱᱟ᱾ 

ᱜᱤᱫᱽᱨᱟᱹ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱤᱫᱽᱨᱟᱹ ᱚᱠᱛᱚ ᱨᱮ ᱫᱚ ᱟᱛᱳ ᱚᱲᱟᱜ ᱨᱮᱱ ᱮᱴᱟᱜ ᱠᱩᱲᱤ ᱦᱚᱯᱚᱱ ᱠᱚ ᱞᱮᱠᱟ ᱜᱮ ᱥᱟᱨᱚᱫᱟ ᱫᱮᱵᱤ ᱟᱜ ᱡᱤᱭᱚᱱ ᱦᱚᱸ ᱟ.ᱰᱤ ᱜᱮ ᱥᱟᱫᱟᱢᱟᱴᱷᱟᱭ ᱛᱟᱦᱮᱸ ᱠᱟᱱᱟ᱾ ᱟᱲᱟᱜ ᱨᱮᱱᱟᱜ ᱠᱟᱢᱤ ᱠᱚ ᱥᱟᱶ ᱛᱮ ᱩᱱᱤ ᱫᱚ ᱟᱡ ᱨᱮᱱ ᱵᱚᱭᱦᱟ ᱠᱟᱭ ᱧᱮᱞ ᱮᱫ ᱠᱚ ᱛᱟᱦᱮᱸ ᱠᱟᱱᱟ, ᱰᱟᱝᱨᱤ ᱞᱟ.ᱜᱤᱫ ᱜᱟ.ᱰᱭᱟ. ᱫᱟᱜ ᱠᱷᱚᱱ ᱫᱚᱞ ᱜᱷᱟᱥ ᱮ ᱜᱮᱫ ᱟ.ᱜᱩ ᱮᱫ ᱛᱟᱦᱮᱸ ᱠᱟᱱᱟ, ᱠᱷᱮᱛ ᱨᱮ ᱠᱟ.ᱢᱤ ᱦᱚᱲ ᱠᱚ ᱞᱟ.ᱜᱤᱛ ᱠᱷᱟᱱ.ᱡᱟ.ᱲᱤ ᱤᱫᱤᱭᱮᱫ ᱛᱟᱦᱮᱱ ᱠᱟᱱᱟ᱾ ᱩᱱᱤ ᱫᱚ ᱥᱠᱩᱞ ᱨᱮ ᱵᱷᱩᱨᱛᱤ ᱠᱟᱛᱮᱫ ᱚᱞᱚᱜ ᱫᱚ ᱵᱟᱭ ᱥᱮᱲᱟ ᱟᱠᱟᱫᱟ ᱛᱟᱦᱮᱸ ᱠᱟᱱᱟ᱾ ᱠᱟ.ᱴᱤᱡ ᱡᱚᱠᱷᱟᱱ ᱟᱡ ᱨᱮᱱ ᱵᱚᱭᱦᱟ ᱠᱚ ᱥᱟᱶ ᱛᱮ ᱥᱠᱩᱞ ᱮ ᱪᱟᱞᱟᱜ ᱠᱟᱱ ᱛᱟᱦᱮᱸ ᱠᱟᱱᱟ ᱟᱨ ᱩᱱ ᱜᱮ ᱪᱤᱠᱤ ᱠᱚ ᱫᱚᱭ ᱧᱮᱞ ᱴᱷᱤᱠ ᱞᱮᱫᱟ᱾ ᱨᱟᱢᱠᱨᱤᱱᱚ ᱥᱟᱶ ᱵᱟᱯᱞᱟ ᱛᱟᱭᱚᱢ ᱟᱡ ᱨᱮ ᱱᱮᱛᱟᱛ ᱮᱨ ᱞᱚᱠᱷᱤ ᱫᱮᱵᱤ ᱟᱨ ᱥᱮᱢᱯᱩᱠᱩᱨ ᱨᱮ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱴᱷᱮᱱ ᱵᱷᱟᱜᱮ ᱞᱮᱠᱟ ᱚᱞᱚᱜ ᱮ ᱥᱮᱲᱟ ᱞᱮᱫᱟ᱾ ᱟᱛᱳ ᱨᱮ ᱦᱳᱭᱳᱜ ᱠᱟᱱ ᱛᱟᱦᱮ ᱠᱟᱱ ᱡᱟᱛᱨᱚ ᱠᱚ ᱠᱷᱚᱱᱟᱜ ᱟᱭᱢᱟ ᱥᱞᱳᱠ ᱠᱚᱭ ᱥᱮᱲᱟ ᱞᱮᱫᱟ᱾ ᱠᱟ.ᱴᱤᱡ ᱠᱷᱚᱱ ᱜᱮ ᱞᱚᱠᱷᱤ ᱠᱟᱞᱤ ᱵᱚᱸᱜᱟ ᱟᱜ ᱯᱩᱛᱩᱞ ᱵᱮᱱᱟᱜ ᱠᱟᱛᱮᱫ ᱮ ᱠᱷᱮᱞ ᱮᱫ ᱛᱟᱦᱮᱸ ᱠᱟᱱᱟ᱾ ᱠᱟ.ᱴᱤᱡ ᱠᱷᱚᱱ ᱜᱮ ᱢᱚᱦᱟᱢᱟᱭᱟ ᱵᱚᱸᱜᱟ ᱟᱜ ᱫᱷᱮᱱ ᱮ ᱦᱮᱣᱟ ᱞᱮᱱᱟ᱾ ᱞᱟ.ᱭᱟᱠᱟᱱᱟ ᱩᱱ ᱚᱠᱛᱚ ᱠᱷᱚᱱ ᱜᱮ ᱩᱱᱤᱭᱟᱜ ᱫᱚ ᱟᱭᱢᱟ ᱞᱮᱠᱟᱱ ᱚᱵᱷᱤᱜ-ᱜᱚᱛᱟ ᱦᱳᱭᱳᱜ ᱠᱟᱱ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱠᱟ.ᱴᱤᱡ ᱡᱚᱠᱷᱟᱱ ᱨᱮᱱᱟᱜ ᱠᱟᱛᱷᱟ ᱞᱟ.ᱭ ᱞᱟ.ᱭ ᱛᱮᱭ ᱟᱠᱟᱫᱟ ᱵᱟᱝ ᱢᱟ "ᱟᱡ ᱞᱮᱠᱟᱱ ᱜᱮ ᱢᱤᱫ ᱴᱟᱝ ᱠᱩᱲᱤ ᱜᱤᱫᱽᱨᱟᱹ ᱟᱡ ᱥᱟᱶ ᱛᱮ ᱛᱟᱦᱮᱸ ᱠᱟᱛᱮᱫ ᱠᱟᱢᱤ ᱠᱚᱭ ᱜᱟᱲᱚ ᱟᱭ ᱠᱟᱱ ᱛᱟᱦᱮᱸ ᱠᱟᱱᱟ, ᱨᱚᱲ ᱞᱟᱸᱫᱟᱭᱮᱫ ᱛᱟᱦᱮᱸ ᱠᱟᱱᱟᱭ, ᱢᱮᱱ ᱠᱷᱟᱱ ᱦᱚᱲ ᱠᱚ ᱦᱮᱡ ᱞᱮᱱ ᱠᱷᱟᱱ ᱟᱫ ᱩᱱᱤ ᱫᱚ ᱵᱟᱭ ᱧᱮᱞ ᱧᱟᱢᱮ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱜᱮᱞ ᱥᱮᱨᱢᱟ ᱦᱟ.ᱵᱤᱡ ᱱᱚᱝᱠᱟᱛᱮ ᱧᱮᱞ ᱧᱟᱢ ᱟᱠᱟᱫᱟ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Mookerjee, Nanda (1978). Sri Sarada Devi, consort of Sri Ramakrishna. Firma KLM. p. 15.
  2. https://belurmath.org/sri-sarada-devi/