ᱥᱤᱸᱫᱩᱨ
ᱥᱤᱸᱫᱩᱨ ᱵᱟᱝᱛᱮ ᱥᱤᱱᱫᱩᱨ ᱫᱚ ᱢᱤᱫ ᱞᱮᱠᱟᱱ ᱨᱚᱝ ᱡᱤᱱᱤᱥ ᱠᱟᱱᱟ᱾ ᱱᱤᱭᱟᱸ ᱫᱚ ᱛᱤᱨᱞᱟᱹ ᱵᱟᱝᱛᱮ ᱵᱟᱯᱞᱟ ᱵᱟᱹᱦᱩ ᱠᱚᱣᱟᱜ ᱦᱚᱨᱟᱥᱤ ᱠᱚᱨᱮᱜᱮ ᱪᱟᱸᱫᱤ ᱠᱷᱚᱱ ᱪᱮᱛᱟᱱ ᱛᱮᱠᱚ ᱴᱤᱠᱟᱹᱜᱽ ᱟ᱾ ᱦᱤᱱᱫᱩ ᱫᱷᱚᱨᱚᱢ ᱞᱮᱠᱟᱛᱮ ᱱᱤᱭᱟᱸ ᱵᱟᱹᱦᱩ ᱠᱩᱲᱤ ᱠᱚᱣᱟᱜ ᱢᱤᱫ ᱪᱤᱱᱦᱟᱹ ᱠᱟᱱᱟ᱾ ᱟᱨ ᱵᱮᱜᱚᱨ ᱵᱟᱯᱞᱟ ᱠᱩᱲᱤ ᱠᱚᱫᱚ ᱦᱚᱨᱟᱥᱤ ᱨᱮᱫᱚ ᱵᱟᱝ ᱠᱚ ᱞᱟᱜᱟᱣ-ᱟ, ᱤᱠᱷᱟᱹᱱ ᱪᱟᱸᱫᱤ ᱠᱚᱨᱮᱠᱚ ᱴᱤᱠᱟᱹᱜᱽ ᱜᱚᱜ ᱜᱮᱭᱟ᱾ ᱪᱷᱟᱹᱰᱣᱤ ᱠᱚᱫᱚ ᱥᱟᱥᱛᱨᱚ ᱞᱮᱠᱟᱛᱮ ᱢᱟᱱᱟ ᱜᱮᱛᱟ ᱠᱚᱣᱟ᱾ ᱟᱨᱦᱚᱸ ᱫᱤᱱᱫᱩ ᱠᱚᱣᱟᱜ ᱵᱚᱝᱜᱟ ᱵᱩᱨᱩ ᱯᱩᱡᱟᱹ ᱞᱟᱜᱤᱫ ᱛᱮᱦᱚᱸ ᱥᱤᱸᱫᱩᱨ ᱫᱚ ᱞᱟᱹᱠᱛᱤᱜ ᱭᱟᱱ ᱠᱟᱱ ᱜᱮᱭᱟ᱾ ᱦᱤᱱᱫᱩ ᱠᱚᱣᱟᱜ ᱥᱮᱫᱟᱭ ᱠᱟᱛᱷᱟ ᱞᱮᱠᱟᱛᱮ ᱱᱤᱭᱟᱸ ᱫᱚ ᱫᱷᱚᱨᱚᱢ ᱨᱮᱱᱟᱜ ᱢᱤᱫ ᱚᱝᱥᱚ ᱠᱟᱱ ᱜᱮᱭᱟ᱾ ᱱᱤᱭᱟᱸ ᱫᱚ ᱟᱨᱟᱜ ᱜᱮᱭᱟ, ᱚᱱᱟᱛᱮ ᱱᱤᱭᱟᱸ ᱫᱚ ᱫᱩᱞᱟᱹᱲ ᱫᱟᱲᱮ ᱨᱮᱱᱟᱜ ᱢᱤᱫ ᱪᱤᱱᱦᱟᱹ ᱠᱟᱱᱟ᱾ ᱡᱟᱦᱟᱭ ᱦᱤᱱᱫᱩ ᱠᱩᱲᱤ ᱵᱟᱯᱞᱟ ᱞᱮᱱᱠᱷᱟᱱᱮᱱ ᱯᱩᱭᱞᱩ ᱨᱮ ᱟᱭᱟᱜ ᱦᱚᱨᱟᱥᱤ ᱨᱮ ᱱᱤᱭᱟᱸ ᱛᱮᱭ ᱦᱤᱱᱦᱥᱹ-ᱟ᱾
ᱵᱚᱯᱞᱟ ᱚᱠᱛᱚᱨᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱤᱱᱫᱩ ᱠᱚᱣᱟ ᱥᱚᱥᱛᱨᱚ ᱞᱮᱠᱟᱛᱮ ᱱᱤᱭᱟᱸ ᱫᱚ ᱵᱟᱯᱞᱟ ᱚᱠᱛᱚᱨᱮ ᱡᱟᱢᱟᱭ ᱠᱚᱲᱟ ᱵᱟᱦᱩᱣᱟᱜ ᱦᱚᱨᱟᱥᱤ ᱨᱮᱭ ᱞᱟᱜᱟᱣ ᱟᱭᱟ᱾ ᱚᱨ ᱚᱱᱟ ᱠᱷᱟᱹᱛᱤᱨ ᱟᱹᱣᱨᱤ ᱜᱩᱡᱩᱜ ᱫᱷᱟᱹᱵᱤᱡ ᱡᱟᱢᱟᱭᱟᱜ ᱢᱚᱡ ᱠᱚᱭ ᱠᱟᱛᱮᱜ ᱡᱟᱭ-ᱡᱩᱜ ᱦᱚᱨᱟᱥᱤ ᱨᱮᱭ ᱟᱞᱟᱜᱟᱣ ᱤᱫᱤᱭᱟ᱾
ᱥᱤᱸᱫᱩᱨ ᱮᱱᱮᱡ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱸᱫᱩᱨ ᱮᱱᱮᱡ ᱯᱩᱡᱟᱹ ᱚᱠᱛᱚ ᱨᱮᱱᱟᱜ ᱢᱤᱫ ᱥᱚᱸᱥᱠᱟᱨ ᱟ.ᱨᱤ ᱪᱟ.ᱨᱤ ᱠᱟᱱᱟ᱾ ᱯᱩᱡᱟᱹᱣᱟᱭ ᱠᱟᱱ ᱵᱚᱝᱜᱟ ᱫᱟᱨᱟᱢ ᱛᱟᱭᱚᱢ ᱜᱮ ᱱᱤᱭᱟᱹ ᱮᱱᱮᱡ ᱫᱚ ᱥᱟᱹᱨᱫᱤᱜ-ᱟ᱾