ᱥᱤᱝᱨᱟᱹᱭ ᱥᱚᱨᱮᱱ
| ᱥᱤᱝᱨᱟᱹᱭ ᱥᱚᱨᱮᱱ Singrai soren | |
|---|---|
ᱥᱤᱝᱨᱟᱹᱭ ᱥᱚᱨᱮᱱ (Singrai soren) | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱒ ᱡᱟᱱᱩᱣᱟᱨᱤ ᱑᱙᱗᱘ ᱥᱩᱠᱤᱞᱟ ᱠᱷᱟᱹᱠᱤ, ᱢᱚᱭᱩᱨᱵᱷᱚᱸᱡᱽ ᱡᱤᱞᱞᱟᱹ, ᱳᱰᱤᱥᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱱᱟᱹᱜᱟᱹᱨᱤᱭᱟᱹ |  |
| ᱠᱟᱹᱢᱤ | ᱜᱟᱭᱱᱟᱦᱟ ᱥᱮᱨᱮᱧ ᱜᱟᱵᱟᱱᱤᱭᱟᱹ |
| ᱥᱤᱨᱯᱷᱟᱹ | AISFA Award 2015 RASCA Award 2015 JNFF Award 2019[᱑] |
ᱥᱤᱝᱨᱟᱹᱭ ᱥᱚᱨᱮᱱ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱤᱫᱴᱟᱹᱝ ᱢᱭᱩᱡᱤᱠ ᱰᱟᱭᱨᱮᱠᱴᱚᱨ, ᱥᱮᱨᱮᱧ ᱵᱟᱰᱚᱦᱤ, ᱥᱮᱨᱮᱧ ᱚᱞᱚᱜᱼᱤᱡ, ᱟᱲᱟᱝ ᱰᱤᱡᱟᱭᱱᱤᱡ ᱠᱟᱱᱟᱭ ᱾ ᱩᱱᱤ ᱫᱚ ᱥᱟᱱᱛᱟᱲᱤ ᱢᱤᱣᱡᱤᱡ ᱤᱱᱰᱟᱥᱴᱨᱤ ᱨᱮᱱ ᱧᱩᱛᱩᱢᱟᱱ ᱥᱮᱨᱮᱧ ᱵᱟᱰᱚᱦᱤ ᱠᱟᱱᱟᱭ ᱾ ᱤᱱᱟᱹ ᱵᱮᱜᱚᱨ ᱦᱚᱸ ᱩᱱᱤ ᱫᱚ ᱵᱟᱝᱞᱟ ᱟᱨ ᱦᱤᱱᱫᱤ ᱥᱮᱨᱮᱧ ᱠᱚ ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ᱣᱮᱥᱴᱮᱨᱱ ᱢᱤᱣᱡᱤᱠ, ᱥᱮᱨᱣᱟ ᱥᱤᱧᱚᱛᱤᱭᱟᱹ ᱥᱮᱨᱮᱧ ᱟᱨ ᱥᱟᱱᱛᱟᱲᱤ ᱥᱮᱨᱣᱟ ᱥᱮᱨᱮᱧ ᱠᱚ ᱨᱮ ᱦᱚᱸᱭ ᱠᱟᱹᱢᱢᱤ ᱟᱠᱟᱫᱟ ᱾ ᱥᱤᱧᱚᱛ ᱫᱤᱥᱚᱢ ᱨᱮᱱ ᱧᱩᱛᱩᱢᱟᱱ ᱢᱤᱣᱡᱤᱠ ᱰᱟᱭᱨᱮᱠᱴᱚᱨ ᱡᱮᱞᱮᱠᱟ ᱟᱨᱹ ᱰᱤᱹ ᱵᱚᱨᱢᱚᱱ, ᱮᱹ ᱟᱨᱹ ᱨᱚᱦᱢᱟᱱ ᱟᱨ ᱭᱟᱱᱤ ᱮᱢᱟᱱ ᱠᱚ ᱴᱷᱮᱱ ᱠᱷᱚᱱ ᱟᱹᱰᱤ ᱵᱟᱹᱲᱛᱤ ᱮᱞᱟᱝ ᱚᱨᱥᱚᱝ ᱟᱠᱟᱱ ᱢᱮᱱᱟᱭᱟ ᱾ ᱥᱤᱝᱨᱟᱹᱭ ᱥᱚᱨᱮᱱ ᱟᱜ ᱥᱮᱨᱮᱧ ᱠᱚ ᱫᱚ ᱟᱹᱰᱤ ᱞᱤᱴᱷᱩᱨ ᱟᱨ ᱡᱩᱰᱟᱹᱥᱤ ᱜᱮᱭᱟ ᱾ ᱩᱱᱤ ᱫᱚ ᱜᱟᱹᱠᱷᱩᱲ ᱥᱮᱨᱮᱧ ᱵᱟᱰᱚᱦᱤ ᱡᱮᱞᱮᱠᱟ, ᱠᱟᱱᱟ ᱠᱟᱱᱩᱨᱟᱢ, ᱢᱚᱦᱢᱚᱫᱽ ᱨᱟᱯᱷᱤ, ᱠᱤᱥᱚᱨ ᱠᱩᱢᱟᱨ, ᱞᱟᱛᱟ ᱢᱟᱝᱜᱤᱥᱠᱟᱨ ᱟᱨ ᱢᱟᱭᱠᱮᱞ ᱡᱮᱠᱥᱚᱱ ᱮᱢᱟᱱ ᱠᱚᱣᱟᱜ ᱥᱮᱨᱮᱧ ᱟᱧᱡᱚᱢ ᱟᱹᱰᱤ ᱜᱮᱭᱮ ᱠᱩᱥᱤᱭᱟᱜᱼᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱝᱨᱟᱹᱭ ᱥᱚᱨᱮᱱ ᱫᱚ ᱑ ᱰᱤᱥᱮᱢᱵᱚᱨ ᱑᱙᱗᱘ ᱥᱮᱨᱢᱟ (ᱥᱠᱩᱞ ᱥᱟᱨᱴᱤᱯᱷᱤᱠᱮᱴ ᱨᱮ ᱫᱚ ᱒᱑/᱐᱒/᱑᱙᱗᱘ ᱢᱟᱹᱦᱤᱛ ᱢᱮᱱᱟᱜ ᱟᱠᱟᱫᱟ) ᱨᱮ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱥᱩᱠᱤᱞᱟ ᱠᱷᱟᱞᱤ ᱟᱛᱚ ᱨᱮᱭᱮ ᱡᱟᱱᱟᱢ ᱞᱮᱱᱟ ᱾ ᱤᱱᱟᱹ ᱛᱟᱭᱚᱢ ᱩᱱᱠᱚ ᱫᱚ ᱠᱚᱞᱠᱟᱛᱟ ᱛᱮᱠᱚ ᱦᱮᱡ ᱮᱱᱟ ᱾ ᱥᱤᱝᱨᱟᱹᱭ ᱨᱮ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱪᱚᱱᱫᱽᱨᱚ ᱢᱚᱦᱚᱱ ᱥᱚᱨᱮᱱ ᱠᱟᱱ ᱛᱟᱭᱟ ᱟᱨ ᱮᱝᱜᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱰᱩᱢᱱᱤ ᱥᱚᱨᱮᱱ ᱠᱟᱱ ᱛᱟᱭᱟ, ᱟᱡ ᱵᱟᱵᱟ ᱫᱚ ᱢᱤᱫᱴᱟᱹᱝ ᱥᱚᱨᱠᱟᱨᱤ ᱪᱟᱹᱠᱨᱤᱭᱟᱱᱤᱡ ᱠᱟᱱᱟᱭ ᱟᱨ ᱮᱝᱜᱟᱛ ᱛᱮᱫ ᱫᱚ ᱵᱷᱟᱭᱚᱞᱤᱱ ᱵᱟᱱᱟᱢᱤᱡ ᱠᱟᱱᱟᱭ ᱟᱨ ᱧᱩᱛᱩᱢᱟᱱ ᱥᱮᱨᱮᱧ ᱵᱟᱰᱚᱦᱤ᱾ ᱥᱤᱝᱨᱟᱹᱭ ᱫᱚ ᱟᱫᱚᱢ ᱚᱠᱛᱮ ᱥᱴᱮᱡᱽ ᱨᱮ ᱟᱡ ᱜᱚᱜᱚ ᱦᱟᱢᱚᱱᱤᱭᱟᱢ ᱟᱨ ᱠᱤᱼᱵᱚᱨᱰ ᱵᱟᱱᱟᱢᱮ ᱜᱚᱲᱚ ᱵᱟᱲᱟᱣᱟᱭ ᱠᱟᱱ ᱛᱟᱦᱮᱸᱱᱟᱭ ᱾ ᱩᱱᱤ ᱫᱚ ᱛᱩᱨᱩᱭ ᱥᱮᱨᱮᱢᱟ ᱩᱢᱮᱨ ᱠᱷᱚᱱ ᱦᱟᱨᱢᱚᱱᱤᱭᱟᱢ ᱚᱨᱚᱝᱮ ᱮᱛᱚᱦᱚᱵ ᱞᱮᱫᱟ ᱾ ᱥᱤᱝᱨᱟᱹᱭ ᱨᱮᱱ ᱢᱤᱥᱨᱟᱛ ᱟᱜ ᱧᱩᱛᱚᱢ ᱫᱚ ᱵᱟᱥᱚᱱᱛᱤ ᱥᱚᱨᱮᱱ ᱟᱨ ᱵᱚᱭᱦᱟ ᱣᱟᱜ ᱧᱩᱛᱩᱢ ᱫᱚ ᱨᱤᱢᱤᱞ ᱥᱚᱨᱮᱱ ᱾ ᱥᱤᱝᱨᱟᱹᱭ ᱨᱮᱱ ᱦᱚᱯᱚᱱ ᱮᱨᱟ ᱰᱤᱜᱤᱨ ᱥᱚᱨᱮᱱ, ᱚᱠᱚᱭ ᱫᱚ ᱦᱩᱰᱤᱧ ᱥᱟᱱᱛᱟᱲᱤ ᱥᱮᱨᱮᱧ ᱵᱟᱰᱚᱦᱤ ᱠᱟᱱᱟᱭ ᱾ ᱥᱟᱱᱛᱟᱲᱤ ᱥᱮᱨᱮᱧ ᱠᱚ ᱱᱟᱦᱟᱜ ᱥᱮᱨᱮᱧ ᱦᱚᱨᱟ ᱨᱮ ᱟᱹᱜᱩᱭ ᱨᱮ ᱥᱤᱝᱨᱟᱹᱭ ᱥᱚᱨᱮᱱ ᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱᱟᱜ ᱛᱟᱭᱟ ᱾ ᱩᱱᱤ ᱫᱚ ᱜᱩᱨᱩ ᱜᱚᱢᱠᱮ ᱯᱚᱸᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱦᱚᱛᱮ ᱛᱮ ᱟᱹᱰᱤ ᱟᱸᱴ ᱮᱞᱟᱝ ᱚᱨᱥᱚᱱ ᱟᱠᱟᱱᱟ ᱢᱮᱱᱟᱭᱟ ᱾ ᱩᱱᱤ ᱫᱚ ᱥᱮᱨᱮᱧ ᱫᱩᱨᱟᱹᱝ ᱦᱚᱛᱮ ᱛᱮ ᱥᱟᱱᱛᱟᱲ ᱥᱟᱶ ᱦᱟᱨᱟ ᱵᱩᱨᱩᱜᱼᱮ ᱠᱷᱚᱡᱽ ᱠᱟᱱᱟ ᱾
ᱠᱮᱨᱤᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱘᱔ ᱥᱮᱨᱢᱟ ᱨᱮ ᱯᱟᱹᱦᱤᱞ ᱦᱟᱨᱢᱚᱱᱤᱭᱟᱢ ᱨᱮᱭᱟᱜ ᱨᱟᱦᱟ ᱛᱮ ᱥᱤᱝᱨᱟᱹᱭ ᱟᱜ ᱥᱮᱨᱮᱧ ᱥᱟᱝᱜᱦᱟᱨ ᱮᱛᱚᱦᱚᱵ ᱞᱮᱱᱟ ᱛᱟᱭᱟ᱾ ᱑᱙᱘᱙ ᱥᱮᱨᱢᱟ ᱠᱷᱚᱱ ᱟᱡ ᱜᱚᱜᱚ ᱣᱟᱜ ᱯᱨᱚᱜᱨᱟᱢ ᱨᱮ ᱠᱮᱥᱤᱭᱚ ᱟᱨ ᱦᱟᱨᱢᱚᱱᱤ ᱵᱟᱱᱟᱢᱮ ᱮᱦᱚᱵ ᱠᱮᱫᱟ᱾ ᱑᱙᱙᱗ ᱥᱮᱨᱢᱟ ᱠᱷᱚᱱ ᱥᱤᱫᱚ ᱠᱟᱹᱱᱦᱩ ᱚᱯᱮᱨᱟ ᱥᱟᱶ ᱞᱚᱠᱷᱚᱱ ᱢᱩᱨᱢᱩ ᱚᱞᱟᱜ ᱚᱯᱮᱨᱟ "ᱥᱚᱝᱜᱷᱟᱨᱮ ᱦᱮᱱᱫᱮ ᱠᱳᱞ" ᱟᱨ "ᱥᱟᱹᱜᱩᱱ ᱠᱩᱱᱟᱹᱢᱤ" ᱵᱟᱡᱟᱱ ᱥᱟᱥᱟᱯᱲᱣᱤᱡ ᱞᱮᱠᱟ ᱛᱮ ᱠᱟᱹᱢᱤᱭᱮ ᱮᱛᱚᱦᱚᱵ ᱠᱮᱫᱟ᱾ ᱑᱙᱙᱗ ᱥᱮᱨᱢᱟ ᱨᱮ ᱞᱚᱠᱦᱚᱱ ᱢᱩᱨᱢᱩ ᱥᱟᱶ ᱜᱚᱯᱚᱲᱚ ᱠᱟᱛᱮ ᱪᱚᱭᱮᱥ ᱤᱱᱴᱟᱨᱱᱮᱥᱚᱱᱟᱞ ᱠᱷᱚᱱ "ᱦᱟᱭᱨᱮ ᱠᱷᱮᱨᱣᱟᱲ" ᱧᱩᱛᱩᱢᱟᱱ ᱮᱞᱵᱟᱢ ᱠᱮᱥᱮᱴ ᱚᱰᱚᱠ ᱞᱮᱱᱟ᱾ ᱒᱐᱐᱐ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱥᱮᱡ ᱞᱚᱠᱷᱚᱱ ᱢᱩᱨᱢᱩ ᱥᱟᱶ ᱢᱮᱥᱟ ᱠᱟᱛᱮᱜᱮ ᱱᱤᱡᱟᱹ ᱨᱟᱡᱽᱫᱷᱟᱱᱤ ᱚᱯᱮᱨᱟ ᱠᱤᱱ ᱮᱛᱚᱦᱚᱵ ᱠᱮᱫᱟ᱾
ᱥᱟᱱᱛᱟᱲᱤ ᱜᱟᱭᱟᱱ (ᱨᱩ ᱚᱨᱚᱝ ᱨᱮ ᱥᱤᱝᱨᱟᱹᱭ ᱥᱚᱨᱮᱱ)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱜᱟᱭᱟᱱ ᱧᱩᱛᱩᱢ | ᱚᱯᱮᱨᱟ | ᱥᱮᱨᱢᱟ |
|---|---|---|
| ᱥᱟᱶᱛᱟ ᱥᱟᱝᱜᱷᱟ ᱨᱮ ᱦᱮᱱᱫᱮ ᱠᱩᱞ | ᱥᱤᱫᱟᱹ ᱠᱟᱹᱱᱦᱩ ᱚᱯᱮᱨᱟ | ᱑᱙᱙᱗ |
| ᱥᱟᱹᱜᱩᱱ ᱠᱩᱱᱟᱹᱢᱤ | ᱥᱤᱫᱟᱹ ᱠᱟᱹᱱᱦᱩ ᱚᱯᱮᱨᱟ | ᱑᱙᱙᱗ |
| ᱜᱤᱫᱤ ᱢᱮᱞᱮ ᱢᱮᱞᱮ ᱠᱚᱭᱮᱞ ᱦᱟᱞᱮ ᱰᱟᱞᱮ | ᱥᱤᱫᱟᱹ ᱠᱟᱹᱱᱦᱩ ᱚᱯᱮᱨᱟ | ᱑᱙᱙᱘ |
| ᱠᱩᱫᱩᱢ ᱨᱮ ᱠᱩᱸᱬᱤᱫ ᱠᱩᱸᱬᱤᱫ | ᱡᱟᱹᱡᱤᱞᱢᱟᱱ ᱚᱯᱮᱨᱟ | ᱑᱙᱙᱙ |
| ᱚᱦᱟᱭ ᱵᱟᱪᱷᱟ ᱨᱮ ᱞᱟᱹᱭᱟᱹᱧ ᱚᱠᱟᱨᱮ | ᱡᱟᱹᱡᱤᱞᱢᱟᱱ ᱚᱯᱮᱨᱟ | ᱑᱙᱙᱙ |
| ᱵᱟᱭᱟᱨ ᱠᱟᱰᱟᱭ ᱫᱟᱨᱟᱭ ᱠᱟᱱ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱐ |
| ᱵᱤᱞᱟᱹᱛ ᱫᱤᱥᱚᱢ ᱨᱤᱱᱤᱡ ᱵᱤᱞᱟᱹᱛᱤ ᱥᱮᱛᱟ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱐ |
| ᱤᱧᱢᱟ ᱛᱟᱞᱟ ᱴᱟᱹᱱᱰᱤ ᱨᱮ ᱟᱢᱢᱟ ᱩᱰᱟᱹᱱ ᱜᱟᱹᱰᱤ ᱨᱮ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱑ |
| ᱫᱩᱞᱟᱹᱧ ᱩᱭᱦᱟᱹᱨ ᱛᱤᱧ ᱜᱟᱛᱮ ᱟᱞᱚᱢ ᱦᱤᱨᱚᱢᱟᱹᱧᱟᱹ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱒ |
| ᱥᱟᱠᱟᱱ ᱵᱟᱹᱦᱩ ᱡᱟᱶᱟᱭ ᱵᱟᱹᱞᱤ ᱚᱲᱟᱜ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱒ |
| ᱢᱟᱹᱢᱱᱤ ᱜᱤᱫᱤ ᱠᱚ ᱡᱚᱡᱚᱢ ᱠᱟᱱ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱓ |
| ᱥᱤᱵᱤᱞ ᱥᱟᱹᱜᱟᱹᱭ ᱥᱟᱵᱟᱜ ᱮᱱᱟ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱓ |
| ᱱᱮᱱᱰᱟ ᱛᱟᱸᱦᱮᱸᱭᱮᱱᱟ ᱫᱟᱨᱟᱭ ᱵᱟᱦᱟ ᱵᱚᱝᱜᱟ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱔ |
| ᱦᱮᱱᱫᱟ ᱫᱟᱫᱟᱢ ᱱᱚᱝᱠᱟᱱᱟ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱔ |
| ᱮ ᱵᱟᱹᱵᱩ ᱦᱟᱯᱮᱢ ᱦᱟᱹᱵᱩᱲᱟ ᱛᱟᱞᱮ ᱫᱟᱨᱮ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱕ |
| R.J.A.D.M.I | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱖ |
| ᱫᱮᱞᱟ ᱯᱟᱧᱡᱟᱧ ᱢᱮᱨᱤᱧ ᱵᱟᱹᱜᱤᱭᱟᱢ ᱠᱟᱱ | ᱨᱟᱡᱽ ᱫᱷᱟᱹᱱᱤ ᱚᱯᱮᱨᱟ | ᱒᱐᱐᱗ |
ᱥᱤᱨᱯᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- AISFA Award 2015
- RASCA Award 2015
- JNFF Award 2019[᱑]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 "Archive copy". Archived from the original on 2020-02-21. Retrieved 2020-03-05.
{{cite web}}: CS1 maint: archived copy as title (link)