ᱥᱩᱥᱤᱞᱟ ᱥᱩᱱᱫᱚᱨᱤ
| ᱥᱩᱥᱤᱞᱟ ᱥᱩᱱᱫᱚᱨᱤ সুশীলাসুন্দরী | |
|---|---|
 ᱪᱤᱛᱟᱹᱨ ᱛᱩᱞᱟᱹᱣ ᱞᱟᱹᱜᱤᱫ ᱟᱡ ᱨᱮᱱ ᱛᱟᱹᱨᱩᱵ ᱞᱚᱠᱠᱷᱤ ᱥᱟᱞᱟᱜ ᱮ ᱛᱤᱸᱜᱩ ᱟᱠᱟᱱ ᱥᱩᱥᱤᱞᱟ ᱥᱩᱱᱫᱚᱨᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱘᱗᱙ ᱠᱚᱞᱠᱟᱛᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱙᱒᱔ |
| ᱫᱤᱥᱚᱢᱤᱭᱟᱹ | ᱵᱨᱤᱴᱤᱥ ᱥᱤᱧᱚᱛ |
| ᱠᱟᱹᱢᱤ | ᱥᱟᱨᱠᱟᱥ ᱠᱷᱮᱞᱚᱸᱰᱤᱭᱟᱹ |
| ᱧᱩᱢᱱᱟᱢ | ᱥᱟᱨᱠᱟᱥ ᱨᱮ ᱠᱷᱮᱞ ᱩᱫᱩᱜᱤᱡ ᱯᱳᱭᱞᱳ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ |
| ᱡᱤᱭᱚᱱ ᱥᱚᱦᱮᱫ | ᱢᱟᱹᱱ ᱢᱳᱛᱤᱞᱟᱞ ᱵᱳᱥ |
ᱥᱩᱥᱤᱞᱟ ᱥᱩᱱᱫᱚᱨᱤ ᱵᱳᱥ (᱑᱘᱗᱙ - ᱑᱙᱒᱔) ᱫᱚ ᱢᱤᱫ ᱥᱟᱨᱠᱟᱥ ᱨᱮ ᱥᱮᱞᱮᱫ ᱟᱠᱟᱱ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱠᱩᱲᱤ ᱠᱟᱱᱟᱭ᱾[᱑] ᱩᱱᱤ ᱫᱚ ᱜᱨᱮᱴ ᱵᱮᱝᱜᱚᱞ ᱥᱟᱨᱠᱟᱥ ᱨᱮ ᱛᱟᱹᱨᱩᱵ ᱠᱚ ᱥᱟᱶ ᱟᱡᱟᱜ ᱫᱩᱞᱟᱹᱲ ᱠᱟᱹᱢᱤ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱥᱤᱞᱟ ᱥᱩᱱᱫᱚᱨᱤ ᱵᱳᱥ ᱫᱚ ᱟᱡᱤᱡ ᱡᱟᱶᱟᱭ ᱢᱳᱛᱤᱞᱟᱞ ᱵᱳᱥ (ᱢᱚᱱᱳᱢᱳᱦᱚᱱ ᱵᱳᱥ ᱨᱤᱱᱤᱡ ᱜᱤᱫᱽᱨᱟ ᱟᱨ ᱯᱨᱤᱭᱚᱱᱟᱛᱷ ᱵᱳᱥ ᱨᱤᱱᱤᱡ ᱢᱟᱨᱟᱝ ᱵᱚᱭᱦᱟ) ᱞᱮᱠᱟᱛᱮ ᱑᱘᱗᱙ ᱥᱟᱞᱮ ᱨᱮ ᱠᱚᱞᱠᱟᱛᱟ ᱨᱮᱱᱟᱜ ᱨᱟᱢᱵᱟᱜᱟᱱ ᱴᱚᱴᱷᱟ ᱨᱮᱱᱟᱜ ᱢᱤᱫ ᱡᱟᱢᱤᱱᱫᱚᱨ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱡᱟᱜ ᱯᱩᱭᱞᱩ ᱥᱮᱪᱮᱫ ᱫᱚ ᱵᱷᱮᱛᱷᱩᱱ ᱟᱥᱲᱟ ᱨᱮ ᱮᱛᱚᱦᱚᱵ ᱞᱮᱱᱟ᱾ ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱨᱮ ᱩᱱᱤ ᱫᱚ ᱟᱡᱟᱜ ᱜᱷᱟᱨᱚᱸᱡᱽ ᱨᱮᱱ ᱮᱴᱟᱜ ᱜᱷᱟᱨᱚᱸᱡᱽ ᱦᱚᱲ ᱠᱚ ᱥᱟᱶᱛᱮ ᱥᱟᱫᱚᱢ ᱫᱮᱡᱚᱜ ᱟᱨ ᱨᱮᱥᱞᱤᱝ ᱪᱮᱫ ᱞᱮᱫᱟᱭ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱱᱤᱛᱚᱜᱟᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱮᱛᱚᱢ ᱒᱔ ᱯᱟᱨᱜᱟᱱᱟ ᱦᱚᱱᱚᱛ ᱨᱮᱱᱟᱜ ᱪᱷᱳᱴᱟ ᱡᱟᱜᱩᱞᱤᱭᱟ ᱨᱮᱱᱟᱜ ᱧᱩᱛᱩᱢᱟᱱ ᱵᱳᱥ ᱜᱷᱟᱨᱚᱸᱡᱽ ᱨᱤᱱᱤᱡ ᱵᱟᱹᱦᱩ ᱠᱩᱲᱤ ᱵᱮᱱᱟᱣ ᱞᱮᱱᱟᱭ᱾ ᱩᱱᱤ ᱫᱚ ᱤᱝᱞᱤᱥ, ᱦᱤᱱᱫᱤ, ᱥᱚᱸᱥᱠᱨᱤᱛ, ᱢᱟᱨᱟᱴᱷᱤ ᱟᱨ ᱟᱭᱢᱟ ᱮᱴᱟᱜ ᱥᱤᱧᱚᱛᱤᱭᱟᱹ ᱯᱟᱹᱨᱥᱤ ᱛᱮ ᱟᱞᱜᱟ ᱛᱮᱭ ᱨᱚᱲᱼᱮᱫ ᱛᱟᱦᱮᱸᱫ᱾ ᱟᱡ ᱵᱟᱵᱟᱦᱟᱜ ᱜᱷᱟᱨᱚᱸᱡᱽ ᱫᱚ ᱟᱡᱟᱜ ᱥᱟᱨᱠᱟᱥ ᱨᱮ ᱥᱮᱞᱮᱫᱚᱜ ᱨᱮᱱᱟᱜ ᱵᱤᱨᱩᱫᱷ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱟᱡ ᱡᱟᱶᱟᱭ ᱫᱚ ᱟᱡ ᱜᱚᱲᱚᱭ ᱮᱢ ᱞᱮᱫᱮᱭᱟ᱾ ᱛᱟᱹᱨᱩᱵ ᱠᱚ ᱥᱟᱶ ᱟᱡᱟᱜ ᱩᱱᱩᱫᱩᱜ ᱞᱟᱦᱟ ᱮᱠᱨᱳᱵᱮᱴᱤᱠᱥ ᱟᱨ ᱠᱟᱨᱴᱣᱤᱞ ᱟᱨ ᱫᱟᱨᱮᱰᱟᱵᱷᱤᱞ ᱞᱮᱠᱟᱱᱟᱜ ᱮᱴᱟᱜ ᱩᱱᱩᱫᱩᱜ ᱠᱚ ᱟᱹᱰᱤ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ᱾ ᱟᱡᱟᱜ ᱜᱷᱟᱨᱚᱸᱡᱽ ᱵᱟᱵᱚᱛ ᱟᱨ ᱮᱛᱚᱦᱚᱵ ᱡᱤᱭᱚᱱ ᱵᱟᱵᱚᱛ ᱛᱮ ᱟᱹᱰᱤ ᱠᱚᱢ ᱜᱮ ᱵᱟᱰᱟᱭᱚᱜᱼᱟ᱾ ᱠᱚᱞᱠᱟᱛᱟ ᱨᱮᱭᱟᱜ ᱢᱤᱛᱨᱚ ᱜᱷᱟᱨᱚᱸᱡᱽ ᱨᱮᱭᱟᱜ ᱢᱤᱫᱴᱟᱝ ᱦᱟᱹᱴᱤᱧ ᱠᱷᱚᱱ ᱜᱮ ᱩᱱᱤᱭᱟᱜ ᱡᱟᱱᱟᱢ ᱦᱩᱭᱩᱜᱼᱟ ᱢᱮᱱᱛᱮ ᱠᱚ ᱢᱮᱱᱟ᱾ ᱟᱡᱤᱡ ᱦᱚᱯᱚᱱ ᱠᱩᱢᱩᱫᱤᱱᱤ ᱫᱮᱵᱤ ᱦᱚᱸ ᱜᱨᱮᱴ ᱵᱮᱝᱜᱚᱞ ᱥᱟᱨᱠᱟᱥ ᱨᱮ ᱢᱤᱫᱴᱟᱝ ᱯᱟᱨᱯᱷᱚᱨᱢᱟᱨ ᱮ ᱛᱟᱦᱮᱸ ᱠᱟᱱᱟ᱾[᱑]
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱥᱤᱞᱟ ᱥᱩᱱᱫᱚᱨᱤ ᱫᱚ ᱯᱨᱚᱯᱷᱮᱥᱚᱨ ᱵᱳᱥ (ᱯᱨᱤᱭᱚᱱᱟᱛᱷ ᱵᱳᱥ) ᱟᱜ ᱜᱨᱮᱴ ᱵᱮᱝᱜᱚᱞ ᱥᱚᱨᱠᱟᱨ ᱨᱮᱱᱤᱡ ᱢᱤᱫᱴᱮᱱ ᱧᱩᱛᱩᱢᱟᱱ ᱩᱫᱩᱜᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱡᱤᱢᱱᱟᱥᱴᱤ ᱟᱨ ᱴᱨᱟᱯᱮᱡ ᱵᱟᱰᱚᱦᱤ ᱨᱮ ᱜᱟᱹᱠᱷᱩᱲ ᱮ ᱛᱟᱦᱮᱸ ᱠᱟᱱᱟᱭ᱾ ᱩᱱᱩᱫᱜ ᱨᱮᱱᱟᱜ ᱮᱛᱚᱦᱚᱵ ᱨᱮ, ᱩᱱᱤ ᱟᱨ ᱟᱡ ᱫᱟᱹᱭ ᱠᱩᱢᱩᱫᱤᱱᱤ ᱫᱚ ᱥᱟᱫᱚᱢ ᱨᱮ ᱫᱮᱡ ᱠᱟᱛᱮ ᱥᱴᱮᱡᱽ ᱨᱮ ᱠᱤᱱ ᱥᱮᱴᱮᱨᱚᱜ ᱠᱟᱱ ᱛᱟᱦᱮᱸᱫ᱾ ᱱᱚᱵᱷᱮᱢᱵᱚᱨ ᱑᱙᱙᱖ ᱨᱮ ᱜᱨᱮᱴ ᱵᱮᱝᱜᱚᱞ ᱥᱟᱨᱠᱟᱥ ᱫᱚ ᱨᱤᱣᱟ ᱨᱮᱱᱟᱜ ᱫᱚᱨᱵᱟᱨ ᱨᱮ ᱟᱠᱚᱣᱟᱜ ᱠᱷᱮᱞ ᱠᱚ ᱩᱫᱩᱜ ᱥᱚᱫᱚᱨ ᱠᱮᱫᱼᱟ᱾ ᱨᱤᱣᱟ ᱨᱤᱱᱤᱡ ᱨᱟᱡᱟ ᱫᱚ ᱩᱱᱠᱩᱣᱟᱜ ᱠᱷᱮᱞ ᱧᱮᱞ ᱠᱟᱛᱮ ᱟᱹᱰᱤ ᱠᱩᱥᱤ ᱮᱱᱟᱭ ᱡᱟᱦᱟᱸᱛᱮ ᱩᱱᱤ ᱫᱚ ᱩᱱᱠᱩ ᱵᱟᱨᱭᱟ ᱵᱮᱝᱜᱚᱞ ᱛᱟᱹᱨᱩᱵ ᱥᱤᱨᱯᱷᱟᱹ ᱞᱮᱠᱟᱛᱮᱭ ᱪᱟᱞ ᱟᱫ ᱠᱚ ᱛᱟᱦᱮᱸᱫ᱾ ᱛᱟᱹᱨᱩᱵ ᱠᱤᱱ ᱫᱚ ᱩᱱᱠᱩᱣᱟᱜ ᱴᱤᱢ ᱨᱮᱭᱟᱜ ᱢᱚᱞᱚᱝ ᱮ ᱯᱷᱮᱨᱟᱣ ᱠᱮᱫᱟ᱾ ᱑᱙᱐᱑ ᱥᱮᱨᱢᱟ ᱨᱮ ᱜᱨᱮᱴ ᱵᱮᱝᱜᱚᱞ ᱥᱟᱨᱠᱥ ᱨᱮ ᱥᱩᱥᱤᱞᱟ ᱥᱩᱱᱫᱚᱨᱤ ᱫᱚ ᱵᱟᱨᱭᱟ ᱛᱟᱹᱨᱩᱵ ᱥᱟᱶᱛᱮ ᱫᱩᱞᱟᱹᱲ ᱠᱟᱛᱮ ᱠᱚ ᱥᱮᱞᱮᱫ ᱞᱮᱱᱟ᱾ ᱩᱱᱤ ᱫᱚ ᱩᱱᱠᱤᱱᱟᱜ ᱠᱷᱟᱸᱧᱪᱟ ᱨᱮ ᱟᱞᱜᱟ ᱛᱮᱭ ᱥᱮᱴᱮᱨᱚᱜᱼᱟ ᱟᱨ ᱩᱱᱠᱤᱱ ᱮ ᱜᱟᱨᱡᱟᱣ ᱚᱪᱚ ᱠᱤᱱᱟ, ᱫᱩᱲᱩᱵ ᱟᱠᱚ ᱟᱨᱠᱚ ᱛᱤᱸᱜᱩᱱᱟ᱾
ᱵᱟᱨᱦᱮ ᱡᱚᱱᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ Sengupta, Subhodh Chandra; Basu, Anjali, eds. (January 2002). "Sansad Bangali charitabhidhan" সুশীলাসুন্দরী [Sushila Sundari]. Samsad Bangali Charitabhidhan (Bibliographical Dictionary) (in Bengali). Vol. 1 (4th ed.). Kolkata: Shishu Sahitya Samsad. p. 601. ISBN 81-85626-65-0.