ᱥᱩᱨᱡᱚ ᱠᱩᱢᱟᱨ ᱵᱷᱩᱸᱭᱟ
ᱥᱩᱨᱡᱚ ᱠᱩᱢᱟᱨ ᱵᱷᱩᱸᱭᱟ (ᱤᱝᱨᱟᱹᱡᱤᱺ Surjya Kumar Bhuyan)(᱑᱘᱙᱔-᱑᱙᱖᱔) ᱫᱚ ᱟᱥᱟᱢ ᱢᱤᱫᱴᱮᱱ ᱜᱟᱹᱠᱦᱩᱲ ᱚᱱᱚᱞᱤᱭᱟᱹ, ᱚᱱᱚᱞᱤᱭᱟᱹ, ᱱᱟᱜᱟᱢᱤᱭᱟᱹ ᱛᱟᱦᱟᱸ ᱢᱟᱪᱮᱛᱮ ᱛᱟᱦᱮᱸ ᱠᱟᱱᱟ| ᱩᱱᱤ ᱫᱚ ᱟᱥᱟᱢᱤᱥ ᱥᱟᱶᱦᱮᱫ ᱡᱚᱜᱚᱛ ᱨᱮ ᱠᱟᱹᱦᱱᱤ, ᱚᱱᱚᱞ, ᱡᱤᱭᱤᱱᱤ ᱮᱢᱟᱱ ᱠᱚ ᱚᱞ ᱠᱟᱛᱮ ᱥᱟᱶᱟᱸᱭ ᱚᱴᱚ ᱟᱠᱟᱫᱟ| ᱩᱱᱤ ᱫᱚ ᱟᱥᱟᱢ ᱥᱚᱨᱠᱟᱨ ᱟᱜ ᱱᱟᱜᱟᱢ ᱟᱨ ᱯᱩᱨᱟᱛᱚᱛᱷᱟ ᱰᱤᱯᱟᱹᱴ ᱨᱮᱱ ᱢᱤᱫᱴᱮᱱ ᱵᱟᱵᱟᱱᱫᱷᱟᱣᱤᱡ ᱠᱟᱱᱟᱭ, ᱑᱙᱕᱓ ᱥᱮᱨᱢᱟ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱨᱮ ᱥᱩᱛᱨᱮᱛᱮ ᱛᱟᱦᱮᱸ ᱠᱟᱱᱟ ᱟᱨ ᱑᱙᱕᱖ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱥᱴᱟ ᱠᱷᱚᱱ ᱯᱚᱫᱽᱢᱤᱚᱥᱨᱤ ᱛᱮᱠᱚ ᱢᱟᱱᱚᱛ ᱞᱮᱫᱮᱭᱟ| ᱑᱙᱕᱒-᱕᱓ ᱥᱮᱨᱢᱟ ᱨᱮ ᱨᱟᱡᱽᱭᱚ ᱥᱚᱵᱷᱟ ᱛᱮᱠᱚ ᱵᱟᱪᱷᱟᱣ ᱤᱫᱤ ᱞᱮᱫᱮᱭᱟ| ᱱᱚᱜᱟᱶ ᱦᱚᱱᱚᱛ ᱦᱟᱯᱟᱴᱤᱧᱚᱜ ᱢᱟᱬᱟᱝ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱷᱟ ᱛᱮ ᱵᱟᱪᱷᱟᱣ ᱵᱮᱜᱟᱨ ᱚᱪᱚᱜ ᱦᱚᱲ ᱠᱚ ᱢᱩᱫᱽ ᱨᱮ ᱥᱩᱨᱡᱚ ᱠᱟᱢᱟᱨ ᱵᱷᱸᱭᱟᱸ ᱜᱮ ᱯᱟᱹᱦᱤᱚᱞᱮ ᱛᱟᱦᱮᱸ ᱠᱟᱱᱟ|
ᱡᱟᱱᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱨᱡᱚ ᱠᱩᱢᱟᱨ ᱵᱷᱩᱸᱭᱟᱸ ᱫᱚ ᱑᱘᱙᱔ ᱥᱮᱨᱢᱟ ᱨᱮᱭᱟᱜ ᱒᱗ ᱡᱟᱱᱩᱣᱟᱨᱤ ᱢᱟᱟᱹᱦᱤᱛ ᱦᱤᱞᱚᱜ ᱱᱚᱜᱟᱶ ᱨᱮᱭᱟᱜ ᱯᱷᱚᱣᱡᱚᱫᱟᱨᱤ ᱯᱟᱴᱴᱤ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱴᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱨᱚᱵᱤᱞᱟᱞ ᱵᱷᱩᱸᱭᱟᱸ ᱟᱨ ᱮᱝᱜᱟᱛ ᱴᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱵᱷᱩᱵᱚᱱᱮᱥᱚᱨᱤ ᱵᱷᱩᱸᱭᱟᱸ|
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱩᱡᱚ ᱠᱩᱢᱟᱨ ᱵᱷᱩᱸᱭᱟᱸ ᱫᱮᱵᱽ ᱫᱚ ᱱᱚᱜᱟᱶ ᱨᱮᱜᱮ ᱟᱡᱟᱜ ᱯᱟᱹᱦᱤᱞ ᱥᱮᱪᱮᱫ ᱫᱚᱭ ᱦᱟᱛᱟᱣ ᱞᱮᱫᱟ| ᱮᱱᱨᱮ ᱦᱚᱸ ᱩᱱᱤ ᱫᱚ ᱑᱙᱐᱔ ᱥᱮᱨᱢᱟ ᱨᱮ ᱥᱤᱞᱤᱝ ᱛᱮᱭᱮ ᱥᱮᱱ ᱞᱮᱱᱟ| ᱑᱙᱐᱙ ᱥᱮᱨᱢᱟ ᱨᱮ ᱥᱤᱞᱚᱝ ᱥᱚᱨᱠᱟᱨᱤ ᱵᱤᱨᱫᱟᱹ ᱜᱟᱲ ᱠᱷᱚᱱ ᱢᱮᱴᱨᱤᱠ ᱢᱤᱱᱤᱰᱮ ᱯᱟᱥ ᱞᱮᱫᱟ| ᱢᱮᱴᱨᱤᱠ ᱵᱤᱱᱤᱰ ᱮᱢ ᱠᱟᱛᱮ ᱛᱷᱚᱲᱟ ᱫᱤᱱ ᱱᱚᱜᱟᱶ ᱨᱮᱭᱮ ᱛᱟᱦᱮᱸ ᱠᱟᱱᱟ ᱟᱨ ᱱᱚᱜᱟᱶ ᱯᱟᱹᱴᱷᱩᱣᱟᱹ ᱠᱚ ᱞᱟᱹᱜᱤᱫ ᱵᱤᱥᱮᱥ ᱦᱤᱛᱟᱫᱷᱤᱱ ᱥᱚᱵᱷᱟ ᱨᱮ ᱟᱹᱰᱤ ᱢᱟᱨᱟᱝ ᱮᱱᱮᱢ ᱛᱟᱦᱮᱸ ᱠᱟᱱ ᱛᱟᱭᱟ| ᱩᱱᱤ ᱥᱟᱶ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱ ᱦᱚᱲ ᱠᱚ ᱫᱚ ᱦᱚᱭᱚᱜ ᱠᱟᱱᱟ - ᱵᱮᱣᱟᱱᱚᱫᱚ ᱵᱦᱚᱨᱟᱞᱤ, ᱠᱟᱞᱤᱨᱟᱢ ᱢᱮᱫᱷᱤ, ᱥᱚᱨᱚᱛ ᱪᱚᱱᱫᱽᱨᱚ ᱥᱚᱥᱥᱟᱢᱤ, ᱯᱚᱱᱰᱤᱛ ᱛᱚᱨᱟᱱᱟᱛᱷ ᱪᱚᱠᱨᱚ ᱵᱚᱛᱤ ᱠᱚᱵᱽᱭᱟ ᱵᱤᱱᱚᱫᱽ, ᱦᱚᱨᱤ ᱱᱟᱨᱟᱭᱚᱱ ᱫᱚᱛᱛᱚ ᱵᱚᱨᱩᱣᱟ ᱟᱨ ᱠᱚᱢᱚᱞᱟ ᱠᱟᱱᱛᱚ ᱵᱚᱨᱩᱣᱟ| ᱩᱱᱤ ᱫᱚ ᱑᱙᱑᱓ ᱠᱚᱞᱠᱟᱛᱟ ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ ᱠᱷᱚᱱ ᱵᱤᱹᱮᱹ ᱟᱨ ᱑᱙᱑᱖ ᱥᱮᱨᱢᱟ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱤᱝᱨᱟᱹᱡᱤ ᱥᱟᱛᱷᱟᱢ ᱛᱮ ᱮᱢᱹᱮᱹ ᱯᱟᱥ ᱞᱮᱫᱟ|᱑᱙᱒᱔ ᱥᱮᱨᱢᱟ ᱨᱮ ᱩᱱᱤ ᱰᱚ ᱵᱤᱹᱮᱞᱹ ᱢᱟᱱᱚᱛᱮ ᱧᱟᱢ ᱞᱮᱫᱟ| ᱱᱤᱭᱟᱹ ᱛᱟᱭᱱᱚᱢ ᱠᱚᱭᱮᱠ ᱥᱮᱨᱢᱟ ᱵᱟᱫᱽ ᱚᱱᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱜᱮ ᱰᱤᱹᱞᱤᱴ ᱰᱤᱜᱽᱨᱤ ᱦᱟᱢᱮᱴ ᱫᱟᱲᱮᱭᱟᱫᱟᱭ|
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱨᱦᱟᱴ ᱢᱤᱥᱚᱱ ᱥᱠᱩᱞ ᱨᱮ ᱢᱟᱪᱮᱫ ᱞᱮᱠᱟ ᱛᱮ ᱠᱟᱹᱢᱤ ᱡᱤᱭᱚᱱᱮ ᱮᱛᱚᱦᱚᱵ ᱞᱮᱫ ᱥᱩᱨᱡᱚ ᱠᱩᱢᱟᱨ ᱵᱷᱩᱸᱭᱟ ᱫᱚ ᱟᱹᱰᱤ ᱟᱭᱢᱟ ᱡᱟᱭᱜᱟ ᱟᱨ ᱚᱠᱛᱮ ᱨᱮ ᱟᱭᱢᱟ ᱞᱮᱠᱟᱱᱟᱜ-ᱮ ᱪᱟᱹᱠᱨᱤ ᱵᱟᱲᱟ ᱠᱟᱛᱮ ᱥᱮᱪᱮᱫ ᱚᱯᱷᱤᱥᱟᱨᱮ ᱦᱚᱭ ᱞᱮᱱᱟ| ᱑᱙᱔᱖ ᱥᱮᱨᱢᱟ ᱨᱮ ᱥᱩᱨᱡᱚ ᱠᱩᱢᱟᱨ ᱵᱷᱩᱸᱭᱟᱸ ᱫᱚ ᱠᱚᱴᱚᱱ ᱠᱚᱞᱮᱡᱽ ᱨᱮᱱ ᱯᱨᱤᱱᱥᱤᱯᱟᱞ ᱞᱮᱠᱟ ᱛᱮ ᱦᱚᱸᱭ ᱠᱟᱹᱢᱤ ᱞᱮᱫᱟ| ᱠᱚᱴᱚᱱ ᱠᱚᱞᱮᱡᱽ ᱨᱮ ᱠᱟᱹᱢᱤ ᱞᱮᱫ ᱩᱱᱤ ᱜᱮ ᱛᱟᱦᱮᱸ ᱠᱟᱱᱟ ᱯᱟᱹᱦᱤᱞ ᱟᱥᱟᱢᱤᱥ| ᱑᱙᱕᱒ ᱥᱮᱨᱢᱟ- ᱕᱓ ᱥᱮᱨᱢᱟ ᱨᱮ ᱨᱟᱡᱽᱭᱚ ᱥᱚᱵᱷᱟ ᱛᱮ ᱱᱤᱨᱡᱟᱪᱚᱱ ᱠᱟᱛᱮ ᱑᱙᱖᱐ ᱥᱮᱨᱢᱟ ᱨᱮ ᱟᱨᱦᱚᱸ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮᱱ ᱵᱷᱟᱭᱤᱥ ᱥᱮᱱᱥᱮᱞᱚᱨᱮ ᱦᱚᱭ ᱞᱮᱱᱟ| ᱥᱩᱨᱡᱚ ᱠᱩᱢᱟᱨ ᱵᱷᱩᱸᱭᱟᱸ ᱫᱚ ᱑᱙᱓᱓ ᱥᱮᱨᱢᱟ ᱨᱮ ᱵᱽᱨᱤᱴᱤᱥ ᱥᱚᱨᱠᱟᱨ ᱯᱟᱥᱴᱟ ᱥᱮᱡ ᱠᱷᱚᱱ ᱨᱟᱭ ᱵᱟᱦᱟᱫᱩᱨ ᱯᱟᱹᱨᱤᱥᱮ ᱧᱟᱢ ᱞᱮᱫᱟ | ᱟᱥᱟᱢ ᱱᱟᱜᱟᱢ ᱟᱨ ᱯᱩᱨᱟ ᱛᱚᱛᱷᱚ ᱵᱤᱵᱷᱟᱜᱽ ᱨᱮᱱ ᱱᱩᱭ ᱦᱚᱸ ᱢᱤᱫᱴᱮᱱ ᱵᱟᱵᱟᱫᱷᱟᱣᱤᱡ-ᱮ ᱛᱟᱦᱮᱸ ᱟᱠᱟᱱ| ᱟᱹᱰᱤ ᱜᱩᱱᱱ ᱜᱽᱭᱟᱱᱤ ᱦᱚᱲᱮ ᱛᱟᱦᱮᱸ ᱠᱟᱱ ᱛᱮ ᱑᱙᱕᱓ ᱥᱮᱨᱢᱟ ᱨᱮ ᱟᱥᱟᱢ ᱥᱟᱦᱤᱛᱭᱚ ᱥᱚᱵᱦᱟ ᱨᱮᱱ ᱥᱩᱛᱨᱮᱛᱮ ᱛᱟᱦᱮᱸ ᱠᱟᱱᱟ ᱟᱨ ᱑᱙᱕᱖ ᱥᱮᱨᱢᱟ ᱨᱮ ᱫᱚ ᱯᱚᱫᱽᱢᱚ ᱥᱨᱤ ᱛᱮᱠᱚ ᱢᱟᱱᱚᱛ ᱞᱮᱫᱮᱭᱟ|