ᱥᱮᱢᱞᱮᱫ ᱪᱤᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱥᱮᱢᱞᱮᱫ ᱪᱤᱨ

ᱥᱮᱢᱞᱮᱫ ᱪᱤᱨ

ᱥᱮᱢᱞᱮᱫ ᱢᱮᱱ ᱞᱮᱠᱷᱟᱱ ᱟ.ᱫᱤᱵᱟ.ᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ ᱾ ᱱᱚᱶᱟ ᱥᱮᱢᱞᱮᱫ ᱪᱤᱨ ᱫᱚ ᱦᱟ.ᱨᱤ (ᱦᱟ.ᱨᱭᱟ.ᱲ) ᱨᱚᱝ ᱨᱮᱭᱟᱜ ᱠᱟᱱᱟ ᱾ ᱪᱤᱨ ᱛᱟᱞᱟ ᱨᱮᱫᱚ ᱯᱩᱸᱰ ᱨᱚᱝ ᱛᱮ ᱯᱮ ᱥᱮᱫ ᱛᱮᱨᱟᱝ ᱥᱟᱨ ᱢᱮᱱᱟᱜᱼᱟ ᱾ ᱚᱱᱟ ᱪᱤᱨ ᱫᱚ ᱯᱩᱱ ᱠᱚᱬ ᱜᱮᱭᱟ ᱡᱤᱞᱤᱧ ᱠᱷᱚᱱ ᱚᱥᱟᱨ ᱫᱚ ᱠᱟ.ᱡ ᱜᱮᱭᱟ ᱾

ᱪᱤᱨ ᱨᱮᱭᱟᱜ ᱢᱮᱱᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱪᱤᱨ ᱨᱮᱭᱟᱜ ᱨᱚᱝ, ᱯᱮ ᱥᱮᱫ ᱛᱮᱨᱟᱝ ᱥᱟᱨ ᱟᱨ ᱯᱩᱸᱰ ᱨᱚᱝ ᱨᱮᱭᱟᱜ ᱢᱮᱱᱮᱛ ᱦᱚᱸ ᱢᱮᱱᱟᱜ ᱜᱮᱭᱟ ᱾ ᱚᱱᱟ ᱠᱚᱫᱚ:- ᱦᱟ.ᱨᱤ ᱨᱚᱝ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱥᱟᱦᱟᱥ ᱟᱨᱵᱟᱝ ᱫᱤᱞ ᱫᱟᱲᱮ ᱟᱨ ᱢᱟᱬᱟᱝ ᱥᱮᱫ ᱞᱟᱦᱟᱜ", ᱟᱨ ᱯᱩᱸᱰ ᱨᱚᱝ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱱᱤᱨᱟ.ᱭ ᱟᱨ ᱥᱚᱛ ᱪᱩᱨᱤᱛ" ᱾ ᱚᱱᱠᱟᱜᱮ ᱯᱮ ᱥᱮᱫ ᱛᱮᱨᱟᱝ ᱥᱟᱨ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ :-

᱑. ᱫᱷᱚᱨᱚᱢ

᱒. ᱠᱚᱨᱚᱢ

᱓. ᱫᱟᱨᱟᱢ ᱾

᱑. ᱫᱷᱚᱨᱚᱢ:- ᱪᱮᱛᱟᱱ ᱥᱮᱫ ᱛᱮᱨᱟᱝ ᱟᱠᱟᱱ ᱥᱟᱨ ᱫᱚ ᱫᱷᱚᱨᱚᱢ ᱥᱟᱨ ᱠᱟᱱᱟ ᱾ ᱚᱱᱟ ᱫᱚ ᱫᱷᱚᱨᱚᱢ ᱨᱮᱱᱟᱜ ᱥᱟ.ᱜᱩᱱ ᱮ ᱩᱫᱩᱜᱟ ᱾

᱒. ᱠᱚᱨᱚᱢ :- ᱮᱛᱚᱢ ᱥᱮᱫ ᱫᱚ ᱫᱩᱜ ᱫᱚᱦᱚ ᱟᱨᱵᱟᱝ ᱵᱟ.ᱭᱨᱤ ᱫᱟᱨᱟᱢ ᱨᱮᱭᱟᱜ ᱥᱟ.ᱜᱩᱱ ᱮ ᱩᱫᱩᱜᱟ ᱾ ᱱᱚᱶᱟ ᱜᱮ ᱟᱵᱚᱣᱟᱜ ᱠᱚᱨᱚᱢ ᱫᱚ ᱾

᱓. ᱫᱟᱨᱟᱢ :- ᱠᱚᱧᱮ ᱥᱮᱫ ᱛᱮᱨᱟᱝ ᱟᱠᱟᱱ ᱥᱟᱨ ᱫᱚ ᱥᱮᱸᱫᱽᱨᱟ ᱠᱟᱨᱠᱟ ᱟᱨᱵᱟᱝ ᱟ.ᱥᱩᱞᱚᱜ ᱨᱮᱭᱟᱜ ᱥᱟ.ᱜᱩᱱ ᱮ ᱩᱫᱩᱜᱟ ᱾

ᱢᱟᱹᱱ ᱟᱨ ᱪᱚᱞᱚᱛ ᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱪᱤᱨ ᱫᱚ ᱦᱩᱰᱤᱧ ᱦᱩᱰᱤᱧ ᱦᱟ.ᱨᱭᱟ.ᱲ ᱞᱤᱡᱟ.ᱜ ᱛᱮ ᱵᱮᱱᱟᱣ ᱟᱠᱟᱱ ᱨᱮᱦᱚᱸ ᱢᱟ.ᱱ ᱫᱚ ᱟ.ᱰᱤ ᱛᱮᱫ ᱜᱮ ᱰᱷᱮᱨ ᱮ ᱧᱟᱢ ᱠᱮᱭᱟ ᱾ ᱱᱚᱶᱟ ᱫᱚ ᱴᱷᱟᱶ ᱡᱟ.ᱱᱤ ᱦᱤᱯᱤᱲ ᱨᱮᱭᱟᱜ ᱱᱮᱣ ᱢᱮᱱᱟᱜᱼᱟ ᱾ ᱟᱵᱚ ᱨᱤᱱ ᱢᱟ.ᱱᱟᱱ ᱦᱟᱯᱲᱟᱢ ᱠᱚ ᱡᱟᱱᱟᱢ ᱟᱨ ᱢᱤᱫᱩᱱ ᱟᱨᱵᱟᱝ ᱨᱟ.ᱱᱟ.ᱥᱠᱟ. ᱴᱷᱟᱶ ᱠᱚᱨᱮ ᱫᱚ ᱰᱟᱝ ᱨᱮᱭᱟᱜ ᱪᱚ ᱟᱛ ᱨᱮ ᱦᱤᱯᱤᱲᱚᱜᱼᱟ ᱾ ᱟᱨ ᱫᱩᱠ ᱢᱩᱦᱤᱢ ᱚᱠᱛᱚ ᱠᱚᱨᱮ ᱫᱚ ᱰᱟᱝ ᱨᱮᱱᱟᱜ ᱠᱟ.ᱴᱤᱡ ᱞᱟᱛᱟᱨ ᱫᱷᱟᱨᱟ ᱨᱮ ᱦᱤᱯᱤᱲᱚᱜᱼᱟ ᱾

ᱱᱚᱶᱟ ᱪᱤᱨ ᱦᱤᱯᱤᱲ ᱞᱟ.ᱜᱤᱫ ᱫᱚ ᱥᱟᱱᱟᱢ ᱠᱚᱣᱟᱜ ᱛᱮ ᱦᱚᱠ ᱢᱮᱱᱟᱜᱼᱟ ᱾ ᱟᱫᱚ ᱡᱮᱢᱚᱱ ᱪᱤᱨ ᱦᱤᱯᱤᱲ ᱦᱚᱲ ᱫᱚ ᱱᱤᱨᱟ.ᱭ ᱛᱟᱦᱮᱸᱱ ᱞᱟ.ᱠᱛᱤᱜ ᱠᱟᱱᱟ ᱾ ᱟᱵᱚ ᱚᱱᱟ ᱞᱮᱠᱟ ᱛᱮᱜᱮ ᱢᱟ.ᱱ ᱵᱚᱱ ᱮᱢ ᱞᱮᱠᱷᱟᱱ ᱟᱵᱚᱣᱟᱜ ᱥᱟᱶᱛᱟ ᱨᱮᱭᱟᱜ ᱵᱷᱟ.ᱞᱟ.ᱭ ᱜᱮ ᱦᱩᱭᱩᱜᱼᱟ ᱾