ᱥᱤᱝᱨᱟᱹᱭ ᱢᱩᱨᱢᱩ
ᱥᱤᱝᱨᱟᱹᱭ ᱢᱩᱨᱢᱩ ᱟᱜ ᱡᱟᱱᱟᱢ ᱫᱚ ᱢᱤᱫ ᱚᱱᱚᱞᱤᱭᱟᱹ ᱛᱟᱦᱮ ᱠᱟᱱᱟ ᱾ ᱚᱱᱚᱞᱤᱭᱟᱹ ᱢᱟᱹᱱ ᱥᱤᱝᱨᱟᱹᱭ ᱢᱩᱨᱢᱩ ᱫᱚ ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱯᱩᱪᱷᱤᱢ ᱢᱤᱫᱱᱤᱯᱩᱨ ᱡᱤᱞᱟᱹ ᱨᱮᱱᱟᱜ ᱥᱤᱞᱫᱟᱹᱢᱩᱞᱩᱠ ᱥᱟᱜᱮᱱ ᱛᱟᱨᱤ ᱨᱮ ᱢᱮᱱᱟᱜ ᱦᱮᱞᱟᱠᱟᱴᱟ ᱟᱛᱩ ᱨᱮ ᱡᱟᱱᱟᱢ ᱞᱮᱱᱟ ᱾ ᱡᱟᱱᱟᱢ ᱢᱟᱹᱦᱤᱛ ᱫᱚ ᱱᱚᱵᱷᱮᱢᱵᱚᱨ ᱑᱙᱗᱖ ᱥᱟᱹᱦᱤᱛ ᱨᱮ ᱾ ᱟᱯᱟᱛ ᱧᱩᱛᱩᱢ ᱫᱚ ᱫᱚᱥᱚᱨᱚᱛᱷ ᱢᱩᱨᱢᱩ ᱟᱨ ᱮᱜᱟᱛ ᱧᱩᱛᱩᱢ ᱫᱚ ᱵᱚᱸᱜᱟ ᱛᱟᱞᱟ ᱟᱠᱟᱱ ᱥᱩᱜᱤ ᱢᱩᱨᱢᱩ ᱾ ᱚᱞᱚᱜ ᱡᱤᱭᱤᱱ ᱫᱚ ᱢᱩᱪᱟᱹᱫ ᱠᱟᱛᱮ ᱱᱤᱛ ᱫᱚ ᱥᱟᱱᱛᱟᱲᱤ ᱢᱟᱪᱮᱫ ᱞᱮᱠᱟᱛᱮ ᱡᱷᱤᱞᱤᱢᱤᱞᱤ ᱦᱟᱭ ᱤᱥᱠᱩᱞ ᱨᱮ ᱵᱟᱦᱟᱞ ᱢᱮᱱᱟᱭᱟ ᱾ ᱥᱟᱶᱛᱮ ᱯᱟᱛᱷᱟᱢ ᱥᱟᱶᱛᱟᱨᱤ ᱠᱟᱢᱤ ᱠᱚᱨᱮ ᱡᱚᱯᱚᱲᱟᱣ ᱢᱮᱱᱟᱭᱟ ᱾ ᱯᱩᱪᱷᱤᱢ ᱵᱟᱝᱞᱟ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ ᱥᱟᱶ ᱡᱚᱯᱚᱲᱟᱣ ᱢᱮᱱᱟᱭᱟ᱾ ᱱᱤᱛ ᱦᱟᱹᱵᱤᱡ ᱥᱤᱝᱨᱟᱹᱭ ᱢᱩᱨᱢᱩ ᱜᱚᱢᱠᱮ ᱟᱜ ᱩᱪᱷᱟᱹᱱ ᱟᱠᱟᱱ ᱚᱱᱚᱞ ᱠᱚᱫᱚ - ᱡᱤᱨᱤᱦᱤᱨᱤ (ᱚᱱᱚᱬᱦᱮ ᱯᱩᱛᱷᱤ) , ᱥᱟᱱᱛᱟᱲᱤ ᱥᱟᱶᱦᱮᱫ ᱱᱟᱜᱟᱢ ᱮᱢᱟᱱ ᱠᱚ ᱾