ᱥᱤᱛᱩᱝ ᱨᱤᱛᱩ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱥᱤᱛᱩᱝ ᱨᱤᱛᱩ ᱨᱮ ᱵᱟᱜᱟᱱ ᱠᱚ

ᱥᱤᱛᱩᱝ ᱨᱤᱛᱩ ᱵᱟᱹᱭᱥᱟᱹᱠ ᱟᱨ ᱡᱷᱮᱸᱴ ᱵᱚᱝᱜᱟ ᱨᱮ ᱠᱤᱱ ᱟᱹᱭᱠᱟᱹᱣ-ᱟ ᱾ ᱱᱚᱶᱟ ᱨᱤᱛᱩ ᱨᱮ ᱫᱚ ᱟᱹᱰᱤ ᱩᱨᱤᱡ ᱥᱤᱛᱩᱝᱟ ᱾ᱱᱚᱶᱟ ᱨᱤᱛᱩ ᱨᱮ ᱫᱚ ᱫᱤᱱ ᱢᱟᱨᱟᱝᱚᱜ-ᱟ ᱟᱨ ᱧᱤᱫᱟᱹ ᱫᱚ ᱦᱩᱰᱤᱧᱚᱜ-ᱟ ᱾ ᱱᱚᱶᱟ ᱨᱤᱛᱩ ᱨᱮ ᱫᱚ ᱠᱤᱥᱟᱹᱬ ᱦᱚᱲ ᱠᱚ ᱫᱚ ᱦᱮᱢᱟᱞ ᱯᱟᱱᱠᱷᱟ ᱞᱟᱛᱟᱨ ᱨᱮ ᱫᱤᱱ ᱠᱚ ᱨᱷᱮᱢᱟᱣᱟ ᱾ ᱟᱨ ᱨᱮᱸᱜᱮᱡ ᱦᱚᱲ ᱫᱚ ᱫᱟᱨᱮ ᱩᱢᱩᱞ ᱨᱮ ᱵᱟᱵᱮᱨ ᱠᱚ ᱩᱧᱟ ᱟᱨ ᱟᱫᱷᱟᱱ ᱫᱚ ᱱᱟᱦᱮᱞ ᱠᱚ ᱠᱚ ᱞᱟᱜ ᱨᱚᱜ ᱵᱟᱲᱟᱭᱟ ᱾ ᱱᱚᱶᱟ ᱨᱤᱛᱩ ᱨᱮ ᱟᱹᱰᱤ ᱠᱚᱢᱮ ᱫᱟᱜᱟ ᱟᱨ ᱛᱟᱞᱟ ᱛᱟᱞᱟ ᱨᱮ ᱫᱟᱜᱽ ᱠᱷᱟᱱᱮ ᱦᱚᱭ ᱜᱮ ᱵᱟᱹᱲᱛᱤ-ᱟ ᱾ ᱫᱟᱜ ᱵᱟᱲᱟ ᱞᱮᱠᱷᱟᱱ ᱵᱟᱹᱫᱽ ᱠᱚ ᱯᱟᱲᱟᱜ ᱵᱟᱲᱟ ᱠᱟᱛᱮ ᱦᱳᱲᱳ ᱠᱤ ᱮᱨᱟ ᱾

ᱯᱟᱨᱟᱵᱽ ᱯᱩᱱᱟᱹᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱨᱤᱛᱩ ᱨᱮ ᱦᱚᱸ ᱦᱚᱲ ᱯᱟᱨᱟᱵᱽ ᱠᱚ ᱢᱟᱱᱟᱣ ᱜᱮᱭᱟ ᱾ ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ ᱨᱚᱡᱚ ᱯᱨᱟᱵᱽ ᱾ ᱨᱚᱡᱚ ᱯᱟᱨᱟᱵᱽ ᱫᱤᱠᱳ ᱠᱚ ᱟᱹᱰᱤ ᱡᱟᱹᱥᱛᱤ ᱠᱚ ᱢᱟᱱᱟᱣᱟ ᱾ ᱱᱚᱶᱟ ᱫᱚ ᱫᱤᱠᱩ ᱠᱤᱣᱟᱜ ᱢᱤᱫ ᱧᱩᱢ ᱦᱟᱞᱟᱝ ᱯᱟᱨᱟᱵᱽ ᱠᱟᱱ ᱜᱮᱭᱟ ᱾ ᱱᱚᱶᱟ ᱯᱟᱨᱟᱵᱽ ᱨᱮ ᱫᱚ ᱰᱷᱤᱞᱣᱟᱹᱝ ᱠᱚ ᱠᱚ ᱵᱮᱱᱟᱣᱟ, ᱠᱚᱵᱟᱰᱤ ᱮᱢᱟᱱ ᱠᱚ ᱠᱚ ᱮᱱᱮᱡ-ᱟ ᱾ ᱟᱨ ᱥᱟᱱᱛᱲ ᱦᱚᱲ ᱠᱚ ᱫᱚ ᱯᱤᱴᱷᱟᱹ ᱞᱮᱴᱚ ᱠᱚ ᱵᱮᱱᱟᱣᱟ ᱟᱨ ᱱᱚᱶᱟ ᱯᱟᱨᱟᱵᱽ ᱡᱚᱠᱷᱟᱜ ᱫᱚ ᱥᱩᱠᱨᱤ ᱡᱤᱞ ᱯᱤᱴᱷᱟᱹ ᱟᱹᱰᱤ ᱠᱤ ᱠᱩᱥᱤᱭᱟᱜ-ᱟ ᱾ ᱰᱷᱤᱞᱣᱟᱹᱝ ᱠᱚᱨᱮ ᱫᱚ ᱞᱚᱠᱟ ᱦᱟᱛᱮ ᱠᱚ ᱥᱮᱨᱮᱧᱟ ᱟᱨ ᱛᱮᱞᱟ ᱦᱚᱸ ᱟᱹᱰᱤ ᱛᱮᱫ ᱜᱮ ᱟᱸᱫᱚᱲ ᱠᱚᱜ-ᱟ ᱨᱚᱢᱚᱡᱽ ᱟᱠᱷᱲᱟ ᱠᱚ ᱞᱮᱠᱟ ᱾

ᱱᱟᱭᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱛᱩᱝ ᱨᱤᱛᱩ ᱨᱮ ᱟᱹᱰᱤ ᱞᱮᱠᱟᱱ ᱡᱚ ᱠᱚ ᱵᱤᱞᱤᱜ-ᱟ ᱾ ᱚᱱᱟ ᱠᱚ ᱡᱚᱢ ᱨᱮᱱᱟᱜ ᱫᱟᱣ ᱠᱚ ᱧᱟᱢᱟ ᱾ ᱡᱮᱞᱮᱠᱟ- ᱠᱩᱫᱽ, ᱛᱤᱨᱩᱧ, ᱛᱟᱨᱚᱵ, ᱵᱟᱹᱨᱩ, ᱮᱢᱟᱱ ᱠᱚ ᱟᱨ ᱥᱟᱦᱟᱱ ᱥᱟᱠᱟᱢ ᱠᱚᱦᱚᱸ ᱠᱚ ᱡᱟᱴᱟᱜ ᱡᱟᱣᱨᱟ ᱠᱟᱜ-ᱟ ᱟᱥᱟᱲ ᱵᱚᱝᱜᱟ ᱵᱟᱠᱷᱨᱟ ᱠᱚ, ᱡᱮᱢᱚᱱ ᱟᱞᱚ ᱠᱚ ᱮᱴᱠᱮᱴᱚᱬᱮ ᱟ ᱾

ᱠᱟᱭᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱨᱤᱛᱩ ᱨᱮ ᱟᱹᱰᱤ ᱡᱩᱨ ᱦᱚᱭ ᱟᱛᱮ ᱫᱟᱜ ᱤᱫᱤ ᱠᱟᱛᱮ ᱟᱹᱰᱤ ᱜᱟᱱ ᱫᱟᱨᱮ ᱯᱟᱹᱴᱩᱵ ᱤᱫᱤᱭᱟᱭ ᱾ ᱛᱟᱞᱟ ᱛᱟᱞᱟ ᱠᱚᱨᱮ ᱵᱤᱡᱽᱞᱤ ᱟᱛᱮ ᱫᱟᱜ ᱟᱭ ᱟᱹᱰᱤ ᱵᱚᱛᱚᱨ ᱜᱮ ᱾ ᱚᱱᱟᱛᱮ ᱴᱟᱹᱰᱤ ᱴᱮᱠᱚᱨ ᱠᱚᱨᱮ ᱟᱹᱰᱤ ᱢᱩᱥᱠᱤᱞ ᱵᱩᱫᱷᱟᱹᱣ-ᱟ ᱴᱟᱴᱠᱟᱭ ᱜᱷᱟᱲ ᱜᱷᱩᱲ ᱠᱷᱟᱱ ᱾ ᱡᱚ ᱵᱤᱞᱤ ᱠᱚ ᱦᱚᱸ ᱧᱩᱨ ᱪᱟᱵᱟᱜ-ᱟ ᱾ ᱟᱹᱰᱤ ᱡᱩᱨ ᱠᱷᱤᱛᱤ ᱦᱩᱭᱩᱜ-ᱟ ᱾ ᱨᱮᱸᱜᱮᱡ ᱦᱚᱲ ᱠᱚ ᱫᱚ ᱫᱟᱨᱮ ᱵᱩᱴᱟᱹ ᱩᱢᱩᱞ ᱠᱚ ᱨᱮ ᱜᱮ ᱫᱤᱱ ᱠᱚ ᱠᱷᱮᱢᱟᱣᱟ ᱟᱨ ᱧᱤᱫᱟᱹ ᱫᱚ ᱵᱟᱨᱦᱮ ᱠᱚᱨᱮ ᱜᱮ ᱠᱚ ᱡᱟᱹᱯᱤᱫᱟ ᱾ ᱥᱤᱛᱩᱝ ᱛᱮ ᱟᱦᱟᱨ ᱯᱩᱠᱷᱨᱤ ᱠᱚ ᱟᱸᱡᱮᱫᱚᱜ-ᱟ ᱾ ᱩᱢ ᱟᱹᱨᱩᱵ ᱡᱚᱢ ᱧᱩ ᱞᱟᱹᱜᱤᱫ ᱡᱤᱣᱤᱭᱟᱱ ᱠᱚ ᱟᱹᱰᱤ ᱠᱚ ᱮᱴᱠᱮᱴᱚᱬᱮ ᱟ ᱾

ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]