ᱥᱣᱟᱛᱤ ᱵᱷᱤᱥᱮ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Swati Bhise
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱚᱠᱴᱚᱵᱚᱨ ᱒᱑, ᱑᱙᱕᱙ (1959-10-21) (᱖᱔ ᱥᱮᱨᱢᱟ)
Mumbai, India,
ᱠᱟᱹᱢᱤBharatanatyam dancer, educator, producer, and promoter of the arts

ᱥᱣᱟᱛᱤ ᱵᱷᱤᱥᱮ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱷᱟᱨᱚᱛᱱᱟᱴᱭᱚᱢ ᱰᱮᱱᱥᱚᱨ,ᱪᱮᱪᱮᱫᱤᱡᱽ, ᱢᱟᱪᱮᱛ,ᱯᱨᱚᱰᱩᱥᱚᱨ ᱟᱨᱵᱟᱝ ᱦᱩᱱᱟᱹᱨ ᱞᱟᱦᱟᱱᱛᱤᱭᱟᱹ ᱠᱟᱱᱟᱭ ᱾

ᱰᱮᱱᱥ ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱣᱟᱛᱤ ᱫᱚ ᱯᱚᱫᱽᱢᱚ ᱵᱤᱵᱷᱩᱥᱚᱬ ᱥᱳᱱᱟᱞ ᱢᱟᱱᱥᱤᱝ (Sonal Mansingh) ᱣᱤᱡ ᱯᱩᱭᱞᱩ ᱟᱪᱮᱛᱟᱱᱤ ᱛᱟᱦᱮᱸ ᱠᱟᱱᱟ ᱾ ᱯᱩᱭᱞᱩ ᱰᱮᱱᱥ ᱫᱚ ᱫᱤᱞᱞᱤ ᱨᱮᱭᱟᱜ ᱥᱮᱱᱴᱚᱨ ᱳᱯᱷ ᱤᱱᱰᱤᱭᱟᱱ ᱠᱞᱟᱥᱤᱠᱟᱞ ᱰᱮᱱᱥ (Center of Indian Classical Dances) ᱨᱮ ᱥᱚᱫᱚᱨ ᱞᱮᱫᱟᱭ ᱾ ᱚᱱᱟ ᱥᱟᱶᱛᱮ ᱡᱮᱜᱮᱛ ᱨᱮ ᱟᱭᱢᱟ ᱜᱚᱴᱟᱝ ᱴᱷᱟᱶ ᱨᱮ ᱩᱫᱩᱜ ᱥᱚᱫᱚᱨ ᱟᱠᱟᱫᱟᱭ ᱾ ᱚᱱᱟ ᱠᱚᱫᱚ ᱡᱮᱢᱚᱱ ᱱᱮᱥᱱᱟᱞ ᱥᱮᱱᱴᱚᱨ ᱯᱷᱳᱨ ᱫᱤ ᱯᱚᱨᱯᱷᱳᱨᱢᱤᱝ ᱟᱨᱴᱥ,ᱥᱤᱧᱚᱛ (National Centre for the Performing Arts (India), ᱞᱤᱝᱠᱚᱞᱱ ᱥᱮᱱᱴᱚᱨ (Lincoln Center), ᱮᱥᱤᱭᱟ ᱥᱳᱥᱟᱭᱴᱤ (Asia Society), ᱥᱭᱟᱢᱯᱷᱳᱱᱤ ᱥᱯᱮᱥ (Symphony Space), ᱢᱮᱴᱨᱳᱯᱳᱞᱤᱴᱟᱱ ᱢᱤᱣᱡᱤᱭᱚᱢ ᱳᱯᱷ ᱟᱨᱴ (Metropolitan Museum of Art), ᱦᱟᱣᱩᱥ ᱳᱯᱷ ᱥᱳᱵᱷᱤᱭᱮᱛ ᱠᱳᱞᱪᱚᱨ (House of Soviet Culture) ᱾ ᱟᱡᱟᱜ ᱧᱩᱢᱟᱱ ᱩᱫᱩᱜ ᱥᱚᱫᱚᱨ ᱫᱚ ᱣᱤᱱᱤᱴᱮᱰ ᱱᱮᱥᱚᱱ ᱡᱮᱱᱮᱨᱟᱞ ᱟᱥᱮᱢᱵᱞᱤ (United Nations General assembly) ᱨᱮᱭᱟᱜ ᱔᱐ ᱟᱱᱟᱜ ᱥᱮᱨᱢᱟᱠᱤᱭᱟᱹ ᱦᱮᱞᱢᱮᱞ ᱨᱮ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱨᱮ ᱟᱭᱢᱟ ᱴᱷᱟᱶ ᱨᱮ ᱪᱮᱪᱮᱫᱤᱡᱽ ᱞᱮᱠᱟ ᱛᱮᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾

ᱮᱡᱩᱠᱮᱴᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱣᱟᱛᱤ ᱫᱚ ᱵᱚᱨᱞᱤ ᱥᱠᱩᱞ,ᱱᱭᱩᱨᱚᱠ ᱥᱤᱴᱤ (en: Brearley School,New York City) ᱨᱮ ᱑᱙᱙᱑ ᱠᱷᱚᱱ ᱒᱐᱐᱖ ᱦᱟᱹᱵᱤᱡ ᱦᱩᱱᱟᱹᱨᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱠᱟᱹᱴᱤᱡ ᱜᱤᱫᱟᱹᱨ ᱟᱨ ᱦᱟᱨᱟᱨᱟᱛᱟ ᱠᱚᱣᱟᱜ ᱞᱟᱦᱟᱱᱛᱤ ᱞᱟᱹᱜᱤᱫ ᱵᱤᱱᱼᱠᱩᱲᱟᱹᱭ ᱥᱚᱸᱥᱛᱷᱟ ᱥᱟᱱᱥᱠᱨᱤᱴᱤ ᱥᱮᱱᱴᱚᱨ ᱯᱷᱳᱨ ᱤᱱᱰᱤᱭᱟᱱ ᱟᱨᱴᱥ ᱤᱱ ᱮᱡᱩᱠᱮᱥᱚᱱ (Sanskriti Center for Indian arts in education) ᱵᱮᱨᱮᱫ ᱟᱠᱟᱫᱼᱟᱭ ᱾ ᱥᱭᱟᱢᱯᱷᱳᱱᱤ ᱥᱯᱮᱥ (Symphony Space) ᱟᱨ ᱞᱤᱝᱠᱳᱞᱱ ᱥᱮᱱᱴᱚᱨ ᱤᱱᱥᱴᱤᱪᱩᱴ (Lincoln Center Institute) ᱨᱮ ᱑᱙᱙᱖ ᱥᱟᱞ ᱦᱟᱹᱵᱤᱡ ᱦᱩᱱᱟᱹᱨ ᱯᱚᱲᱦᱚᱱ ᱞᱮᱫ ᱠᱚᱣᱟᱭ ᱾ ᱥᱤᱧᱚᱛ ᱫᱤᱥᱚᱢ ᱟᱨ ᱵᱤᱫᱮᱥ ᱨᱮᱭᱟᱜ ᱟᱭᱢᱟ ᱥᱚᱨᱠᱟᱨᱤ ᱟᱨ ᱵᱮᱼᱥᱚᱨᱠᱟᱨᱤ ᱟᱥᱲᱟ,ᱠᱚᱞᱮᱡᱽ ᱟᱨ ᱡᱮᱜᱮᱛᱼᱵᱤᱨᱫᱟᱹᱜᱟᱲ ᱠᱚᱨᱮ ᱥᱴᱮᱡᱽ ᱯᱚᱨᱯᱷᱳᱨᱢᱟᱱᱥ ᱟᱠᱟᱫᱟᱭ ᱾

ᱛᱷᱤᱭᱮᱴᱚᱨ ᱟᱨ ᱯᱷᱤᱞᱢ ᱯᱨᱳᱰᱚᱠᱥᱳᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱒ ᱥᱟᱞ ᱠᱷᱚᱱ ᱜᱳᱣᱟ,ᱥᱤᱧᱚᱛ ᱨᱮ ᱯᱮᱼᱢᱟᱦᱟᱸᱨᱤ ᱥᱮᱨᱢᱟᱠᱤᱭᱟ ᱯᱷᱮᱞᱴᱤᱵᱷᱟᱞ 'ᱫᱤ ᱥᱟᱫᱤᱨ ᱛᱷᱤᱭᱮᱴᱚᱨ ᱯᱷᱮᱞᱴᱤᱵᱷᱟᱞ (The Sadir Theater Festival) ᱟᱡᱜᱮ ᱛᱷᱟᱯᱚᱱ ᱟᱠᱟᱫᱼᱟᱭ ᱾ ᱟᱭᱢᱟ ᱧᱩᱢᱟᱱ ᱛᱷᱤᱭᱮᱴᱚᱨ ᱟᱠᱴᱚᱨ ᱡᱮᱢᱚᱱ ᱞᱤᱞᱮᱴᱴᱤ ᱫᱩᱵᱮ (Lilette Dubey), ᱜᱤᱨᱤᱥ ᱠᱚᱨᱱᱟᱫ (Girish Karnad), ᱨᱚᱡᱚᱛ ᱠᱚᱯᱩᱨ (Rajat Kapoor), ᱢᱳᱦᱢᱢᱚᱸᱫ ᱚᱞᱤ ᱵᱮᱜᱽ (Mohammad Ali Baig), ᱵᱤᱠᱨᱚᱢ ᱠᱚᱯᱟᱰᱤᱭᱟ (Vikram Kapadia) ᱮᱢᱟᱱ ᱱᱚᱣᱟ ᱯᱷᱮᱥᱴᱤᱵᱷᱟᱞ ᱨᱮ ᱯᱳᱨᱯᱷᱚᱨᱢᱟᱱᱥ ᱟᱹᱜᱩᱭᱮᱫᱟᱠᱚ ᱟᱨ ᱥᱣᱟᱛᱤ ᱜᱮ ᱱᱚᱣᱟ ᱯᱷᱮᱥᱴᱤᱵᱷᱟᱞ ᱞᱟᱹᱜᱤᱫ ᱰᱟᱭᱨᱮᱠᱴᱚᱨ ᱠᱟᱹᱢᱤ ᱛᱚᱨᱟᱣ ᱮᱫᱼᱟᱭ ᱾

᱒᱐᱑᱔ ᱥᱟᱞᱨᱮ, ᱠᱟᱭᱮᱱᱱᱤ ᱯᱮᱯᱯᱚᱨ ᱯᱨᱳᱰᱚᱠᱥᱳᱱ (Cayenne Pepper Productions) ᱧᱩᱛᱩᱢᱛᱮ ᱢᱤᱫ ᱯᱷᱤᱞᱢ ᱵᱮᱱᱟᱣ ᱠᱚᱢᱯᱟᱱᱤ ᱵᱮᱨᱮᱫ ᱟᱠᱟᱫᱼᱟᱭ ᱾ ᱱᱚᱣᱟ ᱢᱟᱬᱟᱝᱛᱮ ᱤᱱᱰᱤᱭᱟᱱ ᱠᱳᱞᱪᱩᱨᱟᱞ ᱠᱳᱱᱥᱚᱞᱴᱟᱱᱴ (Indian cultural consultant) ᱨᱮ ᱢᱩᱬ ᱠᱟᱹᱢᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/Swati_Bhise

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]