ᱦᱟᱣᱮᱫ ᱨᱤᱛᱩ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱦᱟᱣᱮᱫ ᱨᱤᱛᱩ ᱫᱚ ᱥᱚᱦᱨᱟᱭ ᱟᱨ ᱟᱜᱷᱟᱬ ᱵᱚᱸᱜᱟ ᱢᱮᱥᱟ ᱠᱟᱛᱮᱫ ᱵᱚᱱ ᱢᱮᱛᱟᱜ-ᱟ ᱾ ᱱᱚᱶᱟ ᱨᱤᱛᱩ ᱫᱚ ᱦᱮᱢᱟᱞ ᱨᱤᱛᱩ ᱪᱟᱵᱟᱜ ᱪᱟᱵᱟᱜ ᱛᱮᱜᱮ ᱵᱚᱞᱚ ᱦᱤᱡᱩᱜ-ᱟ ᱾ ᱦᱟᱣᱮᱫ ᱨᱤᱛᱩ ᱨᱮ ᱫᱚ ᱨᱮᱭᱟᱲ ᱮᱛᱮᱦᱚᱵᱚᱜ-ᱟ ᱾ ᱱᱚᱣᱟ ᱨᱤᱛᱩ ᱨᱮᱫᱚ ᱨᱮᱭᱟᱲ ᱦᱚᱭ ᱦᱤᱡᱩᱜ-ᱟ ᱾ ᱢᱤᱢᱤᱫ ᱫᱷᱟᱣ ᱫᱚ ᱟᱹᱰᱤ ᱱᱟᱯᱟᱭ ᱵᱩᱡᱷᱟᱹᱣᱜ-ᱟ ᱟᱨ ᱢᱤᱢᱤᱫ ᱫᱷᱟᱣ ᱫᱚ ᱨᱟᱵᱟᱝᱟ ᱾ ᱦᱟᱣᱮᱫ ᱨᱤᱛᱩ ᱨᱮᱫᱚ ᱧᱤᱫᱟᱹ ᱟᱹᱰᱤ ᱡᱩᱨ ᱥᱤᱥᱤᱨ ᱧᱩᱨᱩᱜ-ᱟ ᱟᱨ ᱢᱤᱢᱤᱫ ᱫᱤᱱ ᱫᱚ ᱥᱮᱛᱟᱜ ᱦᱟᱹᱵᱤᱡ ᱠᱩᱲᱦᱟᱹ ᱫᱷᱩᱸᱫᱽ ᱜᱮ ᱛᱟᱦᱮᱸᱱᱟ ᱾ ᱥᱩᱯᱩᱨ ᱥᱩᱯᱩᱨ ᱛᱟᱦᱮᱸᱱ ᱨᱮᱦᱚᱸ ᱵᱟᱢ ᱧᱮᱯᱮᱞᱟ ᱾

ᱫᱤᱥᱚᱢ ᱧᱮᱞᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱲᱟ ᱨᱟᱠᱟᱵ ᱚᱠᱛᱚ ᱚᱱᱟ ᱥᱤᱥᱤᱨ ᱨᱮ ᱪᱟᱸᱫᱚ ᱛᱟᱨᱟᱥ ᱟᱹᱰᱤ ᱱᱟᱯᱟᱭ ᱧᱮᱞᱚᱜ-ᱟ ᱾ ᱪᱟᱸᱫᱚ ᱦᱚᱸ ᱟᱹᱰᱤ ᱱᱤᱨᱲᱟᱹ ᱟᱨᱟᱜ ᱜᱮ ᱧᱮᱞᱚᱜ-ᱟᱭ ᱾ ᱤᱱᱟᱹ ᱚᱠᱪᱚ ᱫᱷᱟᱹᱨᱛᱤ ᱨᱮᱱᱟᱜ ᱪᱤᱛᱟᱹᱨ ᱟᱹᱰᱤ ᱱᱟᱯᱟᱭ ᱧᱮᱞᱚᱜ-ᱟ ᱾ ᱠᱟᱹᱡ ᱠᱟᱹᱡ ᱛᱮ ᱪᱟᱸᱫᱚᱭ ᱥᱟᱥᱟᱝ ᱤᱫᱤᱜ-ᱟ ᱟᱨ ᱠᱩᱲᱦᱟᱹ ᱥᱤᱥᱤᱨ ᱦᱚᱸ ᱥᱟᱦᱟ ᱤᱫᱤᱜ-ᱟ ᱾ᱢᱮᱱᱠᱷᱟᱱ ᱚᱱᱟ ᱚᱠᱛᱚ ᱫᱚ ᱠᱮᱴᱮᱡ ᱥᱤᱛᱩᱝ ᱵᱟᱭ ᱵᱩᱡᱷᱟᱹᱣᱜ-ᱟ ᱾ ᱦᱟᱣᱮᱫ ᱨᱤᱛᱩ ᱠᱮ ᱟᱹᱰᱤ ᱱᱟᱶᱟ ᱱᱟᱶᱟ ᱛᱟᱥᱟᱫ ᱠᱚ ᱟᱨ ᱟᱹᱰᱤ ᱞᱮᱠᱟᱱ ᱩᱛᱩ ᱞᱮᱠᱟᱱ ᱠᱤᱨᱥᱤ ᱠᱚ ᱦᱩᱭᱩᱜ-ᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱜᱮ ᱯᱟᱲ ᱠᱚᱨᱮ ᱨᱚᱦᱚᱭ ᱠᱚᱠᱚ ᱮᱛᱚᱦᱚᱵᱟ ᱟᱨ ᱱᱚᱛᱮ ᱦᱳᱲᱳ ᱤᱨᱩᱜ ᱦᱚᱸ ᱮᱛᱚᱦᱚᱵᱚᱜ-ᱟ ᱾

ᱯᱟᱨᱟᱵᱽ ᱯᱩᱱᱟᱹᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱣᱮᱫ ᱨᱤᱛᱩ ᱨᱮᱜᱮ ᱥᱟᱱᱛᱟᱲ ᱠᱚᱣᱟᱜ ᱥᱚᱦᱨᱟᱭ ᱯᱟᱨᱟᱵᱽ ᱫᱚ ᱦᱣᱭᱩᱜ-ᱟ, ᱡᱟᱦᱟᱸ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱢᱤᱫ ᱢᱟᱨᱟᱝ ᱯᱟᱨᱟᱵᱽ ᱠᱟᱱᱟ ᱾ ᱰᱟᱺᱜᱽᱨᱤ ᱠᱟᱰᱟ ᱠᱚ ᱡᱚᱛᱚᱱ ᱠᱚᱣᱟ ᱥᱟᱶᱛᱮ ᱩᱱᱠᱩ ᱥᱟᱞᱟᱜ ᱠᱚ ᱮᱱᱮᱡ ᱥᱮᱨᱮᱧᱟ ᱾ ᱱᱟᱣᱟ ᱦᱳᱲᱳ ᱧᱟᱢ ᱠᱟᱛᱮ ᱡᱚᱛᱚ ᱦᱚᱲ ᱨᱟᱹᱥᱠᱟᱹ ᱜᱮᱠᱚ ᱟᱹᱭᱠᱟᱹᱣᱟ

ᱵᱟᱹᱲᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱣᱮᱫ ᱨᱤᱛᱩ ᱫᱚ ᱟᱹᱰᱤ ᱨᱟᱹᱥᱠᱟᱹ ᱦᱟᱱ ᱨᱤᱛᱩ ᱠᱟᱱᱟ ᱾ ᱱᱚᱣᱟ ᱨᱤᱛᱩ ᱨᱮ ᱫᱷᱟᱹᱨᱛᱤ ᱦᱚᱸ ᱟᱹᱰᱤ ᱱᱟᱯᱟᱭ ᱧᱮᱞᱚᱜ-ᱟ ᱟᱨ ᱪᱟᱹᱥᱤ ᱠᱚᱣᱟᱜ ᱨᱟᱹᱥᱠᱟᱹ ᱫᱤᱱ ᱦᱩᱭ ᱠᱚᱜ-ᱟ ᱪᱮᱫᱟᱜ ᱥᱮ ᱥᱮᱨᱢᱟ ᱯᱩᱨᱟᱹᱣ ᱨᱮᱱᱟᱜ ᱠᱷᱟᱴᱟᱣ ᱠᱩᱲᱟᱹᱭ ᱠᱚ ᱧᱟᱢ ᱠᱟᱜ-ᱟ ᱾