ᱥᱤᱥᱟ ᱨᱚᱴᱮ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱥᱤᱥᱟ ᱨᱚᱴᱮ
Hyalinobatrachium fleischmanni

ᱥᱤᱥᱟ ᱨᱚᱴᱮ (ᱯᱟᱨᱚᱢ ᱧᱮᱞᱚᱜ ᱨᱚᱴᱮ) ᱥᱮᱸᱴᱨᱚ ᱞᱟᱭᱤᱱᱤᱰᱮ ᱜᱷᱟᱨᱚᱸᱡᱽ ᱨᱮᱱᱤᱡ ᱩᱵᱷᱚᱭᱪᱚᱨ ᱡᱤᱭᱟᱞᱤ ᱠᱟᱱᱟ ᱠᱚ᱾ ᱵᱟᱬᱛᱤ ᱫᱚ ᱥᱤᱥᱟ ᱨᱤᱱᱡ ᱨᱚᱴᱮ ᱭᱟᱜ ᱧᱮᱞ ᱞᱮᱠᱷᱟᱱ ᱩᱱᱠᱩ ᱣᱟᱜ ᱨᱚᱝ ᱠᱟᱹᱴᱤᱡ ᱦᱟᱞᱠᱟ ᱧᱚᱜ ᱜᱮᱭᱟ ᱟᱨ ᱱᱚᱶᱟ ᱜᱷᱟᱨᱚᱸᱡᱽ ᱨᱮᱱᱤᱡ ᱟᱫᱷᱟᱱ ᱠᱚᱫᱚ ᱩᱱᱠᱩᱣᱟᱜ ᱞᱟᱡ ᱟᱨᱚᱢ- ᱯᱨᱚᱢ ᱧᱮᱞᱚᱜ ᱧᱟᱢᱚᱜ ᱠᱟᱱᱟ᱾ ᱦᱟᱨᱴ, ᱞᱤᱣᱟᱨ, ᱟᱨ ᱡᱟᱴᱷᱨᱟᱸᱛᱨᱚ ᱥᱚᱢᱵᱟᱱᱫᱷᱩ ᱰᱟᱦᱟᱨ ᱥᱟᱸᱦᱤᱡ ᱵᱷᱤᱛᱨᱤ ᱟᱸᱛ, ᱦᱟᱨᱛᱟᱮ ᱨᱮᱱᱟᱜ ᱢᱚᱫᱷᱭᱚᱢ ᱛᱮ ᱧᱮᱞ ᱧᱟᱢᱚᱜ ᱠᱟᱱ ᱛᱟᱠᱚᱣᱟ, ᱚᱱᱟᱛᱮ ᱱᱩᱠᱩ ᱫᱚ ᱥᱤᱥᱟ ᱨᱤᱱᱡ ᱨᱚᱴᱮ ᱠᱚ ᱢᱮᱛᱟ ᱠᱚ ᱠᱟᱱᱟ᱾[᱑]


ᱦᱟᱹᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱗᱒ ᱨᱮ ᱢᱚᱫᱷᱭᱚ ᱣᱚᱨᱛᱤ ᱤᱠᱣᱟᱰᱚᱨ ᱨᱮ ᱥᱮᱞᱮᱫ ᱟᱠᱟᱱ ᱱᱚᱢᱩᱱᱟ ᱨᱮᱱᱟᱜ ᱟᱫᱷᱟᱨ ᱨᱮ, ᱥᱮᱸᱴᱨᱚᱞᱤᱱ ᱨᱤᱱᱤᱡ ᱢᱟᱲᱟᱝ ᱦᱟᱹᱴᱤᱧ ᱯᱨᱚᱡᱟᱹᱛᱤ ᱢᱟᱨᱟᱝ ᱜᱠᱠᱚ- ᱚᱭᱤᱰᱤᱭᱚᱢ ᱛᱟᱦᱮᱸᱜ ᱠᱟᱱᱟ᱾ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱦᱟᱞᱟᱝ ᱢᱟᱨᱠᱚᱥ ᱡᱤᱢᱮᱱᱮᱡᱽ ᱰᱮ ᱞᱟ ᱮᱥᱯᱟᱰᱟ ᱣᱟᱜ ᱧᱩᱛᱩᱢ ᱨᱮ ᱦᱩᱭ ᱟᱠᱟᱱᱟ᱾ ᱑᱙᱕᱐ ᱟᱨ ᱑᱙᱗᱐ ᱨᱮᱱᱟᱜ ᱫᱟᱥᱷᱟᱠ ᱛᱟᱞᱟ, ᱢᱚᱫᱷᱭᱚ ᱟᱢᱮᱨᱤᱠᱟ ᱥᱤᱥᱟ ᱨᱚᱴᱮ ᱨᱮᱱᱟᱜ ᱟᱭᱢᱟ ᱯᱨᱚᱡᱟᱹᱛᱤ ᱠᱚ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱ ᱟᱭ᱾ ᱟᱥᱚᱞ ᱨᱩᱯ ᱛᱮ ᱯᱚᱱᱟᱢᱟ ᱟᱨ ᱠᱚᱥᱴᱟ ᱨᱤᱠᱟ, ᱡᱟᱦᱟᱸᱭ ᱴᱮᱠᱟᱨ ᱟᱨ ᱡᱚᱭ ᱮᱢ ᱥᱟᱣᱮᱡ ᱫᱚ ᱟᱭᱢᱟ ᱜᱟᱱ ᱮ ᱠᱟᱹᱢᱤ ᱞᱮᱫ ᱛᱟᱦᱮᱱᱟ᱾ ᱠᱟᱹᱴᱤᱡ ᱱᱟᱥᱮ ᱟᱭᱢᱟ ᱜᱟᱱ ᱯᱨᱚᱡᱟᱹᱛᱤ ᱫᱠᱷᱤᱱ ᱟᱢᱮᱨᱤᱠᱟ ᱨᱮ ᱦᱚᱸ ᱠᱚ ᱧᱟᱢ ᱮᱱᱟ᱾ ᱛᱤᱦᱤᱱ ᱦᱚᱸ ᱱᱩᱠᱩᱣᱟᱜ ᱱᱟᱯᱟᱭ ᱥᱟᱸᱦᱤᱡ ᱛᱮ ᱵᱟᱝ ᱯᱟᱸᱡᱟ ᱧᱟᱢ ᱟᱠᱟᱱᱟ ᱟᱨ ᱥᱟᱱᱟᱢ ᱥᱮᱨᱢᱟ ᱜᱮ ᱑᱐᱐-᱒᱐᱐ ᱱᱟᱶᱟ ᱯᱨᱚᱡᱟᱹᱛᱤ ᱠᱷᱚᱡ ᱤᱫᱤᱜ ᱠᱟᱱᱟ᱾ ᱥᱟᱶᱛᱮ ᱯᱟᱨᱭᱟᱨᱟᱬ ᱵᱟᱹᱲᱤᱡ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱟᱥᱟᱨ ᱦᱚᱸ ᱦᱩᱭ ᱟᱠᱚ ᱠᱟᱱᱟ᱾ ᱥᱤᱥᱟ ᱨᱚᱴᱮ ᱡᱤᱭᱟᱞᱤ ᱫᱚ ᱥᱟᱯᱷᱟ ᱫᱟᱜ ᱫᱚᱨᱠᱟᱨ ᱠᱟᱱᱟ᱾ ᱱᱟᱥᱮᱱᱟᱜ ᱯᱚᱞᱩᱥᱚᱱ ᱱᱩᱠᱩ ᱞᱟᱹᱜᱤᱫ ᱫᱚ ᱵᱟᱹᱲᱤᱡ ᱜᱮᱭᱟ᱾

ᱞᱟᱪᱷᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱥᱟ ᱨᱚᱴᱮ ᱟᱥᱚᱞ ᱛᱮᱫᱚ ᱠᱟᱹᱴᱤᱡ ᱟᱨ ᱓ ᱠᱷᱚᱱ ᱥᱮ ᱗.᱖ ᱥᱮᱢᱤ ᱩᱱᱟᱹᱜ ᱠᱚ ᱛᱟᱦᱮᱱ ᱠᱟᱱᱟ᱾ ᱩᱱᱠᱩᱣᱟᱜ ᱦᱚᱲᱢᱚ ᱨᱮᱱᱟᱜ ᱵᱟᱬᱛᱤ ᱮᱢ ᱧᱮᱞ ᱛᱟᱠᱚ ᱠᱷᱟᱱ ᱩᱱᱠᱩᱣᱟᱜ ᱦᱤᱥᱟ ᱦᱟᱹᱨᱭᱟᱹᱲ ᱨᱚᱝ ᱜᱮ ᱛᱟᱦᱮᱱ ᱠᱟᱱ ᱛᱟᱠᱚᱣᱟ, ᱡᱟᱦᱟᱸ ᱫᱚ ᱦᱚᱲᱢᱚ ᱠᱷᱚᱱ ᱞᱟᱛᱟᱨ ᱦᱟᱹᱴᱤᱧ ᱨᱮ ᱟᱨᱚᱢ ᱯᱟᱨᱚᱢ ᱥᱟᱛᱟᱦ ᱠᱚ ᱵᱟᱧᱪᱟᱣ ᱨᱮᱱᱟᱜ ᱠᱟᱹᱢᱤ ᱨᱮ ᱠᱚ ᱦᱤᱡᱩᱜ ᱠᱟᱱᱟ᱾ ᱵᱟᱬᱛᱤ ᱫᱚ ᱧᱮᱞ ᱛᱮᱢᱟ ᱥᱤᱥᱟ ᱨᱚᱴᱮ ᱫᱟᱨᱮ ᱟᱱ ᱠᱚ ᱛᱟᱦᱮᱱ ᱠᱟᱱᱟ᱾ ᱩᱱᱠᱩ ᱯᱨᱚᱡᱱᱟᱱ ᱱᱟᱝ ᱚᱠᱛᱮ ᱨᱮ ᱜᱟᱰᱟ ᱟᱨ ᱡᱷᱟᱨᱱᱟ ᱥᱩᱨ ᱨᱮᱠᱚ ᱛᱟᱦᱮᱱᱟ᱾ ᱥᱟᱹᱠᱤᱞᱟᱱ ᱛᱮ ᱺ ᱵᱤᱞᱤ ᱟᱛᱩᱜ ᱫᱟᱜ ᱨᱮ ᱟᱴᱠᱟᱣ ᱰᱟᱹᱨ ᱥᱮ ᱫᱟᱨᱮ ᱨᱮᱱᱟᱜ ᱥᱟᱠᱟᱢ ᱨᱮ ᱠᱚ ᱵᱤᱞᱤᱭᱟ (ᱵᱮᱡ ᱟᱠᱚ)᱾ ᱟᱫᱷᱟᱱ ᱯᱨᱚᱡᱟᱹᱛᱤ ᱫᱚ, ᱡᱷᱟᱨᱱᱟ ᱥᱮ ᱜᱟᱰᱟ ᱟᱲᱮ ᱫᱷᱤᱨᱤ ᱨᱮ ᱠᱚ ᱵᱤᱞᱤᱭᱟ, ᱥᱟᱠᱟᱢ ᱨᱮ ᱵᱤᱞᱤ ᱪᱷᱟᱹᱨᱭᱟᱹᱣ ᱨᱮᱱᱟᱜ ᱵᱤᱫᱷᱤ ᱡᱩᱫᱟᱹ ᱡᱩᱫᱟᱹ ᱯᱨᱚᱡᱟᱹᱛᱤ ᱨᱮᱱᱟᱜ ᱡᱩᱫᱟᱹ ᱜᱮ ᱛᱟᱦᱮᱱ ᱠᱟᱱ ᱛᱠᱚᱣᱟ᱾

ᱡᱮᱱᱮᱨᱟ
Genera
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱷᱟᱨᱚᱸᱡᱽ CENTROLENIDAE

  • Subfamily Centroleninae
    • Genus Centrolene Jiménez de la Espada, 1872
    • Genus Chimerella Guayasamin, Castroviejo, Trueb, Ayarzagüena, Rada, Vilá, 2009
    • Genus Cochranella Taylor, 1951
    • Genus Espadarana Guayasamin, Castroviejo, Trueb, Ayarzagüena, Rada, Vilá, 2009
    • Genus Nymphargus Cisneros-Heredia & McDiarmid, 2007
    • Genus Rulyrana Guayasamin, Castroviejo, Trueb, Ayarzagüena, Rada, Vilá, 2009
    • Genus Sachatamia Guayasamin, Castroviejo, Trueb, Ayarzagüena, Rada, Vilá, 2009
    • Genus Teratohyla Taylor, 1951
    • Genus Vitreorana Guayasamin, Castroviejo, Trueb, Ayarzagüena, Rada, Vilá, 2009
  • Subfamily Hyalinobatrachinae
    • Genus Celsiella Guayasamin, Castroviejo, Trueb, Ayarzagüena, Rada, Vilá, 2009
    • Genus Hyalinobatrachium Ruiz-Carranza & Lynch, 1991 – "True" Glass Frogs
  • Subfamily Allophryninae

Incertae sedis Ikakogi Guayasamin, Castroviejo, Trueb, Ayarzagüena, Rada, Vilá, 2009

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Zweifel, Robert G. (1998). Cogger, H.G. & Zweifel, R.G., ed. Encyclopedia of Reptiles and Amphibians. San Diego: Academic Press. pp. 94–95. ISBN 0-12-178560-2.