ᱥᱟᱹᱞᱟᱹᱭ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱡᱩᱞᱩᱜ ᱠᱟᱱ ᱥᱟᱹᱞᱟᱹᱭ ᱠᱟᱹᱴᱷᱤ

ᱥᱟᱹᱞᱟᱹᱭ (en: Match) ᱫᱚ ᱦᱩᱭᱩᱜ ᱠᱟᱱᱟ ᱠᱟᱴᱷ ᱛᱮ ᱵᱮᱱᱟᱣ ᱟᱠᱟᱱ ᱠᱟᱹᱴᱤᱡ ᱠᱟᱹᱴᱤᱡ ᱡᱤᱞᱤᱧ ᱢᱟᱪᱷᱟ ᱠᱟᱹᱴᱷᱤ ᱡᱟᱸᱦᱟᱸ ᱨᱮᱱᱟᱜ ᱢᱤᱫ ᱥᱮᱡ ᱵᱟᱹᱨᱩᱫᱽ ᱞᱟᱜᱟᱣ ᱛᱟᱸᱦᱮᱸᱱᱟ᱾ ᱵᱟᱹᱨᱩᱫᱽ ᱡᱟᱸᱦᱟᱸ ᱥᱮᱡ ᱛᱟᱸᱦᱮᱸᱱᱟ ᱚᱱᱚ ᱟᱲᱮ ᱵᱟᱝ ᱥᱚᱢᱟᱱ ᱠᱷᱚᱥᱠᱷᱚᱥᱮ ᱡᱟᱜᱟ ᱨᱮ ᱜᱷᱟᱥᱟᱣ ᱞᱮᱠᱷᱟᱱ ᱜᱮ ᱥᱮᱸᱜᱮᱞ ᱡᱩᱞᱩᱜᱼᱟ᱾ ᱚᱲᱟᱜ ᱠᱚᱨᱮᱱᱟᱜ ᱥᱮᱸᱜᱮᱞ ᱡᱩᱞ ᱠᱟᱹᱢᱤᱨᱮ ᱱᱚᱣᱟ ᱥᱟᱹᱞᱟᱹᱭ ᱛᱮ ᱠᱟᱹᱢᱤ ᱯᱟᱨᱚᱢ ᱨᱮ ᱵᱚᱛᱚᱨ ᱵᱟᱝ ᱛᱟᱸᱦᱮᱸᱱᱟ᱾ ᱢᱤᱫ ᱞᱮᱠᱟᱱ ᱠᱟᱹᱴᱤᱡ ᱵᱟᱠᱥᱚ ᱨᱮ ᱥᱟᱹᱞᱟᱹᱭ ᱠᱟᱹᱴᱷᱤ ᱠᱩ ᱫᱚᱦᱚᱭᱟ᱾ ᱟᱨ ᱚᱱᱟ ᱵᱟᱠᱥᱚ ᱨᱮᱱᱟᱜ ᱵᱟᱨ ᱟᱲᱮ ᱨᱮᱜᱮ ᱠᱷᱚᱥᱠᱷᱚᱥᱮ ᱡᱟᱜᱟ ᱛᱟᱸᱦᱮᱸᱱᱟ ᱡᱟᱸᱦᱟᱸ ᱨᱮ ᱜᱷᱟᱥᱟᱣ ᱠᱟᱛᱮ ᱥᱮᱸᱜᱮᱞ ᱡᱩᱞᱩᱜᱼᱟ᱾

ᱠᱟᱴᱷ ᱨᱮᱱᱟᱜ ᱠᱟᱹᱴᱷᱤ ᱛᱮ ᱥᱟᱹᱞᱟᱹᱭ ᱠᱟᱹᱴᱷᱤ ᱠᱚ ᱵᱮᱱᱟᱣᱟ ᱟᱨ ᱚᱝᱠᱟ ᱠᱟᱛᱮ ᱟᱹᱠᱷᱨᱤᱧ ᱞᱟᱹᱜᱤᱛ ᱠᱚ ᱵᱟᱡᱟᱨ ᱨᱮᱠᱚ ᱯᱷᱮᱰᱟ᱾ ᱜᱮᱥ ᱪᱩᱞᱦᱟᱹ, ᱪᱩᱴᱤ-ᱵᱤᱲᱤ, ᱠᱚᱭᱮᱞ, ᱢᱳᱢᱵᱟᱛᱤ ᱱᱚᱝᱠᱟᱱ ᱡᱤᱱᱤᱥ ᱡᱩᱞ ᱞᱟᱹᱜᱤᱛ ᱥᱟᱹᱞᱟᱹᱭ ᱟᱹᱰᱤ ᱠᱟᱡᱟᱠ ᱠᱩ ᱵᱮᱵᱷᱟᱨᱟ᱾ ᱢᱤᱫᱴᱮᱱ ᱥᱟᱞᱟᱹᱭ ᱵᱟᱠᱥᱚ ᱨᱮ ᱕᱐ ᱜᱚᱴᱟᱝ ᱞᱮᱠᱟ ᱥᱟᱹᱞᱟᱹᱭ ᱠᱟᱹᱴᱷᱤ ᱛᱟᱸᱦᱮᱸᱱᱟ᱾

ᱮᱛᱦᱚᱵ (Origin)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱞᱟᱹᱭ ᱨᱮᱱᱟᱜ ᱤᱝᱨᱮᱡᱤ ᱟᱹᱲᱟᱹ ᱫᱚ ᱦᱩᱭᱩᱜ ᱠᱟᱱᱟ ᱢᱮᱪ (Match)᱾ ᱱᱚᱣᱟ ᱫᱚ ᱯᱷᱚᱨᱟᱥᱤ ᱟᱹᱲᱟᱹ ᱢᱮᱥᱮ ᱠᱷᱚᱱ ᱦᱮᱡ ᱟᱠᱟᱱᱟ᱾ ᱢᱮᱥᱮ ᱢᱮᱱᱛᱮ ᱫᱚ ᱢᱳᱢᱵᱟᱛᱤ ᱨᱮᱱᱟᱜ ᱥᱚᱞᱛᱟ ᱠᱩ ᱵᱩᱡᱷᱟᱹᱣ ᱚᱪᱚᱭᱮᱛ ᱛᱟᱸᱦᱮᱸᱱᱟ᱾[᱑]

ᱱᱟᱜᱟᱢ ᱞᱮᱠᱟᱛᱮ ᱢᱮᱪ ᱫᱚ ᱵᱟᱵᱮᱨ ᱨᱮᱱᱟᱜ ᱡᱤᱞᱤᱧ ᱠᱩ ᱵᱩᱡᱷᱟᱹᱣ ᱚᱪᱚᱭᱮᱛ ᱛᱟᱸᱦᱮᱸᱱᱟ ᱡᱟᱸᱦᱟᱸ ᱫᱚ ᱨᱟᱥᱟᱭᱚᱱᱤᱠ ᱡᱤᱱᱤᱥ ᱥᱟᱶᱛᱮ ᱢᱮᱥᱟᱣ ᱞᱮᱱ ᱠᱷᱟᱱ ᱢᱤᱫᱴᱮᱱ ᱚᱠᱛᱚ ᱫᱷᱟᱹᱵᱤᱡ ᱡᱩᱞ ᱛᱮᱜᱮ ᱛᱟᱸᱦᱮᱸᱱᱟ᱾[᱒] ᱦᱟᱞᱠᱟ ᱥᱮᱸᱜᱮᱞ ᱥᱮ ᱠᱟᱢᱟᱱ ᱥᱮ ᱵᱟᱱᱫᱩᱠ ᱨᱮᱱᱟᱜ ᱥᱮᱸᱜᱮᱞ ᱡᱩᱞ ᱞᱟᱹᱜᱤᱛ ᱱᱚᱣᱟ ᱫᱚ ᱵᱮᱵᱷᱟᱨᱚᱜ ᱠᱟᱱ ᱛᱟᱸᱦᱮᱸᱱᱟ᱾ ᱛᱤᱱ ᱜᱷᱟᱹᱨᱤᱡ ᱡᱩᱞᱩᱜᱼᱟ ᱚᱱᱟ ᱦᱤᱥᱟᱹᱵᱛᱮ ᱥᱟᱹᱞᱟᱹᱭ ᱨᱮᱱᱟᱜ ᱨᱚᱠᱚᱢ ᱥᱚᱠᱚᱢ ᱢᱮᱱᱟᱜᱼᱟ᱾ ᱡᱟᱸᱦᱟᱸ ᱞᱮᱠᱟ ᱟᱹᱰᱤ ᱜᱷᱟᱹᱨᱤᱡ ᱡᱩᱞᱩᱜ ᱥᱟᱹᱞᱟᱹᱭ ᱟᱨ ᱠᱚᱢ ᱜᱷᱟᱹᱨᱤᱡ ᱡᱩᱞᱩᱜ ᱥᱟᱹᱞᱟᱹᱭ᱾

ᱵᱤᱵᱚᱨᱛᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱹᱫᱷᱩᱱᱤᱠ ᱡᱩᱜᱽ ᱞᱟᱦᱟ ᱨᱮ ᱕᱗᱗ ᱥᱮᱨᱢᱟ ᱨᱮ ᱯᱟᱭᱤᱱ ᱫᱟᱨᱮ ᱨᱮᱱᱟᱜ ᱠᱟᱴᱷ ᱛᱮ ᱥᱟᱹᱞᱟᱹᱭ ᱵᱮᱱᱟᱣ ᱦᱩᱭᱞᱮᱱᱟ᱾ ᱮᱛᱚᱢ ᱥᱮᱡ ᱨᱮ ᱡᱷᱩ ᱟᱨ ᱪᱮᱱ ᱮᱞᱟᱠᱟ ᱨᱮ ᱥᱟᱢᱚᱨᱤᱠ ᱵᱟᱦᱤᱱᱤ ᱠᱳᱣᱟᱜ ᱡᱚᱢ ᱛᱮᱭᱟᱨ, ᱦᱚᱲᱢᱚ ᱞᱚᱞᱚ ᱞᱟᱹᱜᱤᱛ ᱥᱮ ᱨᱟᱥᱟᱭᱚᱱᱤᱠ ᱡᱤᱱᱤᱥ ᱠᱩ ᱡᱩᱞ ᱞᱟᱹᱜᱤᱛ ᱥᱟᱹᱞᱟᱹᱭ ᱨᱮᱱᱟᱜ ᱫᱚᱨᱠᱟᱨ ᱯᱟᱲᱟᱣ ᱞᱮᱱᱟ᱾[᱓]

᱑᱕᱓᱐ ᱥᱮᱨᱢᱟ ᱥᱮᱡ ᱤᱣᱨᱳᱯ ᱨᱮ ᱥᱟᱹᱞᱟᱹᱭ ᱵᱮᱱᱟᱣ ᱨᱮᱱᱟᱜ ᱦᱤᱲᱤᱠ ᱯᱟᱲᱟᱣᱞᱮᱱᱟ᱾ ᱑᱘᱐᱕ ᱥᱮᱨᱢᱟ ᱥᱮᱡ ᱡᱤᱱ ᱪᱮᱱᱥᱮᱞ ᱧᱩᱛᱩᱢᱟᱱ ᱢᱤᱫᱴᱮᱱ ᱢᱟᱹᱱᱢᱤ ᱯᱩᱭᱞᱩ ᱫᱷᱟᱣ ᱟᱫᱷᱩᱱᱤᱠ ᱥᱟᱞᱟᱹᱭ ᱮ ᱵᱮᱱᱟᱣ ᱠᱮᱫᱟ᱾ ᱥᱟᱹᱞᱟᱹᱭ ᱞᱟᱦᱟ ᱥᱮᱡ ᱫᱚ ᱯᱚᱴᱟᱥᱤᱭᱟᱢ ᱠᱞᱳᱨᱮᱴ, ᱥᱟᱞᱯᱷᱟᱨ, ᱪᱤᱱᱤ ᱟᱨ ᱨᱟᱵᱟᱨ ᱨᱮᱱᱟᱜ ᱞᱮᱣᱦᱟ ᱠᱩ ᱵᱮᱵᱷᱟᱨᱮᱛ ᱛᱟᱸᱦᱮᱸᱱᱟ᱾ ᱠᱟᱹᱴᱤᱡ ᱵᱳᱛᱳᱞ ᱨᱮ ᱥᱟᱞᱯᱷᱤᱣᱨᱤᱠ ᱮᱥᱤᱰ ᱨᱮ ᱢᱮᱥᱟ ᱠᱟᱛᱮ ᱥᱟᱹᱞᱟᱹᱭ ᱨᱮᱭᱟᱜ ᱥᱮᱸᱜᱮᱞ ᱠᱩ ᱡᱩᱞᱮᱛ ᱛᱟᱸᱦᱮᱸᱱᱟ᱾[᱔]

ᱯᱷᱚᱥᱯᱚᱨᱟᱥ ᱛᱮ ᱥᱟᱹᱞᱟᱹᱭ ᱵᱮᱱᱟᱣ ᱠᱷᱟᱹᱛᱤᱨ ᱟᱭᱢᱟ ᱞᱮᱠᱟᱱ ᱡᱟᱝ ᱠᱷᱚᱭ ᱨᱮᱱᱟᱜ ᱨᱩᱣᱟᱹ ᱮᱛᱦᱚᱵ ᱫᱷᱩᱨᱟᱹᱣ ᱱᱟ᱾[᱕] ᱯᱩᱸᱰ ᱯᱚᱥᱯᱷᱚᱨᱟᱥ ᱵᱮᱵᱷᱟᱨ ᱠᱷᱟᱹᱛᱤᱨ ᱢᱟᱹᱱᱢᱤ ᱠᱚ ᱦᱚᱸ ᱜᱩᱡᱩᱜ ᱠᱩ ᱫᱷᱩᱨᱟᱹᱣ ᱱᱟ᱾ ᱥᱟᱹᱞᱟᱹᱭ ᱡᱚᱢ ᱠᱟᱛᱮ ᱢᱟᱹᱱᱢᱤ ᱠᱩ ᱟᱹᱠᱩ ᱟᱹᱠᱩ ᱛᱮ ᱜᱩᱡᱩᱜ ᱠᱩ ᱫᱷᱩᱨᱟᱹᱣ ᱞᱮᱱᱟ᱾ ᱑᱘᱔᱕ ᱥᱮᱨᱢᱟ ᱥᱮᱡ ᱵᱷᱤᱭᱮᱱᱟ ᱨᱮ ᱱᱚᱝᱠᱟᱱ ᱜᱷᱚᱴᱚᱱᱟ ᱯᱩᱭᱞᱭ ᱦᱩᱭᱞᱮᱱᱟ᱾ ᱱᱤᱣ ᱤᱭᱚᱨᱠ ᱨᱮ ᱱᱚᱝᱠᱟᱱ ᱜᱷᱚᱴᱚᱱᱟ ᱠᱩ ᱱᱤᱭᱮ ᱯᱟᱢᱯᱞᱮᱴ ᱩᱰᱩᱝᱱᱟ᱾[᱖]

ᱪᱤᱛᱟᱹᱨᱠᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • Beaver, Patrick, (1985). The Match Makers: The Story of Bryant & May. London: Henry Melland Limited. ᱪᱷᱟᱸᱪ:আইএসবিএন
  • Emsley, John, (2000). The Shocking History of Phosphorus: A Biography of the Devil's Element. Basingstoke: Macmillan Publishing. ᱪᱷᱟᱸᱪ:আইএসবিএন
  • Steele, H. Thomas (1987). Close Cover Before Striking: The Golden Age of Matchbook Art. Abeville Press

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

The Wiktionary entry for Match

Media related to ᱥᱟᱹᱞᱟᱹᱭ at Wikimedia Commons

  • "History of Chemical Matches". Chemistry.about.com.
  • "The History of Matches". Inventors.about.com.
  • "Making 125,000 Matches An Hour", August 1946, Popular Science article on the modern mass production of wooden stem matches
  • "History of matchbooks". Matchcovers.com/first100.htm. Archived from the original on 16 ᱯᱷᱮᱵᱽᱨᱩᱣᱟᱨᱤ 2006. {{cite web}}: Unknown parameter |deadurl= ignored (help)
  • "The Rathkamp Matchcover Society". matchcover.org.library.thinkquest.org/23062/match.htm
  • "Lighting a Match", Royal Institution video on the ignition process
  • Chemistry of Matches, Graphics and Video

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Whiter W (1825). Etymologicon universale: or, Universal etymological dictionary. 2. p. 428.
  2. Concise Oxford Dictionary (10 ed.). London: Oxford University Press. 1999.
  3. Temple, Robert (1986). The Genius of China: 3,000 Years of Science, Discovery, and Invention. New York: Simon and Schuster, Inc.. p. 98.
  4. Barnett, E. de Barry (1919). Rideal, Samuel. ed. Explosives. New York: D. Van Nostrand Co.. pp. 158, 162–170.
  5. Hughes, J. P. W; Baron, R.; Buckland, D. H., Cooke, M. A.; Craig, J. D.; Duffield, D. P.; Grosart, A. W.; Parkes, P. W. J.; & Porter, A. (1962). "Phosphorus Necrosis of the Jaw: A Present-day Study: With Clinical and Biochemical Studies". Brit. J. Industr. Med. 19 (2): 83–99. PMC 1038164. PMID 14449812.
  6. Crass, M. F., Jr. (1941). "A history of the match industry. Part 9". Journal of Chemical Education 18: 428–431. Bibcode 1941JChEd..18..428C. doi:10.1021/ed018p428.