ᱥᱢᱤᱛᱟ ᱨᱟᱡᱟᱱ
| ᱥᱢᱤᱛᱟ ᱨᱟᱡᱟᱱ | |
|---|---|
 ᱢᱚᱦᱤᱱᱤ ᱭᱟᱴᱴᱟᱢ ᱮᱱᱮᱡ ᱚᱠᱛᱮ ᱨᱮ ᱥᱢᱤᱛᱟ ᱨᱟᱡᱟᱱ | |
| ᱵᱤᱵᱚᱨᱚᱱ | |
| ᱢᱩᱬ | ᱠᱮᱨᱟᱞᱟ, ᱥᱤᱧᱚᱛ |
| ᱡᱮᱱᱨᱮᱥ | [ᱢᱚᱦᱤᱱᱤ ᱭᱟᱴᱴᱟᱢ, ᱵᱷᱟᱨᱟᱛ ᱱᱟᱴᱭᱟᱢ, ᱠᱟᱛᱷᱟᱠᱟᱞᱤ, ᱠᱩᱪᱤᱯᱩᱲᱤ |
| ᱣᱮᱵᱽᱥᱟᱭᱤᱴ | http://www.smitharajan.com/ |
ᱥᱢᱤᱛᱟ ᱨᱟᱡᱟᱱ (ᱡᱟᱱᱟᱢ ᱺ ᱑᱙᱖᱙) ᱫᱚ ᱠᱮᱨᱟᱞᱟ ᱯᱚᱱᱚᱛ ᱨᱮᱱ ᱢᱤᱫᱴᱮᱱ ᱢᱚᱦᱤᱱᱤ ᱭᱟᱴᱴᱟᱢ ᱮᱱᱮᱡ ᱜᱟᱭᱱᱟᱦᱤᱭᱟᱹ ᱠᱟᱱᱟᱭ ᱟᱨ ᱜᱟᱹᱠᱷᱩᱲ ᱥᱤᱧᱚᱛᱤᱭᱟᱹ ᱥᱟᱥᱛᱚᱨ ᱮᱱᱮᱡ ᱜᱟᱭᱱᱟᱦᱤᱭᱟᱹ ᱡᱩᱨᱤ ᱯᱟᱹᱨᱤ ᱯᱟᱫᱽᱢᱟ ᱥᱨᱤ ᱠᱟᱞᱟᱢᱟᱱ ᱰᱟᱞᱟᱢ ᱠᱨᱤᱥᱱᱟᱱ ᱱᱟᱭᱟᱨ ᱟᱨ ᱠᱟᱞᱟᱢᱟᱱ ᱰᱟᱞᱟᱢ ᱠᱟᱞᱭᱟᱱᱤ ᱠᱩᱴᱴᱤ ᱟᱢᱢᱟ ᱨᱮᱱ ᱜᱚᱲᱚᱢ ᱠᱩᱲᱤᱭᱮ ᱛᱟᱦᱮ ᱠᱟᱱᱟ| ᱩᱱᱤ ᱟᱡᱟ ᱜᱚᱜᱚ ᱥᱨᱤ ᱫᱮᱵᱤ ᱨᱟᱡᱟᱱ ᱫᱚ ᱢᱤᱫᱴᱮᱱ ᱯᱟᱹᱨᱩᱠᱷᱤᱭᱟᱹ ᱢᱚᱦᱤᱱᱤ ᱭᱟᱴᱴᱟᱢ ᱮᱱᱮᱡ ᱜᱩᱨᱩ ᱟᱨ ᱥᱢᱤᱛᱟ ᱨᱮᱱ ᱢᱟᱪᱮᱼᱛᱟᱱᱤᱭᱮ ᱛᱟᱦᱮ ᱠᱟᱱᱟ| ᱩᱱᱤ ᱟᱡ ᱵᱟᱵᱟ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱᱟ ᱴᱤᱹ ᱟᱨᱹ ᱨᱟᱟᱡᱟᱯᱯᱟᱱ|
ᱩᱱᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱢᱤᱛᱟ ᱨᱟᱡᱟᱢ ᱫᱚ ᱠᱩᱪᱤ ᱨᱮᱭᱟᱜ ᱛᱨᱤᱯᱩᱱᱤ ᱛᱷᱩᱨᱟ ᱨᱮ ᱢᱮᱱᱟᱜ ᱟᱡ ᱢᱟᱢᱟ ᱦᱟᱲᱟᱟᱢᱵᱟ ᱣᱟᱜ ᱚᱲᱟᱜ ᱨᱮ ᱮᱱᱮᱡ ᱨᱮᱭᱟᱜ ᱤᱛᱩᱱ ᱫᱚᱭ ᱪᱮᱫ ᱞᱮᱫᱟ| ᱦᱩᱰᱤᱧ ᱥᱢᱤᱛᱟ ᱞᱟᱹᱜᱤᱫ ᱮᱱᱮᱡ ᱟᱨ ᱥᱮᱨᱮᱧ ᱨᱮᱭᱟᱜ ᱦᱚᱭ ᱦᱤᱥᱤᱫ ᱥᱟᱶᱛᱮ ᱢᱚᱱ ᱞᱟᱜᱟᱣ ᱠᱟᱛᱮ ᱮᱱᱮᱡ ᱪᱮᱪᱮᱫ ᱫᱚ ᱱᱚᱝᱠᱟ ᱛᱟᱦᱮ ᱠᱟᱱᱟ ᱡᱮᱞᱮᱠᱟ ᱟᱡ-ᱟᱜ ᱜᱚᱜᱚ ᱯᱟᱹᱨᱥᱤ ᱨᱚᱨᱚᱲ ᱪᱮᱪᱮᱫ ᱞᱮᱠᱟ ᱥᱟᱫᱷᱟᱨᱚᱱ ᱛᱟᱦᱮ ᱠᱟᱱᱟ| ᱥᱢᱤᱛᱟ ᱫᱚ ᱦᱟᱲᱟᱢ ᱵᱩᱰᱤ ᱜᱚ ᱴᱷᱮᱱ ᱛᱟᱦᱮ ᱠᱟᱱ ᱚᱠᱛᱮ ᱨᱮ ᱟᱡ ᱦᱚᱯᱚᱱ ᱜᱚ , ᱠᱟᱞᱟ ᱵᱤᱡᱟᱭᱟᱱ (ᱚᱠᱚᱭ ᱫᱚ ᱥᱟᱝᱜᱤᱛ ᱱᱟᱴᱟᱠ ᱟᱠᱟᱫᱮᱢᱤ ᱠᱷᱚᱱ ᱢᱚᱦᱤᱱᱤ ᱭᱟᱴᱴᱟᱢ ᱮᱱᱮᱡ ᱠᱷᱟᱹᱛᱤᱨ ᱛᱮ ᱥᱟᱝᱜᱤᱛ ᱟᱠᱟᱫᱮᱢᱤ ᱟᱣᱟᱨᱰᱮ ᱦᱟᱢᱮᱴ ᱞᱮᱫ) ᱨᱮᱱᱟᱜ ᱢᱟᱥᱴᱟᱨ ᱠᱞᱟᱥ ᱚᱠᱛᱮ, ᱛᱨᱤᱯᱩᱱᱤ ᱛᱷᱩᱨᱟ ᱨᱮᱭᱟᱜ ᱠᱮᱨᱟᱞᱟ ᱠᱟᱞᱟᱞᱟᱭᱟᱢ ᱨᱮ ᱜᱮ ᱟᱡ ᱦᱚᱯᱚᱱᱜᱚ ᱫᱚ ᱪᱚᱠᱞᱮ ᱠᱩᱴᱴᱩ ( ᱢᱚᱦᱤᱱᱤ ᱭᱟᱴᱴᱟᱢ ᱨᱮᱭᱟᱜ ᱯᱟᱹᱦᱤᱞ ᱫᱷᱟᱯ) ᱮᱱᱮᱡ-ᱮ ᱪᱮᱫ ᱟᱭ ᱠᱟᱱ ᱛᱟᱦᱮ ᱠᱟᱱᱟ| ᱩᱱᱠᱷᱳᱱ ᱜᱮ ᱜᱩᱨᱩ ᱠᱟᱞᱟ ᱵᱤᱡᱟᱭᱟᱱ ᱫᱚ ᱵᱷᱟᱨᱟᱛ ᱱᱟᱴᱭᱟᱢ ᱮᱱᱮᱡ-ᱮ ᱪᱮᱫ ᱟᱭ ᱠᱟᱱ ᱛᱟᱦᱮ ᱠᱟᱱᱟ ᱟᱨ ᱥᱢᱤᱛᱟ ᱫᱚ ᱟᱡᱟᱜ ᱔ (ᱯᱚᱱ) ᱥᱮᱨᱢ ᱟᱩᱢᱮᱨ ᱨᱮ ᱵᱷᱟᱨᱟᱛ ᱱᱟᱴᱭᱟ ᱨᱮᱭᱟᱜ ᱟᱨᱟᱝᱜᱮᱛᱨᱟᱢ ᱫᱳᱭ ᱯᱩᱨᱟᱹᱣ ᱞᱮᱫᱟ| ᱟᱡ ᱜᱚᱜᱚ ᱜᱩᱨᱩ ᱥᱨᱤ ᱫᱮᱵᱤ ᱨᱟᱡᱟᱱ, ᱫᱚ ᱢᱚᱦᱤᱱᱤ ᱭᱟᱴᱴᱟᱢ ᱨᱮᱭᱟᱜ ᱢᱤᱢᱤᱫ ᱛᱷᱚᱠ ᱠᱚ ᱥᱢᱤᱛᱟᱭ ᱪᱮᱫ-ᱟᱭ ᱠᱟᱱ ᱛᱟᱦᱮ ᱠᱟᱱᱟ ᱟᱨ ᱥᱢᱤᱛᱟ ᱫᱚ ᱟᱡᱟᱜ ᱖ (ᱛᱩᱨᱩᱭ) ᱥᱮᱨᱢᱟ ᱩᱢᱮᱨ ᱨᱮ ᱢᱚᱦᱤᱱᱤᱤ ᱭᱟᱴᱴᱟᱢ ᱨᱮ ᱟᱝᱜᱮᱛᱨᱟᱭ ᱩᱫᱩᱜ ᱥᱚᱫᱚᱨ ᱞᱮᱫᱟ| ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱟᱡ ᱜᱚᱲᱚᱢ ᱵᱩᱰᱤ ᱴᱷᱮᱱ ᱠᱷᱚᱱ ᱢᱚᱦᱤᱱᱤ ᱭᱟᱴᱴᱟᱢ ᱮᱱᱮᱡ ᱨᱮ ᱫᱚᱭ ᱜᱟᱹᱠᱷᱩᱲ ᱞᱮᱱᱟ| ᱩᱱᱤ ᱟᱡ ᱜᱚᱲᱚᱢ ᱵᱟᱵᱟ, ᱜᱩᱨᱩ ᱠᱟᱞᱟᱢᱟᱱ ᱰᱟᱞᱟᱢ ᱠᱨᱤᱥᱱᱟᱱ ᱱᱟᱭᱟᱨ, ᱫᱚ ᱠᱟᱛᱷᱟᱠᱟᱞᱤ ᱭᱮ ᱪᱮᱫ ᱟᱫᱮᱭ ᱟᱨ ᱩᱱ ᱤᱭᱟᱜ ᱢᱮᱫᱦᱟ ᱮᱠᱴᱤᱝ ᱠᱚᱭ ᱪᱮᱫ ᱟᱫᱮᱭᱟ| ᱥᱢᱤᱛᱟ ᱫᱚ ᱟᱨᱦᱚᱸ ᱠᱟᱱᱱᱟᱲᱟ ᱥᱟᱥᱛᱚᱨ ᱥᱮᱨᱮᱧ ᱨᱮ ᱢᱚᱱᱮ ᱞᱟᱜᱟᱣᱮ ᱛᱟᱭᱟ, ᱩᱱᱤ ᱫᱳ ᱯᱨᱚᱯᱷᱥᱟᱨ ᱠᱟᱞᱭᱟᱱ ᱥᱩᱱᱫᱟᱨᱟᱢ ᱴᱷᱮᱱ ᱠᱟᱱᱱᱟᱟᱲᱟ ᱥᱮᱨᱮᱧᱮ ᱪᱮᱫ ᱡᱚᱝ ᱠᱟᱱ ᱛᱟᱦᱮ ᱠᱟᱱᱟ|