ᱥᱟᱱᱛᱟ ᱥᱮᱞᱠᱮ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱱᱛᱟ ᱥᱮᱞᱠᱮ
ᱨᱮᱫ:ShantaShelke.jpg
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱑᱒ ᱚᱠᱴᱚᱵᱚᱨ ᱑᱙᱒᱒
ᱜᱩᱨ᱖ ᱡᱩᱱ ᱒᱐᱐᱒ (᱗᱙ ᱵᱚᱪᱷᱚᱨ)

ᱥᱟᱱᱛᱟ ᱡᱚᱱᱟᱨᱫᱚᱱ ᱥᱮᱞᱠᱮ (ᱢᱚᱨᱟᱴᱷᱤ: शांता शेळके) (᱑᱒ ᱚᱠᱴᱚᱵᱚᱨ ᱑᱙᱒᱒ - ᱖ ᱡᱩᱱ ᱒᱐᱐᱒) ᱫᱚ ᱢᱚᱨᱟᱴᱷᱤ ᱚᱱᱚᱲᱦᱤᱭᱟᱹ ᱟᱨ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱵᱮᱣᱨᱟ ᱥᱟᱯᱲᱮᱛ ᱟᱨ ᱮᱠᱟᱰᱮᱢᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱚᱞ ᱛᱚᱞ ᱨᱮᱫᱚ ᱥᱮᱨᱮᱧ, ᱠᱟᱹᱦᱱᱤ ᱠᱚ, ᱛᱚᱨᱡᱚᱢᱟ ᱟᱨ ᱥᱤᱥᱩ ᱥᱟᱶᱦᱮᱫ ᱦᱚᱸ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱹᱰᱤ ᱜᱟᱱ ᱥᱟᱶᱦᱮᱫ ᱟᱠᱷᱲᱟ ᱦᱚᱸᱭ ᱯᱟᱨᱥᱮᱛᱟᱛ ᱟᱠᱟᱫ-ᱟ ᱾ ᱩᱱᱤᱭᱟᱜ ᱛᱤᱱᱟᱹᱝ ᱜᱟᱱ ᱜᱟᱞᱟᱝ ᱜᱟᱵᱟᱱ ᱫᱚ ᱥᱮᱨᱮᱧ ᱞᱮᱠᱟᱛᱮ ᱦᱚᱸ ᱱᱚᱨᱟᱴᱷᱤ ᱥᱮᱨᱮᱧᱤᱭᱟᱹ ᱞᱚᱛᱟ ᱢᱚᱧᱡᱮᱥᱠᱚᱨ , ᱟᱥᱟ ᱵᱷᱚᱥᱞᱮ, ᱟᱨ ᱠᱤᱥᱳᱨ ᱚᱢᱳᱱᱠᱚᱨ ᱞᱮᱠᱟᱱ ᱦᱚᱲ ᱠᱚ ᱥᱮᱨᱮᱧ ᱟᱠᱟᱫ-ᱟ ᱾ [᱑] ᱩᱱᱤ ᱫᱚ ᱵᱚᱥᱚᱸᱛ ᱚᱵᱽᱥᱟᱨᱮ ᱧᱩᱛᱩᱢ ᱛᱮᱦᱚᱸ ᱠᱚ ᱵᱟᱰᱟᱭ ᱮᱭᱟ ᱾

ᱡᱤᱭᱚᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟ ᱥᱮᱞᱠᱮ ᱟᱜ ᱡᱟᱱᱟᱢ ᱫᱚ ᱑᱒ ᱚᱠᱴᱚᱵᱚᱨ ᱑᱙᱒᱒ ᱥᱟᱞᱮ ᱨᱮ ᱤᱸᱫᱟᱯᱩᱨ, ᱯᱩᱱᱮ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱵᱤᱨᱫᱟᱹᱜᱟᱲ , ᱨᱟᱡᱽᱜᱩᱨᱩᱱᱚᱜᱚᱨ ᱟᱨ ᱩᱱᱩᱥᱩᱞ ᱟᱥᱲᱟ ᱨᱮᱱᱟᱜ ᱥᱮᱪᱮᱫ ᱫᱚ ᱦᱩᱡᱩᱨᱯᱚᱜᱟ (HHCP ᱩᱱᱩᱥᱩᱞ ᱵᱤᱨᱫᱟᱹᱜᱟᱲ), ᱯᱩᱱᱮ ᱠᱷᱚᱱ ᱮ ᱯᱩᱨᱟᱹᱣ ᱥᱟᱹᱛ ᱠᱮᱫ-ᱟ ᱾ ᱩᱱᱤ ᱫᱚ ᱟᱡᱟᱜ ᱥᱚᱱᱮᱨ ᱯᱚᱲᱦᱚᱱ ᱫᱚ ᱯᱩᱱᱮ ᱨᱮᱱᱟᱜ ᱮᱥ. ᱯᱤ. ᱢᱟᱨᱟᱝ ᱵᱤᱨᱫᱟᱹᱜᱟᱲ ᱠᱷᱚᱱ ᱮ ᱥᱟᱹᱛ ᱠᱮᱫ-ᱟ ᱾ ᱩᱱᱤ ᱫᱚ ᱢᱚᱨᱟᱴᱷᱤ ᱟᱨ ᱥᱟᱸᱥᱠᱨᱤᱴ ᱛᱮ ᱮᱢ. ᱮ. ᱯᱩᱨᱟᱹᱣ ᱥᱟᱹᱛ ᱟᱠᱟᱫ-ᱟ ᱟᱨ ᱵᱚᱢᱵᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱩᱭᱞᱩ ᱴᱷᱟᱶ ᱨᱮᱭ ᱛᱟᱦᱮᱸ ᱮᱱᱟ ᱾ ᱩᱱᱤ ᱫᱚ ᱟᱪᱟᱨᱭᱚ ᱟᱛᱨᱮ ᱦᱚᱛᱮᱛᱮ ᱥᱟᱯᱲᱟᱣ ᱪᱟᱞᱟᱜ ᱠᱟᱱ ᱦᱟᱯᱛᱟᱠᱤᱭᱟᱹ ᱱᱟᱶᱟᱡᱩᱜᱽ ᱨᱮᱱᱟᱜ ᱡᱚᱜᱚ ᱥᱟᱯᱲᱮᱛ ᱞᱮᱛᱟᱛᱮ ᱠᱟᱹᱢᱤ ᱠᱟᱱ ᱛᱩᱞᱩᱡ ᱕ ᱥᱮᱨᱢᱟ ᱠᱷᱟᱸᱰᱟᱣ ᱠᱮᱫ-ᱟ ᱾ ᱤᱱᱟᱹ ᱛᱟᱭᱚᱢ ᱟᱡ ᱫᱚ ᱱᱟᱜᱽᱯᱩᱨ ᱨᱮᱱᱟᱜ ᱦᱤᱥᱞᱳᱯ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱢᱚᱨᱟᱴᱷᱤ ᱯᱟᱹᱨᱥᱤ ᱨᱤᱱᱤᱡ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱛᱮ ᱱᱟᱜᱽᱯᱩᱨ ᱮ ᱪᱟᱞᱟᱣ ᱮᱱᱟ ᱾ ᱩᱱᱤ ᱫᱚ ᱢᱚᱦᱚᱨᱥᱤ ᱫᱚᱭᱟᱱᱚᱸᱫᱽ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱯᱚᱨᱮᱞ, ᱵᱩᱢᱵᱟᱭᱤ ᱠᱷᱚᱱ ᱟᱹᱰᱤ ᱥᱟᱺᱜᱤᱧ ᱥᱮᱵᱟ ᱠᱟᱹᱢᱤ ᱛᱟᱭᱚᱢ ᱠᱟᱹᱢᱤ ᱠᱷᱚᱱ ᱮ ᱡᱤᱨᱟᱹᱣ ᱮᱱᱟ ᱟᱨ ᱯᱩᱱᱮ ᱨᱮᱭ ᱵᱟᱥᱟ ᱮᱱᱟ ᱾

ᱵᱩᱢᱵᱟᱹᱭᱤ ᱨᱮ ᱟᱡᱟᱜ ᱠᱟᱢᱠᱟᱡᱽ ᱵᱮᱵᱽᱥᱟᱭ ᱚᱠᱛᱚ ᱨᱮ ᱩᱱᱤ ᱫᱚ ᱯᱷᱤᱞᱢ ᱥᱮᱱᱥᱚᱨ ᱵᱳᱰ, ᱥᱚᱨᱠᱟᱨ ᱯᱚᱛᱚᱵ ᱯᱩᱨᱚᱥᱠᱟᱨ ᱨᱮᱦᱚᱸᱭ ᱠᱟᱹᱢᱤ ᱟᱠᱟᱫ-ᱟ ᱾

ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱟᱱᱛᱟ ᱥᱮᱞᱠᱮ ᱫᱚ ᱚᱱᱚᱲᱦᱮ ᱠᱚ, ᱠᱟᱹᱦᱱᱤ ᱠᱚ, ᱜᱟᱢᱟᱢ ᱠᱚ, ᱡᱤᱭᱱᱤ ᱠᱚ, ᱧᱟᱯᱟᱢ ᱜᱟᱞᱚᱪ ᱠᱚ, ᱛᱩᱞᱟᱹᱡᱚᱠᱷᱟ ᱠᱟᱛᱷᱟ ᱠᱚ, ᱟᱨ ᱩᱯᱨᱩᱢ ᱞᱮᱠᱟᱱ ᱠᱟᱛᱷᱟ ᱠᱚ ᱢᱚᱨᱟᱴᱷᱤ ᱥᱟᱶᱦᱮᱫ ᱨᱮ ᱮᱱᱮᱢ ᱮ ᱮᱢ ᱟᱠᱟᱫ-ᱟ ᱾ [᱒] ᱩᱱᱤ ᱫᱚ ᱩᱝᱞᱤᱥ ᱯᱷᱤᱞᱢ ᱠᱚ ᱛᱚᱨᱡᱚᱢᱟ ᱨᱮ ᱜᱚᱲᱚ ᱥᱚᱦᱚᱫ ᱮ ᱮᱢ ᱟᱠᱟᱫ-ᱟ ᱟᱨ ᱵᱮᱣᱨᱟ ᱥᱟᱠᱟᱢ ᱠᱚᱨᱮ ᱠᱚᱞᱚᱢ ᱦᱚᱸᱭ ᱚᱞ ᱟᱠᱟᱫ-ᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. World, Republic. "Top Marathi songs of Lata Mangeshkar that you just cannot miss". Republic World. Retrieved 16 ᱢᱟᱨᱪ 2020.
  2. "Ketaki Mategaonkar gives a new hit - Times of India". The Times of India (in ᱟᱝᱜᱽᱨᱮᱡᱤ). Retrieved 16 ᱢᱟᱨᱪ 2020.