ᱥᱟᱨᱠᱟᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
1852 ᱥᱮᱨᱢᱟ ᱨᱮ ᱯᱚᱞᱮᱱᱰ ᱨᱮᱭᱟᱜ ᱢᱤᱫ ᱟᱥᱮᱱ ᱥᱟᱨᱠᱟᱥ ᱨᱮᱭᱟᱜ ᱥᱩᱱᱩᱢ ᱪᱤᱛᱟ.ᱨ

ᱥᱟᱨᱠᱟᱥ (ᱤᱝᱨᱟ.ᱡᱤ : Circus) ᱫᱚ ᱢᱤᱫ ᱞᱮᱠᱟᱱᱟᱜ ᱦᱩᱞᱟ.ᱥ - ᱨᱟ.ᱥᱠᱟ. ᱛᱟᱞᱢᱟ ᱠᱟᱱᱟ। ᱱᱚᱣᱟ ᱥᱟᱨᱠᱟᱥ ᱨᱮ ᱫᱚ ᱟᱭᱢᱟ ᱞᱮᱠᱟᱱ ᱜᱟᱭᱱᱟᱦᱟ ᱠᱚᱣᱟᱜ ᱠᱚᱢᱯᱟᱱᱤ ᱦᱚᱠᱚ ᱢᱮᱛᱟᱜ ᱠᱟᱱᱟ ᱡᱮᱞᱮᱠᱟ : ᱡᱚᱡᱟᱨ, ᱮᱠᱨᱚᱵᱟᱨᱴᱥ, ᱤᱛᱩᱱ ᱡᱟᱱᱣᱟᱨ, ᱱᱟᱪᱚᱱᱤᱭᱟ., ᱢᱟᱱᱫᱟ.ᱲᱤᱭᱟ. , ᱡᱟᱫᱩᱜᱟᱨ, ᱥᱮᱨᱮᱧᱤᱭᱟ. , ᱵᱟᱵᱮᱨ ᱨᱮ ᱛᱟᱜ-ᱲᱟᱢ ᱠᱚ , ᱪᱚᱴ ᱨᱮ ᱟᱠᱟ ᱵᱟᱜ-ᱲᱟᱭ ᱠᱚ ᱮᱢᱟᱱ। ᱟᱥᱚᱠᱟᱭ ᱛᱮ ᱥᱟᱨᱠᱟᱥ ᱦᱩᱞᱟ.ᱥ ᱨᱟ.ᱥᱠᱟ. ᱨᱮᱭᱟᱜ ᱛᱟᱞᱢᱟ ᱠᱟᱱ ᱨᱮᱦᱚ ᱱᱚᱣᱟ ᱫᱚ ᱢᱤᱫ ᱫᱤᱥᱚᱢ ᱨᱮᱭᱟᱜ ᱢᱤᱫ ᱡᱟᱭᱜᱟ ᱠᱷᱚᱱ ᱟᱨ ᱢᱤᱫ ᱡᱟᱭᱜᱟ ᱛᱮ ᱠᱚ ᱥᱮ ᱮᱴᱟᱜ ᱫᱤᱥᱚᱢ ᱛᱮ ᱵᱟᱱᱤᱡᱤᱭᱟ. ᱡᱚᱥ ᱛᱮ ᱦᱚ ᱠᱚ ᱫᱟᱲᱟᱱ ᱜᱮᱭᱟ । ᱡᱚᱛᱚ ᱥᱟᱨᱠᱟᱥ ᱨᱮᱭᱟᱜ ᱫᱚ ᱤᱥᱟ.ᱱ ᱵᱟᱠᱚ ᱫᱟᱲᱟᱱᱟ । ᱟᱫᱚᱢ ᱥᱟᱨᱠᱟᱥ ᱜᱟᱶᱛᱟ ᱨᱮᱭᱟᱜ ᱫᱚ ᱱᱤᱡᱟ.ᱨᱟᱜ ᱜᱮ ᱵᱟᱠᱷᱚᱞ ᱛᱟᱦᱮᱱᱟ ।

ᱪᱷᱟ.ᱛᱤᱭᱟ.ᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱞᱤ / ᱥᱟᱱᱛᱟᱲᱤ ᱛᱮ ᱥᱟᱨᱠᱟᱥ ᱟ.ᱲᱟ. ᱫᱚ ᱦᱮᱡ ᱟᱠᱟᱱᱟ ᱤᱝᱨᱟ.ᱡᱤ ᱟ.ᱲᱟ. ᱠᱷᱚᱱ। ᱜᱮᱞ ᱯᱚᱱ ᱥᱟᱭᱟᱱᱟᱜ ᱚᱠᱛᱮ ᱠᱚᱨᱮ ᱠᱷᱚᱱ ᱤᱝᱨᱟ.ᱡᱤ ᱯᱟ.ᱥᱨᱤ ᱨᱮ ᱯᱟᱦᱤᱞ ᱞᱟᱲᱪᱲᱚᱜ ᱮᱦᱚᱵ ᱮᱱᱟ । ᱤᱝᱨᱟ.ᱡᱤ ᱥᱟᱨᱠᱟᱥ ᱟ.ᱲᱟ. ᱫᱚ ᱥᱟ.ᱨᱤ ᱛᱮ ᱞᱮᱴᱤᱱ circus ᱟ.ᱲᱟ. ᱠᱷᱚᱱ ᱚᱢᱚᱱ ᱟᱠᱟᱱᱟ। ᱞᱮᱴᱤᱱ ᱟ.ᱲᱟ. ᱫᱚ ᱟᱨᱦᱚ' ᱜᱨᱤᱠ ᱟ.ᱲᱟ. κίρκος ᱠᱷᱚᱱ ᱦᱮᱡ ᱟᱠᱟᱱᱟ ᱱᱚᱣᱟ ᱨᱮᱭᱟᱜ ᱢᱟᱱᱮ ᱫᱚ ᱦᱩᱭᱩᱜ ᱠᱟᱱᱟ ᱜᱩᱞᱢᱥ.ᱰ ᱪᱤᱛᱟ.ᱨ ᱥᱮ ᱨᱤᱝ।

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱨᱠᱟᱥ (Circus) ᱥᱟᱨᱠᱟᱥ ᱫᱚ ᱵᱟᱝ ᱱᱟᱣᱟ ᱣᱟ , ᱱᱚᱣᱟ ᱫᱚ ᱟ.ᱰᱤ ᱥᱮᱫᱟᱭ ᱠᱷᱚᱱ ᱜᱮ ᱢᱮᱱᱟᱜ ᱟᱠᱟᱫᱟ । ᱢᱮᱱᱠᱷᱟᱱ ᱥᱮᱫᱟᱭ ᱫᱚ ᱥᱟᱨᱠᱟᱥ ᱢᱮᱱᱛᱮ ᱫᱚ ᱵᱟᱝ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ । ᱯᱳᱭᱞᱚ ᱥᱟᱨᱠᱟᱥ ᱦᱩᱭᱩᱜ ᱞᱮᱱᱟ ᱨᱳᱢ ᱫᱤᱥᱚᱢ ᱨᱮ ᱢᱟ.ᱥᱤ ᱢᱟᱲᱟᱝ ᱯᱚᱱ ᱥᱟᱭᱟᱱ ᱚᱠᱛᱮ ᱨᱮ । ᱩᱱ ᱚᱠᱛᱮ ᱨᱮ ᱨᱳᱢᱟᱱ ᱠᱚ ᱨᱮᱱ ᱨᱟᱡᱟᱭ ᱛᱟᱦᱮ ᱠᱟᱱᱟ ᱛᱟᱨᱠᱤᱱᱤᱭᱟᱥ ᱯᱨᱤᱥᱠᱟᱥ (Tarquinus Priscus) ।ᱱᱩᱭ ᱨᱟᱡᱟ ᱜᱮ ᱞᱮᱴᱤᱱ ᱠᱚ ᱞᱟ.ᱲᱦᱟ.ᱭ ᱨᱮ ᱦᱟᱨᱟᱣ ᱠᱟᱛᱮ ᱮᱯᱤ-ᱚᱞᱟᱥ (Apiolus) ᱟ.ᱭᱫᱟᱨ ᱠᱟᱛᱮ ᱯᱮᱞᱮᱴᱟᱭᱤᱱ ᱟᱨ ᱮᱰᱮᱱᱴᱤᱱ ᱵᱩᱨᱩ (ᱨᱳᱢᱟᱱ ᱨᱮᱭᱟᱜ ᱮᱭᱟᱭ ᱵᱩᱨᱩ ᱨᱮ ᱢᱤᱫᱴᱮᱱ) ᱛᱟᱞᱟ ᱨᱮ ᱡᱤᱛᱠᱟ.ᱨ ᱦᱩᱞᱟ.ᱥᱮ ᱚᱨᱟᱢ ᱞᱮᱫᱟ। ᱱᱚᱮᱟ ᱦᱩᱞᱟ.ᱥ ᱨᱮᱭᱟᱜ ᱢᱟᱨᱟᱝ ᱪᱚ'ᱦᱚ'ᱠ ᱫᱚ ᱛᱟᱦᱮ ᱠᱟᱱᱟ - ᱨᱟ.ᱛᱜᱟ.ᱰᱤ ᱠᱟᱢᱥᱟᱣ। ᱦᱚᱲ ᱠᱚ ᱱᱚᱣᱟ ᱦᱩᱞᱟ.ᱥ ᱱᱤᱱᱥ.ᱜ ᱠᱚ ᱠᱩᱥᱤᱭᱟᱫᱟ ᱡᱮ ᱱᱚᱣᱟ ᱞᱟ.ᱜᱤᱫ ᱢᱤᱫ ᱴᱮᱱ ᱵᱟᱠᱷᱚᱞ ᱠᱚ ᱛᱮᱭᱟᱨ ᱠᱮᱫᱟ। ᱱᱚᱣᱟ ᱵᱟᱠᱷᱚᱞ ᱨᱮᱭᱟᱜ ᱛᱟᱞᱟ ᱨᱮᱫᱚ ᱜᱩᱞᱟ.ᱱᱰ ᱜᱮ ᱛᱟᱦᱮ ᱠᱟᱱᱟ । ᱤᱝᱨᱟ.ᱡᱤ ᱛᱮ ᱜᱩᱞ ᱟ.ᱲᱟ. ᱫᱚ 'ᱥᱟᱨᱠᱮᱞ' (Circle) ᱠᱚ ᱢᱮᱛᱟᱣᱟᱜ ᱠᱟᱱᱟ । ᱥᱟᱨᱠᱮᱞ ᱟ.ᱲᱟ. ᱠᱷᱚᱱ ᱜᱮ ᱥᱟᱨᱠᱟᱥ ᱦᱩᱭᱮᱱᱟ ᱢᱮᱱᱛᱮ ᱠᱚ ᱞᱟ.ᱭᱟ। ᱛᱟᱨᱠᱤᱱᱤᱭᱟᱥ ᱨᱟᱡᱟ ᱣᱟᱜ ᱱᱚᱣᱟ ᱥᱟᱨᱠᱟᱥ ᱜᱮ ' ᱥᱟᱨᱠᱟᱥ ᱢᱤᱠᱥᱤᱢᱟᱥ (Circus Maximus) ᱰᱟᱢᱰᱥᱦᱮᱭᱮᱱᱟ । ᱱᱚᱝᱠᱟ ᱜᱮ ᱥᱟᱨᱠᱟᱥ ᱨᱮ ᱨᱟ.ᱛᱜᱟ.ᱰᱤ ᱠᱟᱢᱥᱟᱣ ᱥᱟᱶᱛᱮ ᱢᱟᱱᱣᱟ ᱟᱨ ᱡᱟᱱᱣᱟᱨ ᱟᱜ ᱪᱚ'ᱦᱚ'ᱠ ᱠᱚ ᱛᱟᱦᱮ ᱠᱟᱱᱟ । ᱠᱟ.ᱭᱥᱟ.ᱨ ᱡᱩᱞᱤᱭᱟᱥ ᱥᱤᱡᱟᱨ ᱫᱚ ᱥᱟᱨᱠᱟᱥ ᱨᱮᱜᱟᱜ ᱱᱟᱥᱮ ᱟᱨᱩ ᱯᱷᱮᱨᱟᱣ ᱞᱮᱫᱟ । ᱥᱟᱨᱠᱟᱥ ᱨᱮᱱᱟᱜ ᱢᱟᱨᱟᱝ ᱟᱠᱚᱨᱥᱚᱱ ᱛᱟᱦᱮ ᱠᱟᱱᱟ ᱥᱟᱫᱚᱢ ᱠᱚ ᱚᱨ ᱨᱟ'ᱛ ᱜᱟᱰᱤ ᱠᱟᱢᱥᱟᱣএই । ᱦᱮᱣᱟᱢᱮᱱᱟᱜ ᱯᱮᱭᱟ ᱯᱚᱱᱭᱟ ᱥᱟᱫᱚᱢ ᱫᱚ ᱨᱟ'ᱛ ᱜᱟᱰᱤ ᱠᱚ ᱚᱨᱟ ᱟᱨ ᱜᱟ.ᱰᱤ ᱞᱟᱜ-ᱜᱟ ᱠᱚᱫᱚ ᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱱᱟ ᱜᱚᱞᱟᱢ। ᱨᱟ'ᱛ ᱜᱟᱰᱤ ᱫᱚ ᱟᱰᱤ ᱟ'ᱴ ᱠᱚ ᱥᱟᱡᱟᱣ ᱠᱟᱜ ᱠᱟᱱ ᱛᱟᱦᱮᱱᱟ । ᱨᱟ'ᱛ ᱧᱤᱨ ᱦᱟᱯᱟᱨᱟᱣ ᱨᱮ ᱦᱟᱨᱟᱣ ᱟᱠᱟᱱ ᱞᱟᱜ'ᱜᱟᱭᱤᱡ ᱤᱱᱟ. ᱥᱟᱶ ᱥᱟᱶ ᱛᱮᱜᱮ ᱠᱚ ᱜᱚᱡ ᱮᱫ ᱠᱚ ᱛᱟᱦᱮᱱᱟ । ᱱᱚᱣᱟ ᱜᱮ ᱛᱟᱦᱮ ᱠᱟᱱᱟ ᱵᱤᱵᱷᱚᱛᱥ ᱨᱟ.ᱥᱠᱟ. ᱨᱮᱭᱟᱜ ᱠᱷᱮᱞᱚᱰ । ᱚᱱᱟ ᱪᱷᱟᱰᱟ ᱦᱚ ᱟᱭᱢᱟ ᱨᱟᱡᱟ ᱜᱮ ᱫᱤᱥᱚᱢ ᱠᱚ ᱡᱤᱛᱠᱟ.ᱨ ᱞᱮᱠᱷᱟᱱ ᱚᱱᱟ ᱫᱤᱥᱚᱢ ᱠᱷᱚᱱ ᱟᱭᱢᱟ ᱡᱤᱵᱽ ᱡᱤᱭᱟ.ᱞᱤ ᱠᱚ ᱥᱟᱵ ᱟᱜᱩ ᱠᱟᱛᱮ ᱯᱟ.ᱦᱤᱞ ᱫᱚ ᱩᱱᱠᱚ ᱛᱟᱞᱟ ᱨᱮᱠᱚ ᱞᱟ.ᱲᱦᱟᱭ ᱚᱪᱚᱭᱮᱫ ᱠᱚ ᱛᱟᱦᱮᱱᱟ | ᱛᱟᱭᱚᱢ ᱛᱮ ᱩᱱᱠᱚ ᱡᱤᱭᱟ.ᱞᱤ ᱡᱚᱛᱚ ᱠᱚ ᱜᱚᱡ ᱜᱤᱰᱤ ᱠᱟᱠᱚ ᱠᱟᱱ ᱛᱟᱦᱮᱱᱟ । ᱱᱚᱝᱠᱟ ᱜᱮ ᱠᱟ.ᱭᱥᱟ.ᱨ ᱟᱜᱟᱥᱴᱟᱥ ᱟᱜ ᱨᱟᱡᱽ ᱞᱮᱱ ᱫᱤᱱ ᱚᱠᱛᱮ ᱨᱮ ᱥᱟᱨᱠᱟᱥ ᱠᱷᱤᱞᱚᱱᱰ ᱨᱮ ᱯᱮ ᱜᱮᱥᱟᱭ ᱠᱷᱚᱱ ᱦᱚ ᱵᱟ.ᱲᱛᱤ ᱡᱤᱭᱥ.ᱞᱤ ᱠᱚ ᱜᱚᱡ ᱞᱮᱫ ᱠᱚᱮᱟ ।

ᱪᱟᱞᱟᱣ ᱵᱟᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱨᱠᱟᱥ ᱫᱚ ᱟᱭᱢᱟ ᱞᱮᱠᱟᱱ ᱱᱟᱱᱟ ᱦᱩᱱᱟ.ᱨ ᱥᱟᱥᱟᱯᱲᱟᱣ ᱟᱜ ᱠᱚ ᱞᱟ.ᱠᱛᱤ ᱯᱟᱲᱟᱜ ᱛᱮ ᱟᱨ ᱢᱟᱨᱟᱝ ᱞᱮᱞᱚᱱᱰ ᱠᱟᱱ ᱛᱮ ᱟᱰᱤ ᱢᱟᱨᱟᱝ ᱢᱚᱡᱽ ᱡᱟᱭᱟᱜᱟ ᱨᱮᱛᱟᱜ ᱞᱟ.ᱠᱛᱤ ᱯᱟᱲᱟᱜ-ᱟ। ᱫᱟᱜ - ᱡᱟ.ᱯᱩᱫ , ᱥᱤᱛᱩᱝ - ᱞᱚᱞᱚ ᱠᱷᱚᱱ ᱧᱮᱧᱮᱞᱤᱭᱟ. ᱠᱚ ᱫᱩᱜ ᱠᱚ ᱞᱟ.ᱜᱤᱫ ᱥᱮ ᱱᱟᱯᱟᱯᱟᱭ ᱛᱮ ᱪᱟᱞᱟᱭ ᱵᱟᱱᱟᱣ ᱞᱟ.ᱜᱤᱫ ᱞᱟ.ᱴᱩ ᱢᱟᱪᱷᱟ ᱛᱟᱢᱵᱩ ᱪᱟᱲᱪᱟᱲᱚᱜ ᱠᱟᱱᱟ ᱡᱟᱦᱟ ᱫᱚ ᱵᱤᱜᱽ ᱴᱚᱯ ᱦᱚᱠᱚ ᱢᱮᱛᱟᱜ ᱜᱮᱭᱟ। ᱱᱚᱣᱟ ᱛᱟᱢᱵᱩ ᱞᱟᱛᱟ ᱨᱮ ᱥᱟᱭ ᱥᱟᱭ ᱦᱚᱲ ᱫᱩᱲᱩᱵ ᱡᱟᱭᱜᱟ ᱠᱚ ᱛᱮᱭᱟᱨᱟ। ᱥᱟᱝᱜᱤᱧ ᱨᱮ ᱧᱮᱧᱮᱞᱤᱭᱟ. ᱠᱚ ᱞᱟ.ᱜᱤᱫ ᱥᱟᱢᱟᱝ ᱨᱮᱱ ᱠᱚ ᱠᱷᱚᱱ ᱫᱚ ᱱᱟᱥᱮ ᱩᱥᱩᱞ ᱧᱚᱜ ᱜᱮ ᱠᱚ ᱵᱮᱱᱟᱣᱟ । ᱥᱟᱨᱠᱟᱥ ᱨᱮᱭᱟᱜ ᱢᱩᱴᱷᱟ.ᱱ ᱫᱚ ᱜᱚᱞ ᱜᱮᱛᱟ ।ᱛᱟᱞᱟ ᱢᱟᱞᱟ ᱡᱟᱭᱜᱟ ᱨᱮ ᱱᱟᱱᱟ ᱦᱩᱱᱟ.ᱨ ᱦᱚᱨᱚᱜ ᱵᱟᱱᱫᱮ ᱟᱠᱟᱱ ᱜᱟᱭᱱᱟᱦᱟ ᱠᱚ ᱟᱠᱚᱣᱟᱜ ᱦᱩᱱᱟ.ᱨ ᱧᱮᱧᱮᱞᱤᱭᱟ. ᱠᱚᱠᱚ ᱩᱫᱩᱜ ᱟᱠᱚᱣᱟ। ᱛᱟᱠᱟ ᱢᱟᱞᱽ ᱨᱮᱛᱟᱜ ᱜᱩᱞᱥ.ᱱᱰ ᱡᱟᱭᱜᱟ ᱫᱚ ᱨᱤᱝ ᱠᱚ ᱢᱮᱛᱟᱣᱟᱜ-ᱟ। ᱡᱟᱦᱟᱭ ᱡᱚᱛᱚ ᱟᱠᱷᱲᱟᱭ ᱛᱚᱫᱟᱛᱚᱛ ᱥᱮ ᱪᱟᱞᱟᱣ ᱵᱟᱱᱟᱣᱮ ᱩᱱᱤ ᱜᱮ ᱨᱩᱝᱢᱟᱥᱴᱟᱨ ᱠᱚ ᱢᱮᱛᱟᱭᱟ ।

ᱦᱩᱱᱟ.ᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱨᱠᱟᱥ ᱨᱮ ᱟᱭᱢᱟ ᱞᱮᱠᱟᱱ ᱦᱩᱱᱟ.ᱨ ᱩᱫᱩᱜᱽ ᱨᱮᱱᱟᱜ ᱟᱫᱚᱯ ᱠᱟᱭᱫᱟ ᱢᱮᱱᱟᱜ-ᱟ। ᱟᱫᱚᱢ ᱦᱚᱲ ᱫᱚ ᱡᱤᱢᱱᱟᱥᱴᱤᱠᱥ ᱦᱤ'ᱥ ᱠᱚ ᱦᱟᱛᱟᱣ ᱠᱟᱜ-ᱟ । ᱢᱤᱫ ᱫᱚᱞ ᱡᱤᱢᱱᱟᱥᱛ ᱛᱤᱝᱜᱩᱱ ᱚᱠᱛᱮ ᱟᱨ ᱢᱤᱫ ᱫᱚᱞ ᱡᱤᱢᱱᱟᱥᱛ ᱫᱚ ᱩᱱᱠᱚ ᱪᱮᱛᱟᱱ ᱨᱮ ᱛᱤᱝᱜᱩ ᱠᱟᱛᱮ ᱯᱤᱨᱟᱢᱤᱰ ᱞᱮᱠᱟᱱ ᱪᱤᱛᱟ.ᱨ ᱠᱚ ᱩᱫᱩᱜᱟ । ᱥᱮᱝᱜᱮᱞ ᱨᱮᱭᱟᱜ ᱜᱩᱞᱚᱠ ᱨᱮ ᱠᱚ ᱫᱚᱱ ᱯᱟᱨᱚᱢᱟ ᱥᱮ ᱮᱴᱟᱜ ᱱᱟᱠᱷᱟ ᱠᱚ ᱥᱮᱱᱚᱜ-ᱟ । ᱧᱮᱧᱮᱞᱤᱭᱟ. ᱠᱚ ᱞᱟᱱᱫᱟ ᱚᱪᱚ ᱠᱚ ᱞᱟ.ᱜᱤᱫ ᱡᱚᱠᱟᱨ ᱠᱚ ᱛᱟᱦᱮᱱᱟ। ᱠᱞᱟᱣᱩᱱ ᱠᱚ ᱯᱟ.ᱦᱤᱞ ᱨᱮ ᱟ.ᱰᱤ ᱵᱚᱫᱽᱢᱟᱥᱤᱭᱟ ᱛᱟᱭᱱᱚᱢ ᱛᱮ ᱟᱠᱚᱣᱟᱜ ᱪᱟᱞᱟᱠᱤ ᱠᱚ ᱩᱫᱩᱜᱟ।

ᱵᱤᱨ ᱡᱤᱭᱟ.ᱞᱤ ᱠᱚ ᱵᱮᱵᱚᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱨᱚᱢ ᱮᱱ ᱵᱟᱨ ᱥᱟᱭᱟᱱᱟᱜ ᱥᱮᱨᱢᱟ ᱠᱷᱚᱱ ᱱᱟᱦᱟᱜ ᱥᱟᱨᱠᱟᱥ ᱨᱮ ᱟᱭᱢᱟ ᱞᱮᱠᱟᱱ ᱡᱤᱭᱟ.ᱞᱤ ᱠᱚ ᱥᱟᱨᱠᱟᱫ ᱨᱮᱱ ᱢᱤᱫ ᱢᱟᱨᱟᱝ ᱦᱤ'ᱥ ᱠᱚ ᱦᱩᱭᱮᱱᱟ। ᱵᱤᱨ ᱡᱤᱭᱟ.ᱞᱤ ᱠᱚ ᱟᱥᱚᱠᱟᱭ ᱛᱮ ᱛᱟ.ᱨᱩᱵ, ᱰᱮᱜᱨᱟ, ᱵᱟᱱᱟ ᱮᱱᱟᱢ ᱠᱚᱦᱚ ᱱᱚᱣᱟ ᱥᱟᱨᱠᱟᱥ ᱨᱮ ᱠᱚ ᱵᱮᱵᱚᱦᱟᱨᱚᱜ ᱠᱟᱱᱟ । ᱱᱤᱭᱟ. ᱪᱷᱟᱪᱟ ᱠᱟᱛᱮ ᱩ'ᱴ, ᱥᱟᱫᱚᱢ, ᱦᱟ.ᱛᱤ, ᱥᱟᱶᱛᱮ ᱚᱲᱟᱜ ᱨᱮ ᱟ.ᱥᱩᱞ ᱥᱮᱛᱟ ᱠᱚᱦᱚ ᱢᱮᱱᱟᱜ ᱠᱚᱣᱟ। ᱵᱤᱨ ᱡᱤᱭᱟ.ᱞᱤ ᱠᱚ ᱤᱞᱮᱠᱴᱨᱚᱱᱤᱠ ᱥᱚᱠ ᱟᱨ ᱫᱟᱞ ᱮᱢᱟᱱ ᱠᱟᱛᱮ ᱦᱮᱣᱟᱜ ᱞᱟ.ᱜᱤᱫ ᱠᱚ ᱵᱟᱭᱫᱷ ᱚᱪᱚ ᱭᱮᱫ ᱠᱚᱣᱟ । ᱱᱤᱭᱟ ᱪᱷᱟᱰᱟ ᱦᱚ ᱡᱤᱟ.ᱞᱤ ᱠᱚ ᱡᱟᱣᱜᱮ ᱜᱷᱟ.ᱞ ᱮᱢᱟᱱᱚᱜ ᱨᱮᱦᱚ ᱢᱤᱫ ᱦᱟᱭᱜᱟ ᱠᱷᱚᱱ ᱟᱨ ᱢᱤᱫ ᱡᱟᱭᱜᱟ ᱠᱚ ᱤᱫᱤ ᱠᱚᱣᱟ। ᱚᱱᱟ ᱠᱚ ᱠᱟᱨᱚᱱ ᱛᱮ ᱟᱭᱢᱟ ᱫᱤᱥᱚᱢ ᱨᱮᱱ ᱦᱚᱲ ᱜᱮ ᱥᱟᱨᱠᱟᱥ ᱨᱮ ᱵᱤᱨ ᱡᱤᱭᱟ.ᱞᱤ ᱠᱚ ᱵᱟᱝ ᱧᱮᱞ ᱥᱟᱱᱟ ᱠᱚᱣᱟ।

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]