ᱦᱚᱫᱤᱠᱚᱣᱟ ᱠᱤᱭᱟᱱᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
Hadiqa Kiani
حدیقہ کیانی
Hadiqa Kiani Pakistani Singer.jpg
Hadiqa Kiani, 2016.
ᱵᱤᱵᱚᱨᱚᱱ
ᱡᱟᱱᱟᱢ ᱧᱩᱛᱩᱢ Hadiqa Kiani
ᱡᱟᱱᱟᱢ

᱑᱑ ᱚᱜᱚᱥᱴ ᱑᱙᱗᱐ (1970-08-11) (᱔᱙ ᱥᱮᱨᱢᱟ)

[᱑][᱒]
ᱢᱩᱬ Rawalpindi, Punjab, Pakistan
ᱡᱮᱱᱨᱮᱥ Pop, folk
ᱚᱠᱩᱯᱮᱥᱚᱱ Singer-songwriter Philanthropist
ᱠᱟᱹᱢᱤ ᱚᱠᱛᱚ 1995–present
ᱞᱮᱵᱮᱞ Sound Master, Lips Music, Fire Records (Pakistan), Hi-tech Music
Associated acts Irfan Khan, Amir Zaki, and Atif Aslam

ᱦᱚᱫᱤᱠᱚᱣᱟ ᱠᱤᱭᱟᱱᱤ ᱫᱚ ᱯᱟᱠᱤᱥᱛᱟᱱᱤ ᱥᱮᱨᱮᱧᱤᱭᱟ. ᱟᱨ ᱥᱮᱨᱮᱧ ᱜᱟᱵᱟᱱᱤᱭᱟ. ᱠᱟᱱᱟᱭ ᱾ ᱟᱡ ᱫᱚ ᱡᱮᱜᱮᱛ ᱨᱮᱭᱟᱜ ᱟᱭᱢᱟ ᱧᱩᱢᱟᱱ ᱴᱷᱟᱶ ᱠᱚᱨᱮ ᱩᱫᱩᱜ-ᱥᱚᱫᱚᱨ ᱟᱠᱟᱫᱟᱭ ᱥᱟᱶᱛᱮ ᱟᱭᱢᱟ ᱥᱟᱨᱦᱟᱣ ᱥᱤᱨᱯᱷᱟ. ᱠᱚᱦᱚᱸᱭ ᱟᱢᱮᱴ ᱟᱠᱟᱫᱟᱭ ᱾ ᱚᱱᱟ ᱢᱩᱸᱫᱽᱨᱮ 'ᱨᱳᱭᱟᱞ ᱟᱞᱵᱚᱨᱴ ᱦᱚᱞ' (en:Royal Albert Hall), ᱟᱨ ᱫᱤ ᱠᱮᱱᱮᱰᱤ ᱥᱮᱱᱴᱚᱨ (en:The Kennedy Center) ᱟᱡᱟᱜ ᱡᱤᱭᱚᱱ ᱨᱮ ᱟ.ᱰᱤᱜᱮ ᱜᱚᱱᱚᱝ ᱮᱦᱮᱢ ᱛᱟᱦᱮᱸ ᱠᱟᱱᱟ ᱾ ᱒᱐᱐᱖ ᱥᱟᱞ ᱨᱮ, ᱟᱡ ᱫᱚ ᱯᱟᱠᱤᱥᱛᱟᱱ ᱨᱮᱭᱟᱜ ᱯᱩᱱᱟ.ᱜ ᱱᱟᱜᱟᱨᱤᱭᱟ. ᱥᱤᱨᱯᱷᱟ. ᱛᱟᱢᱜᱷᱟ-ᱮ-ᱤᱢᱛᱤᱭᱟᱡᱽ (en:Tamgha-e-Imtiaz) ᱯᱟᱠᱤᱥᱛᱟᱱ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱟᱡᱟᱜ ᱥᱮᱨᱮᱧ ᱮᱱᱮᱢ ᱞᱟ.ᱜᱤᱫ ᱧᱟᱢ ᱞᱮᱜ-ᱟᱭ ᱾ ᱒᱐᱑᱐ ᱥᱟᱞ ᱨᱮ, ᱭᱩᱱᱟᱭᱴᱮᱰ ᱱᱮᱥᱳᱱᱥ ᱰᱮᱵᱷᱮᱞᱚᱯ ᱯᱨᱚᱜᱨᱟᱢ (en:United Nations Development Programme) ᱨᱮᱱ ᱟᱢᱵᱟᱥᱟᱰᱟᱨ ᱵᱟᱦᱟᱞ ᱞᱮᱫᱮᱭᱟᱠᱚ ᱾ ᱟᱡ ᱜᱮ ᱯᱩᱭᱞᱩ ᱛᱤᱨᱞᱟ. ᱞᱮᱠᱟᱛᱮ ᱱᱚᱣᱟ ᱢᱟ.ᱱ ᱭᱩᱱᱟᱭᱴᱮᱰ ᱱᱮᱥᱳᱱᱥ ᱯᱟᱦᱴᱟ ᱠᱷᱚᱱ ᱧᱟᱢ ᱟᱠᱟᱫᱟᱭ ᱾ ᱒᱐᱑᱖ ᱥᱟᱞ ᱨᱮ ᱯᱟᱠᱤᱛᱟᱱ ᱨᱮᱭᱟᱜ ᱢᱳᱥᱴ ᱯᱟᱣᱟᱯᱷᱩᱞ ᱤᱱᱯᱷᱩᱭᱮᱱᱥ (Pakistan's Most Powerful and Influential Women) ᱥᱤᱨᱯᱷᱟ. ᱫᱤᱥᱚᱢ ᱨᱮᱭᱟᱜ ᱠᱷᱚᱵᱚᱨ ᱠᱟᱜᱚᱡ ᱜᱟᱶᱛᱟ ᱠᱷᱚᱱ ᱧᱟᱢ ᱞᱮᱫᱟᱭ ᱾

ᱟᱬᱜᱟᱛ ᱡᱤᱭᱚᱱ ᱟᱨ ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱤᱭᱟᱱᱤ ᱫᱚ ᱨᱟᱣᱚᱞᱯᱤᱱᱰᱤ (Rawalpindi) ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱟᱠᱚ ᱵᱷᱟ.ᱭᱟᱫᱽ-ᱵᱩᱦᱤᱱ ᱠᱚ ᱢᱩᱸᱫᱽᱨᱮ ᱟᱡᱜᱮ ᱡᱚᱛᱚ ᱠᱷᱚᱱ ᱦᱩᱰᱤᱧ ᱩᱛᱟ.ᱨᱤᱡ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱟᱫᱟ ᱫᱚ ᱤᱨᱯᱷᱟᱱ ᱠᱤᱭᱟᱱᱤ (Irfan Kiani) ᱟᱨ ᱵᱩᱦᱤᱱ ᱫᱚ ᱥᱟᱥᱟ (Sasha) ᱧᱩᱢ ᱟ.ᱠᱤᱱᱟ ᱾ ᱟᱡ ᱟᱭᱚ ᱠᱷᱟᱣᱟᱨ ᱠᱤᱭᱟᱱᱤ (Khawar Kiani) ᱫᱚ ᱢᱤᱫ ᱚᱱᱚᱬᱦᱤᱭᱟ. ᱟᱨ ᱟᱥᱲᱟ ᱢᱟᱪᱮᱛᱟ.ᱱᱤ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱵᱟᱵᱟ ᱫᱚ ᱟᱡ ᱓ ᱥᱮᱨᱢᱟ ᱩᱢᱮᱨ ᱛᱟᱦᱮᱸᱱ ᱚᱠᱛᱮ ᱜᱮ ᱜᱩᱨ ᱞᱮᱱᱟᱭ ᱾ ᱥᱮᱨᱮᱧ ᱨᱮ ᱟᱡᱟᱜ ᱯᱩᱨᱠᱷᱟ.ᱛ ᱜᱩᱱ ᱧᱮᱞ ᱠᱟᱛᱮ ᱟᱡ ᱟᱭᱚ ᱫᱚ ᱯᱟᱠᱤᱥᱛᱟᱱ ᱡᱟ.ᱛᱤᱭᱟᱨᱤ ᱵᱟᱰᱚᱦᱤ ᱠᱟᱣᱩᱱᱥᱤᱞ ᱨᱮᱭ ᱵᱷᱩᱨᱛᱤ ᱞᱮᱫᱮ ᱛᱟᱦᱮᱸᱱ ᱾ ᱯᱩᱭᱞᱩ ᱥᱮᱨᱮᱧ ᱥᱤᱠᱷᱱᱟ.ᱛ ᱫᱚ ᱢᱟᱛᱮᱛ ᱱᱚᱨᱜᱤᱥ ᱱᱟᱦᱤᱫ (Nargis Naheed) ᱴᱷᱮᱱ ᱠᱷᱚᱱ ᱥᱮᱬᱟ ᱞᱮᱜ-ᱟᱭ ᱾ ᱤᱨᱟ.ᱞ ᱛᱷᱚᱱᱚᱛ ᱨᱮ ᱚᱞᱚᱜ ᱠᱟᱱ ᱚᱠᱛᱮ ᱡᱟᱱᱟᱢ ᱴᱷᱟᱶ ᱨᱟᱣᱚᱞᱯᱤᱱᱰᱤ ᱠᱷᱚᱱ ᱞᱟᱦᱳᱨ ᱛᱮᱠᱚ ᱥᱮᱱ ᱞᱮᱱᱟ ᱟᱨ ᱱᱚᱸᱰᱮ ᱟᱡᱟᱜ ᱥᱮᱨᱮᱧ ᱪᱮᱫᱚᱜ ᱛᱚᱝᱜᱮ ᱞᱮᱫ ᱛᱟᱭᱟ ᱾ ᱥᱮᱨᱮᱧ ᱴᱨᱮᱱᱤᱝ ᱫᱚ ᱩᱥᱛᱟᱵᱽ ᱯᱷᱤᱭᱟᱡᱽ ᱠᱷᱟᱱ (Ustad Faiz Ahmed Khan) ᱟᱨ ᱣᱟᱡᱤᱫᱽ ᱚᱞᱤ ᱱᱟᱥᱟᱫᱽ (Wajid Ali Nashad) ᱛᱤᱠᱤᱱᱟᱜ ᱛᱟ.ᱨᱤ ᱨᱮ ᱛᱚᱦᱝᱜᱮ ᱫᱚᱦᱚ ᱞᱮᱜ-ᱟᱭ ᱾ ᱟᱡ ᱫᱚ ᱢᱚᱱ-ᱥᱟᱬᱮᱥ (Psychology) ᱨᱮ ᱥᱚᱱᱮᱨ ᱥᱤᱠᱷᱱᱟ.ᱛ ᱠᱤᱱᱱᱟᱭᱚᱨᱫᱽ ᱠᱚᱞᱮᱡᱽ ᱯᱷᱳᱨ ᱣᱳᱢᱮᱱ ᱡᱮᱜᱮᱛ-ᱵᱤᱨᱫᱟ.ᱜᱟᱲ (en:Kinnaird College for Women University) ᱠᱷᱚᱱ ᱥᱟ.ᱛ ᱟᱠᱟᱫᱟᱭ ᱾

ᱱᱤᱡᱚᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱤᱭᱟᱱᱤ ᱫᱚ ᱟᱡ ᱟᱭᱚ ᱥᱟᱶ ᱯᱟᱠᱤᱥᱛᱟᱱ ᱨᱮ ᱛᱟᱦᱮᱸᱱᱟᱭ,᱒᱐᱐᱖ ᱥᱟᱞ ᱠᱷᱚᱱ ᱟᱡ ᱟᱭᱚ ᱫᱚ ᱵᱟᱛ (paralyzed) ᱨᱩᱣᱟ.ᱜ ᱠᱟᱱ ᱠᱷᱟ.ᱛᱤᱨ ᱾ ᱒᱐᱐᱕ ᱥᱟᱞ ᱨᱮ, ᱵᱷᱩᱢᱤ-ᱠᱳᱢᱯᱳ ᱛᱟᱭᱟᱚᱢ, ᱤᱫᱷᱤ ᱯᱷᱟᱣᱩᱱᱰᱮᱥᱚᱱ (en:Edhi Foundation) ᱠᱷᱚᱱ ᱢᱤᱫ ᱜᱤᱫᱟ.ᱨ ᱦᱟ.ᱛᱟᱣ ᱠᱟᱛᱮ ᱟ.ᱥᱩᱞ ᱦᱟᱨᱟᱭᱮᱠᱟᱱᱟᱠᱤᱱ ᱾ ᱤᱱᱟ. ᱛᱟᱭᱚ ᱭᱩ.ᱠᱮ (UK) ᱨᱮ ᱥᱮᱴᱮᱞ ᱟᱠᱟᱱ ᱯᱟᱠᱤᱥᱛᱟᱱᱤ ᱵᱮᱯᱟᱨᱤᱭᱟ. ᱠᱚᱲᱟ ᱥᱚᱭᱮᱫ ᱯᱷᱟᱨᱤᱫ ᱥᱟᱨᱣᱟᱨᱤ (Syed Fareed Sarwary) ᱥᱟᱶᱮ ᱵᱟᱯᱞᱟ ᱞᱮᱱᱟ ᱟᱨ ᱒᱐᱐᱘ ᱥᱟᱞ ᱨᱮ ᱵᱟᱯᱟᱜ ᱞᱮᱱᱟᱠᱤᱱ ᱾

ᱯᱷᱮᱰᱟᱛ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/Hadiqa_Kiani

  1. "Hadiqa Kiani's Biography". 
  2. "Hadiqa Kiani's Official Twitter".