ᱥᱮᱠᱷ ᱢᱩᱡᱤᱵᱩᱨ ᱨᱚᱦᱚᱢᱟᱱ
| ᱵᱚᱝᱜᱚᱵᱚᱱᱫᱷᱩ Bangabandhu বঙ্গবন্ধু ᱥᱮᱠᱷ ᱢᱩᱡᱤᱵᱩᱨ ᱨᱚᱦᱚᱢᱟᱱ Sheikh Mujibur Rahman | |
|---|---|
| শেখ মুজিবুর রহমান | |
 | |
| President of Bangladesh | |
| ᱟᱹᱢᱟᱹᱞᱤ ᱨᱮ 17 April 1971 – 12 January 1972 | |
| ᱢᱟᱨᱟᱝ ᱢᱱᱛᱨᱤ | Tajuddin Ahmad |
| Vice President | Nazrul Islam |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | Position established |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | Nazrul Islam (Acting) |
| ᱟᱹᱢᱟᱹᱞᱤ ᱨᱮ 25 January 1975 – 15 August 1975 | |
| ᱢᱟᱨᱟᱝ ᱢᱱᱛᱨᱤ | Muhammad Mansur Ali |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | Mohammad Mohammadullah |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | Khondaker Mostaq Ahmad |
| 2nd Prime Minister of Bangladesh | |
| ᱟᱹᱢᱟᱹᱞᱤ ᱨᱮ 12 January 1972 – 24 January 1975 | |
| ᱫᱤᱥᱚᱢ ᱜᱚᱢᱠᱮ | Abu Sayeed Chowdhury Mohammad Mohammadullah |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | Tajuddin Ahmad |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | Muhammad Mansur Ali |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱗ ᱢᱟᱨᱪ ᱑᱙᱒᱐ Tungipara, Bengal Presidency, British India (now in Bangladesh) |
| ᱜᱩᱨ | ᱑᱕ ᱚᱜᱚᱥᱴ ᱑᱙᱗᱕ (᱕᱕ ᱵᱚᱭᱚᱥ) Dhaka, Bangladesh |
| ᱡᱟᱹᱛᱤᱭᱟᱹᱨᱤ | Bangladeshi |
| ᱨᱟᱡᱽᱟᱹᱨᱤ ᱫᱚᱞ | Bangladesh Krishak Sramik Awami League (1975) |
| ᱮᱴᱟᱜ ᱨᱟᱡᱽᱟᱹᱨᱤ ᱥᱟᱹᱜᱟᱹᱭ | All-India Muslim League (Before 1949) Awami League (1949–1975) |
| ᱡᱤᱭᱚᱱ ᱥᱚᱦᱮᱫ | Sheikh Fazilatunnesa Mujib |
| ᱦᱚᱯᱚᱱ | |
| ᱥᱮᱪᱮᱫ ᱟᱠᱷᱲᱟ | Islamia College University of Dhaka |
| ᱥᱩᱦᱤ |  |
ᱥᱮᱠᱷ ᱢᱩᱡᱤᱵᱩᱨ ᱨᱚᱦᱚᱢᱟᱱ (᱑᱗ ᱢᱟᱨᱪ ᱑᱙᱒᱐ – ᱑᱕ ᱟᱜᱚᱥᱴ ᱑᱙᱗᱕) ᱫᱚ ᱵᱟᱝᱞᱟᱫᱤᱥᱟᱹᱢ ᱨᱮᱱ ᱯᱩᱭᱞᱩ ᱯᱨᱮᱥᱤᱰᱮᱱᱴ ᱠᱟᱱᱟᱭ᱾ ᱵᱷᱟᱨᱚᱛ ᱥᱟᱵ ᱠᱚᱱᱴᱤᱱᱮᱱᱴ ᱨᱮᱱ ᱟᱹᱰᱤ ᱚᱨᱥᱚᱝᱟᱱ ᱨᱟᱡᱽᱟᱹᱨᱤ ᱱᱮᱛᱟ ᱟᱨ ᱵᱨᱤᱴᱤᱥ ᱨᱟᱡᱽ ᱠᱷᱚᱱ ᱵᱷᱟᱨᱚᱛ ᱪᱷᱤᱸᱰᱟᱹᱣ ᱞᱟᱲᱟᱣᱱᱟ ᱟᱨ ᱚᱱᱟ ᱛᱟᱭᱚᱢ ᱯᱩᱨᱩᱵᱽ ᱯᱟᱠᱤᱥᱛᱟᱱ ᱠᱷᱚᱱ ᱵᱟᱝᱞᱟᱫᱤᱥᱟᱹᱢ ᱛᱤᱝᱜᱩ ᱨᱮᱱ ᱢᱩᱠᱷᱤᱭᱟᱹᱭ ᱛᱟᱦᱮ ᱠᱟᱱᱟ᱾ ᱥᱮᱫᱟᱭ ᱵᱟᱝᱜᱟᱞᱤ ᱥᱚᱵᱵᱷᱚᱛᱟ ᱨᱮᱱᱟᱜ ᱱᱟᱦᱟᱜ ᱛᱤᱸᱜᱤᱭᱤᱡ ᱢᱮᱱᱛᱮ ᱥᱮᱠᱷ ᱢᱩᱡᱤᱵᱩᱨ ᱫᱚ ᱵᱟᱝᱞᱟᱫᱤᱥᱟᱹᱢ ᱨᱮᱱ ᱡᱟᱹᱛ ᱟᱯᱟᱛ ᱥᱮ Father of The Nation ᱠᱚ ᱢᱮᱛᱟᱭᱟ᱾ ᱩᱱᱤ ᱫᱚ ᱢᱟᱣᱞᱟᱱᱟ ᱟᱵᱽᱫᱩᱞ ᱦᱟᱢᱤᱫᱽ ᱠᱷᱟᱱ ᱶᱟᱥᱟᱱᱤ ᱦᱚᱛᱮ ᱛᱮ ᱛᱮᱭᱟᱨ ᱟᱣᱟᱢᱤ ᱢᱩᱥᱞᱤᱢ ᱞᱤᱜᱽ ᱨᱮᱱ ᱡᱚᱭᱮᱱᱴ ᱥᱮᱠᱨᱮᱴᱟᱨᱤ ᱭᱮ ᱛᱟᱦᱮ ᱠᱟᱱᱟ᱾ ᱛᱟᱭᱚᱢ ᱛᱮ ᱚᱱᱟ ᱜᱮ ᱟᱣᱟᱢᱤ ᱞᱤᱜᱽ ᱧᱤᱛᱩᱢ ᱮᱱᱟ ᱟᱨ ᱥᱮᱠᱷ ᱢᱩᱡᱤᱵᱽ ᱫᱚ ᱚᱱᱟ ᱨᱮᱱ ᱯᱨᱮᱥᱤᱰᱮᱱᱴ ᱥᱮ ᱢᱟᱹᱧᱡᱽᱦᱤ ᱦᱟᱲᱟᱢᱮ ᱦᱩᱭᱮᱱᱟ᱾ ᱯᱩᱭᱞᱩ ᱫᱚ ᱩᱱᱤ ᱵᱟᱝᱞᱟᱫᱤᱥᱟᱹᱢ ᱨᱮᱱ ᱯᱨᱮᱥᱤᱰᱮᱱᱴ ᱮ ᱛᱟᱦᱮ ᱠᱟᱱᱟ᱾ ᱛᱟᱭᱚᱢ ᱛᱮ ᱯᱨᱟᱭᱤᱢ ᱢᱤᱱᱤᱥᱴᱟᱨ ᱮ ᱦᱩᱭᱮᱱᱟ᱾ ᱦᱚᱲ ᱠᱚ ᱴᱷᱮᱱ ᱫᱚ ᱥᱮᱠᱷ ᱢᱩᱡᱤᱵᱽ ᱟᱨ ᱥᱮᱠᱷ ᱥᱟᱦᱮᱵᱽ ᱧᱤᱛᱩᱢ ᱛᱮ ᱜᱤᱭᱮ ᱧᱩᱢᱩᱜᱼᱟ᱾ ᱩᱱᱤᱭᱟᱜ ᱩᱯᱟᱫᱷᱤ ᱫᱚ ᱵᱚᱝᱜᱚᱵᱚᱱᱫᱷᱩ ᱠᱟᱱᱟ᱾ ᱩᱱᱤ ᱨᱮᱱ ᱦᱚᱯᱚᱱᱮᱨᱟ ᱥᱮᱠᱠᱷ ᱦᱟᱥᱤᱱᱟ ᱫᱚ ᱵᱟᱝᱞᱟᱫᱮᱥ ᱟᱣᱟᱢᱤ ᱞᱤᱜᱽ ᱨᱮᱱ ᱯᱨᱮᱥᱤᱰᱮᱱᱴ ᱥᱮ ᱢᱩᱠᱷᱤᱭᱟ ᱠᱟᱱᱟᱭᱟ ᱟᱨ ᱱᱟᱦᱟᱜ ᱵᱟᱝᱞᱟᱫᱤᱥᱟᱹᱢ ᱨᱮᱱ ᱯᱨᱟᱭᱤᱢ ᱢᱤᱱᱤᱥᱴᱟᱨ ᱠᱟᱱᱟᱭ᱾
᱑᱙᱔᱗ ᱥᱮᱨᱢᱟ ᱨᱮ ᱵᱷᱟᱨᱚᱛ ᱦᱟᱹᱴᱤᱧ ᱛᱟᱭᱚᱢ ᱯᱩᱨᱩᱵᱽ ᱯᱟᱠᱤᱥᱛᱟᱱ ᱯᱚᱞᱮᱴᱤᱠᱥ ᱨᱮᱱᱟᱜ ᱯᱟᱦᱤᱞ ᱥᱮᱡ ᱨᱮ ᱫᱚ ᱡᱩᱣᱟᱹᱱ ᱥᱮᱪᱮᱫᱤᱭᱟ ᱥᱮ ᱯᱟᱹᱴᱷᱣᱟᱹ ᱢᱩᱠᱷᱭᱟᱹ ᱥᱮ ᱞᱤᱰᱟᱨᱮ ᱛᱟᱦᱮ ᱠᱟᱱᱟ᱾ ᱥᱚᱢᱟᱡᱽᱛᱚᱱᱛᱨᱚ ᱨᱮᱱ ᱥᱟᱯᱚᱨᱴᱟᱨ ᱢᱮᱱ ᱞᱮᱠᱟ ᱛᱮ ᱩᱱᱤ ᱫᱚ ᱯᱩᱨᱩᱵᱽ ᱯᱟᱠᱤᱥᱛᱟᱱ ᱨᱮᱱ ᱦᱚᱲ ᱠᱚᱣᱟᱜ ᱟᱹᱭᱫᱟᱨᱤ ᱞᱟᱜᱤᱫ ᱟᱨ ᱩᱱᱠᱩ ᱠᱚᱪᱞᱚᱱ ᱵᱤᱨᱩᱫᱷ ᱨᱮ ᱞᱟᱲᱟᱣᱱᱟ ᱭᱮ ᱮᱦᱚᱵᱽ ᱠᱮᱫᱟ᱾ᱡᱚᱱᱚᱜᱚᱱᱟᱜ ᱟᱹᱭᱫᱟᱹᱨᱤ ᱞᱟᱜᱤᱫ ᱛᱮ ᱩᱱᱤ ᱫᱚ ᱛᱩᱨᱩᱭ ᱜᱚᱴᱮᱡ ᱫᱟᱹᱵᱤ ᱭᱮ ᱮᱢ ᱠᱮᱫᱟ᱾ ᱚᱠᱟ ᱫᱚ ᱯᱟᱹᱪᱷᱤᱢ ᱯᱟᱠᱤᱥᱛᱟᱱ ᱨᱮᱱ ᱞᱤᱰᱟᱨ ᱠᱚ ᱢᱚᱱᱮ ᱠᱮᱫᱟ ᱩᱱᱤ ᱫᱚ ᱫᱤᱥᱟᱹᱢᱮ ᱦᱟᱴᱤᱧ ᱞᱟᱜᱤᱫ᱾ ᱚᱱᱟ ᱠᱟᱨᱚᱢ ᱛᱮ ᱟᱭᱩᱵᱽ ᱠᱷᱟᱱ ᱩᱱᱤ ᱵᱤᱨᱩᱫᱷ ᱑᱙᱖᱘ ᱥᱮᱨᱢᱟ ᱨᱮᱭ ᱢᱟᱢᱞᱟ ᱠᱮᱫᱟ᱾ ᱚᱠᱟ ᱢᱟᱢᱟᱞᱟ ᱫᱚ Agartola Conspiracy 1968 ᱠᱚ ᱢᱮᱛᱟᱜ ᱠᱟᱱᱟ᱾ ᱚᱱᱟ ᱢᱟᱢᱞᱟ ᱨᱮ ᱩᱱᱤ ᱫᱚ ᱱᱤᱨᱫᱚᱥ ᱮ ᱞᱮᱠᱷᱟᱭᱮᱱᱟ᱾ ᱑᱙᱗᱐ ᱥᱮᱨᱢᱟ ᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱤᱞᱮᱠᱥᱚᱱ ᱨᱮ ᱥᱮᱠᱷ ᱢᱩᱡᱤᱵᱽ ᱣᱟᱜ ᱟᱹᱭᱩᱨ ᱛᱮ ᱟᱣᱟᱢᱤ ᱞᱤᱜᱽ ᱣᱟᱜ ᱡᱤᱛᱠᱟᱹᱨ ᱦᱩᱭᱮᱱᱟ᱾ ᱢᱮᱱᱠᱷᱟᱱ ᱯᱟᱪᱷᱤᱢ ᱯᱟᱠᱤᱥᱛᱟᱱ ᱨᱮᱱ ᱢᱩᱠᱷᱤᱭᱟᱹ ᱠᱚ ᱫᱚ ᱥᱚᱨᱠᱟᱨ ᱵᱟᱠᱚ ᱵᱮᱱᱟᱣ ᱟᱪᱚᱞᱮᱱᱟ᱾
ᱯᱟᱠᱤᱥᱛᱟᱱ ᱨᱮ ᱱᱟᱣᱟ ᱥᱚᱨᱠᱟᱨ ᱵᱮᱱᱟᱣ ᱵᱮᱯᱟᱨ ᱛᱮ ᱤᱱ ᱚᱠᱛᱮ ᱨᱮᱱ ᱯᱨᱮᱥᱤᱰᱮᱱᱴ ᱤᱭᱟᱦᱤᱭᱟ ᱠᱷᱟᱱ ᱟᱨ ᱯᱟᱹᱪᱷᱤᱢ ᱯᱟᱠᱤᱥᱛᱟᱱ ᱨᱮᱱ ᱯᱚᱞᱤᱴᱤᱥᱤᱭᱟᱱ ᱡᱩᱞᱯᱷᱤᱠᱟᱨ ᱟᱞᱤ ᱵᱷᱩᱴᱴᱳ ᱥᱟᱶ ᱥᱮᱠᱷ ᱢᱩᱡᱤᱢᱩᱨ ᱣᱟᱜ ᱜᱟᱞᱢᱟᱨᱟᱣ ᱵᱟᱝ ᱯᱩᱨᱟᱣ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱜᱮ ᱑᱙᱗᱑ ᱥᱮᱨᱢᱟ ᱨᱮᱱᱟᱜ ᱒᱕ ᱢᱟᱨᱪ ᱛᱟᱞᱟ ᱧᱤᱫᱟᱹ ᱯᱟᱠᱤᱥᱛᱟᱱ ᱨᱮᱱ ᱟᱨᱢᱤ ᱫᱷᱟᱠᱟ ᱥᱤᱴᱤ ᱨᱮ ᱦᱚᱲ ᱜᱚᱡ ᱠᱚ ᱮᱦᱚᱵ ᱠᱮᱫᱟ᱾ ᱱᱚᱣᱟ ᱜᱚᱡ ᱜᱮ ᱠᱚ ᱢᱮᱛᱟᱜ ᱠᱟᱱᱟ ᱚᱯᱟᱨᱮᱥᱚᱱ ᱥᱟᱨᱪ ᱞᱟᱭᱤᱴ᱾ ᱱᱤᱭᱟᱹ ᱧᱤᱫᱟᱹ ᱜᱮ ᱥᱮᱠᱷ ᱢᱩᱡᱤᱵᱽ ᱠᱚ ᱜᱨᱮᱯᱷᱛᱟᱨ ᱠᱤᱫᱤᱭᱟ᱾ ᱟᱨ ᱯᱟᱹᱪᱷᱤᱢ ᱯᱟᱠᱤᱥᱛᱟᱱ ᱠᱚ ᱤᱫᱤᱠᱤᱫᱤᱭᱟ᱾ ᱨᱚᱦᱤᱢᱩᱫᱫᱤᱱ ᱠᱷᱟᱱ ᱟᱨᱢᱤ ᱠᱳᱨᱴ ᱨᱮ ᱩᱱᱤ ᱯᱷᱟᱹᱥᱤ ᱨᱮᱱᱟᱜ ᱨᱟᱭᱮ ᱮᱢᱟᱫᱮᱭᱟ᱾ ᱢᱮᱱᱠᱷᱟᱱ ᱚᱱᱟ ᱫᱚ ᱵᱟᱝ ᱯᱩᱨᱟᱹᱣ ᱞᱮᱱᱟ᱾ ᱙ ᱪᱟᱸᱫᱚ ᱢᱟᱭᱟᱢ ᱞᱟᱹᱲᱦᱟᱹᱭ ᱞᱟᱹᱲᱦᱟᱹᱭ ᱠᱟᱛᱮᱜ ᱑᱙᱗᱑ ᱥᱮᱨᱢᱟ ᱨᱮᱱᱟᱜ ᱑᱖ ᱰᱤᱥᱮᱢᱵᱚᱨ ᱵᱟᱝᱞᱟᱫᱮᱥ ᱟᱨ ᱤᱱᱰᱤᱭᱟ ᱨᱮᱱ ᱥᱚᱝᱜᱮ ᱟᱨᱢᱤ ᱴᱷᱮᱱ ᱯᱟᱠᱤᱥᱛᱟᱱᱤ ᱟᱨᱢᱤ ᱡᱚᱲᱦᱟᱛ ᱮᱱᱟ᱾ ᱱᱚᱠᱟ ᱛᱮ ᱜᱮ ᱵᱟᱝᱞᱟᱫᱤᱥᱟᱹᱢ ᱧᱤᱛᱩᱢᱟᱱ ᱯᱷᱩᱨᱜᱟᱹᱞ ᱫᱤᱥᱟᱹᱢ ᱡᱟᱱᱟᱢᱮᱱᱟ᱾ ᱑᱐ ᱡᱟᱱᱩᱣᱟᱨᱤ ᱑᱙᱗᱒ ᱥᱮᱨᱢᱟ ᱯᱟᱠᱤᱥᱛᱟᱱ ᱨᱮᱱᱟᱜ ᱠᱟᱨᱟᱜᱟᱨ ᱠᱷᱚᱱ ᱨᱩᱣᱟᱹᱲ ᱠᱟᱛᱮᱜ ᱵᱟᱝᱞᱟᱫᱤᱥᱟᱹᱢ ᱨᱮᱱ ᱯᱩᱭᱞᱩ ᱯᱨᱮᱥᱤᱰᱮᱱᱴ ᱫᱟᱭᱤᱠ ᱮ ᱦᱟᱛᱟᱣ ᱠᱮᱫᱟ᱾ ᱛᱟᱭᱚᱢ ᱫᱟᱨᱟᱢ ᱩᱱᱤ ᱫᱚ ᱵᱟᱝᱞᱟᱫᱤᱥᱟᱹᱢ ᱨᱮᱱ ᱯᱨᱟᱭᱤᱢ ᱢᱤᱱᱤᱥᱴᱟᱨᱮ ᱦᱩᱭᱮᱱᱟ᱾ ᱥᱚᱥᱟᱞᱤᱡᱚᱢ ᱟᱨ ᱥᱮᱠᱩᱞᱟᱨᱤᱡᱚᱱ ᱪᱮᱛᱟᱱ ᱛᱤᱝᱜᱩ ᱠᱟᱛᱮᱜ ᱥᱚᱝᱵᱤᱫᱷᱟᱱ ᱛᱮᱭᱟᱨ ᱟᱨ ᱚᱱᱟ ᱞᱮᱠᱟᱛᱮ ᱫᱤᱥᱟᱹᱢ ᱪᱟᱞᱟᱣ ᱠᱟᱛᱮᱜ ᱦᱚᱸ ᱠᱟᱡᱟᱠ ᱨᱮᱝᱜᱮᱡ, ᱠᱟᱹᱢᱤ ᱨᱮᱱᱟᱜ ᱚᱵᱷᱟᱵᱽ, ᱠᱚᱨᱟᱯᱥᱚᱱ ᱛᱮ ᱜᱚᱴᱟ ᱫᱟᱢ ᱫᱟᱥᱮᱨ ᱪᱟᱵᱟᱣᱟᱠᱟᱱ ᱛᱟᱦᱮ ᱠᱟᱱᱟ᱾ ᱱᱤᱭᱟ ᱡᱚᱠᱷᱮᱡ ᱥᱮᱠᱷ ᱢᱩᱡᱤᱵᱽ ᱫᱚ ᱟᱹᱰᱤ ᱮᱴᱠᱮᱴᱚᱬᱮ ᱛᱮ ᱚᱠᱛᱮᱭ ᱯᱟᱨᱚᱢ ᱟᱠᱟᱫᱟ᱾ ᱱᱚᱠᱟ ᱟᱫᱽᱢᱟᱫᱟᱣ ᱠᱷᱚᱱ ᱫᱤᱥᱟᱢ ᱨᱮ ᱥᱟᱯᱲᱟᱣ ᱟᱹᱜᱩᱭ ᱞᱟᱜᱤᱫ ᱥᱮᱠᱷ ᱢᱩᱡᱤᱵᱽ ᱫᱚ ᱫᱤᱥᱟᱢ ᱨᱮᱱ ᱡᱚᱛᱚ ᱯᱚᱞᱤᱴᱤᱠᱟᱞ ᱯᱟᱨᱴᱤ ᱢᱟᱞᱚᱴ ᱠᱟᱛᱮᱜ ᱢᱤᱫ ᱴᱮᱱ ᱯᱚᱞᱤᱴᱤᱠᱟᱞ ᱯᱟᱨᱴᱤ ᱭᱮ ᱛᱮᱭᱟᱨ ᱠᱮᱫᱟ᱾ ᱚᱱᱟ ᱫᱚ ᱵᱟᱝᱞᱟᱫᱮᱥ ᱠᱨᱤᱥᱚᱠ ᱥᱨᱚᱢᱤᱠ ᱟᱣᱟᱢᱤᱞᱤᱜᱽ(ᱵᱟᱠᱥᱟᱞ)| ᱟᱨ ᱩᱱᱤ ᱫᱚ ᱚᱱᱟ ᱨᱮᱱ ᱡᱟᱭ ᱡᱤᱭᱚᱱ ᱯᱨᱮᱥᱤᱰᱮᱱᱴ ᱮ ᱥᱚᱫᱚᱨᱮᱱᱟ᱾ ᱚᱱᱟ ᱠᱷᱚᱱ ᱮᱭᱟᱭ ᱢᱟᱦᱟ ᱛᱟᱭᱚᱢ ᱜᱮ ᱑᱙᱗᱕ ᱥᱮᱨᱢᱟ ᱨᱮᱱᱟᱜ ᱑᱕ ᱟᱜᱚᱥᱴ ᱢᱤᱫ ᱫᱚᱞ ᱟᱨᱢᱤ ᱠᱚ ᱦᱚᱛᱮ ᱛᱮ ᱜᱷᱟᱨᱚᱡᱽ ᱨᱮᱱ ᱡᱚᱛᱚ ᱥᱟᱶ ᱮ ᱜᱚᱡ ᱟᱪᱚᱭᱮᱱᱟ᱾
ᱯᱩᱭᱞᱩ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱱᱟᱢ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱞᱤᱴᱤᱠᱟᱞ ᱡᱤᱭᱚᱱ ᱨᱮᱱᱟᱜ ᱮᱦᱚᱵ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱷᱮᱰᱮᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- সাতই মার্চের ভাষণ Archived ᱒᱐᱐᱖-᱐᱘-᱒᱓ at the Wayback Machine.
- জীবনী-আওয়ামী লীগের ওয়েব সাইট হতে Archived ᱒᱐᱑᱕-᱐᱓-᱑᱖ at the Wayback Machine.
- বঙ্গবন্ধু অনলাইন মিউজিয়াম Archived ᱒᱐᱑᱔-᱐᱕-᱑᱗ at the Wayback Machine.