ᱥᱟᱭᱤᱫᱽ ᱱᱩᱨᱩᱞ ᱦᱟᱥᱚᱱ
| ᱥᱟᱭᱤᱫᱽ ᱱᱩᱨᱩᱞ ᱦᱟᱥᱚᱱ | |
|---|---|
 | |
| ᱙ ᱟᱹᱱᱤᱡ ᱭᱩᱱᱤᱭᱚᱱ ᱥᱮᱪᱮᱫ ᱢᱚᱱᱛᱨᱤ, ᱥᱟᱶᱛᱟᱹᱨᱤ ᱵᱷᱟᱹᱞᱟᱹᱭ ᱟᱨ ᱞᱟᱠᱪᱟᱨ | |
| ᱟᱹᱢᱟᱹᱞᱤ ᱨᱮ ᱒᱔ ᱢᱟᱨᱪ ᱑᱙᱗᱒ – ᱒᱔ ᱢᱟᱨᱪ ᱑᱙᱗᱗ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱤᱫᱷᱟᱨᱛᱷᱚ ᱥᱚᱝᱠᱚᱨ ᱨᱟᱭ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱯᱨᱚᱛᱟᱯ ᱪᱚᱸᱫᱽᱨᱚ ᱪᱩᱱᱫᱟᱨ |
| ᱑᱒ ᱟᱹᱱᱤᱡ ᱥᱤᱵᱷᱤᱭᱮᱛ ᱭᱩᱱᱩᱭᱚᱱ ᱠᱷᱚᱱ ᱟᱢᱵᱟᱥᱟᱰᱚᱨ | |
| ᱟᱹᱢᱟᱹᱞᱤ ᱨᱮ ᱑᱙᱘᱓ – ᱑᱙᱘᱖ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱣᱤᱹᱠᱮ. ᱚᱦᱩᱡᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱴᱤ.ᱮᱱ. ᱠᱟᱣᱩᱞ |
| ᱑᱓ ᱟᱹᱱᱤᱡ ᱯᱩᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑᱒ ᱚᱜᱚᱥᱴ ᱑᱙᱘᱖ – ᱑ ᱢᱟᱨᱪ ᱑᱙᱘᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱩᱢᱟ ᱥᱚᱝᱠᱚᱨ ᱫᱤᱠᱷᱤᱛ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱴᱤ. ᱣᱤ. ᱨᱟᱡᱮᱥᱣᱚᱨ |
| ᱓᱒ ᱟᱹᱱᱤᱡ ᱳᱰᱤᱥᱟ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱒᱐ ᱱᱚᱵᱷᱮᱢᱵᱚᱨ ᱑᱙᱘᱘ – ᱖ ᱯᱷᱮᱵᱽᱨᱩᱣᱟᱨᱤ ᱑᱙᱙᱐ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱤᱥᱣᱚᱢᱵᱷᱚᱨ ᱱᱟᱛᱷ ᱯᱟᱱᱰᱮ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱭᱚᱜᱽᱭᱚ ᱫᱚᱛ ᱥᱚᱨᱢᱟ |
| ᱯᱩᱪᱷᱤᱢ ᱵᱮᱸᱜᱚᱞ ᱨᱤᱱ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱖ ᱯᱷᱮᱵᱽᱨᱩᱣᱟᱨᱤ ᱑᱙᱙᱐ – ᱑᱒ ᱡᱩᱞᱟᱭ ᱑᱙᱙᱓ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱴᱤ. ᱣᱤ. ᱨᱟᱡᱮᱥᱣᱚᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤ. ᱥᱚᱛᱭᱚ ᱱᱟᱨᱟᱭᱟᱬ ᱨᱮᱰᱰᱤ |
| ᱓᱔ ᱟᱹᱱᱤᱡ ᱳᱰᱤᱥᱟ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑ ᱯᱷᱮᱵᱽᱨᱩᱣᱟᱨᱤ ᱑᱙᱙᱓ – ᱓᱑ ᱢᱮ ᱑᱙᱙᱓ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱭᱚᱜᱽᱭᱚ ᱫᱚᱛ ᱥᱚᱨᱢᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤᱹ ᱥᱚᱛᱭᱚ ᱱᱟᱨᱟᱭᱚᱬ ᱨᱮᱰᱰᱤ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱖ ᱰᱤᱥᱮᱢᱵᱚᱨ ᱑᱙᱒᱑ ᱞᱚᱠᱷᱱᱚᱣ, United Provinces, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱒ ᱡᱩᱞᱟᱭ ᱑᱙᱙᱓ (᱗᱑ ᱵᱚᱭᱚᱥ) ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱡᱤᱭᱚᱱ ᱥᱚᱦᱮᱫ | ᱱᱟᱣᱟᱵᱽᱡᱟᱫᱤ ᱠᱷᱩᱨᱥᱤᱫᱽ ᱞᱟᱠᱟ ᱵᱮᱜᱚᱢ ᱥᱟᱦᱤᱵᱟ |
| ᱠᱟᱹᱢᱤ | ᱱᱟᱜᱟᱢᱤᱭᱟᱹ, ᱨᱟᱡᱽᱟᱹᱨᱤᱭᱟᱹ, ᱰᱤᱯᱞᱚᱢᱮᱴ |
ᱥᱟᱥᱤᱫᱽ ᱱᱩᱨᱩᱞ ᱦᱟᱥᱚᱱ (᱒᱖ ᱰᱤᱥᱮᱢᱵᱚᱨ ᱑᱙᱒᱑ - ᱑᱒ ᱡᱩᱞᱟᱭ ᱑᱙᱙᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱱᱟᱜᱟᱢᱤᱭᱟᱹ ᱟᱨ ᱥᱤᱧᱚᱛ ᱥᱚᱨᱠᱟᱨ ᱨᱮᱱᱤᱡ ᱢᱤᱫ ᱢᱟᱨᱟᱝ ᱨᱟᱡᱽᱱᱮᱛᱟᱭ ᱛᱟᱦᱮᱸ ᱠᱟᱱᱟ ᱾ ᱨᱟᱡᱽᱡᱚ ᱥᱚᱵᱷᱟ ᱨᱮᱱᱤᱡ ᱢᱤᱫ ᱥᱚᱦᱮᱛ, ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱥᱮᱪᱮᱫ, ᱥᱟᱶᱛᱟ ᱵᱷᱟᱹᱞᱟᱹᱭ, ᱟᱨ ᱞᱟᱠᱪᱟᱨᱮᱛ ᱥᱚᱨᱠᱟᱨ (᱑᱙᱗᱑ - ᱑᱙᱗᱗) ᱟᱨ ᱯᱩᱪᱷᱤᱢ ᱵᱟᱝᱞᱟ ᱟᱨ ᱳᱰᱤᱥᱟ ᱨᱮᱱᱤᱡ ᱯᱚᱱᱚᱛ ᱜᱚᱢᱠᱮ (᱑᱙᱘᱖ - ᱑᱙᱙᱓) ᱨᱮᱱᱤᱡ ᱛᱟᱞᱢᱟ ᱯᱚᱱᱚᱛ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱾ [᱑][᱒][᱓]
ᱯᱟᱹᱪᱷᱞᱟᱹᱛ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱟᱥᱚᱱ ᱟᱜ ᱡᱟᱱᱟᱢ ᱫᱚ ᱞᱚᱠᱷᱱᱚᱣ, ᱥᱤᱧᱚᱛ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱥᱮᱭᱚᱫᱽ ᱚᱵᱽᱫᱩᱞ ᱦᱟᱥᱚᱱ ᱟᱨ ᱱᱩᱨ ᱯᱷᱟᱛᱤᱢᱟ ᱵᱮᱜᱚᱢ ᱛᱤᱠᱤᱱᱤᱡ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱟᱡ ᱵᱟᱵᱟ ᱫᱚ ᱦᱚᱱᱚᱛ ᱥᱮᱴᱚᱞᱢᱮᱴ ᱟᱹᱢᱟᱹᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱨ ᱛᱟᱭᱚᱢ ᱛᱮᱫᱚ ᱩᱱᱤ ᱥᱮᱯᱮᱞᱮᱫ ᱴᱚᱴᱷᱟ ᱨᱮ ᱠᱚᱨᱴ ᱚᱯᱷ ᱣᱟᱨᱰ ᱨᱮᱱᱤᱡ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱟᱡ ᱢᱟᱢᱚ ᱦᱟᱲᱟᱢ ᱥᱟᱨ ᱥᱮᱭᱚᱫᱽ ᱵᱚᱡᱤᱨ ᱦᱟᱥᱚᱱ ᱫᱚ ᱚᱣᱩᱫᱷ ᱨᱮᱱᱟᱜ ᱫᱚᱨᱵᱟᱨᱜᱟᱲ ᱨᱮᱱᱤᱡ ᱢᱩᱬᱩᱛ ᱵᱤᱪᱟᱹᱨᱤᱭᱟᱹ ᱟᱨ ᱢᱩᱥᱞᱤᱢ ᱞᱤᱜᱽ ᱨᱮᱱᱤᱡ ᱧᱩᱢ ᱩᱨᱩᱢ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱑᱙᱓᱖ ᱨᱮ ᱦᱤᱱᱫᱩ ᱢᱩᱥᱞᱤᱢ ᱡᱩᱢᱤᱫᱽ ᱞᱟᱹᱜᱤᱫ ᱮ ᱰᱟᱠᱮ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱟᱡ ᱢᱟᱢᱚ ᱥᱮᱭᱚᱫᱽ ᱥᱚᱡᱽᱡᱟᱫᱽ ᱡᱟᱦᱤᱨ, ᱢᱤᱫ ᱵᱟᱨᱤᱥᱴᱚᱨ ᱟᱨ ᱧᱩᱛᱩᱢᱟᱱ ᱢᱟᱨᱡᱤᱥᱴ ᱛᱷᱤᱱᱠᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱢᱟᱨᱡᱤᱥᱴ ᱛᱷᱤᱱᱠᱚᱨ ᱟᱨ ᱥᱮᱭᱚᱫᱽ ᱚᱞᱤ ᱡᱟᱦᱤᱨ, ᱢᱤᱫ ᱵᱟᱨᱤᱥᱴᱚᱨ ᱡᱟᱦᱟᱸᱭ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱤᱡ ᱠᱟᱹᱱᱩᱱ ᱢᱚᱱᱛᱨᱤ ᱟᱨ ᱤᱨᱟᱱ ᱨᱮ ᱥᱤᱧᱚᱛ ᱨᱮᱱᱤᱡ ᱨᱟᱡᱽᱫᱩᱛ ᱮ ᱵᱮᱱᱟᱣ ᱮᱱᱟ ᱾ ᱦᱟᱥᱚᱱ ᱟᱜ ᱵᱟᱯᱞᱟ ᱫᱚ ᱱᱚᱵᱟᱵᱽᱡᱟᱫᱤ ᱠᱷᱩᱨᱥᱤᱫᱽ ᱞᱚᱠᱟ ᱵᱮᱜᱚᱢ ᱥᱟᱦᱤᱵᱟ ᱥᱟᱶ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱨᱟᱢᱯᱩᱨ ᱨᱮᱱᱤᱡ ᱱᱚᱵᱟᱵᱽ ᱨᱚᱡᱟ ᱚᱞᱤ ᱠᱷᱟᱱᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱞᱟᱦᱟ ᱥᱮᱯᱮᱞᱮᱫ ᱴᱚᱴᱷᱟ ᱨᱮ ᱑᱕ ᱜᱚᱱ ᱟᱹᱱᱤᱡ ᱢᱟᱹᱱ ᱟᱢᱮᱴ ᱨᱟᱡᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱨᱤᱱ ᱫᱚ ᱵᱟᱨᱭᱟ ᱦᱚᱯᱚᱱ ᱢᱮᱱᱟᱜ ᱠᱤᱱᱟ, ᱥᱮᱭᱚᱫᱽ ᱥᱤᱨᱟᱡᱩᱞ ᱦᱟᱥᱚᱱ ᱢᱤᱫ ᱧᱩᱢ ᱩᱨᱩᱢ ᱥᱟᱬᱮᱥᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾[᱔]
ᱠᱮᱨᱤᱭᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱠᱟᱰᱮᱢᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱟᱡᱟᱜ ᱟᱠᱟᱰᱮᱢᱤᱠ ᱠᱮᱨᱤᱭᱟᱨ ᱨᱮᱱᱟᱜ ᱮᱛᱚᱦᱚᱵ ᱫᱚ ᱥᱠᱩᱞ ᱚᱯᱷ ᱳᱨᱤᱭᱮᱱᱴᱟᱞ ᱮᱸᱰ ᱟᱯᱷᱨᱤᱠᱟᱱ ᱥᱴᱟᱰᱤᱡᱽ, ᱞᱚᱱᱰᱚᱱ ᱨᱮ ᱱᱟᱜᱟᱢ ᱨᱮᱱᱤᱡ ᱜᱟᱞᱚᱪᱤᱭᱟᱹ ᱞᱮᱠᱟᱛᱮᱭ ᱮᱛᱚᱦᱚᱵ ᱞᱮᱫ-ᱟ ᱾ ᱩᱱᱤ ᱫᱚ ᱟᱞᱤᱜᱚᱰ ᱢᱩᱥᱞᱤᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱱᱟᱜᱟᱢ ᱵᱤᱵᱷᱟᱜᱽ ᱨᱮ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱫᱟᱠᱷᱤᱞᱟ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱩᱱᱤ ᱫᱚ ᱪᱟᱭᱨᱮᱛ ᱦᱚᱸᱭ ᱛᱟᱦᱮᱸ ᱠᱟᱱ ᱛᱟᱦᱮᱸᱫ ᱾ ᱥᱟᱭᱤᱫᱽ ᱱᱩᱨᱩᱞ ᱫᱚ ᱟᱞᱤᱜᱚᱰ ᱨᱮ ᱱᱟᱜᱟᱢ ᱵᱤᱵᱷᱟᱜᱽ ᱨᱮᱱᱟᱜ ᱮᱛᱚᱦᱚᱵ ᱥᱮᱨᱢᱟ ᱨᱮᱫᱚ ᱩᱛᱱᱟᱹᱣ ᱠᱟᱹᱢᱤ ᱞᱟᱹᱜᱤᱫ ᱟᱹᱰᱤ ᱜᱟᱱ ᱜᱚᱲᱚ ᱥᱚᱦᱚᱫ ᱮ ᱮᱢ ᱞᱮᱫᱼᱟ ᱾ ᱛᱟᱭᱚᱢ ᱛᱮᱫᱚ ᱩᱱᱤ ᱫᱚ ᱥᱩᱛᱨᱮᱛ ᱟᱨ ᱥᱤᱧᱚᱛᱤᱭᱟᱹ ᱱᱟᱜᱟᱢ ᱠᱚᱸᱜᱽᱨᱮᱥ ᱨᱮᱱᱤᱡ ᱯᱟᱨᱥᱮᱛ ᱦᱚᱸᱭ ᱵᱮᱱᱟᱣ ᱮᱱᱟ ᱾ ᱦᱟᱥᱚᱱ ᱫᱚ ᱞᱚᱱᱰᱚᱱ ᱨᱮ ᱨᱳᱭᱟᱞ ᱦᱤᱥᱴᱚᱨᱤᱠᱟᱞ ᱥᱳᱥᱟᱭᱴᱤ ᱟᱨ ᱨᱳᱭᱟᱞ ᱮᱥᱤᱭᱟᱴᱤᱠ ᱨᱮᱱᱤᱡ ᱯᱷᱮᱞᱚᱭ ᱛᱟᱦᱮᱸ ᱠᱟᱱᱟ ᱾
ᱨᱟᱡᱽᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱣᱟᱢᱯᱚᱸᱛᱷ ᱨᱮ ᱟᱹᱰᱤ ᱜᱮ ᱢᱟᱱᱟᱣ ᱵᱟᱛᱟᱣ ᱮ ᱫᱚᱦᱚᱭᱮᱫ ᱦᱟᱥᱚᱱ ᱫᱚ ᱑᱙᱖᱙ ᱠᱷᱚᱱ ᱑᱙᱗᱘ ᱫᱷᱟᱹᱵᱤᱡ ᱨᱟᱡᱽᱡᱚᱥᱚᱵᱷᱟ ᱨᱮᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱗᱑ ᱠᱷᱚᱱ ᱑᱙᱗᱗ ᱫᱷᱟᱹᱵᱤᱡ, ᱩᱱᱤ ᱫᱚ ᱥᱤᱧᱚᱛ ᱥᱚᱨᱠᱟᱨ ᱨᱮ ᱥᱮᱪᱮᱫ, ᱥᱟᱶᱛᱟ ᱵᱷᱟᱹᱞᱟᱹᱭ, ᱟᱨ ᱞᱟᱠᱪᱟᱨ ᱯᱚᱱᱚᱛ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱨᱮᱱᱤᱡ ᱥᱮᱪᱮᱫ ᱢᱚᱱᱛᱨᱤ ᱞᱮᱠᱟᱛᱮ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱱᱟᱜᱟᱢ ᱠᱷᱚᱸᱫᱽᱨᱚᱸᱫᱽ ᱯᱚᱨᱤᱥᱚᱫᱽ, ᱱᱟᱶᱟ ᱫᱤᱞᱞᱤᱭ ᱛᱷᱟᱯᱚᱱ ᱞᱮᱫᱼᱟ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱥᱟᱶᱛᱟᱨᱤ ᱥᱟᱬᱮᱥ ᱠᱷᱚᱸᱫᱽᱨᱚᱸᱫᱽ ᱢᱟᱰᱮᱨ, ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱧᱮᱞ ᱡᱚᱛᱚᱱ ᱨᱮ ᱥᱤᱧᱚᱛ ᱨᱮ ᱒᱗ ᱥᱟᱶᱛᱟᱨᱤ ᱥᱟᱬᱮᱥ ᱠᱷᱚᱸᱫᱽᱨᱚᱸᱫᱽ ᱜᱟᱶᱛᱟ ᱨᱮᱱᱟᱜ ᱛᱷᱟᱯᱚᱱ ᱯᱟᱹᱪᱷᱞᱟᱹ ᱨᱮᱦᱚᱸ ᱛᱷᱟᱯᱚᱱᱤᱭᱟᱹ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱞᱮᱠᱟ ᱥᱮᱱᱴᱟᱨ ᱯᱷᱚᱨ ᱥᱴᱚᱰᱤᱡᱽ ᱤᱱ ᱥᱳᱥᱚᱞ ᱥᱟᱭᱤᱱᱥᱮᱥ, ᱠᱚᱞᱠᱟᱛᱟ (᱑᱙᱗᱓) ᱾[᱕]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "BIO - DATA OF GOVERNORS OF Odisha". ws.ori.nic.in. 2006. Archived from the original on 19 June 2009. Retrieved 23 April 2012.
SHRI M. M. RAJENDRAN
- ↑ "Brief History of Odisha Legislative Assembly Since 1937". ws.ori.nic.in. 2011. Archived from the original on 9 January 2007. Retrieved 24 April 2012.
NAME OF THE GOVERNORS OF Odisha
- ↑ "Odisha Government Portal" (PDF). Orissa.gov.in. Archived from the original (PDF) on 19 December 2013. Retrieved 2016-08-29.
- ↑ [᱑] Archived ᱓ ᱢᱟᱨᱪ ᱒᱐᱑᱖ at the Wayback Machine.
- ↑ "Centre for Studies in Social Sciences, Calcutta". Cssscal.org. 2016-08-11. Retrieved 2016-08-29.