ᱥᱤᱧᱚᱛ ᱨᱮ ᱛᱤᱨᱞᱟ. ᱦᱚᱲᱢᱚᱥᱟᱶᱟᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱥᱤᱧᱚᱛ ᱨᱮ ᱛᱤᱨᱞᱟ. ᱦᱚᱲᱢᱚᱥᱟᱶᱟᱨ

ᱳᱰᱤᱥᱟ ᱯᱚᱱᱚᱛ ᱨᱮ ᱴᱤᱠᱟ. ᱛᱩᱞᱩᱡ ᱢᱤᱫ ᱛᱤᱨᱞᱟ.

ᱥᱤᱧᱚᱛ ᱨᱮ ᱛᱤᱨᱞᱟ. ᱦᱚᱲᱢᱚᱥᱟᱶᱟᱨ ᱚᱥᱟᱶᱟᱨ ᱫᱚ ᱟ.ᱰᱤ ᱞᱮᱠᱟᱱ ᱩᱯᱨᱩᱢ ᱛᱚᱦᱚᱨ ᱛᱮ ᱵᱤᱱᱤᱰᱟ.ᱣ ᱦᱩᱭ ᱫᱟᱲᱮᱭᱟᱜᱼᱟ ᱾ ᱡᱟᱦᱟᱸ ᱫᱚ ᱚᱛᱱᱚᱜᱼᱟ.ᱨᱤ, ᱥᱟᱶᱛᱟᱨᱤ, ᱠᱟ.ᱣᱰᱤᱼᱟ.ᱨᱤ ᱟᱨ ᱞᱟᱠᱪᱟᱨᱮᱛ ᱛᱷᱚᱠ ᱨᱮ ᱦᱩᱭ ᱫᱟᱲᱮᱭᱟᱜᱼᱟ ᱾ ᱛᱤᱨᱞᱟ. ᱟᱜ ᱦᱚᱲᱢᱚᱥᱟᱶᱟᱨ ᱚᱥᱟᱶᱟᱨ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱮᱛᱮᱫ ᱫᱚ ᱱᱚᱣᱟ ᱠᱟᱱᱟ ᱡᱮ ᱢᱟᱱᱣᱟ ᱵᱷᱟ.ᱞᱟ.ᱭ ᱟᱨ ᱠᱟ.ᱣᱰᱤᱼᱟ.ᱨᱤ ᱩᱛᱱᱟ.ᱣ ᱨᱮ ᱜᱚᱲᱚ ᱥᱚᱦᱚᱫ ᱮ ᱮᱢᱚᱜᱼᱟ ᱾

ᱱᱤᱛᱚᱜ ᱞᱮᱠᱟᱱ ᱡᱩᱜᱽᱨᱮ ᱥᱤᱧᱚᱛ ᱫᱤᱥᱚᱢ ᱨᱮ ᱛᱤᱨᱞᱟ. ᱠᱚᱣᱟᱜ ᱦᱚᱲᱡᱚᱥᱟᱶᱟᱨ ᱮᱴᱠᱮᱴᱚᱬᱮ ᱦᱚᱸ ᱟ.ᱰᱤᱜᱟᱱ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱭᱟᱜ ᱠᱟ.ᱣᱰᱤ ᱵᱮᱵᱚᱥᱛᱟ ᱥᱟᱧᱪᱟᱣ ᱨᱮ ᱟ.ᱰᱤᱜᱟᱱ ᱵᱟ.ᱲᱤᱡ ᱚᱨᱥᱚᱝ ᱵᱟᱡᱟᱣᱜ ᱠᱟᱱᱟ ᱾

ᱦᱚᱲᱢᱚᱥᱟᱶᱟᱨ ᱛᱤᱠᱪᱷᱟ. ᱞᱟ.ᱜᱤᱫ ᱥᱤᱧᱚᱛ ᱨᱮ ᱡᱟᱱᱟᱝ ᱞᱟᱦᱟᱫᱤᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱭᱩᱱᱟᱭᱴᱮᱰ ᱱᱮᱥᱳᱱ ᱥᱤᱧᱚᱛ ᱫᱚ ᱛᱟᱞᱟ ᱟᱨᱡᱟᱣᱤᱭᱟ. ᱫᱤᱥᱚᱢ ᱞᱮᱠᱟᱛᱮ ᱴᱷᱟᱶ ᱮ ᱮᱢᱟᱭᱟ ᱾ ᱡᱟᱱᱟᱝ ᱵᱟᱝᱢᱤᱫ ᱨᱮ ᱡᱮᱜᱮᱛ ᱠᱟ.ᱣᱰᱟ.ᱨᱤ ᱢᱮᱞᱟᱝᱠᱤ ᱫᱚ ᱥᱤᱧᱚᱛ ᱫᱤᱥᱚᱢ ᱫᱚ ᱟ.ᱰᱤ ᱯᱟ.ᱪᱷᱞᱟ. ᱫᱤᱥᱚᱢ ᱞᱮᱠᱟᱛᱮᱭ ᱦᱤᱥᱟ.ᱵᱽ ᱮᱭᱟ ᱾ ᱵᱟᱯᱞᱟ ᱨᱮᱭᱟᱜ ᱟᱺᱜᱤᱵᱷᱟᱨ ᱠᱷᱟ.ᱛᱤᱨ ᱥᱤᱧᱚᱛ ᱨᱮ ᱛᱤᱨᱞᱟ. ᱠᱚᱫᱚ ᱜᱷᱟᱨᱚᱸᱡᱽ ᱞᱟ.ᱜᱤᱫ ᱟ.ᱰᱤ ᱠᱟ.ᱡ ᱜᱚᱱᱚᱝ ᱟᱱ ᱞᱮᱠᱟ ᱠᱚ ᱢᱟᱱᱟᱣ ᱠᱚᱣᱟ ᱾ ᱱᱟᱦᱟᱜ ᱫᱚ ᱵᱟᱨᱚᱱ ᱜᱮᱭᱟ, ᱱᱚᱣᱟ ᱫᱚ ᱥᱤᱧᱚᱛ ᱨᱮᱜᱮ ᱤᱠᱷᱟ.ᱱ ᱥᱤᱧᱚᱛᱤᱭᱟ. ᱞᱟ.ᱭ ᱞᱟᱠᱪᱟᱨ ᱢᱩᱬᱩᱛᱠᱷᱩᱱᱴᱤ ᱞᱮᱠᱟᱛᱮ ᱞᱮᱛᱟᱲ ᱡᱟᱶᱟᱭ ᱚᱲᱟᱜ ᱫᱚ ᱫᱮᱦᱮᱡᱽ ᱵᱷᱩᱸᱡᱟ.ᱣ ᱡᱚᱝ ᱞᱟ.ᱜᱤᱫ ᱛᱤᱨᱞᱟ.ᱭ ᱵᱚᱲᱦᱮ ᱮᱭᱟ ᱾

ᱡᱟᱱᱟᱝ ᱞᱮᱠᱟᱛᱮ ᱦᱚᱲᱢᱚᱥᱟᱶᱟᱨ ᱛᱤᱠᱪᱷᱟ.[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱭᱩᱱᱟᱭᱴᱮᱰ ᱱᱮᱥᱚᱱ ᱦᱚᱛᱮᱛᱮ ᱵᱷᱟᱨᱚᱛ ᱫᱚ ᱛᱟᱞᱟᱢᱟᱞᱟ ᱟᱨᱡᱟᱣᱤᱭᱟ. ᱫᱤᱥᱚᱢ ᱢᱮᱱᱛᱮ ᱵᱤᱠᱱᱟ.ᱣ ᱟᱠᱟᱱᱟ ᱾ ᱣᱟᱞᱰ ᱤᱠᱳᱱᱳᱢᱤ ᱯᱷᱳᱨᱢ ᱨᱤᱯᱚᱨᱴ ᱞᱮᱠᱟᱛᱮ ᱡᱟᱱᱟᱝᱟᱱ ᱵᱟᱝ ᱥᱚᱢᱟᱱ ᱞᱮᱠᱟᱛᱮ ᱵᱷᱟᱨᱚᱛ ᱫᱚ ᱡᱚᱛᱚ ᱠᱷᱚᱱ ᱵᱟ.ᱲᱤᱡ ᱫᱤᱥᱚᱢ ᱨᱮᱭᱟᱜ ᱛᱟ.ᱞᱠᱟ. ᱨᱮ ᱴᱷᱟᱶ ᱮ ᱧᱟᱢ ᱟᱠᱟᱜᱼᱟ ᱾ ᱑᱘᱗ ᱜᱚᱴᱟᱝ ᱫᱤᱥᱚᱢ ᱤᱫᱤ ᱠᱟᱛᱮ ᱵᱮᱱᱟᱣ ᱟᱠᱟᱱ ᱛᱟ.ᱞᱠᱟ. ᱨᱮ ᱵᱷᱟᱨᱚᱛ ᱫᱚ ᱑᱓᱒ ᱴᱷᱟᱶ ᱮ ᱟᱢᱮᱴ ᱟᱠᱟᱜᱼᱟ ᱾ ᱡᱟᱱᱟᱝ ᱨᱮᱭᱟᱜ ᱵᱟᱝᱢᱤᱫ ᱠᱷᱟ.ᱛᱤᱨ ᱱᱚᱝᱠᱟ ᱫᱚ ᱴᱷᱟ.ᱣᱠᱟ. ᱟᱠᱟᱱᱟ ᱾ ᱤᱸᱜᱟᱛ ᱜᱩᱡᱩᱜ, ᱠᱟ.ᱴᱤᱡ ᱵᱚᱭᱚᱥ ᱨᱮ ᱜᱤᱫᱽᱨᱟ. ᱮᱸᱜᱟᱛᱚᱜ, ᱥᱮᱪᱮᱫ ᱨᱮᱭᱟᱜ ᱵᱮᱵᱚᱥᱛᱟ ᱠᱚᱜᱮ ᱫᱟᱭᱤ ᱢᱮᱱᱛᱮ ᱨᱤᱯᱚᱨᱴ ᱨᱮ ᱢᱮᱱ ᱟᱠᱟᱱᱟ ᱾ ᱡᱟᱱᱟᱝ ᱞᱮᱠᱟᱛᱮ ᱥᱟᱶᱟᱨ ᱥᱟᱶᱛᱟᱨᱤ, ᱠᱟ.ᱣᱰᱤᱟ.ᱨᱤ ᱟᱨ ᱨᱟᱡᱽ ᱟ.ᱨᱤ ᱪᱮᱛᱟᱱ ᱨᱮ ᱞᱟᱫᱮ ᱟᱠᱟᱱᱟ ᱾ ᱱᱚᱣᱟ ᱜᱮ ᱛᱤᱨᱞᱟ. ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱩᱛᱱᱟ.ᱣ ᱟᱨ ᱚᱨᱥᱚᱝ ᱫᱤᱥᱟ. ᱞᱮᱠᱟᱛᱮ ᱟ.ᱰᱤ ᱢᱟᱨᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱜᱼᱟ ᱾ ᱠᱷᱟ.ᱞᱤ ᱤᱱᱟ.ᱝ ᱥᱩᱢᱩᱝ ᱫᱚ ᱵᱟᱝ ᱜᱮ, ᱱᱚᱣᱟ ᱦᱚᱸ ᱢᱤᱫ ᱪᱮᱛᱟᱱ ᱛᱷᱟᱨ ᱨᱮᱜᱮ ᱛᱤᱨᱞᱟ. ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱪᱮᱛᱟᱱ ᱨᱮ ᱟ.ᱰᱤ ᱜᱟᱺᱦᱤᱨ ᱚᱨᱥᱚᱝ ᱵᱟᱡᱟᱣᱜᱼᱟ ᱾ ᱢᱤᱫ ᱯᱚᱲᱦᱚᱱ ᱠᱷᱚᱱ ᱵᱟᱰᱟᱭ ᱧᱟᱢ ᱟᱠᱟᱱᱟ ᱪᱤ ᱠᱩᱲᱤ ᱜᱤᱫᱽᱨᱟ. ᱠᱷᱚᱱ ᱫᱚ ᱠᱚᱲᱟ ᱜᱤᱫᱽᱨᱟ. ᱵᱟ.ᱲᱛᱤ ᱦᱚᱲᱢᱚ ᱥᱟᱶᱟᱨ ᱥᱩᱵᱤᱫᱷᱟ. ᱫᱚᱠᱚ ᱧᱟᱢ ᱮᱫ ᱠᱟᱱᱟ ᱾

ᱡᱟᱱᱟᱝ ᱨᱮᱭᱟᱜ ᱵᱷᱳᱯᱮᱜᱮᱫ ᱫᱚ ᱡᱟᱱᱟᱢ ᱨᱮᱭᱟᱜ ᱢᱟᱬᱟᱝ ᱠᱷᱚᱱᱴᱷᱟ.ᱣᱠᱟ. ᱦᱮᱡ ᱟ.ᱜᱩ ᱟᱠᱟᱱᱟ ᱾ ᱜᱤᱫᱽᱨᱟ. ᱡᱟᱱᱟᱢᱚᱜ ᱢᱟᱬᱟᱝ ᱠᱷᱚᱱ ᱜᱮ ᱜᱷᱟᱨᱚᱸᱡᱽ ᱥᱚᱦᱮᱫᱤᱭᱟ. ᱠᱚᱜᱮ ᱠᱚᱲᱟ ᱦᱚᱯᱚᱱ ᱜᱮ ᱧᱟᱢ ᱨᱮᱭᱟᱜ ᱵᱟ.ᱲᱛᱤ ᱟᱸᱥ ᱠᱚ ᱫᱚᱦᱚᱭᱟ ᱾ ᱟ.ᱰᱤ ᱵᱮᱲᱟ ᱨᱮᱜᱮ ᱟᱭᱳ ᱠᱚᱞᱮ ᱠᱩᱠᱷᱤ ᱨᱮ ᱠᱩᱲᱤ ᱜᱤᱫᱽᱨᱟ.ᱭ ᱦᱟᱨᱟᱜ ᱠᱟᱱᱟ ᱢᱮᱱᱛᱮ ᱵᱟᱰᱟᱭ ᱠᱟᱛᱮ ᱩᱱᱤ ᱫᱚ ᱟᱭᱳ ᱠᱚᱞᱮ ᱨᱮᱜᱮ ᱨᱟ.ᱯᱩᱫ ᱜᱤᱰᱤ ᱨᱮᱭᱟᱜ ᱟᱸᱥ ᱟ.ᱰᱤ ᱜᱮᱭᱟ ᱾ ᱪᱮᱫᱟᱜ ᱥᱮ ᱜᱷᱟᱨᱚᱸᱡᱤᱭᱟ. ᱠᱚᱣᱟᱜ ᱯᱩᱭᱞᱩ ᱟᱸᱥ ᱫᱚ ᱢᱤᱫ ᱠᱚᱲᱟ ᱜᱤᱫᱽᱨᱟ. ᱧᱟᱢ ᱨᱮᱭᱟᱜ ᱾ ᱵᱷᱟᱨᱚᱛ ᱨᱮ ᱟ.ᱰᱤ ᱞᱮᱠᱟᱱ ᱥᱚᱨᱠᱟᱨᱤ ᱟᱨ ᱵᱟᱝ ᱥᱚᱨᱠᱟᱨᱤ ᱜᱟᱶᱛᱟᱨᱮ ᱠᱟ.ᱢᱤᱠᱟᱱ ᱙᱒% ᱛᱤᱨᱞᱟ. ᱠᱚᱣᱟᱜ ᱪᱟᱸᱫᱚᱠᱤᱭᱟ. ᱢᱩᱡᱽᱨᱤ ᱑᱐,᱐᱐᱐ ᱠᱷᱚᱱ ᱦᱚᱸ ᱠᱚᱢ ᱡᱟᱦᱟᱸ ᱫᱚ ᱠᱚᱲᱟ ᱦᱚᱯᱚᱱ ᱠᱷᱚᱱ ᱫᱚ ᱟ.ᱰᱤ ᱜᱮ ᱠᱚᱢ ᱟᱨ ᱘᱒% ᱠᱚᱲᱟ ᱦᱚᱯᱚᱱ ᱟᱜ ᱪᱟᱸᱫᱚᱠᱤᱭᱟ. ᱢᱩᱡᱽᱨᱤ ᱑᱐,᱐᱐᱐ ᱠᱷᱚᱱ ᱠᱚᱢ ᱾

ᱥᱤᱧᱚᱛ ᱨᱮ ᱦᱚᱲᱢᱚᱥᱟᱶᱟᱨ ᱛᱤᱠᱪᱷᱟ. ᱛᱚᱦᱚᱨ ᱨᱮ ᱮᱴᱠᱮᱴᱚᱬᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱑ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱥᱤᱧᱚᱛ ᱨᱮᱭᱟᱜ ᱦᱚᱲᱢᱚᱥᱟᱶᱟᱨ ᱛᱤᱠᱪᱷᱟ. ᱨᱮ ᱦᱚᱲᱢᱚᱥᱟᱶᱟᱨ ᱠᱟ.ᱢᱤᱭᱟ. ᱠᱚᱣᱟᱜ ᱟ.ᱰᱤ ᱜᱮ ᱟᱱᱟᱴ ᱢᱮᱱᱟᱜᱼᱟ ᱾ ᱵᱟᱡᱟᱨ ᱱᱟᱜᱟᱨ ᱨᱮ ᱦᱚᱲᱢᱚᱥᱟᱶᱟᱨ ᱧᱮᱞ ᱡᱚᱛᱚᱱ ᱰᱟᱦᱟᱨ ᱨᱮ ᱟ.ᱰᱤ ᱵᱟ.ᱲᱛᱤ ᱫᱷᱮᱭᱟᱱ ᱫᱚᱦᱚ ᱨᱮ ᱢᱮᱱᱟᱜᱼᱟ ᱤᱠᱷᱟ.ᱱ ᱟ.ᱛᱩ ᱴᱚᱞᱟ ᱨᱮᱫᱚ ᱱᱚᱣᱟ ᱨᱮᱭᱟᱜ ᱩᱞᱴᱟ. ᱜᱮᱭᱟ ᱾ ᱟ.ᱛᱩᱨᱮ ᱱᱚᱣᱟ ᱦᱚᱸ ᱛᱚᱞᱟᱥ ᱧᱟᱢ ᱟᱠᱟᱱᱟ ᱫᱚ ᱟ.ᱰᱤ ᱦᱚᱲ ᱡᱟᱦᱟᱸᱭ ᱫᱚ ᱟᱡ ᱮ ᱛᱤᱠᱪᱷᱟ.ᱜ ᱠᱟᱱᱟ ᱢᱮᱱᱛᱮᱭ ᱞᱟ.ᱭᱟ ᱤᱠᱷᱟ.ᱱ ᱥᱟ.ᱨᱤ ᱛᱮᱫᱚ ᱱᱚᱣᱟ ᱫᱚ ᱥᱟ.ᱨᱤ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ ᱾

᱒᱐᱐᱕ ᱥᱟᱞᱮᱨᱮ ᱥᱤᱧᱚᱛ ᱨᱮ ᱡᱟ.ᱛᱤᱭᱟ.ᱨᱤ ᱟ.ᱛᱩ ᱦᱚᱲᱢᱚᱥᱟᱶᱟᱨ ᱡᱚᱥ ᱨᱤᱛᱟ.ᱱᱟ.ᱨᱤ ᱴᱷᱟ.ᱣᱠᱟ. ᱟᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱡᱚᱥ ᱟᱸᱥ ᱫᱚ ᱜᱤᱫᱟ.ᱨ ᱜᱩᱨ ᱟᱨ ᱮᱸᱜᱟᱛ ᱜᱩᱨ ᱨᱮᱭᱟᱜ ᱫᱚᱨ ᱠᱚᱢ ᱦᱚᱪᱚᱭ ᱜᱮ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]