ᱥᱤᱠᱬᱤᱡ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱤᱠᱬᱤᱡ

ᱥᱤᱠᱬᱤᱡ ᱫᱚ ᱠᱚ ᱦᱩᱭᱩᱜ ᱠᱟᱱᱟ ᱩᱰᱟᱹᱣ ᱵᱟᱲᱟᱭᱟᱱ ᱡᱤᱵᱽ ᱾ ᱱᱩᱠᱩ ᱠᱚ ᱡᱮᱜᱮᱛ ᱨᱮᱱᱟᱜ ᱜᱚᱴᱟ ᱠᱚᱬ ᱨᱮᱜᱮ ᱠᱚ ᱧᱟᱢᱚᱜᱼᱟ ᱾ ᱮᱸᱜᱟ ᱥᱤᱠᱬᱤᱡ ᱫᱚ ᱟᱥᱨᱟ ᱡᱤᱣᱤᱱ (parasite) ᱠᱟᱱᱟ ᱠᱚ, ᱱᱩᱠᱩ ᱫᱚ ᱩᱨᱜᱩᱢ-ᱢᱟᱭᱟᱢ ᱦᱚᱲᱢᱚ ᱨᱮ ᱠᱚ ᱟᱵᱚᱜᱼᱟ ᱾ ᱢᱚᱪᱟ ᱠᱷᱚᱱ ᱥᱩᱸᱜᱟᱹ (capillary) ᱠᱚ ᱜᱩᱛᱩᱭᱟ ᱦᱟᱨᱛᱟ ᱨᱮ ᱟᱨ ᱩᱞᱤᱫᱟᱜ (saliva) ᱠᱚ ᱟᱬᱜᱚᱭᱟ, ᱡᱮᱢᱚᱱ ᱢᱟᱭᱟᱢ ᱟᱞᱚ ᱨᱚᱦᱚᱲᱚᱜ ᱢᱟ ᱾ ᱚᱱᱟ ᱛᱟᱭᱚᱢ ᱢᱟᱭᱟᱢ ᱠᱚ ᱥᱚᱨᱯᱚᱫ ᱨᱟᱠᱟᱵᱟ ᱟᱨ ᱢᱟᱭᱟᱢ ᱠᱚ ᱡᱚᱢᱟ ᱾ ᱟᱠᱚᱣᱟᱜ ᱩᱞᱩᱫᱟᱜ ᱨᱮ ᱦᱩᱰᱤᱧ ᱦᱩᱰᱤᱧ ᱟᱥᱟᱨᱟ ᱡᱤᱣᱤᱱ ᱠᱚ ᱛᱟᱦᱮᱸᱱᱟ ᱾ [᱑][᱒] ᱥᱟᱺᱰᱤ ᱥᱤᱠᱬᱤᱡ ᱫᱚ ᱨᱟᱥᱟ ᱪᱮᱯᱮᱡ ᱠᱚ ᱠᱟᱱᱟ ᱠᱚ, ᱨᱟᱥᱟ ᱜᱮ ᱠᱚ ᱪᱮᱯᱮᱡᱟ ᱟᱨ ᱮᱸᱜᱟ ᱥᱤᱠᱬᱤᱡ ᱦᱚᱸ ᱢᱤᱢᱤᱫ ᱫᱷᱟᱣ ᱫᱚ ᱾ ᱮᱸᱜᱟ ᱥᱤᱠᱬᱤᱡ ᱫᱚ ᱵᱤᱞᱤ ᱮᱢ ᱚᱠᱛᱚ ᱨᱮ ᱢᱟᱭᱟᱢ ᱥᱚᱨᱯᱚᱫ ᱠᱟᱛᱮ ᱦᱚᱲᱢᱚ ᱨᱮ ᱟᱡᱟᱜ ᱯᱨᱚᱴᱤᱱ ᱨᱮᱱᱟᱜ ᱚᱵᱷᱟᱵᱽ ᱮ ᱢᱮᱴᱟᱣᱟ ᱾

ᱡᱚᱢ ᱟᱨ ᱛᱮᱭᱟᱨ ᱫᱚᱲᱦᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱱᱟᱨ ᱮᱸᱜᱟ ᱟᱨ ᱥᱟᱺᱰᱤ ᱥᱤᱠᱬᱤᱡ ᱜᱮ ᱨᱟᱥᱟ ᱫᱚ ᱠᱚ ᱪᱮᱯᱮᱡᱽ ᱜᱮᱭᱟ ᱾ ᱥᱤᱠᱬᱤᱡ ᱨᱤᱱ ᱡᱚᱛᱚ ᱡᱚᱛᱚ ᱡᱟᱹᱛ ᱨᱤᱱ ᱮᱸᱜᱟ ᱥᱤᱠᱬᱤᱡᱟᱜ ᱫᱚ ᱢᱚᱪᱟ ᱨᱮ ᱢᱤᱫ ᱜᱩᱛᱩᱣᱟᱜ ᱛᱟᱦᱮᱸᱱᱟ, ᱡᱤᱭᱟᱹᱞᱤ ᱦᱟᱨᱛᱟ ᱨᱮ ᱜᱩᱛᱩ ᱞᱟᱹᱜᱤᱫ ᱟᱨ ᱚᱱᱠᱟᱛᱮ ᱢᱟᱭᱟᱢ ᱠᱚ ᱡᱮᱢᱵᱮᱫᱟ ᱾ ᱩᱱᱠᱩ ᱫᱚ ᱢᱟᱭᱟᱢ ᱠᱷᱚᱱ ᱯᱨᱚᱴᱤᱱ ᱠᱚ ᱧᱟᱢᱟ, ᱛᱚᱵᱮ ᱮᱱᱟᱝ ᱠᱚ ᱵᱤᱞᱤ ᱫᱟᱲᱮᱭᱟᱜᱼᱟ ᱾ ᱢᱟᱭᱟᱢ ᱡᱚᱢ ᱠᱮᱫ ᱛᱟᱭᱚᱢ ᱟᱹᱰᱤ ᱜᱟᱱ ᱠᱤᱮ ᱵᱤᱞᱤ ᱫᱟᱲᱮᱭᱟᱜᱼᱟ ᱾ ᱱᱩᱠᱩ ᱫᱚ ᱫᱟᱜ ᱰᱟᱵᱽᱨᱟ ᱦᱟᱨᱟᱱ ᱴᱷᱟᱶ ᱨᱮ ᱵᱤᱞᱤ ᱵᱮᱡᱽ ᱟ ᱾ ᱱᱚᱣᱟ ᱵᱤᱞᱤ ᱫᱟᱜ ᱨᱮ ᱰᱚᱭᱞᱟᱝ ᱵᱟᱲᱟᱭᱟ ᱟᱨ ᱛᱤᱢᱤᱱ ᱫᱤᱱ ᱛᱟᱭᱚᱢ ᱵᱟᱝᱠᱷᱟᱱ ᱢᱤᱫ ᱦᱟᱯᱛᱟ ᱵᱷᱤᱛᱤᱨ ᱨᱮ ᱚᱱᱟ ᱵᱤᱞᱤ ᱠᱷᱚᱱ ᱦᱚᱯᱚᱱ ᱠᱚ ᱚᱰᱚᱠᱚᱜᱼᱟ, ᱱᱚᱣᱟ ᱵᱤᱞᱤ ᱯᱚᱥᱟᱜᱚᱜ ᱨᱮᱱᱟᱜ ᱫᱤᱱ ᱫᱚ ᱫᱟᱜ ᱨᱮᱱᱟᱜ ᱞᱚᱞᱚ ᱪᱮᱛᱟᱱ ᱨᱮ ᱵᱷᱟᱹᱨᱭᱟᱹᱜᱼᱟ ᱾ [᱓] ᱟᱭᱢᱟ ᱡᱟᱹᱛ ᱨᱤᱱ ᱥᱤᱠᱬᱤᱡ ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱫᱚ ᱢᱟᱭᱟᱢ ᱡᱮᱢᱵᱮᱫ ᱠᱷᱚᱱᱟᱜ ᱵᱷᱮᱯᱮᱫ ᱛᱮᱭᱟᱨᱚᱜᱼᱟ ᱾ ᱱᱩᱠᱩ ᱫᱚ ᱵᱟᱨᱭᱟ ᱦᱚᱱ ᱜᱷᱟᱨᱚᱡᱽ ᱨᱮ ᱠᱚ ᱦᱟᱹᱴᱤᱧᱚᱜᱼᱟ, ᱔᱓ ᱜᱮᱱᱮᱨᱟ ᱟᱨ ᱓᱕᱐᱐ ᱡᱟᱹᱛ ᱨᱤᱱ ᱠᱞᱩᱥᱤᱰᱟᱭ ᱾ [᱔]

ᱟᱡᱟᱨ ᱯᱟᱨᱪᱟᱣᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱠᱬᱤᱡ ᱫᱚ ᱠᱚ ᱦᱩᱭᱩᱜ ᱠᱟᱱᱟ ᱟᱡᱟᱨ ᱯᱟᱨᱪᱟᱣ ᱠᱚ, ᱪᱮᱫᱟᱜ ᱥᱮ ᱱᱩᱠᱩ ᱫᱚ ᱦᱟᱹᱱᱤ ᱱᱷᱟᱹᱭ ᱦᱚᱲᱢᱚ ᱨᱮ ᱠᱚ ᱟᱵᱚᱜ ᱠᱟᱱᱟ ᱟᱨ ᱚᱡᱽᱨᱟ ᱠᱟᱪᱨᱟ ᱠᱚᱨᱮ ᱦᱚᱸ ᱛᱚ ᱟᱵᱚᱜ ᱠᱟᱱ ᱜᱮᱭᱟ ᱾ ᱦᱟᱹᱱᱤ ᱱᱷᱟᱹᱭᱟᱜ ᱦᱚᱲᱢᱚ ᱨᱮᱱᱟᱜ ᱢᱟᱭᱟᱢ ᱡᱮᱢᱵᱮᱫ ᱥᱟᱶᱛᱮ ᱩᱱᱠᱩᱣᱟᱜ ᱦᱚᱲᱢᱚ ᱠᱷᱚᱱ ᱟᱡᱟᱨ ᱵᱷᱮᱨᱣᱮᱫ (virus) ᱠᱚ ᱠᱚ ᱟᱹᱜᱩ ᱛᱟᱨᱟ ᱠᱚᱣᱟ, ᱱᱩᱠᱩ ᱟᱨᱢᱤᱫ ᱦᱚᱲ ᱴᱷᱮᱱ ᱟᱵ ᱡᱚᱠᱷᱚᱱ ᱩᱱᱠᱩ ᱵᱷᱮᱨᱣᱮᱫ ᱫᱚ ᱚᱸᱰᱮ ᱠᱚ ᱩᱪᱟᱹᱲᱚᱜᱼᱟ ᱟᱨ ᱟᱡᱟᱨ ᱦᱚᱸ ᱥᱟᱞᱜᱟᱣᱜᱼᱟ ᱾ ᱱᱩᱠᱩ ᱫᱟᱨᱟᱭ ᱛᱮ ᱥᱤᱨᱡᱟᱹᱣᱜ ᱠᱟᱱ ᱟᱡᱟᱨ ᱠᱚᱫᱚ ᱦᱩᱭᱩᱜ ᱠᱟᱱᱟ ᱥᱟᱥᱟᱝ ᱨᱩᱣᱟᱹ (yellow fever), ᱰᱮᱝᱜᱩ ᱨᱩᱣᱟᱹ (dengue fever), ᱢᱮᱞᱮᱨᱤᱭᱟᱹ (malaria) ᱮᱢᱟᱱ ᱠᱚ ᱾ ᱱᱩᱠᱩᱣᱟᱜ ᱟᱡᱟᱨ ᱛᱮ ᱡᱟᱣ ᱥᱮᱨᱢᱟ ᱜᱮ ᱟᱯᱷᱨᱤᱠᱟ, ᱠᱚᱧᱮ ᱟᱯᱷᱨᱤᱠᱟ, ᱛᱟᱞᱢᱟ ᱟᱢᱮᱨᱤᱠᱟ, ᱢᱮᱠᱥᱤᱠᱚ ᱟᱨ ᱮᱥᱤᱭᱟ ᱨᱮᱱᱟᱜ ᱟᱭᱢᱟ ᱴᱷᱟᱶ ᱨᱮ ᱗᱐᱐ ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱜᱩᱡᱩᱜ ᱠᱟᱱᱟ ᱾[᱕][᱖]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Harrison, Gordon A. 1978. Mosquitoes, malaria, and man: a history of the hostilities since 1880 ISBN 0525160256 / 0-525-16025-6
  2. Day, Nancy 2001. Malaria, West Nile, and other mosquito-borne diseases Enslow. ISBN 9780766015975
  3. Silver, John B. 2008. Mosquito ecology. 3rd ed, Springer, Berlin. ISBN 978-1-4020-6665-8
  4. Harbach R.E. 2011. Mosquito Taxonomic Inventory. [᱑]
  5. "Mosquito-Borne Diseases" – The American Mosquito Control Association. Retrieved 2008-10-14.
  6. cite news |first=Afshin |last=Molavi |authorlink= |coauthors= |title=Africa's malaria death toll still "outrageously high" |url=http://news.nationalgeographic.com/news/2003/06/0612_030612_malaria.html |work= |publisher=National Geographic |date=2003-06-12 |accessdate=2007-07-27