ᱥᱴᱮᱴ ᱵᱮᱝᱠ ᱚᱯᱷ ᱤᱱᱰᱤᱭᱟ
ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ (ᱮᱥ ᱵᱤ ᱟᱭᱤᱺSBI)ᱫᱚ ᱢᱤᱫᱴᱟᱹᱝ ᱟᱹᱰᱤ ᱫᱤᱥᱚᱢ ᱨᱮ ᱢᱮᱱᱟᱜ ᱥᱤᱧᱚᱛ ᱥᱚᱨᱠᱟᱨᱟᱜ ᱠᱟᱹᱣᱰᱤᱟᱹᱨᱤ ᱠᱚᱢᱯᱟᱱᱤ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱢᱩᱲᱩᱛ ᱠᱟᱹᱢᱤᱭᱟ ᱢᱮᱞᱟ ᱫᱚ ᱢᱩᱢᱵᱟᱹᱭ ᱢᱚᱦᱟᱨᱟᱥᱴᱨᱚ ᱨᱮ ᱢᱮᱱᱟᱜᱼᱟ ᱾ ᱯᱷᱳᱨᱪᱭᱩᱱ ᱜᱞᱳᱵᱟᱞ ᱕᱐᱐ ᱛᱟᱹᱞᱠᱟᱹ ᱨᱮ ᱱᱚᱣᱟ ᱵᱮᱸᱠ ᱫᱚ ᱒᱑᱗ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾ ᱵᱟᱡᱟᱨ ᱨᱮ ᱟᱡᱟᱜ ᱒᱓% ᱥᱚᱢᱯᱚᱛᱤ ᱦᱟᱴᱤᱧ ᱟᱨ ᱵᱟᱡᱟᱨ ᱨᱮᱱᱟᱜ ᱑/᱔ ᱨᱤᱱ ᱟᱨ ᱡᱟᱣᱨᱟ ᱞᱮᱠᱟᱛᱮ ᱱᱚᱣᱟ ᱵᱮᱸᱠ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱚᱛᱚ ᱠᱷᱚᱱ ᱥᱮᱬᱟ ᱵᱮᱸᱠ ᱠᱟᱱᱟ ᱾
ᱵᱮᱸᱠ ᱨᱮᱱᱟᱜ ᱢᱩᱲᱩᱛ ᱧᱩᱛᱩᱢ ᱫᱚ ᱵᱮᱸᱠ ᱚᱯᱝ ᱠᱟᱞᱠᱟᱴᱟ ᱛᱟᱦᱮᱸᱠᱟᱱᱟ , ᱡᱟᱦᱟᱸ ᱑᱘᱐᱖ ᱨᱮ ᱵᱮᱨᱮᱫ ᱞᱮᱱᱟ, ᱛᱟᱞᱟᱨᱮ ᱤᱢᱯᱮᱨᱤᱭᱟᱞ ᱵᱮᱸᱠ ᱚᱯᱷ ᱤᱱᱰᱤᱭᱟ ᱠᱚ ᱧᱩᱛᱩᱢ ᱞᱮᱫᱼᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱩᱯᱼᱢᱟᱦᱟᱫᱮᱥ ᱨᱮ ᱡᱚᱛᱚ ᱠᱷᱚᱱ ᱢᱟᱨᱮ ᱵᱮᱯᱟᱨ ᱞᱟᱹᱜᱤᱫ ᱵᱮᱨᱮᱫ ᱦᱟᱠᱟᱱ ᱵᱮᱸᱠ ᱠᱟᱱᱟ ᱾ ᱩᱱᱡᱚᱦᱚᱜ ᱵᱮᱸᱠ ᱚᱯᱷ ᱠᱟᱞᱠᱟᱴᱟ ᱞᱮᱠᱟ ᱟᱨ ᱵᱟᱨ ᱯᱨᱮᱥᱤᱰᱮᱱᱥᱤ ᱵᱮᱸᱠ ᱵᱮᱸᱠ ᱚᱯᱷ ᱢᱟᱰᱨᱟᱥ ᱟᱨ ᱵᱮᱸᱠ ᱚᱯᱷ ᱵᱳᱢᱵᱮ ᱠᱤᱱ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱯᱮᱭᱟ ᱵᱮᱸᱠ ᱢᱮᱥᱟ ᱠᱟᱛᱮᱫ ᱤᱢᱯᱮᱨᱮᱤᱭᱟᱞ ᱵᱮᱸᱠ ᱤᱝᱨᱮᱡᱽ ᱥᱟᱥᱚᱱ ᱚᱠᱛᱚ ᱨᱮ ᱵᱮᱱᱟᱣ ᱞᱮᱱᱟ ᱾ ᱑᱙᱕᱕ ᱨᱮ ᱱᱚᱣᱟ ᱵᱮᱸᱠ ᱨᱮᱱᱟᱜ ᱖᱐% ᱥᱚᱢᱯᱚᱛᱤ ᱟᱢᱮᱴ ᱥᱟᱶ ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱞᱮᱠᱟᱛᱮ ᱠᱚ ᱧᱩᱛᱩᱢ ᱨᱩᱣᱟᱹᱲ ᱠᱮᱫᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱨᱮᱱᱟᱜ ᱨᱮᱦᱮᱫ ᱫᱳ ᱑᱙ᱟᱱ ᱥᱟᱭᱟᱝ ᱨᱮᱱᱟᱜ ᱯᱩᱭᱩᱞᱩ ᱜᱮᱞᱟᱝ ᱒ ᱡᱩᱱ ᱑᱙᱐᱖ ᱥᱟᱞ ᱨᱮ ᱡᱚᱠᱷᱚᱱ ᱵᱮᱸᱠ ᱚᱯᱷ ᱠᱟᱞᱠᱟᱴᱟ ᱧᱩᱛᱩᱢ ᱟᱹᱨᱩ ᱠᱟᱛᱮᱫ ᱫᱚ ᱵᱮᱸᱠ ᱚᱯᱷ ᱵᱮᱱᱜᱚᱞ ᱠᱚ ᱧᱩᱛᱩᱢ ᱟᱨᱩ ᱠᱮᱫᱼᱟ ᱾ ᱫᱚ ᱵᱮᱸᱠ ᱚᱯᱷ ᱵᱮᱱᱜᱚᱞ ᱫᱚ ᱯᱮᱭᱟ ᱯᱨᱮᱥᱤᱰᱮᱱᱥᱤ ᱵᱮᱸᱠ ᱠᱷᱚᱱ ᱢᱤᱫᱴᱟᱝ ᱵᱮᱸᱠ ᱠᱟᱱᱟ, ᱟᱨ ᱵᱟᱨᱭᱟ ᱫᱚ ᱵᱮᱸᱠ ᱚᱯᱷ ᱵᱳᱢᱵᱮ (᱑᱕ ᱮᱯᱨᱤᱞ ᱑᱘᱔᱐ ᱨᱮ ᱵᱮᱨᱮᱫ ᱞᱮᱱᱟ) ᱟᱨ ᱫᱚ ᱵᱮᱸᱠ ᱚᱯᱷ ᱢᱟᱰᱨᱟᱥ (᱑ ᱡᱩᱞᱟᱭ ᱑᱘᱔᱓ ᱨᱮ ᱵᱮᱨᱮᱫ ᱞᱮᱱᱟ) ᱾ ᱱᱚᱣᱟ ᱯᱮᱭᱟ ᱯᱨᱮᱥᱤᱰᱮᱱᱥᱤ ᱵᱮᱸᱠ ᱢᱮᱥᱟ ᱠᱟᱛᱮᱫ ᱢᱤᱫ ᱥᱟᱹᱢᱞᱟᱹᱭ ᱥᱴᱚᱠ ᱠᱚᱢᱯᱟᱱᱤ ᱵᱮᱨᱮᱫ ᱮᱱᱟ ᱡᱟᱦᱟᱸ ᱠᱷᱚᱱ ᱨᱳᱭᱟᱞ ᱪᱟᱨᱴᱚᱨᱥ ᱦᱩᱭ ᱞᱮᱱᱟ ᱾ ᱑᱘᱖᱑ ᱫᱷᱟᱹᱵᱤᱡ ᱱᱚᱣᱟ ᱯᱮᱭᱟ ᱵᱮᱸᱠ ᱯᱮᱯᱚᱨ ᱠᱚᱨᱮᱱᱥᱤ ᱟᱠᱴ ᱦᱚᱛᱮᱛᱮ ᱴᱟᱠᱟ ᱪᱷᱟᱯᱟ ᱨᱮᱱᱟᱜ ᱟᱹᱭᱫᱟᱹᱨ ᱮ ᱧᱟᱢ ᱞᱮᱫᱼᱟ ᱾ ᱛᱟᱭᱚᱢ ᱛᱮ ᱱᱚᱣᱟ ᱟᱹᱭᱫᱟᱹᱨ ᱫᱚ ᱥᱤᱧᱚᱛ ᱨᱤᱱᱤᱡ ᱥᱚᱨᱠᱟᱨ ᱮ ᱦᱟᱛᱟᱣ ᱠᱮᱫᱼᱟ ᱾ ᱱᱚᱣᱟ ᱯᱮᱭᱟ ᱯᱨᱮᱥᱤᱰᱮᱱᱥᱤ ᱵᱮᱸᱠ ᱢᱤᱫ ᱮᱱ ᱛᱮ ᱒᱗ ᱡᱟᱱᱩᱣᱟᱨᱤ ᱑᱙᱒᱑ ᱨᱮ ᱤᱢᱯᱮᱨᱮᱤᱭᱟᱞ ᱵᱮᱸᱠ ᱚᱯᱷ ᱤᱱᱰᱤᱭᱟ ᱞᱮᱠᱟᱛᱮ ᱠᱚ ᱧᱩᱛᱩᱢ ᱨᱩᱣᱟᱹᱲ ᱠᱮᱫᱼᱟ ᱾ ᱤᱠᱷᱟᱹᱱ ᱤᱢᱯᱮᱨᱤᱭᱟᱹᱞ ᱵᱮᱸᱠ ᱚᱯᱷ ᱤᱱᱰᱤᱭᱟ ᱫᱚ ᱥᱟᱹᱢᱞᱟᱹᱭ ᱥᱴᱚᱠ ᱠᱚᱢᱯᱟᱱᱤ ᱞᱮᱠᱟᱜᱮ ᱛᱟᱦᱮᱸ ᱮᱱᱟ ᱤᱠᱷᱟᱹᱱ ᱥᱚᱨᱠᱟᱨᱼᱟ ᱥᱮᱞᱮᱫ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾
ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱑᱙᱕᱕ ᱟᱠᱴ ᱨᱮᱱᱟᱜ ᱵᱮᱵᱚᱥᱛᱟ ᱤᱫᱤ ᱠᱟᱛᱮᱫ ᱥᱤᱧᱚᱛ ᱨᱮᱱᱟᱜ ᱛᱟᱞᱢᱟ ᱵᱮᱸᱠ ᱨᱤᱡᱚᱨᱵᱷ ᱵᱭᱟᱸᱠ ᱚᱯᱷ ᱤᱱᱰᱤᱭᱟ ᱟᱹᱭᱫᱟᱹᱨᱤ ᱤᱫᱤ ᱠᱮᱫᱼᱟᱭ ᱾ ᱡᱩᱞᱟᱭ ᱐᱑ ᱑᱙᱕᱕ ᱥᱟᱞ ᱨᱮ ᱤᱢᱯᱮᱨᱤᱭᱟᱞ ᱵᱮᱸᱠ ᱚᱯᱷ ᱤᱱᱰᱤᱭᱟ ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱠᱚ ᱧᱩᱢ ᱨᱩᱣᱟᱹᱲ ᱠᱮᱫᱼᱟ ᱾ ᱒᱐᱐᱘ ᱥᱟᱞ ᱨᱮ ᱥᱤᱧᱚᱛ ᱥᱚᱨᱠᱟᱨ ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱨᱮ ᱨᱤᱡᱚᱨᱵᱷ ᱵᱮᱸᱠ ᱚᱯᱷ ᱤᱱᱰᱤᱭᱟ ᱦᱟᱜ ᱢᱮᱱᱟᱜ ᱵᱷᱟᱜᱽ ᱮ ᱦᱟᱛᱟᱣ ᱠᱮᱫᱼᱟ ᱾
᱑᱙᱕᱙ ᱥᱟᱞ ᱨᱮ ᱥᱚᱨᱠᱟᱨ ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ( ᱥᱩᱵᱥᱤᱰᱤᱭᱟᱨᱤ ᱵᱮᱸᱠᱥ ) ᱟᱠᱴ ᱮ ᱯᱟᱥ ᱠᱮᱫᱼᱟ ᱾ ᱱᱚᱣᱟ ᱟᱠᱴ ᱡᱟᱹᱱᱤᱡ ᱤᱨᱟᱹᱞ ᱜᱚᱴᱟᱝ ᱵᱮᱸᱠ ᱡᱟᱦᱟᱸ ᱫᱤᱥᱚᱢ ᱯᱷᱩᱨᱜᱟᱹᱞ ᱢᱟᱬᱟᱝ ᱨᱟᱡ ᱠᱚᱣᱟᱜ ᱟᱹᱭᱫᱟᱹᱨᱤ ᱨᱮ ᱛᱟᱦᱮᱸ ᱠᱟᱱᱟ, ᱚᱱᱟ ᱨᱮᱱᱟᱜ ᱟᱹᱭᱫᱟᱹᱨ ᱥᱤᱧᱚᱛ ᱥᱚᱨᱠᱟᱨ ᱦᱟᱛᱟᱣ ᱠᱮᱫ ᱛᱟᱭᱚᱢ ᱱᱚᱣᱟ ᱠᱚᱫᱚ ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱨᱮᱱᱟᱜ ᱥᱟᱶᱛᱮᱱ (ASSOCIATE) ᱵᱮᱸᱠ ᱠᱚ ᱧᱩᱛᱩᱢ ᱠᱮᱫᱼᱟ ᱾ ᱱᱚᱣᱟ ᱥᱟᱶᱛᱮᱱ ᱵᱭᱟᱸᱠ ᱠᱚᱫᱚ ᱥᱚᱨᱠᱟᱨᱼᱟ ᱢᱚᱬᱮ ᱥᱮᱨᱢᱟᱠᱤᱭᱟ ᱡᱳᱡᱚᱱᱟ ᱨᱮᱱᱟᱜ ᱢᱤᱫ ᱡᱚᱥ ᱠᱟᱱᱟ ᱡᱮᱢᱚᱱ ᱟᱹᱛᱩ ᱴᱚᱞᱟ ᱨᱮᱱᱟᱜ ᱞᱟᱦᱟᱱᱛᱤ ᱛᱟᱦᱮᱸ ᱠᱟᱱᱟ ᱾ ᱑᱙᱖᱓ ᱥᱟᱞ ᱨᱮ ᱥᱚᱨᱠᱟᱨ ᱥᱴᱮᱴ ᱵᱮᱸᱠ ᱚᱯᱷ ᱡᱚᱭᱯᱩᱨ (᱑᱙᱔᱓ ᱨᱮ ᱵᱮᱨᱮᱫ ᱞᱮᱱᱟ) ᱟᱨ ᱑᱙᱔᱔ ᱨᱮ ᱥᱴᱮᱴ ᱵᱮᱸᱠ ᱚᱯᱷ ᱵᱤᱠᱟᱱᱟᱨ (᱑᱙᱔᱔ ᱨᱮ ᱵᱮᱨᱮᱫ ᱞᱮᱱᱟ) ᱮᱥ ᱵᱤ ᱟᱭᱤ ᱥᱟᱶ ᱢᱮᱥᱟ ᱮᱱᱟ ᱾
ᱥᱴᱮᱴ ᱵᱮᱸᱠ ᱥᱟᱶ ᱢᱮᱥᱟ ᱦᱟᱠᱟᱱ ᱮᱴᱟᱜ ᱵᱮᱸᱠ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱢᱮᱥᱟ ᱥᱮᱨᱢᱟ | ᱵᱮᱸᱠ ᱧᱩᱛᱩᱢ | ᱵᱮᱸᱠ ᱵᱮᱨᱮᱫ ᱥᱮᱨᱢᱟ | ᱪᱟᱸᱜᱟ |
|---|---|---|---|
| ᱑᱙᱖᱙ | ᱵᱮᱸᱠ ᱚᱯᱷ ᱵᱤᱦᱟᱨ | ᱑᱙᱑᱑ | ᱒᱘ |
| ᱑᱙᱗᱐ | ᱱᱮᱥᱱᱟᱞ ᱵᱮᱸᱠ ᱚᱯᱷ ᱞᱟᱦᱳᱨ | ᱑᱙᱔᱒ | ᱒᱔ |
| ᱑᱙᱗᱕ | ᱠᱨᱤᱥᱱᱟᱨᱟᱢ ᱵᱟᱞᱮᱫᱮᱣ ᱵᱮᱸᱠ | ᱑᱙᱑᱖ | ᱐᱑ |
| ᱑᱙᱘᱕ | ᱵᱮᱸᱠ ᱚᱯᱷ ᱠᱳᱪᱤᱱ | ᱒᱐ | |
| ᱑᱓ ᱚᱜᱚᱥᱴ ᱒᱐᱐᱘ | ᱥᱴᱮᱴ ᱵᱮᱸᱠ ᱚᱯᱷ ᱥᱚᱣᱨᱟᱥᱴᱨᱚ | ||
| ᱑᱙ ᱡᱩᱱ ᱒᱐᱐᱙ | ᱥᱴᱮᱴ ᱵᱮᱸᱠ ᱚᱯᱷ ᱤᱱᱫᱳᱨ |
ᱮᱴᱟᱜ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱵᱟᱫ ᱮᱥ ᱵᱤ ᱟᱭᱤ ᱥᱩᱵᱥᱤᱰᱤᱭᱟᱨᱤᱡ ᱛᱩᱞᱩᱡ ᱛᱮ ᱞᱟᱛᱟᱨ ᱨᱮ ᱚᱞ ᱦᱟᱠᱟᱱ ᱠᱟᱹᱢᱤ ᱠᱚᱦᱚᱸᱭ ᱛᱚᱨᱟᱣ ᱮᱫᱼᱟ ᱺ
- ᱮᱥ ᱵᱤ ᱟᱭᱤ ᱠᱟᱯᱤᱴᱟᱞ ᱢᱟᱨᱠᱮᱴ ᱞᱤᱹᱴᱤᱹᱰᱤᱹ
- ᱮᱥ ᱵᱤ ᱟᱭᱤ ᱯᱷᱚᱱᱰᱥ ᱢᱟᱱᱮᱡᱢᱮᱱᱴ ᱯᱨᱟᱹᱭᱵᱷᱮᱴ ᱞᱤᱹᱴᱤᱹᱰᱤᱹ
- ᱮᱥ ᱵᱤ ᱟᱭᱤ ᱯᱷᱟᱠᱴᱚᱨᱥ ᱮᱱᱰ ᱠᱚᱢᱚᱨᱥᱤᱭᱟᱞ ᱥᱚᱨᱵᱷᱤᱥᱮᱥ ᱯᱨᱟᱹᱭᱵᱷᱮᱴ ᱞᱤᱹᱴᱤᱹᱰᱤᱹ
- ᱮᱥ ᱵᱤ ᱟᱭᱤ ᱠᱟᱨᱰᱥ ᱮᱱᱰ ᱯᱮᱢᱮᱱᱴᱥ ᱥᱚᱨᱵᱷᱤᱥᱮᱥ ᱯᱨᱟᱹᱭᱵᱷᱮᱴ ᱞᱤᱹᱴᱤᱹᱰᱤᱹ
- ᱮᱥ ᱵᱤ ᱟᱭᱤ ᱰᱤ ᱮᱯᱷ ᱮᱪ ᱟᱭᱤ ᱞᱤᱢᱤᱴᱮᱰ
- ᱮᱥ ᱵᱤ ᱟᱭᱤ ᱯᱷᱚᱱᱰᱥ ᱢᱟᱱᱮᱡᱢᱮᱱᱴ ᱯᱨᱟᱹᱭᱵᱷᱮᱴ ᱞᱤᱹᱴᱤᱹᱰᱤᱹ
- ᱮᱥ ᱵᱤ ᱟᱭᱤ ᱞᱟᱭᱤᱯᱷ ᱤᱱᱥᱭᱩᱨᱟᱱᱥ ᱞᱤᱢᱤᱴᱮᱰ
- ᱮᱥ ᱵᱤ ᱟᱭᱤ ᱡᱮᱱᱮᱨᱟᱞ ᱤᱱᱥᱭᱩᱨᱟᱱᱥ
ᱥᱤᱧᱚᱛ ᱫᱤᱥᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱒ᱼ᱑᱓ ᱥᱟᱞ ᱛᱮ ᱮᱥ ᱵᱤ ᱟᱭᱤ ᱟᱜ ᱑᱘,᱓᱕᱔ ᱜᱚᱴᱟᱝ ᱪᱟᱸᱜᱟ ᱥᱤᱧᱚᱛ ᱫᱤᱥᱚᱢ ᱨᱮ ᱛᱟᱦᱮᱸ ᱠᱟᱱᱟ [᱑] ᱚᱱᱟ ᱥᱟᱞ ᱨᱮ ᱟᱡᱟᱜ ᱟᱭ 2.005 ᱴᱨᱤᱞᱤᱭᱚᱱ ᱛᱟᱦᱮᱸ ᱠᱟᱱᱟ, ᱚᱱᱟ ᱠᱷᱚᱱ ᱚᱲᱟᱜ ᱨᱮᱱᱟᱜ ᱵᱷᱟᱜ ᱫᱚ 95.35% ᱛᱟᱦᱮᱸ ᱠᱟᱱᱟ. ᱤᱱᱟᱹ ᱥᱮᱨᱢᱟ ᱚᱱᱠᱟ ᱜᱮ ᱚᱲᱟᱜ ᱨᱮᱱᱟᱜ ᱠᱟᱹᱢᱤ ᱛᱮ 88.37% ᱞᱟᱵᱷ ᱮ ᱧᱟᱢ ᱞᱮᱫᱼᱟ [᱒]
ᱯᱨᱚᱫᱷᱟᱱ ᱢᱚᱱᱛᱨᱤ ᱡᱚᱱ ᱫᱷᱚᱱ ᱭᱳᱡᱚᱱᱟ ᱨᱮ ᱚᱜᱚᱥᱴ ᱒᱐᱑᱔ ᱫᱷᱟᱹᱵᱤᱡ ᱮᱥ ᱵᱤ ᱟᱭᱤ ᱑᱑,᱓᱐᱐ ᱜᱚᱴᱟᱝ ᱠᱮᱢᱯ ᱠᱟᱛᱮᱫ ᱓ᱢᱤᱞᱤᱭᱚᱱ ᱮᱠᱟᱶᱴ ᱮ ᱠᱷᱩᱞᱟᱹ ᱞᱮᱫᱼᱟ ᱿ ᱚᱱᱟ ᱠᱷᱚᱱ ᱒ᱹ᱑ ᱢᱤᱞᱤᱭᱚᱱ ᱫᱚ ᱟᱹᱛᱩ ᱨᱮ ᱟᱨ ᱑ᱹ᱕᱗ ᱢᱤᱞᱤᱭᱚᱱ ᱫᱚ ᱵᱟᱡᱟᱨ ᱨᱮ ᱾ [᱓]
ᱵᱟᱦᱨᱮ ᱫᱤᱥᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱨᱯᱟᱹ ᱟᱨ ᱥᱟᱨᱦᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱦᱚᱸ ᱧᱮᱞᱯᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱮᱥ ᱵᱤ ᱟᱭᱤ
- ᱮᱥ ᱵᱤ ᱟᱭᱤ ᱦᱟᱜ ᱣᱮᱵᱥᱟᱭᱤᱴ
- ᱮᱥ ᱵᱤ ᱟᱭᱤ ᱣᱮᱵᱥᱟᱭᱤᱴ Archived ᱒᱐᱑᱘-᱐᱘-᱑᱕ at the Wayback Machine.
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ http://beta.fortune.com/global500/state-bank-of-india-232%7Ctitle=Fortune%5B%5D 'Global 500' 2016:State Bank of India |accessdate=10 October 2016 | work=CNN}}
- ↑ ᱛᱩᱢᱟᱹᱞ ᱦᱩᱲᱟᱹᱜ:The opening
<ref>tag is malformed or has a bad name - ↑ cite web | title = SBI takes lead in opening bank accounts under Jan Dhan Yojana |work= The Economic Times | url = http://economictimes.indiatimes.com/industry/banking/finance/banking/sbi-takes-lead-in-opening-bank-accounts-under-jan-dhan-yojana/articleshow/42287996.cms |date=11 September 2014| accessdate = 30 September 2014 }}