ᱦᱚᱠᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱦᱚᱠᱤ

ᱦᱚᱠᱤ ᱫᱚ ᱵᱷᱟᱨᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱷᱮᱞᱚᱸᱰ ᱠᱟᱱᱟ ᱾ ᱦᱚᱠᱤ ᱫᱚ ᱢᱤᱫ ᱱᱚᱝᱠᱟᱱ ᱠᱷᱮᱞ ᱠᱟᱱᱟ, ᱡᱟᱦᱟᱸ ᱫᱚ ᱵᱟᱨᱭᱟ ᱜᱟᱫᱮᱞ ᱦᱟᱯᱟ ᱟᱨᱵᱟᱝ ᱠᱮᱴᱮᱡ ᱡᱤᱱᱤᱥ ᱟᱨᱵᱟᱝ ᱨᱚᱵᱚᱞ ᱛᱮ ᱵᱮᱱᱟᱣ ᱠᱚᱜ ᱢᱤᱫ ᱞᱮᱠᱟᱱ ᱦᱟᱯᱟ ᱨᱮᱭᱟᱜ ᱜᱚᱲᱚ ᱛᱮ ᱨᱚᱵᱚᱞ ᱟᱨᱵᱟᱝ ᱠᱮᱴᱮᱡ ᱯᱞᱟᱥᱴᱤᱠ ᱨᱮᱭᱟᱜ ᱵᱚᱞ ᱫᱚ ᱟᱯᱱᱟᱨᱤᱡ ᱵᱤᱨᱩᱫᱽ ᱫᱚᱞ ᱯᱟᱦᱴᱟ ᱜᱳᱞ ᱟᱨ ᱡᱟᱞᱟᱢ ᱥᱮᱫ ᱠᱚ ᱫᱟᱞ ᱠᱷᱟᱹᱲᱟ ᱾ ᱦᱚᱠᱤ ᱨᱮᱭᱟᱜ ᱮᱛᱚᱦᱚᱵ ᱫᱚ ᱵᱚᱨᱥᱚ ᱒᱐᱑᱐ ᱠᱷᱚᱱ ᱔,᱐᱐᱐ ᱵᱚᱨᱥᱚ ᱢᱟᱲᱟᱝ ᱢᱤᱥᱨᱚ ᱨᱮ ᱦᱩᱭ ᱞᱮᱱᱟ ᱾

ᱚᱱᱟ ᱥᱟᱶᱛᱮ ᱟᱹᱰᱤᱜᱟᱱ ᱫᱤᱥᱚᱢᱨᱮ ᱱᱚᱶᱟ ᱞᱟᱦᱟ ᱤᱫᱤᱭᱮᱱᱟ, ᱤᱠᱷᱟᱹᱱ ᱚᱠᱟ ᱨᱮᱦᱚᱸ ᱞᱟᱹᱠᱛᱤ ᱞᱮᱠᱟᱱ ᱴᱷᱟᱶ ᱜᱮ ᱵᱟᱭ ᱧᱟᱢ ᱞᱮᱜᱼᱟ ᱾ ᱵᱷᱟᱨᱚᱛ ᱨᱮ ᱱᱚᱶᱟ ᱠᱷᱮᱞᱚᱸᱰ ᱨᱮᱭᱟᱜ ᱮᱛᱚᱦᱚᱦ ᱫᱚ ᱑᱕᱐ ᱵᱚᱨᱥᱚ ᱢᱟᱬᱟᱝ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱜᱮᱢᱤᱫ ᱠᱷᱮᱞᱚᱸᱰᱤᱭᱟᱹ ᱠᱚᱣᱟᱜ ᱵᱟᱨᱭᱟ ᱵᱤᱨᱳᱫᱷᱤ ᱜᱟᱫᱮᱞ ᱛᱟᱞᱟᱨᱮ ᱢᱤᱜ ᱢᱟᱴᱨᱮ ᱮᱱᱮᱡ ᱦᱩᱭᱩᱜ ᱱᱚᱶᱟ ᱠᱷᱮᱞᱨᱮ ᱢᱤᱢᱤᱫᱠᱷᱮᱞᱚᱸᱰᱤᱭᱟᱹ ᱢᱤᱫ ᱢᱩᱪᱟᱹᱫ ᱠᱟᱹᱲᱵᱩᱝ ᱟᱠᱟᱱ ᱦᱟᱯᱟ ᱨᱮᱭᱟᱜ ᱵᱮᱵᱷᱟᱨ ᱛᱮ ᱢᱤᱫ ᱦᱩᱰᱤᱧ ᱥᱟᱺᱦᱤᱡ ᱠᱮᱴᱮᱡ ᱵᱚᱞ ᱵᱤᱨᱳᱫᱷᱤ ᱜᱟᱫᱮᱞ ᱯᱟᱦᱴᱟ ᱜᱚᱞ ᱨᱮ ᱫᱟᱞ ᱠᱷᱟᱹᱲ ᱞᱟᱹᱜᱤᱫ ᱠᱚ ᱨᱤᱠᱟᱹᱭᱟ ᱾ ᱵᱚᱨᱚᱯᱷ ᱨᱮ ᱮᱱᱮᱡ ᱦᱩᱭᱩᱜ ᱱᱚᱝᱠᱟ ᱱᱟᱜ ᱜᱮ ᱢᱤᱫ ᱮᱱᱮᱡ ᱫᱚ ᱵᱚᱨᱚᱯᱷ ᱦᱳᱠᱤ ᱠᱷᱚᱱ ᱱᱟᱥᱮ ᱵᱷᱮᱜᱟᱨ ᱮᱱᱮᱡ ᱥᱚᱫᱚᱨ ᱞᱟᱹᱜᱤᱫ ᱛᱮ ᱯᱩᱲᱤᱭᱟᱹ ᱢᱟᱴ ᱦᱚᱠᱤ ᱠᱚ ᱢᱮᱛᱟᱜᱼᱟ ᱾ ᱮᱥᱮᱫ ᱚᱲᱟᱜ ᱨᱮ ᱮᱱᱮᱡ ᱦᱩᱭᱩᱜ ᱦᱚᱠᱤ ᱨᱮᱫᱚ ᱛᱩᱨᱩᱭ ᱦᱚᱲ ᱠᱷᱮᱞᱚᱸᱰᱤᱭᱟᱹ ᱠᱚ ᱮᱱᱮᱡᱼᱟ ᱟᱨ ᱛᱩᱨᱩᱭ ᱦᱚᱲ ᱫᱚ ᱛᱟᱞᱟ ᱛᱟᱞᱟ ᱨᱮ ᱠᱷᱮᱞᱚᱸᱰᱤᱭᱟᱹ ᱵᱚᱫᱚᱞᱚᱜ ᱞᱟᱹᱜᱤᱫ ᱠᱚ ᱫᱚᱦᱚ ᱠᱚᱜᱼᱟ ᱾

ᱦᱚᱠᱤ ᱮᱱᱮᱡ ᱯᱟᱥᱱᱟᱣ ᱨᱮᱭᱟᱜ ᱥᱟᱨᱦᱟᱣ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱵᱷᱟᱨᱚᱛ ᱟᱨ ᱱᱟᱥᱮ ᱢᱟᱬᱟᱝ ᱨᱮ ᱵᱨᱤᱴᱮᱱ ᱨᱤᱱ ᱥᱮᱱᱟ ᱠᱚ ᱧᱟᱢᱟ ᱾ ᱟᱹᱰᱤᱜᱟᱱ ᱡᱮᱜᱮᱛᱟᱹᱨᱤ ᱠᱷᱮᱞᱚᱸᱰᱤᱭᱟᱹ ᱠᱚᱣᱟᱜ ᱡᱩᱨ ᱨᱮᱭᱟᱜ ᱚᱨᱡᱚ ᱞᱮᱠᱟᱛᱮ ᱑᱙᱗᱑ ᱥᱟᱞᱮᱨᱮ ᱵᱤᱥᱣᱚ ᱠᱚᱯ ᱨᱮᱭᱟᱜ ᱮᱛᱚᱦᱚᱵ ᱦᱩᱭ ᱮᱱᱟ ᱾ ᱦᱚᱠᱤ ᱨᱮᱭᱟᱜ ᱟᱨ ᱮᱴᱟᱜ ᱡᱮᱜᱮᱛᱟᱹᱨᱤ ᱢᱩᱲᱩᱛ ᱦᱮᱯᱨᱟᱣ ᱫᱚ - ᱚᱞᱤᱢᱯᱤᱠ, ᱮᱥᱤᱭᱟᱱ ᱠᱚᱯ, ᱮᱥᱤᱭᱟᱭᱤ ᱠᱚᱯ, ᱭᱩᱨᱚᱯᱤᱭᱟᱱ ᱠᱚᱯ ᱟᱨ ᱯᱮᱱ-ᱟᱢᱮᱨᱤᱠᱤ ᱠᱷᱮᱞ ᱾ ᱫᱩᱱᱤᱭᱟᱹ ᱨᱮ ᱦᱚᱠᱤ ᱞᱟᱛᱟᱨ ᱨᱮ ᱮᱢ ᱮᱱ ᱞᱮᱠᱟᱛᱮ ᱮᱱᱮᱡ ᱦᱩᱭᱩᱜᱼᱟ :-

ᱯᱤᱞᱰ ᱦᱚᱠᱤ

ᱵᱚᱨᱚᱯᱷ ᱦᱚᱠᱤ

ᱨᱳᱞᱚᱨ ᱦᱚᱠᱤ

ᱥᱞᱮᱡᱽ ᱦᱚᱠᱤ

ᱜᱚᱞᱤ ᱦᱚᱠᱤ

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱠᱤ ᱮᱱᱮᱡ ᱞᱟᱦᱟᱱᱛᱤ ᱨᱮ ᱞᱮᱛᱟᱲ ᱜᱮ ᱵᱤᱵᱟᱹᱫᱽ ᱨᱮᱭᱟᱜ ᱥᱟᱛᱟᱢ ᱞᱮᱠᱟᱛᱮ ᱛᱟᱦᱮᱸ ᱟᱹᱜᱩ ᱟᱠᱟᱱᱟ ᱾ ᱢᱤᱫ ᱞᱮᱠᱟᱱ ᱢᱚᱱᱚᱛ ᱠᱷᱚᱱ ᱵᱟᱰᱟᱭᱚᱜᱼᱟ ᱦᱚᱠᱤ ᱮᱱᱮᱡ ᱫᱚ ᱵᱟᱨ ᱦᱟᱡᱟᱨ ᱥᱮᱨᱢᱟ ᱢᱟᱬᱟᱝ ᱯᱷᱟᱨᱚᱥ ᱨᱮ ᱮᱱᱮᱡ ᱦᱩᱭᱩᱜ ᱛᱟᱦᱮᱸᱫ ᱾ ᱚᱱᱟ ᱠᱷᱮᱞ ᱫᱚ ᱱᱤᱛᱚᱜᱟᱜ ᱮᱱᱮᱡ ᱠᱷᱚᱱ ᱫᱚ ᱵᱷᱮᱜᱟᱨ ᱜᱮ ᱛᱟᱦᱮᱸ ᱠᱟᱱᱟ ᱾ ᱛᱤᱱᱟᱹᱝ ᱚᱠᱛᱚ ᱛᱟᱭᱚᱢ ᱫᱚ ᱱᱚᱶᱟ ᱮᱱᱮᱡ ᱭᱩᱱᱟᱱ ᱨᱮ ᱥᱮᱴᱮᱨ ᱮᱱᱟ ᱡᱟᱦᱟᱸᱨᱮ ᱱᱚᱶᱟ ᱮᱱᱮᱡ ᱩᱱᱟᱹᱝ ᱪᱟᱞᱟᱣ ᱮᱱᱟ ᱫᱚ ᱱᱚᱶᱟ ᱭᱩᱱᱟᱱ ᱨᱮᱭᱟᱜ ᱚᱞᱤᱢᱯᱤᱠ ᱦᱮᱯᱨᱟᱣ ᱨᱮ ᱠᱷᱮᱞᱚᱸᱰ ᱮᱛᱚᱦᱚᱵ ᱮᱱᱟ ᱾ ᱵᱟᱹᱭ ᱵᱟᱹᱭ ᱛᱮ ᱨᱳᱢᱵᱟᱹᱥᱤᱭᱟᱹ ᱦᱚᱸ ᱱᱚᱶᱟ ᱮᱱᱮᱡ ᱞᱟᱹᱜᱤᱫ ᱟᱹᱰᱤ ᱜᱮ ᱠᱚ ᱨᱤᱡᱷᱟᱹᱣ ᱮᱱᱟ ᱾ ᱟᱨ ᱨᱳᱢ ᱦᱚᱸ ᱭᱩᱱᱟᱱ ᱚᱞᱤᱢᱯᱤᱠ ᱨᱮ ᱱᱚᱶᱟ ᱦᱮᱯᱨᱟᱣ ᱮᱱᱮᱡ ᱮ ᱮᱛᱚᱦᱚᱵ ᱠᱮᱜᱼᱟ ᱾

ᱛᱤᱨᱞᱟᱹ ᱦᱚᱠᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱤᱠᱴᱚᱨᱤᱭᱟᱹ ᱡᱩᱜᱽᱨᱮ ᱠᱷᱮᱞᱚᱸᱰ ᱪᱮᱛᱟᱱ ᱨᱮ ᱛᱤᱨᱞᱟᱹ ᱠᱚᱣᱟᱜ ᱵᱟᱨᱚᱱ ᱛᱟᱦᱮᱸ ᱠᱟᱱ ᱨᱮᱦᱚᱸ ᱛᱤᱨᱞᱟᱹ ᱠᱚᱣᱟᱜ ᱦᱚᱠᱤ ᱮᱱᱮᱡ ᱨᱮ ᱦᱚᱲᱟᱜ ᱨᱟᱹᱥᱠᱟᱹ ᱵᱟᱹᱲᱛᱤ ᱮᱱᱟ ᱾ ᱡᱩᱫᱤ ᱦᱚᱸ ᱑᱘᱙᱕ ᱠᱷᱚᱱ ᱜᱮ ᱛᱤᱨᱞᱟᱹ ᱠᱚᱣᱟᱜ ᱫᱚᱞ ᱨᱤᱦᱤᱴ ᱥᱟᱺᱦᱤᱡ ᱢᱮᱭᱛᱨᱤ ᱦᱮᱯᱨᱟᱣ ᱨᱮ ᱴᱷᱟᱶ ᱠᱚ ᱦᱟᱛᱟᱣ ᱮᱫ ᱛᱟᱦᱮᱸᱫ, ᱤᱠᱷᱟᱹᱱ ᱡᱮᱜᱮᱛᱟᱹᱨᱤ ᱦᱮᱯᱨᱟᱣ ᱨᱮᱭᱟᱜ ᱮᱛᱚᱦᱚᱵ ᱫᱚ ᱑᱙᱗᱐ ᱫᱷᱟᱹᱵᱤᱡ ᱦᱚᱸ ᱵᱟᱝ ᱦᱩᱭ ᱟᱠᱟᱱ ᱛᱟᱦᱮᱸᱱ ᱾ ᱑᱙᱗᱔ ᱥᱟᱞᱮᱨᱮ ᱯᱩᱭᱞᱩ ᱛᱤᱨᱞᱟᱹ ᱦᱚᱠᱤ ᱡᱮᱜᱮᱛᱟᱹᱨᱤ ᱥᱤᱨᱯᱷᱟᱹ ᱦᱮᱯᱨᱟᱣ ᱥᱟᱯᱲᱟᱣ ᱦᱩᱭ ᱮᱱᱟ, ᱟᱨ ᱑᱙᱘᱐ ᱥᱟᱞᱮᱨᱮ ᱛᱤᱨᱞᱟᱹ ᱦᱚᱠᱤ ᱚᱞᱤᱢᱯᱤᱠ ᱨᱮ ᱥᱮᱞᱮᱫ ᱦᱩᱭ ᱮᱱᱟ ᱾ ᱑᱙᱒᱗ ᱨᱮ ᱚᱸᱛᱚᱨᱨᱟᱥᱴᱨᱤᱭᱚ ᱯᱷᱮᱰᱮᱨᱮᱥᱚᱱ ᱚᱯᱷ ᱚᱢᱮᱱᱥ ᱦᱚᱠᱤ ᱮᱥᱚᱥᱤᱭᱮᱥᱚᱱ ᱜᱚᱴᱷᱚᱱ ᱦᱩᱭ ᱮᱱᱟ ᱾ ᱑᱙᱐᱑ ᱨᱮ ᱟᱢᱮᱨᱤᱠᱟ ᱨᱮᱭᱟᱜ ᱠᱟᱸᱥᱴᱮᱸᱥ ᱮᱢ. ᱠᱮ. ᱮᱯᱯᱮᱞᱚᱵᱤ ᱦᱚᱛᱮᱛᱮ ᱱᱚᱶᱟ ᱠᱷᱮᱞᱚᱸᱰ ᱨᱮᱭᱟᱜ ᱮᱛᱚᱦᱚᱵ ᱦᱩᱭ ᱮᱱᱟ ᱟᱨ ᱢᱟᱴ ᱦᱚᱠᱤ ᱫᱚ ᱵᱟᱹᱭ ᱵᱟᱹᱭ ᱛᱮ ᱱᱚᱸᱰᱮᱱ ᱠᱚᱜ ᱛᱤᱨᱞᱟᱹ ᱠᱚᱣᱟᱜ ᱦᱚᱲ ᱠᱩᱥᱤᱭᱟᱜ ᱢᱤᱫ ᱜᱟᱫᱮᱞ ᱢᱟᱴ ᱠᱷᱮᱞᱚᱸᱰ ᱞᱮᱠᱟᱛᱮ ᱟᱯᱱᱟᱨ ᱦᱩᱭ ᱮᱱᱟ ᱟᱨ ᱟᱥᱲᱟ, ᱵᱤᱨᱫᱟᱹᱜᱟᱲ, ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱠᱞᱚᱵᱽ ᱮᱢᱟᱱ ᱠᱚᱨᱮ ᱠᱷᱮᱞᱚᱸᱰ ᱦᱮᱯᱨᱟᱣ ᱦᱩᱭ ᱤᱫᱤ ᱮᱱᱟ ᱾

ᱨᱤᱛ/ᱱᱤᱭᱟᱹᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱱᱰᱚᱱ ᱨᱮᱭᱟᱜ ᱢᱤᱫ ᱠᱞᱚᱵᱽ ᱴᱮᱱᱰᱤᱜᱽᱴᱚᱱ ᱫᱚ ᱛᱤᱱᱟᱹᱝ ᱜᱟᱱ ᱢᱩᱬ ᱟᱹᱨᱩᱯᱷᱮᱨᱟᱣ ᱮ ᱮᱛᱚᱦᱚᱵ ᱠᱮᱜᱼᱟ, ᱡᱟᱦᱟᱸᱨᱮ ᱛᱤ ᱨᱮᱭᱟᱜ ᱵᱮᱵᱷᱟᱨ ᱟᱨᱵᱟᱝ ᱫᱚ ᱛᱟᱨᱮᱱ ᱠᱷᱚᱱ ᱪᱮᱛᱟᱱ ᱨᱟᱠᱟᱵ ᱠᱚ ᱵᱟᱨᱚᱱ ᱠᱮᱜᱼᱟ ᱾ ᱨᱚᱵᱚᱞ ᱨᱮᱭᱟᱜ ᱱᱤᱫᱟᱹ ᱵᱚᱞ ᱴᱷᱟᱶᱨᱮ ᱜᱩᱞᱟᱹᱭ ᱵᱚᱞ ᱵᱮᱵᱷᱟᱨ ᱨᱮᱭᱟᱜ ᱴᱷᱟᱹᱣᱠᱟᱹ ᱮᱱᱟ ᱾ ᱡᱚᱛᱚ ᱠᱷᱚᱱ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱫᱚ ᱛᱟᱦᱮᱸ ᱠᱟᱱᱟ, ᱢᱟᱨᱚᱠᱪᱚᱠᱨᱚ ᱟᱯᱱᱟᱨ, ᱡᱟᱦᱟᱸ ᱫᱚ ᱑᱘᱘᱖ ᱨᱮ ᱞᱚᱱᱰᱚᱱ ᱨᱮ ᱛᱷᱟᱯᱚᱱ ᱟᱠᱟᱱ ᱩᱱ ᱡᱚᱦᱚᱜᱟᱜ ᱦᱚᱠᱤ ᱮᱥᱚᱥᱤᱭᱮᱥᱚᱱ ᱫᱚ ᱟᱡᱟᱜ ᱱᱤᱭᱟᱹᱢ ᱨᱮᱭ ᱥᱮᱞᱮᱫ ᱠᱟᱫᱼᱟ ᱾

ᱢᱤᱫᱴᱟᱹᱝ ᱠᱷᱮᱞᱚᱸᱰ ᱨᱮ ᱓᱕ ᱴᱤᱲᱤᱡ ᱜᱮ ᱵᱟᱨ ᱦᱟᱹᱴᱤᱧᱚᱜ ᱠᱟᱱᱟ ᱾ ᱡᱟᱦᱟᱸᱨᱮ ᱕ ᱠᱷᱚᱱ ᱑᱐ ᱴᱤᱲᱤᱡ ᱫᱚ ᱡᱤᱨᱟᱹᱣ ᱦᱩᱭᱩᱜᱼᱟ ᱾ ᱢᱤᱫ ᱠᱷᱮᱞᱚᱸᱰᱤᱭᱟᱹᱭ ᱵᱟᱡᱟᱣ ᱮᱱ ᱠᱷᱟᱹᱛᱤᱨ ᱠᱷᱮᱞᱚᱸᱰ ᱦᱟᱹᱯᱤᱫ ᱦᱩᱭ ᱫᱟᱲᱮᱭᱟᱜᱼᱟ ᱾ ᱜᱩᱞᱠᱤᱯᱚᱨ ᱢᱳᱴᱟ ᱤᱠᱷᱟᱱ ᱨᱟᱣᱟᱞ ᱯᱮᱰ ᱮ ᱦᱚᱨᱚᱜ ᱠᱟᱜᱼᱟ ᱟᱨ ᱩᱱᱤ ᱫᱚ ᱓᱐ ᱜᱚᱡᱽ ᱜᱷᱮᱨᱟᱣ ᱥᱟᱺᱜᱤᱧ ᱫᱷᱟᱹᱵᱤᱡ ᱵᱚᱞ ᱡᱟᱸᱜᱟ ᱛᱮᱭ ᱫᱟᱨᱟᱢ ᱫᱟᱲᱮᱭᱟᱜᱼᱟ ᱾ ᱟᱨ ᱵᱟᱝ ᱠᱷᱟᱱ ᱚᱱᱟ ᱡᱟᱸᱜᱟ ᱥᱮ ᱦᱚᱲᱢᱚ ᱛᱮᱦᱚᱸ ᱟᱴᱠᱟᱣ ᱫᱟᱲᱮᱭᱟᱜ ᱨᱮᱭᱟᱜ ᱫᱟᱣ ᱢᱮᱱᱟᱜ ᱛᱟᱭᱟ ᱾ ᱮᱴᱟᱜ ᱡᱚᱛᱚ ᱠᱷᱮᱞᱚᱸᱰᱤᱭᱟᱹ ᱠᱚᱫᱚ ᱠᱷᱟᱹᱞᱤ ᱦᱟᱯᱟ ᱛᱮᱜᱮ ᱵᱚᱞ ᱫᱚᱠᱚ ᱫᱟᱨᱟᱢ ᱫᱟᱲᱮᱭᱟᱜᱼᱟ ᱾

ᱮᱱᱮᱡ ᱨᱮ ᱢᱤᱫᱴᱟᱹᱝ ᱠᱷᱮᱞᱚᱸᱰᱤᱭᱟᱹ ᱟᱡᱤᱡ ᱟᱨ ᱢᱤᱫᱴᱟᱹᱝ ᱠᱷᱮᱞᱚᱸᱰᱤᱭᱟᱹ ᱥᱮᱫ ᱵᱚᱞ ᱮ ᱫᱟᱞ ᱯᱟᱨᱚᱢᱟ ᱾

ᱯᱩᱲᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱠᱤ ᱫᱚ ᱯᱩᱱ ᱠᱚᱪᱟ ᱯᱩᱲᱤᱭᱟᱹ ᱨᱮ ᱮᱱᱮᱡ ᱦᱩᱭᱩᱜᱼᱟ ᱾ ᱑᱑ ᱠᱷᱮᱞᱚᱸᱰᱤᱭᱟᱹ ᱠᱚᱣᱟᱜ ᱵᱟᱨ ᱜᱟᱫᱮᱞ ᱛᱟᱞᱟᱨᱮ ᱱᱚᱶᱟ ᱠᱷᱮᱞᱚᱸᱰ ᱫᱚ ᱦᱩᱭᱩᱜᱼᱟ ᱾ ᱱᱚᱶᱟ ᱯᱩᱲᱤᱭᱟᱹ ᱫᱚ ᱙᱑.᱔ ᱢᱤᱴᱚᱨ ᱡᱤᱞᱤᱧ ᱟᱨ ᱕᱕ ᱢᱤᱴᱚᱨ ᱚᱥᱟᱨ ᱛᱟᱦᱮᱸᱱᱟ ᱾ ᱱᱚᱶᱟ ᱛᱟᱞᱟᱨᱮ ᱢᱤᱫ ᱛᱟᱞᱟᱢᱟᱞᱟ ᱜᱟᱨ ᱟᱨ ᱒᱒.᱘ ᱢᱤᱴᱚᱨ ᱨᱮᱭᱟᱜ ᱮᱴᱟᱜ ᱵᱟᱨᱭᱟ ᱜᱟᱨ ᱴᱟᱱᱟᱣ ᱛᱟᱦᱮᱸᱱᱟ ᱾ ᱜᱳᱞ ᱨᱮᱭᱟᱜ ᱚᱥᱟᱨ ᱫᱚ ᱓.᱖᱖ ᱢᱤᱴᱚᱨ ᱟᱨ ᱩᱥᱩᱞ ᱫᱚ ᱒.᱑᱓ ᱢᱤᱴᱚᱨ ᱛᱟᱦᱮᱸᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Hockey