ᱥᱨᱤᱱᱣᱟᱱᱛᱤ ᱪᱚᱠᱨᱚᱵᱚᱨᱛᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱨᱤᱱᱣᱟᱱᱛᱤ ᱪᱚᱠᱨᱚᱵᱚᱨᱛᱤ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱑᱔ ᱥᱮᱯᱴᱮᱢᱵᱚᱨ ᱑᱙᱘᱓(1983-09-14)
Bardhaman, West Bengal, India
ᱠᱟᱹᱢᱤ Indian classical dancer, choreographer

ᱥᱨᱤᱱᱣᱟᱱᱛᱤ ᱪᱚᱠᱨᱚᱵᱚᱨᱛᱤ ᱫᱚ ᱢᱤᱫ ᱥᱤᱧᱚᱛᱤᱭᱟ. ᱠᱞᱟᱥᱤᱠᱟᱞ ᱰᱮᱱᱥᱚᱨ ᱟᱨ ᱳᱰᱤᱥᱤ ᱮᱱᱮᱡ ᱠᱳᱨᱤᱭᱚᱜᱨᱟᱯᱷᱚᱨ ᱠᱟᱱᱟᱭ ᱾ ᱦᱟᱨᱟᱛᱚᱨᱟ ᱩᱢᱮᱨ ᱠᱷᱚᱱ ᱜᱮ ᱯᱮᱥᱟᱫᱟᱨ ᱰᱮᱱᱥᱚᱨ ᱠᱟ.ᱢᱤ ᱠᱟᱱᱟᱭ ᱾ ᱤᱝᱞᱚᱸᱰ ᱨᱮ ᱛᱤᱢᱤᱱ ᱥᱮᱨᱢᱟ ᱜᱟᱱ ᱮᱱᱮᱡ ᱢᱟᱪᱮᱛ,ᱠᱳᱨᱤᱭᱚᱜᱨᱟᱯᱷᱚᱨ ᱟᱨ ᱥᱴᱮᱡᱽ ᱨᱮᱦᱚᱸ ᱩᱫᱩᱜ-ᱥᱚᱫᱚᱨ ᱟᱠᱟᱫᱟᱭ ᱾ ᱟᱡ ᱫᱚ ᱠᱚᱞᱠᱟᱛᱟ ᱨᱮ ᱢᱤᱫ ᱰᱮᱱᱥ ᱟᱥᱲᱟ ᱥᱨᱤᱱᱡᱚᱛᱤ (Srijati) ᱦᱚᱸᱭ ᱵᱮᱨᱮᱫ ᱟᱠᱟᱫᱟ,ᱱᱚᱸᱰᱮ ᱟᱡᱜᱮ ᱢᱩᱬ ᱴᱨᱮᱱᱤᱝ ᱠᱟ.ᱢᱤ ᱥᱟᱶᱛᱮ ᱪᱟᱪᱞᱟᱣᱤᱭᱟ. ᱦᱚᱸ ᱠᱟ.ᱢᱤ ᱠᱟᱱᱟᱭ ᱾ ᱱᱚᱸᱰᱮᱱ ᱰᱮᱱᱥᱚᱨ ᱠᱚᱨ ᱠᱚ ᱴᱨᱮᱱᱤᱝ ᱠᱟᱛᱮ ᱟᱡᱟᱜ ᱢᱤᱫ ᱮᱱᱮᱡ ᱫᱚᱞ ᱦᱚᱸᱭ ᱵᱮᱨᱮᱫ ᱟᱠᱟᱫᱟ ᱾ ᱟᱡᱟᱜ ᱯᱚᱡᱤᱴᱤᱵᱷ ᱠᱳᱨᱤᱭᱚᱜᱨᱟᱯᱷᱤ ᱠᱟ.ᱢᱤ ᱫᱤᱥᱚᱢ ᱟᱨ ᱵᱤᱫᱮᱥ ᱠᱚᱨᱮ ᱥᱟᱨᱦᱟᱣ ᱧᱟᱢ ᱟᱠᱟᱫᱟᱭ ᱾ ᱟᱭᱢᱟ ᱴᱷᱟᱶ ᱯᱷᱨᱟᱱᱥ,ᱯᱭᱟᱨᱤᱥ,ᱵᱮᱞᱡᱤᱭᱚᱢ,ᱥᱣᱤᱡᱚᱨᱞᱟᱸᱰ,ᱤᱴᱟᱞᱤ ,ᱥᱣᱤᱰᱮᱱ,ᱨᱳᱢᱟᱱᱤᱭᱟ ᱮᱢᱟᱱ ᱫᱤᱥᱚᱢ ᱠᱚᱨᱮ ᱟᱡᱟᱜ ᱦᱩᱱᱟ.ᱨ ᱩᱫᱩᱜ-ᱥᱚᱫᱚᱨ ᱥᱟᱶᱛᱮ ᱠᱟ.ᱢᱤᱥᱟᱲᱟ ᱠᱚᱦᱚᱸᱭ ᱠᱚᱨᱟᱣ ᱟᱠᱟᱫᱟ ᱾

ᱟᱬᱜᱟᱛ ᱡᱤᱭᱚᱱ ᱟᱨ ᱥᱤᱠᱷᱱᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱨᱤᱱᱣᱟᱱᱛᱤ ᱫᱚ ᱵᱚᱨᱫᱷᱚᱢᱟᱱ,ᱯᱚᱪᱷᱤᱢ ᱵᱟᱝᱞᱟ ᱨᱮ ᱡᱟᱱᱟᱢ ᱞᱮᱱᱟᱭ ᱛᱟᱭᱚᱢ ᱜᱷᱟᱨᱚᱸᱡᱽ ᱥᱟᱶ ᱠᱚᱞᱠᱟᱛᱟ ᱛᱮᱠᱚ ᱦᱮᱡ ᱞᱮᱱᱟ ᱾ ᱟᱡ ᱫᱚ ᱵᱚᱨᱫᱷᱚᱢᱟᱱ ᱨᱮᱭᱟᱜ ᱮᱥᱴᱤ. ᱡᱟᱵᱷᱤᱭᱚᱨ ᱥᱠᱩᱞ (St. Xavier's school) ᱟᱨ ᱠᱚᱞᱠᱟᱛᱟ ᱨᱮᱭᱟᱜ ᱟᱠᱥᱤᱞᱤᱭᱚᱢ ᱠᱚᱱᱵᱷᱮᱸᱴ (Auxilium Convent) ᱟᱥᱲᱟ ᱨᱮ ᱯᱚᱲᱦᱚᱱ ᱟᱠᱟᱱᱟᱭ ᱾ ᱟᱡᱟᱜ ᱥᱚᱱᱮᱨ(BA) ᱰᱤᱜᱽᱨᱤ ᱫᱚ ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ,ᱠᱚᱞᱠᱟᱛᱟ (Presidency College, Kolkata) ᱠᱷᱚᱱ ᱥᱟᱶᱛᱟ ᱥᱟᱬᱮᱥ (sociology) ᱨᱮ ᱠᱚᱨᱟᱣ ᱟᱠᱟᱫᱟᱭ ᱟᱨ ᱟ.ᱠᱤᱞᱢᱟᱞ ᱫᱚ ᱠᱚᱞᱠᱟᱛᱟ ᱡᱮᱜᱮᱛ-ᱵᱤᱨᱫᱟ.ᱜᱟᱲ ᱠᱷᱚᱱ ᱥᱟ.ᱛ ᱟᱠᱟᱫᱟᱭ ᱾ ᱟᱡᱟᱜ ᱫᱚ ᱜᱤᱫᱟ.ᱨ ᱠᱷᱚᱱ ᱜᱮ ᱮᱱᱮᱡ ᱨᱮ ᱟ.ᱰᱤ ᱡᱷᱩᱸᱠ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱚᱱᱟᱛᱮ ᱟᱡ ᱟᱭᱚ ᱣᱟᱜ ᱛᱟ.ᱨᱤᱨᱮ ᱕ ᱵᱚᱪᱷᱚᱨ ᱩᱢᱮᱨ ᱨᱮ ᱳᱰᱤᱥᱤ ᱮᱱᱮᱡ ᱴᱨᱮᱱᱤᱝ ᱧᱟᱢ ᱞᱮᱫᱟᱭ ᱾ ᱮᱛᱚᱦᱚᱵ ᱫᱚ ᱥᱩᱛᱟᱯᱟ ᱛᱟᱞᱩᱠᱫᱟᱨ (Sutapa Talukdar) ᱱᱚᱱᱫᱤᱱᱤ ᱜᱷᱳᱥᱟᱞ (Nandini Ghosal) ᱛᱤᱠᱤᱱᱟᱜ ᱛᱟ.ᱨᱤᱨᱮ ᱮᱱᱮᱡ ᱥᱮᱬᱟ ᱤᱫᱤ ᱠᱮᱫ-ᱟᱭ ᱾ ᱛᱟᱭᱚᱢ ᱜᱩᱨᱩ ᱠᱮᱲᱩᱪᱚᱨᱚᱱ ᱢᱚᱦᱟᱯᱟᱛᱨᱚ (Kelucharan Mohapatra) ᱮᱱᱮᱡ ᱯᱨᱚᱛᱤᱵᱷᱟ ᱛᱟᱭᱮ ᱩᱥᱠᱟ.ᱣ ᱚᱰᱚᱠ ᱞᱮᱫ ᱛᱟᱭᱟ ᱾ ᱟᱡᱟᱜ ᱮᱱᱮᱡ ᱠᱮᱨᱤᱭᱚᱨ ᱵᱟᱪᱷᱚᱱᱨᱮ ᱟᱡ ᱵᱟᱵᱟ ᱦᱟᱜ ᱟ.ᱰᱤᱜᱮ ᱜᱚᱲᱚ ᱥᱚᱦᱚᱫ ᱟᱨ ᱩᱥᱠᱟ.ᱣ ᱛᱟᱦᱮᱸ ᱠᱟᱱᱟ ᱾

ᱰᱮᱱᱥ ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱨᱤᱱᱣᱟᱱᱛᱤ,ᱟᱡᱟᱜ ᱡᱤᱭᱚᱱ ᱳᱰᱤᱥᱤ ᱮᱱᱮᱡ ᱨᱮ ᱧᱟᱢ ᱠᱮᱫ ᱛᱟᱭᱚᱢ ᱚᱱᱟ ᱮᱱᱮᱡ ᱢᱟᱬᱟᱝ ᱥᱮᱫ ᱞᱟᱦᱟ ᱤᱫᱤ ᱞᱮᱫ ᱛᱟᱭᱟ ᱾ ᱦᱟᱨᱟᱛᱚᱨᱟ ᱨᱮᱜᱮ ᱪᱮᱛᱟᱱ ᱫᱷᱟᱯ ᱨᱮᱭᱟᱝ ᱮᱱᱮᱡ ᱥᱮᱬᱟ ᱞᱮᱫᱟᱭ ᱟᱨ ᱑᱕ ᱵᱚᱪᱚᱨ ᱩᱢᱮᱨ ᱛᱮᱜᱮ ᱢᱤᱫ ᱯᱮᱥᱟᱫᱟᱨ ᱰᱮᱱᱥᱚᱨ ᱵᱮᱱᱟᱣ ᱞᱮᱱ ᱛᱟᱦᱮᱸᱱ ᱥᱟᱶᱛᱮ ᱠᱳᱨᱤᱭᱚᱜᱨᱟᱯᱷᱤ ᱦᱚᱸ ᱛᱚᱝᱜᱮ ᱫᱚᱦᱚ ᱞᱮᱫᱟᱭ ᱾ ᱒᱐᱐᱐ ᱥᱟᱞ ᱨᱮ,ᱠᱚᱞᱠᱟᱛᱟ ᱨᱮ ᱥᱨᱤᱱᱡᱚᱛᱤ (Srijati) ᱮᱱᱮᱡ ᱮᱠᱟᱰᱮᱢᱤ ᱵᱮᱨᱮᱫ ᱟᱠᱟᱫ-ᱟᱭ ᱥᱟᱶᱛᱮ ᱟᱡᱟᱜ ᱰᱮᱱᱥ ᱜᱟᱫᱮᱞ ᱦᱚᱸᱭ ᱵᱮᱨᱮᱫ ᱟᱠᱟᱫᱟ ᱾ ᱥᱤᱧᱚᱛ ᱨᱮ ᱟᱡᱟᱜ ᱥᱳᱞᱳ ᱯᱚᱨᱯᱷᱚᱢᱟᱱᱥ ᱥᱟᱶᱛᱮ ᱟᱡᱟᱜ ᱜᱟᱫᱮᱞ ᱦᱚᱛᱮᱛᱮ ᱟᱭᱢᱟ ᱥᱴᱮᱡᱽ ᱩᱫᱩᱜ-ᱥᱚᱫᱚᱨ ᱠᱚᱨᱟᱣ ᱟᱠᱟᱫᱟᱭ ᱾ ᱒᱐᱐᱖ ᱥᱟᱞ ᱨᱮ ᱛᱤᱢᱤᱱ ᱫᱤᱱ ᱫᱚ ᱤᱝᱞᱚᱸᱰ ᱨᱮᱭᱟᱜ ᱠᱚᱞᱟ ᱫᱤ ᱟᱨᱴᱥ (Kala The Arts) ᱠᱚᱢᱯᱟᱱᱤ ᱞᱟ.ᱜᱤᱫ ᱠᱟ.ᱢᱤ ᱞᱮᱜ-ᱟᱭ ᱾ ᱟᱭᱢᱟ ᱟᱥᱲᱟ ᱠᱚᱨᱮ ᱥᱤᱠᱷᱱᱟ.ᱛ ᱠᱟ.ᱢᱤᱥᱟᱲᱟ,ᱠᱳᱨᱤᱭᱚᱜᱨᱟᱯᱷᱤ ᱟᱨ ᱜᱟᱞᱚᱪ ᱰᱮᱢᱚᱱᱥᱴᱨᱮᱥᱚᱱ ᱦᱚᱸᱭ ᱮᱢ ᱟᱠᱟᱫᱟ ᱾ ᱚᱱᱟᱛᱮ ᱟᱱᱵᱷᱤᱞ ᱟᱨᱴᱥ (Anvil Arts) ᱯᱟᱦᱴᱟ ᱠᱷᱚᱱ ᱠᱟ.ᱣᱰᱤ ᱜᱚᱲᱚ ᱥᱚᱦᱚᱫ ᱦᱚᱸᱭ ᱧᱟᱢ ᱛᱟᱦᱮᱸᱱ ᱾ ᱒᱐᱑᱐ ᱥᱟᱞ ᱨᱮ, ᱥᱨᱤᱱᱡᱚᱛᱤ ᱨᱮᱭᱟᱜ ᱢᱤᱫ ᱥᱟᱠᱷᱟ ᱯᱭᱟᱨᱤᱥ ᱨᱮ ᱵᱮᱨᱮᱫ ᱞᱮᱫᱟᱭ ᱟᱨ ᱟᱭᱢᱟ ᱜᱟᱱ ᱰᱮᱱᱥᱚᱨ ᱴᱨᱮᱱᱤᱝᱠᱚ ᱧᱟᱢ ᱫᱟᱲᱮᱭᱟᱜ ᱛᱟᱦᱮᱸᱱ ᱾

ᱯᱷᱮᱰᱟᱛ ᱡᱚᱱᱚᱲᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/Srinwanti_Chakrabarti