ᱥᱩᱱᱟᱹᱨᱟᱢ ᱥᱚᱨᱮᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱥᱩᱱᱟ.ᱨᱟᱢ ᱥᱚᱨᱮᱱ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)

ᱥᱩᱱᱟᱹᱨᱟᱢ ᱥᱚᱨᱮᱱ

ᱵᱷᱚᱸᱡᱽ ᱫᱤᱥᱚᱢ ᱵᱟᱵᱚᱱᱜᱷᱟᱹᱴᱤ ᱥᱚᱵᱽᱰᱤᱵᱤᱡᱚᱱ ᱨᱮᱱᱟᱜ ᱦᱟᱴ ᱵᱟᱫᱽᱲᱟ ᱡᱟᱯᱟᱜ ᱠᱟᱹᱱᱦᱩ ᱱᱟᱹᱭ ᱰᱷᱤᱯᱨᱮ ᱫᱟᱢᱠᱚᱢ ᱦᱮᱥᱞᱟ ᱟᱹᱛᱩ ᱢᱮᱱᱟᱜᱼᱟ ᱾ ᱚᱱᱟ ᱟᱹᱛᱩ ᱨᱮᱜᱮ ᱵᱷᱚᱸᱡᱽ ᱵᱤᱨ ᱥᱩᱱᱟᱹᱨᱟᱢ ᱥᱚᱨᱮᱱ ᱫᱚ ᱢᱤᱫ ᱥᱚᱨᱮᱱ ᱵᱟᱹᱠᱷᱩᱞ ᱨᱮ ᱢᱟ ᱔/᱒/᱑᱙᱑᱘ ᱦᱤᱛ ᱚᱛᱮ ᱢᱟᱦᱟᱸ ᱦᱤᱞᱚᱜ ᱛᱟᱨᱟᱥᱤᱧ ᱚᱠᱛᱚᱭ ᱡᱟᱱᱟᱢ ᱞᱮᱱᱟ ᱾ ᱟᱯᱟᱛ ᱧᱩᱛᱩᱢ ᱫᱚ ᱢᱟᱹᱱ ᱪᱟᱹᱢᱯᱟᱹᱭ ᱨᱟᱢ ᱥᱚᱨᱮᱱ ᱟᱨ ᱮᱸᱜᱟᱛ ᱧᱩᱛᱩᱢ ᱫᱚ ᱫᱩᱨᱜᱤ ᱥᱚᱨᱮᱱ ᱾ ᱢᱟᱢᱚ ᱟᱹᱛᱩ ᱫᱚ ᱨᱟᱸᱜᱟᱢᱟᱹᱴᱤᱭᱟᱹ ᱢᱟᱹᱨᱰᱤ ᱯᱟᱹᱨᱤᱥ ᱚᱲᱟᱜ ᱨᱮ ᱾ ᱜᱚᱢᱠᱮ ᱥᱩᱱᱟᱹᱨᱟᱢ ᱥᱚᱨᱮᱱ ᱛᱮᱠᱚ ᱫᱚ ᱛᱩᱨᱩᱭ ᱦᱚᱲ ᱠᱚᱲᱟ ᱟᱨ ᱯᱩᱱ ᱦᱚᱲ ᱢᱤᱥᱨᱟ ᱠᱚ ᱛᱟᱦᱮᱸ ᱠᱟᱱᱟ ᱾ ᱪᱟᱹᱢᱯᱟᱹᱭ ᱨᱟᱢ ᱥᱚᱨᱮᱱ ᱨᱤᱱ ᱑᱑ ᱜᱚᱴᱟᱝ ᱜᱤᱫᱽᱨᱟᱹ ᱠᱷᱚᱱ ᱥᱩᱱᱟᱹᱨᱟᱢ ᱥᱚᱨᱮᱱ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾

ᱜᱤᱫᱽᱨᱟᱹ ᱚᱠᱛᱚ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱥᱟᱲ ᱵᱚᱸᱜᱟ ᱛᱟᱦᱮᱸ ᱠᱟᱱᱟ ᱜᱚᱴᱟᱯᱟᱲᱟ ᱜᱮ ᱪᱟᱹᱥᱤ ᱠᱚ ᱵᱟᱹᱫᱽᱨᱮ ᱦᱮᱲᱦᱮᱫ ᱪᱷᱤᱲᱭᱟᱹᱣ ᱠᱟᱹᱢᱤ ᱠᱚ ᱥᱟᱹᱨᱫᱤ ᱟᱠᱟᱜᱼᱟ ᱾ ᱪᱟᱹᱢᱯᱟᱹᱭ ᱥᱚᱨᱮᱱ ᱛᱮᱠᱚ ᱦᱚᱸ ᱟᱠᱚᱣᱟᱜ ᱵᱟᱹᱫᱽᱨᱮ ᱢᱩᱞᱤᱭᱟᱹ ᱟᱛᱮ ᱠᱚ ᱦᱮᱲᱦᱮᱫ ᱦᱚᱪᱚ ᱮᱫ ᱠᱚᱣᱟ ᱾ ᱥᱟᱶᱛᱮ ᱟᱠᱚ ᱚᱲᱟᱜ ᱦᱚᱲ ᱦᱚᱸᱠᱚ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱪᱟᱹᱢᱯᱟᱹᱭ ᱵᱟᱹᱦᱩ ᱦᱚᱸ ᱵᱟᱹᱫᱽ ᱨᱮ ᱠᱟᱹᱢᱤ ᱞᱟᱹᱜᱤᱫ ᱮ ᱦᱚᱨᱚᱵᱚᱨᱚᱜ ᱠᱟᱱ ᱛᱮ ᱵᱟᱞᱮ ᱜᱤᱫᱽᱨᱟᱹ ᱛᱟᱭ ᱵᱟᱹᱫᱽ ᱟᱲᱮᱨᱮ ᱢᱮᱱᱟᱜ ᱠᱟᱹᱣᱦᱟᱹ ᱫᱟᱨᱮ ᱠᱚ ᱥᱩᱨ ᱨᱮ ᱠᱟᱲᱠᱮ ᱦᱮᱸᱥᱟᱜ ᱫᱟᱨᱮ ᱵᱩᱴᱟᱹᱨᱮᱭ ᱜᱤᱛᱤᱡ ᱠᱟᱫᱮᱭᱟ ᱟᱨ ᱟᱡ ᱫᱚ ᱦᱮᱲᱦᱮᱫ ᱮ ᱪᱷᱩᱴᱟᱹᱣ ᱮᱱᱟ ᱾ ᱱᱟᱥᱮ ᱜᱷᱟᱹᱲᱤᱠ ᱛᱟᱭᱚᱢ ᱵᱮᱲᱟ ᱦᱚᱸᱭ ᱨᱟᱠᱟᱵ ᱤᱫᱤᱭᱮᱱᱟ ᱟᱨ ᱫᱟᱨᱮ ᱩᱢᱩᱞ ᱦᱚᱸ ᱥᱟᱦᱟ ᱮᱱᱟ ᱾ ᱥᱮᱸᱜᱮᱞ ᱞᱮᱠᱟᱱ ᱥᱤᱛᱩᱝ ᱫᱚ ᱜᱤᱛᱤᱡ ᱟᱠᱟᱫᱮ ᱵᱟᱞᱚᱠ ᱪᱮᱛᱟᱱ ᱨᱮ ᱨᱟᱠᱟᱵ ᱮᱱᱟ ᱾ ᱮᱱ ᱦᱚᱸ ᱟᱡ ᱟᱭᱳ ᱫᱚ ᱵᱟᱭ ᱛᱷᱤᱛ ᱡᱚᱝ ᱠᱟᱱᱟ ᱾ ᱦᱮᱲᱦᱮᱫ ᱨᱮ ᱚᱱᱠᱟᱭ ᱞᱟᱵᱟᱫᱷᱤᱭᱟᱹᱣ ᱟᱠᱟᱱᱟ ᱫᱚ ᱜᱤᱫᱽᱨᱟᱹ ᱡᱟᱠ ᱮ ᱰᱷᱤᱞᱟᱹᱣ ᱟᱠᱟ ᱫᱮᱭᱟ ᱾ ᱚᱠᱟ ᱞᱮᱠᱟ ᱨᱮᱪᱚ ᱦᱮᱲᱦᱮᱫ ᱠᱷᱚᱱ ᱜᱮ ᱢᱤᱫᱴᱟᱹᱝ ᱵᱩᱰᱷᱤᱭᱟᱜ ᱢᱮᱫ ᱫᱚ ᱜᱤᱫᱽᱨᱟᱹ ᱪᱮᱛᱟᱱ ᱨᱮ ᱛᱟᱹᱠᱤᱡ ᱮᱱᱟ ᱟᱨ ᱟᱹᱰᱤ ᱦᱟᱦᱟᱲᱟ ᱜᱷᱚᱴᱚᱱ ᱮ ᱧᱮᱞ ᱟᱱᱟ ᱾ ᱜᱤᱛᱤᱡ ᱟᱠᱟ ᱫᱮᱠᱚ ᱵᱟᱞᱮ ᱜᱤᱫᱽᱨᱟᱹ ᱫᱚ ᱢᱤᱫᱴᱟᱹᱝ ᱟᱹᱰᱤ ᱢᱟᱨᱟᱝ ᱵᱤᱧ ᱮ ᱩᱢᱩᱞ ᱟᱠᱟᱫᱮᱭᱟ ᱾ ᱥᱚᱸᱜᱮ ᱜᱮ ᱩᱱᱤ ᱵᱤᱧ ᱫᱚ ᱚᱠᱟ ᱜᱟᱡᱟᱲ ᱥᱮᱫ ᱪᱚᱭ ᱞᱮᱧ ᱵᱚᱞᱚ ᱮᱱᱟ ᱾ ᱧᱮᱞ ᱟᱫ ᱠᱮᱫᱮᱭᱟ ᱠᱚ ᱾ ᱟᱡ ᱟᱭᱳ ᱫᱚ ᱵᱚᱛᱚᱨ ᱛᱮᱭ ᱨᱟᱜ ᱡᱚᱝ ᱠᱟᱱᱟ ᱾ ᱛᱟᱭᱚᱢ ᱜᱤᱫᱽᱨᱟᱹ ᱛᱟᱭ ᱮ ᱧᱮᱞᱮᱭᱟ, ᱱᱟᱯᱟᱭ ᱜᱮᱭᱟᱭ ᱾ ᱩᱱ ᱡᱚᱦᱚᱜ ᱩᱱᱤ ᱵᱩᱰᱷᱤᱭ ᱢᱮᱱ ᱠᱮᱜᱼᱟ ᱱᱩᱭ ᱫᱚᱱᱟ ᱵᱤᱧ ᱫᱚᱭ ᱵᱟᱝ ᱠᱟᱱᱟ ᱵᱚᱸᱜᱟ ᱠᱟᱱ ᱜᱮᱭᱟᱭ ᱯᱟᱞᱮ ᱾ ᱠᱷᱤᱛᱤ ᱞᱟᱹᱜᱤᱫ ᱫᱚ ᱵᱟᱝᱼᱟ ᱱᱟᱯᱟᱭ ᱞᱟ.ᱜᱤᱫ ᱜᱮ ᱯᱟᱞᱮ ᱾ ᱫᱩ ᱨᱮᱦᱚᱸ ᱱᱩᱭ ᱜᱤᱫᱽᱨᱟᱹ ᱫᱚ ᱢᱤᱫ ᱫᱤᱱ ᱦᱤᱞᱚᱜ ᱟᱹᱰᱤ ᱢᱟᱨᱟᱝ ᱦᱚᱲ ᱜᱮᱭ ᱵᱮᱱᱟᱣᱜᱼᱟ ᱾

ᱱᱩᱭ ᱵᱟᱞᱚᱠ ᱜᱮ ᱦᱟᱨᱟ ᱡᱩᱣᱟᱹᱱ ᱠᱟᱛᱮ ᱵᱷᱚᱸᱡᱽ ᱵᱤᱨ ᱢᱮᱱᱛᱮᱭ ᱵᱤᱠᱱᱟᱹᱣ ᱮᱱᱟ ᱾ ᱫᱤᱥᱚᱢ ᱫᱩᱞᱟᱹᱲᱤᱭᱟᱹ ᱟᱨ ᱦᱩᱞᱜᱟᱹᱨᱤᱭᱟᱹ ᱢᱮᱱᱛᱮ ᱦᱚᱸᱭ ᱦᱩᱭ ᱞᱮᱱᱟ ᱾

ᱥᱮᱪᱮᱫ ᱮᱛᱚᱦᱚᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱫᱤᱥᱚᱢ ᱩᱱ ᱚᱠᱛᱚ ᱫᱚ ᱵᱨᱤᱴᱤᱥ ᱠᱚᱣᱟᱜ ᱜᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ ᱾ ᱤᱛᱩᱱ ᱟᱥᱲᱟ ᱠᱚᱨᱮ ᱦᱚᱸ ᱟᱵᱚ ᱯᱟ.ᱨᱥᱤ ᱪᱤᱠᱤ ᱠᱚᱛᱮ ᱫᱚ ᱪᱮᱫ ᱥᱮᱪᱮᱫ ᱦᱚᱸ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱵᱷᱚᱸᱡᱽ ᱫᱤᱥᱚᱢ ᱨᱮᱫᱚ ᱟᱥᱲᱟ ᱠᱚ ᱟ.ᱰᱤ ᱢᱟᱦᱨᱚᱜᱽ ᱜᱮ ᱛᱟᱦᱮᱸ ᱠᱟᱱᱟ ᱚᱱᱟ ᱦᱚᱸ ᱩᱰᱤᱭᱟ. ᱪᱤᱠᱤ ᱛᱮ ᱛᱟᱦᱮᱸ ᱠᱟᱱᱟ ᱾ ᱫᱟᱢᱠᱚᱢ ᱦᱮᱸᱥᱞᱟ ᱠᱷᱚᱱ ᱫᱚ ᱮᱭᱟᱭ ᱠᱤ.ᱢᱤ. ᱥᱟᱺᱜᱤᱧ ᱨᱮ ᱞᱟ.ᱣᱡᱚᱲᱟ L.P. School ᱛᱟᱦᱮᱸ ᱠᱟᱱᱟ ᱾[᱑] ᱚᱸᱰᱮ ᱜᱮ ᱢᱟᱨᱟᱝ ᱜᱚᱢᱠᱮ ᱥᱩᱱᱟ.ᱨᱟᱢ ᱥᱚᱨᱮᱱ ᱫᱚ ᱚᱞᱚᱜ ᱮ ᱮᱛᱚᱦᱚᱵ ᱞᱮᱫᱼᱟ ᱾ ᱩᱱ ᱫᱚ ᱑᱙᱒᱗ ᱥᱟᱞᱮ ᱛᱟᱦᱮᱸ ᱠᱟᱱᱟ ᱾ ᱢᱟᱲᱟᱝ ᱢᱟᱲᱟᱝ ᱢᱟᱪᱮᱛᱟᱜ ᱨᱚᱲ ᱪᱮᱫ ᱦᱚᱸ ᱵᱟᱭ ᱵᱩᱡᱷᱟ.ᱣ ᱫᱟᱲᱮᱭᱟᱫᱼᱟ ᱾ ᱩᱰᱤᱭᱟ. ᱪᱤᱠᱤ ᱛᱮ ᱚᱞᱚᱜ ᱟ.ᱰᱤ ᱟᱸᱴ ᱮ ᱵᱩᱡᱷᱟ.ᱣ ᱠᱮᱫᱼᱟ ᱾ ᱚᱠᱛᱚ ᱨᱮᱱᱟᱜ ᱪᱟᱨᱠᱷᱟ ᱟ.ᱪᱩᱨᱚᱜ ᱥᱟᱶᱛᱮ ᱚᱞᱚᱜ ᱦᱚᱸᱭ ᱥᱮᱬᱟ ᱤᱫᱤ ᱠᱮᱫᱼᱟ ᱾ ᱑᱙᱒᱙ ᱥᱟᱞᱮᱨᱮ ᱞᱟ.ᱣᱡᱚᱲᱟ ᱤᱛᱩᱱ ᱟᱥᱲᱟ ᱠᱷᱚᱱ ᱚᱞᱚᱜ ᱮ ᱥᱟ.ᱛ ᱠᱮᱫᱼᱟ ᱾ ᱛᱟᱭᱚᱢ ᱞᱟᱛᱟᱨ ᱟᱨ ᱪᱮᱛᱟᱱ ᱪᱟᱱᱚᱪ ᱫᱚ ᱵᱚᱦᱚᱲᱫᱟ ᱨᱮ ᱑᱙᱓᱓ ᱥᱟᱞᱮ ᱨᱮᱭ ᱥᱟ.ᱛ ᱠᱮᱫᱼᱟ ᱾ ᱛᱟᱭᱚᱢ ᱪᱮᱛᱟᱱ ᱥᱮᱫ ᱯᱟᱲᱦᱟᱣᱜ ᱞᱟ.ᱜᱤᱫ ᱫᱚ ᱟᱡ ᱵᱟᱵᱟ ᱵᱟ.ᱨᱯᱟᱫᱟ ᱛᱮᱭ ᱵᱷᱮᱡᱟ ᱠᱮᱫᱮᱭᱟ ᱾ ᱩᱱ ᱡᱚᱦᱚᱜ ᱫᱚ ᱟᱡ ᱵᱟᱵᱟ ᱪᱟ.ᱢᱯᱟ.ᱭ ᱥᱚᱨᱮᱱ ᱵᱟ.ᱨᱯᱟᱫᱟ ᱨᱮᱜᱮ ᱯᱩᱞᱤᱥ ᱨᱟᱭᱴᱚᱨ ᱞᱮᱠᱟᱭ ᱠᱟ.ᱢᱤ ᱠᱟᱱ ᱛᱟᱦᱮᱸᱫ ᱾

ᱵᱷᱚᱸᱡᱽ ᱫᱤᱥᱚᱢ ᱨᱮᱭᱟᱜ ᱫᱚ ᱢᱤᱫᱴᱟ.ᱝ ᱥᱩᱢᱩᱝ ᱜᱮ ᱩᱱᱩᱥᱩᱞ ᱟᱥᱲᱟ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱫᱚ ᱵᱟ.ᱨᱯᱟᱫᱟ ᱩᱱᱩᱥᱩᱞ ᱟᱥᱲᱟ ᱢᱮᱱᱛᱮ ᱧᱩᱛᱩᱢ ᱞᱮᱱᱟ ᱾ ᱚᱱᱟ ᱤᱛᱩᱱ ᱟᱥᱲᱟ ᱱᱮᱛᱟᱨ ᱫᱚ ᱵᱷᱚᱸᱡᱽ ᱫᱤᱥᱚᱢ ᱨᱟᱡᱟ ᱩᱱᱩᱭᱦᱟ.ᱨ ᱞᱮᱠᱟᱛᱮ M. K. C. High School ᱧᱩᱢ ᱟ.ᱨᱩ ᱮᱱᱟ ᱢᱮᱱᱮᱛ ᱢᱟᱦᱟᱨᱟᱡᱟ ᱠᱨᱩᱥᱱᱚ ᱪᱚᱸᱫᱽᱨᱚ ᱩᱱᱩᱥᱩᱞ ᱟᱥᱲᱟ ᱾ ᱚᱸᱰᱮ ᱜᱮ ᱜᱚᱢᱠᱮ ᱥᱩᱱᱟ.ᱨᱟᱢ ᱥᱚᱨᱮᱱ ᱜᱚᱢᱠᱮ ᱦᱚᱸ ᱑᱙᱓᱗ ᱥᱟᱞᱮᱨᱮ ᱛᱟᱱᱟᱞᱟ ᱫᱚᱭ ᱥᱟ.ᱛ ᱠᱮᱜᱼᱟ ᱾

ᱨᱮᱵᱷᱮᱱᱥᱟ ᱵᱤᱨᱫᱟ.ᱜᱟᱲ ᱠᱚᱴᱚᱠ ᱨᱮ ᱚᱞᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟ.ᱨᱯᱟᱫᱟ ᱩᱱᱩᱥᱩᱞ ᱟᱥᱲᱟ ᱨᱮ ᱛᱟᱱᱟᱞᱟ ᱥᱟ.ᱛ ᱠᱟᱛᱮ ᱪᱮᱛᱟᱱ ᱥᱮᱫ ᱯᱟᱲᱦᱟᱣᱜ ᱞᱟ.ᱜᱤᱫ ᱮ ᱢᱚᱱᱮ ᱠᱮᱫᱼᱟ ᱾ ᱵᱷᱚᱸᱡᱽ ᱫᱤᱥᱚᱢ ᱨᱮ ᱩᱱ ᱡᱚᱦᱚᱜ ᱫᱚ ᱵᱤᱨᱫᱟ.ᱜᱟᱲ ᱜᱮ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱨᱮᱵᱷᱮᱱᱥᱟ ᱵᱤᱨᱫᱟ.ᱜᱟᱲ ᱠᱚᱴᱚᱠ ᱨᱮᱭ ᱵᱷᱤᱥᱮᱞᱮᱫ ᱮᱱᱟ ᱾ ᱟᱪᱮᱛ ᱰᱮᱨᱟ (Hostel) ᱨᱮ ᱛᱟᱦᱮᱸ ᱠᱟᱛᱮᱭ ᱚᱞ ᱯᱟᱲᱦᱟᱣ ᱠᱮᱫᱼᱟ ᱾ ᱚᱱᱟ ᱫᱚ ᱑᱙᱓᱘ ᱥᱟᱞᱮᱨᱮ ᱛᱟᱦᱮᱸ ᱠᱟᱱᱟ ᱾

ᱚᱸᱰᱮ ᱢᱤᱫ ᱫᱷᱟᱣ ᱛᱮ ᱚᱞᱚᱜ ᱡᱚᱴᱟᱣ ᱫᱚ ᱦᱟ.ᱛᱤᱵᱷᱟ.ᱨᱤ ᱟ.ᱛᱩ ᱨᱤᱱᱤᱡ ᱫᱩᱵᱽᱨᱟᱡᱽ ᱥᱚᱭ ᱮ ᱛᱟᱦᱮᱸ ᱠᱟᱱᱟ ᱾ ᱴᱷᱤᱠ ᱚᱱᱟ ᱥᱮᱨᱢᱟ ᱜᱮ ᱛᱟᱨᱬᱟ ᱟ.ᱛᱩ (ᱵᱷᱚᱸᱡᱽ) ᱥᱩᱱᱫᱚᱨ ᱢᱳᱦᱚᱱ ᱦᱮᱸᱵᱽᱨᱚᱢ ᱜᱚᱢᱠᱮ ᱦᱚᱸ I. Sc. ᱚᱞᱚᱜ ᱠᱟᱱ ᱛᱟᱦᱮᱸᱫ ᱾ ᱵᱟᱱᱟ ᱦᱚᱲ ᱚᱸᱰᱮ ᱠᱤᱱ ᱠᱩᱯᱩᱞᱤ ᱧᱟᱯᱟᱢ ᱮᱱᱟ ᱾ ᱩᱱ ᱡᱚᱦᱚᱜ ᱠᱷᱚᱱ ᱜᱮ ᱡᱟ.ᱛᱤ ᱥᱟᱶᱛᱟ ᱨᱮᱭᱟᱜ ᱠᱟᱛᱷᱟ ᱫᱚ ᱠᱤᱱ ᱩᱨᱦᱟ.ᱨ ᱵᱟᱲᱟᱭ ᱛᱟᱦᱮᱸᱫ ᱾

ᱡᱩᱨᱤ ᱡᱚᱛᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱢᱠᱮ ᱥᱩᱱᱟ.ᱨᱟᱢ ᱥᱚᱨᱮᱱ ᱫᱚ ᱑᱙᱔᱓ ᱥᱟᱞᱮᱨᱮ ᱢᱚᱫᱷᱩ ᱥᱩᱫᱚᱱ Law Collage, ᱠᱚᱴᱚᱠ ᱨᱮᱭ ᱚᱞᱚᱜ ᱠᱟᱱ ᱡᱚᱦᱚᱜ ᱜᱮ ᱵᱟ.ᱥᱤᱯᱤᱴᱷᱟ. ᱡᱟᱯᱟᱜ ᱯᱚᱰᱟᱰᱤᱦᱟ. ᱟ.ᱛᱩ ᱨᱤᱱᱤᱡ ᱥᱚᱱᱟ ᱴᱩᱰᱩ ᱧᱩᱛᱩᱢ ᱟ.ᱱᱤᱡ ᱢᱤᱫ ᱠᱩᱲᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾ ᱩᱱ ᱫᱚ ᱥᱩᱱᱟ.ᱨᱟᱢ ᱥᱚᱨᱮᱱ ᱟᱜ ᱩᱢᱮᱨ ᱫᱚ ᱒᱕ ᱥᱮᱨᱢᱟ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱥᱚᱱᱟ ᱴᱩᱰᱩ ᱟᱡ ᱵᱟᱵᱟ ᱛᱮᱠᱚ ᱫᱚ ᱚᱠᱟ ᱞᱮᱠᱟ ᱪᱚ ᱵᱷᱚᱸᱡᱽ ᱨᱟᱡᱟ ᱥᱟᱞᱟᱜ ᱯᱷᱩᱞ ᱯᱮᱲᱟ ᱠᱚ ᱛᱟᱦᱮᱸ ᱠᱟᱱᱟ ᱾

ᱚᱞ ᱥᱚᱢᱤᱛᱤ ᱵᱮᱨᱮᱫ ᱨᱮ ᱥᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱞ ᱪᱤᱠᱤ ᱞᱟᱦᱟ ᱚᱪᱚᱭ ᱞᱟ.ᱜᱤᱫ ᱜᱩᱨᱩ ᱜᱚᱢᱠᱮ ᱟᱨ ᱫᱤᱥᱚᱢ ᱜᱚᱲᱚᱢ ᱦᱟᱲᱟᱢ ᱥᱟᱣᱱᱟ ᱢᱩᱨᱢᱩ ᱛᱤᱠᱤᱱ ᱥᱟᱶ ᱵᱷᱩᱛᱲᱤ ᱟ.ᱛᱩ ᱢᱟ.ᱱ ᱥᱚᱢᱨᱟ ᱪᱚᱨᱚᱬ ᱴᱩᱰᱩ ᱥᱟᱶ ᱜᱟᱯᱟᱞ ᱢᱟᱨᱟᱣ ᱠᱟᱛᱮ ᱵᱚᱰᱟᱢ ᱛᱟ.ᱲᱤᱭᱟ. ᱨᱮ ᱢᱤᱫᱩᱱ ᱠᱚ ᱦᱚᱦᱚ ᱞᱮᱫᱼᱟ ᱾ ᱚᱱᱟ ᱥᱮᱨᱢᱟ ᱫᱚ ᱛᱟᱦᱮᱸ ᱠᱟᱱᱟ ᱑᱙᱓᱙ ᱥᱟᱞᱮ ᱾ ᱚᱱᱟ ᱢᱤᱫᱩᱱ ᱨᱮ ᱥᱚᱢᱨᱟ ᱪᱚᱨᱚᱬ ᱴᱩᱰᱩ ᱜᱮ ᱯᱟᱨᱥᱮᱛ ᱫᱚᱭ ᱛᱟᱦᱮᱸ ᱠᱟᱱᱟ ᱾ ᱢᱤᱫᱩᱱ ᱨᱮ ᱔᱐᱐᱐ ᱜᱟᱱ ᱦᱚᱲ ᱠᱚ ᱦᱮᱡ ᱡᱟᱣᱨᱟ ᱞᱮᱱᱟ ᱾ ᱟᱨ "ᱚᱞ ᱥᱚᱢᱤᱛᱤ" ᱢᱮᱱᱛᱮ ᱢᱤᱫ ᱜᱟᱶᱛᱟ ᱠᱚ ᱵᱮᱨᱮᱫ ᱞᱮᱫᱼᱟ ᱾ ᱚᱱᱟᱨᱮ ᱢᱩᱬᱩᱛ ᱠᱟ.ᱢᱤᱭᱟ. ᱠᱚ ᱛᱟᱦᱮᱸ ᱠᱟᱱᱟ -- ᱯᱟᱨᱥᱮᱛ ᱺ ᱢᱟ.ᱱ ᱥᱚᱢᱨᱟ ᱪᱚᱨᱚᱬ ᱢᱟ.ᱡᱷᱤ (ᱵᱷᱚᱸᱡᱽ) ᱾ ᱜᱚᱢᱠᱮ ᱥᱩᱱᱟᱨᱟᱢ ᱥᱚᱨᱮᱱ ᱟᱨ ᱛᱟᱨᱬᱟ ᱟ.ᱛᱩ ᱨᱤᱱᱤᱡ ᱢᱟ.ᱱ ᱥᱩᱱᱫᱚᱨ ᱢᱳᱦᱚᱱ ᱦᱮᱸᱵᱽᱨᱚᱢ ᱫᱚ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱢᱤᱫᱩᱜ ᱫᱚ ᱚᱞ ᱪᱤᱠᱤ ᱪᱟᱞᱟᱣ ᱞᱟ.ᱜᱤᱫ ᱟ.ᱭᱫᱟ.ᱨᱤ ᱦᱟᱛᱟᱣ ᱵᱟᱠᱷᱨᱟ ᱵᱟ.ᱨᱯᱟᱫᱟ ᱢᱟᱦᱟᱨᱟᱡᱟ ᱴᱷᱮᱱ ᱫᱟ.ᱵᱤ ᱥᱟᱠᱟᱢ ᱮᱢ ᱨᱮᱭᱟᱜ ᱠᱚ ᱴᱷᱟ.ᱣᱠᱟ. ᱠᱮᱫᱼᱟ ᱾ ᱫᱟ.ᱵᱤ ᱥᱟᱠᱟᱢ ᱵᱮᱱᱟᱣ ᱨᱮ ᱜᱚᱢᱠᱮ ᱥᱩᱱᱟ.ᱨᱟᱢ ᱥᱚᱨᱮᱱ ᱟᱨ ᱥᱩᱱᱫᱚᱨ ᱢᱚᱦᱚᱱ ᱜᱚᱢᱠᱮ ᱛᱤᱠᱤᱱ ᱠᱚ ᱵᱚᱨᱟᱛ ᱠᱮᱫ ᱠᱤᱱᱟ ᱾ ᱚᱞ ᱠᱟᱛᱮ "ᱚᱞ ᱥᱚᱢᱤᱛᱤ" ᱯᱟᱨᱥᱮᱛ ᱴᱷᱮᱱ ᱠᱤᱱ ᱫᱟᱠᱷᱳᱞ ᱠᱮᱫᱼᱟ ᱾ ᱯᱟᱨᱥᱮᱛ ᱜᱚᱢᱠᱮ ᱫᱚ ᱫᱤᱥᱚᱢ ᱦᱚᱲ ᱠᱚ ᱴᱷᱮᱱ ᱠᱷᱚᱱ ᱥᱩᱦᱤ ᱦᱟᱛᱟᱣ ᱚᱪᱚᱭ ᱞᱟ.ᱜᱤᱫ ᱛᱮ ᱴᱮᱱᱴᱚ ᱯᱩᱥᱤ ᱟ.ᱛᱩ (ᱵᱷᱚᱸᱡᱽ) ᱨᱤᱱᱤᱡ ᱢᱟᱥᱟᱝ ᱢᱟ.ᱡᱷᱤ ᱵᱷᱟᱨᱟᱭ ᱮᱢᱟᱫ ᱫᱮᱭᱟ ᱾ ᱥᱩᱦᱤ ᱵᱟᱲᱟ ᱚᱪᱚ ᱠᱟᱛᱮ ᱯᱟᱨᱥᱮᱛ ᱜᱚᱢᱠᱮ ᱴᱷᱮᱱ ᱮ ᱫᱟᱠᱷᱳᱞ ᱨᱩᱣᱟ.ᱲ ᱠᱟᱫᱼᱟ ᱾ ᱱᱮᱸᱰᱟ ᱢᱟᱦᱟᱨᱮ ᱢᱟᱦᱟᱨᱟᱡᱟ ᱴᱷᱮᱱ ᱫᱟ.ᱵᱤ ᱥᱟᱠᱟᱢ ᱫᱟᱠᱷᱳᱞ ᱡᱚᱦᱚᱜ ᱜᱚᱢᱠᱮ ᱥᱩᱱᱟ.ᱨᱟᱢ ᱥᱚᱨᱮᱱ ᱦᱚᱸᱭ ᱢᱮᱥᱟ ᱞᱮᱱ ᱜᱮ ᱛᱟᱦᱮᱸᱫ ᱾ ᱪᱮᱫᱟᱜ ᱥᱮ ᱟᱡ ᱫᱚ ᱵᱟ.ᱨᱯᱟᱫᱟ ᱨᱮ ᱚᱞᱚᱜ ᱡᱚᱦᱚᱜ ᱢᱟᱦᱟᱨᱟᱡᱟ ᱦᱚᱯᱚᱱ ᱥᱟᱞᱟᱜ ᱡᱚᱴᱟᱣ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱡᱚᱛᱚ ᱜᱮᱠᱚ ᱫᱤᱞ ᱵᱷᱚᱨᱥᱟ ᱞᱮᱫᱼᱟ ᱾

ᱵᱷᱚᱸᱡᱽ ᱢᱟᱨᱟᱝ ᱜᱚᱢᱠᱮ ᱟᱨ ᱨᱟᱡᱽ ᱟ.ᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱕᱒ ᱥᱟᱞᱮ ᱥᱚᱨᱠᱟᱨᱟᱜ ᱯᱩᱞᱭᱩ ᱵᱟᱪᱷᱚᱱ ᱨᱮ ᱟ.ᱫᱤᱵᱟ.ᱥᱤ ᱜᱚᱢᱠᱮ ᱠᱷᱚᱱ ᱚᱠᱚᱭ ᱮ ᱮᱢ. ᱮᱞ. ᱮ. ᱮᱱᱟ, ᱚᱠᱚᱭ ᱫᱚᱭ ᱮᱢ. ᱯᱤ. ᱮᱱᱟ ᱟᱨ ᱚᱠᱚᱭ ᱫᱚᱭ ᱢᱚᱱᱛᱨᱤ ᱮᱱᱟ ᱾ ᱡᱤᱛᱠᱟ.ᱨ ᱟᱠᱟᱱ ᱜᱚᱢᱠᱮ ᱢᱟ.ᱫᱽ ᱠᱷᱚᱱ ᱵᱷᱚᱸᱡᱽ ᱢᱟᱨᱟᱝ ᱜᱚᱢᱠᱮ ᱫᱚ ᱳᱰᱤᱥᱟ ᱯᱚᱱᱚᱛ ᱥᱤᱨᱟ. ᱫᱮᱣᱟᱱ ᱱᱚᱵᱚ ᱠᱨᱩᱥᱱᱚ ᱪᱚᱣᱫᱷᱚᱨᱤᱭᱟᱜ ᱫᱮᱣᱟᱱ ᱦᱩᱫᱟ.ᱨᱮ ᱯᱩᱭᱞᱩ ᱟ.ᱫᱤᱵᱟ.ᱥᱤ ᱵᱷᱟ.ᱞᱟ.ᱭ ᱢᱚᱱᱛᱨᱤᱭ ᱵᱟᱪᱷᱚᱱ ᱞᱮᱱᱟ ᱾[᱒] ᱟ.ᱠᱤᱱ ᱛᱟᱦᱮᱸᱱ ᱚᱠᱛᱚ ᱦᱤᱡᱩᱜ ᱥᱮᱱᱚᱜ ᱦᱚᱨ ᱰᱟᱦᱟᱨ, ᱟ.ᱛᱩ ᱟ.ᱛᱩ ᱤᱛᱩᱱ ᱟᱥᱲᱟ, ᱟᱥᱨᱚᱢ ᱮ ᱵᱮᱱᱟᱣ ᱚᱪᱚ ᱠᱮᱫᱼᱟ ᱾ ᱚᱱᱟ ᱥᱟᱶᱛᱮ ᱟ.ᱛᱩ ᱟ.ᱛᱩ ᱠᱩᱸᱭ, ᱟᱦᱟᱨ, ᱯᱩᱠᱷᱨᱤ ᱮ ᱵᱟ.ᱭ ᱟᱫ ᱵᱚᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱵᱷᱚᱸᱡᱽ ᱵᱤᱻᱨ ᱥᱩᱱᱟᱹᱨᱟᱢ ᱥᱚᱨᱮᱱ (ᱯᱩᱭᱞᱩ ed.). ᱵᱟᱨᱤᱯᱚᱫᱟ: ᱦᱟᱸᱥ ᱦᱟᱹᱥᱞᱤ ᱯᱟᱨᱥᱟᱞᱮᱛ. ᱓᱐ ᱡᱩᱱ ᱒᱐᱑᱙. p. ᱓᱕. ISBN 978-81-940541-3-9. {{cite book}}: |first1= missing |last1= (help); Check date values in: |date= (help)
  2. http://www.odishahelpline.com/Profile-of-Sonaram-Soren-of-BAHALDA-constituency-648.html