ᱥᱟᱶᱦᱮᱫ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱟᱨᱮ ᱯᱩᱛᱷᱤ ᱢᱩᱨᱟᱹᱭ ᱨᱮ

ᱥᱟᱶᱦᱮᱫ ᱡᱟᱦᱟᱸ ᱯᱟ.ᱨᱥᱤ ᱜᱮ ᱥᱮᱫᱟᱭ ᱠᱷᱚᱱ ᱚᱞ-ᱛᱚᱞ ᱟ.ᱜᱩ ᱟᱠᱟᱱᱟᱜ ᱜᱮ ᱥᱟᱶᱦᱮᱫ ᱢᱮᱱᱛᱮ ᱵᱚᱱ ᱢᱮᱱ ᱫᱟᱲᱮᱭᱟᱜ-ᱟ ᱾ ᱡᱮᱜᱮᱛ ᱨᱮ ᱡᱚᱛᱚ ᱠᱷᱚᱱ ᱢᱟᱨᱮ ᱥᱟᱶᱦᱮᱫ ᱫᱚ ᱟᱵᱚ ᱟᱹᱫᱤᱵᱟ.ᱥᱤ ᱥᱟᱶᱦᱮᱫ ᱨᱮᱵᱚ ᱧᱟᱢᱟ ᱾ ᱱᱚᱝᱠᱟ ᱛᱮ ᱧᱮᱞ ᱞᱮᱠᱷᱟᱱ ᱟᱹᱫᱤᱵᱟ.ᱥᱤ ᱥᱟᱶᱦᱮᱫ ᱜᱮ ᱡᱚᱛᱚ ᱥᱟᱶᱦᱮᱫ ᱨᱮᱭᱟᱜ ᱢᱩᱲ ᱰᱟᱦᱟᱨ ᱠᱟᱱᱟ ᱾

ᱵᱷᱟᱨᱚᱛᱤᱭᱟ. ᱥᱟᱶᱦᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱟᱨᱚᱛ ᱨᱮᱭᱟᱜ ᱥᱚᱸᱥᱠᱨᱩᱛ ᱥᱟᱶᱦᱮᱫ ᱫᱚ ᱨᱩᱜᱽᱵᱮᱫᱽ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ ᱾ ᱵᱭᱟᱥ, ᱵᱟᱞᱢᱤᱠᱤ ᱞᱮᱠᱟᱱ ᱯᱟᱹᱦᱤᱞ ᱨᱩᱥᱤ ᱠᱚ ᱢᱟᱦᱟᱵᱷᱟᱨᱚᱛ ᱟᱨ ᱨᱟᱢᱟᱭᱚᱬ ᱞᱮᱠᱟᱱ ᱢᱟᱨᱟᱝ ᱯᱩᱛᱷᱤ ᱠᱤᱱ ᱚᱞ ᱛᱚᱞ ᱟᱠᱟᱜ-ᱟ ᱾ ᱵᱷᱟᱥ, ᱠᱟᱲᱤᱫᱟᱥ ᱟᱨ ᱮᱴᱟᱜ ᱚᱱᱚᱬᱦᱤᱭᱟ. ᱠᱚᱦᱚᱸ ᱥᱚᱸᱥᱠᱨᱩᱛ ᱛᱮ ᱠᱷᱮᱞᱚᱸᱰ ᱯᱚᱛᱚᱵ ᱠᱚ ᱚᱞ ᱛᱚᱞ ᱟᱠᱟᱜ-ᱟ ᱾

ᱵᱚᱸᱜᱟ ᱵᱳᱨᱳ ᱢᱟᱱᱟᱣ ᱵᱟᱛᱟᱣ ᱥᱟᱶᱦᱮᱫ ᱨᱮᱫᱚ ᱜᱳᱥᱣᱟᱢᱤ ᱛᱩᱞᱥᱤᱫᱟᱥ, ᱵᱨᱚᱡᱽ ᱯᱟ.ᱨᱥᱤ ᱨᱮᱫᱚ ᱥᱩᱨᱫᱟᱥ, ᱢᱟᱨᱣᱟᱲᱤ ᱨᱮ ᱢᱤᱨᱟᱵᱟᱭᱤ, ᱠᱷᱳᱰᱤᱵᱳᱞᱤ ᱨᱮ ᱠᱚᱵᱤᱨ, ᱨᱚᱥᱠᱷᱟᱱ, ᱢᱚᱭᱛᱷᱤᱞᱤ ᱨᱮ ᱵᱤᱫᱭᱟᱯᱚᱛᱤ ᱮᱢᱟᱱ ᱧᱩᱛᱩᱢᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾

ᱦᱤᱱᱫᱤ ᱥᱟᱶᱦᱮᱫ ᱨᱮᱫᱚ ᱠᱟᱛᱷᱟ, ᱠᱟᱹᱦᱱᱤ ᱟᱨ ᱜᱟᱢᱟᱢ ᱨᱮᱫᱚ ᱯᱨᱮᱢᱪᱟᱸᱫᱽ ᱟᱜ ᱟ.ᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜ-ᱟ ᱾ ᱜᱨᱤᱠ ᱥᱟᱶᱦᱮᱫ ᱨᱮᱫᱚ ᱦᱳᱢᱤᱨᱟᱜ ᱤᱞᱤᱭᱟᱰ ᱟᱨ ᱳᱰᱤᱥᱤ ᱫᱚ ᱡᱮᱜᱮᱛ ᱨᱮ ᱧᱩᱛᱩᱢ ᱢᱮᱱᱟᱜ-ᱟ ᱾ ᱤᱸᱜᱽᱞᱤᱥ ᱥᱟᱶᱦᱮᱫ ᱨᱮ ᱥᱮᱠᱥᱯᱤᱭᱚᱨ ᱫᱚ ᱚᱠᱚᱭ ᱵᱟᱭ ᱵᱟᱰᱟᱭᱟ ᱟᱠᱟᱫᱮᱭᱟ ᱾ ᱯᱷᱩᱨᱜᱟᱹᱞ ᱥᱤᱧᱚᱛ ᱨᱮ ᱒᱒ ᱜᱚᱴᱟᱝ ᱯᱟᱹᱨᱥᱤ ᱢᱟᱱᱟᱣ ᱵᱟᱛᱟᱣ ᱮ ᱧᱟᱢ ᱟᱠᱟᱜᱼᱟ ᱾ ᱡᱟᱦᱟᱸᱨᱮ ᱢᱚᱴᱷᱮ ᱵᱟᱨᱭᱟ ᱟᱹᱫᱤᱵᱟ.ᱥᱤ ᱯᱟᱹᱨᱥᱤ ᱼ ᱥᱟᱱᱛᱟᱲᱤ ᱟᱨ ᱵᱳᱰᱳ ᱜᱮᱠᱚ ᱥᱮᱞᱮᱫ ᱟᱠᱟᱜᱼᱟ ᱾

ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱟᱨᱚᱛ ᱫᱤᱥᱚᱥ ᱫᱚ ᱟ.ᱰᱤᱜᱟᱱ ᱯᱟ.ᱨᱥᱤ ᱨᱮᱭᱟᱜ ᱢᱤᱫ ᱦᱟᱯᱲᱟᱜ ᱫᱤᱥᱚᱢ ᱠᱟᱱᱟ ᱾ ᱠᱚᱧᱮᱼᱯᱟᱪᱷᱮ ᱨᱮ ᱯᱚᱧᱡᱟᱵᱤ, ᱦᱤᱱᱫᱤ, ᱩᱨᱫᱷᱩ; ᱯᱩᱨᱩᱵᱽ ᱯᱟᱦᱴᱟ ᱨᱮ ᱳᱰᱤᱭᱟ., ᱵᱟᱝᱜᱽᱞᱟ ᱟᱨ ᱟᱥᱟᱢᱤᱭᱟ. ; ᱛᱟᱞᱟᱼᱯᱟᱪᱷᱮ ᱯᱟᱦᱴᱟ ᱨᱮᱫᱚ ᱢᱚᱨᱟᱴᱷᱤ ᱟᱨ ᱜᱩᱡᱽᱨᱟᱴᱤ ᱟᱨ ᱟᱨ ᱫᱩᱠᱷᱤᱱ ᱨᱤ ᱛᱟᱢᱤᱞ, ᱛᱮᱞᱜᱩ, ᱠᱟᱱᱟᱰᱟ ᱟᱨ ᱢᱟᱞᱭᱟᱞᱚᱢ ᱾ ᱱᱚᱶᱟ ᱠᱚ ᱪᱷᱟᱰᱟ ᱠᱟᱛᱮ ᱟᱨ ᱦᱚᱸ ᱟᱹᱰᱤᱜᱟᱱ ᱯᱟᱹᱨᱥᱤ ᱢᱮᱱᱟᱜᱼᱟ ᱡᱟᱦᱟᱸᱨᱮ ᱥᱟᱶᱦᱮᱫᱤᱭᱟ. ᱟᱨ ᱯᱟᱹᱨᱥᱤ ᱥᱟᱬᱮᱥᱤᱭᱟ. ᱢᱚᱦᱚᱛ ᱠᱟᱹᱡ ᱫᱚ ᱵᱟᱝ ᱠᱟᱱᱟ ᱼ ᱠᱟᱥᱢᱤᱨᱤ, ᱰᱳᱜᱽᱨᱤ, ᱥᱤᱱᱫᱷᱤ, ᱠᱳᱸᱠᱳᱬᱤ, ᱛᱩᱨᱩ ᱮᱢᱟᱱ ᱾

ᱥᱟᱱᱛᱟᱲᱤ ᱥᱟᱶᱦᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲᱤ ᱥᱟᱶᱦᱮᱫ ᱦᱚᱸ ᱟ.ᱰᱤ ᱜᱮ ᱠᱤᱥᱟ.ᱬ ᱟᱠᱟᱱᱟ ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱯᱩᱭᱞᱩ ᱚᱱᱚᱬᱦᱮ ᱯᱩᱛᱷᱤ ᱫᱚ ᱯᱟᱳᱞ ᱡᱩᱡᱷᱟᱨ ᱟᱜ "ᱵᱟᱦᱟ ᱰᱷᱟ.ᱞᱣᱟ.ᱜ" ᱠᱟᱱᱟ ᱾ ᱤᱱᱟᱹ ᱛᱟᱭᱚᱢ ᱟᱹᱰᱤᱜᱟᱱ ᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟ., ᱠᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱮᱱᱮᱢ ᱛᱟᱠᱚ ᱢᱮᱱᱟᱜᱼᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.santhaledisom.com/2014/09/santali-literature.html?m=0