ᱦᱟᱴᱤᱭᱟᱸ ᱵᱟᱞᱟ ᱦᱚᱱᱚᱛ

ᱦᱟᱴᱤᱭᱟᱸ ᱵᱟᱞᱟ ᱦᱚᱱᱚᱛ
جہلم وادی ڈسٹرکٹ
ᱦᱟᱴᱤᱭᱟᱸ ᱵᱟᱞᱟ ᱦᱚᱱᱚᱛ; جہلم وادی ڈسٹرکٹ
ᱮᱨᱤᱭᱟ
• ᱚᱛ ᱦᱟᱹᱴᱤᱧ	854 ᱠᱤᱢᱤ২ (330 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱗)
• ᱞᱮᱠᱷᱟᱜᱩᱴ	᱒᱓᱐,᱕᱒᱙
• ᱰᱮᱱᱥᱤᱴᱤ	270/ᱠᱤᱢᱤ2 (700/ᱜᱟᱺᱴ ᱢᱟᱹᱭᱤᱞ)

ᱦᱟᱴᱤᱭᱟᱸ ᱵᱟᱞᱟ ᱦᱚᱱᱚᱛ (ᱩᱨᱫᱩ: ضلع ہٹیاں بالا‎) ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱟᱡᱟᱫᱽ ᱠᱟᱥᱢᱤᱨ ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱜᱮᱞ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱱᱚᱶᱟ ᱦᱚᱸ ᱢᱤᱫ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱦᱰᱠᱩᱣᱟᱴᱚᱨ ᱫᱚ ᱦᱟᱴᱤᱭᱟᱸ ᱵᱟᱞᱟ ᱨᱮ ᱢᱮᱱᱟᱜᱼᱟ ᱾

ᱱᱟᱜᱟᱢ

ᱟᱡᱟᱫᱽ ᱠᱟᱥᱢᱤᱨ ᱛᱷᱟᱯᱚᱱ ᱞᱟᱦᱟ ᱑᱙᱔᱘ ᱨᱮ ᱱᱚᱶᱟ ᱫᱚ ᱵᱟᱨᱟᱢᱩᱞᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱟᱨ ᱯᱟᱠᱤᱥᱛᱟᱱ ᱢᱩᱸᱫᱽ ᱨᱮ ᱯᱩᱭᱞᱩ ᱞᱟᱹᱲᱦᱟᱹᱭ ᱚᱠᱛᱚ ᱠᱷᱚᱱ ᱒᱐᱐᱙ ᱦᱟᱹᱵᱤᱡ ᱦᱟᱴᱤᱭᱟᱸ ᱵᱟᱞᱟ ᱫᱚ ᱢᱩᱡᱟᱯᱷᱯᱷᱚᱨᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱡᱩᱞᱟᱭ ᱒᱐᱐᱙ ᱥᱟᱹᱦᱤᱛ ᱨᱮ ᱥᱚᱨᱫᱟᱨ ᱢᱚᱦᱢᱚᱫᱽ ᱭᱟᱠᱩᱵᱽ ᱠᱷᱚᱱ ᱟᱜ ᱥᱚᱨᱠᱟᱨ ᱱᱚᱶᱟ ᱫᱚ ᱢᱤᱫ ᱦᱚᱱᱚᱛ ᱞᱮᱠᱟᱛᱮ ᱪᱷᱟᱹᱴᱭᱟᱹᱨ ᱠᱮᱫᱼᱟ ᱾ ᱱᱟᱶᱟ ᱵᱮᱱᱟᱣ ᱟᱠᱟᱱ ᱱᱚᱶᱟ ᱦᱚᱱᱚᱛ ᱨᱮ ᱒᱓᱐,᱕᱒᱙ ᱦᱚᱲ ᱢᱮᱱᱟᱜ ᱠᱚᱣᱟ ᱾^[᱑]

ᱥᱤᱧᱚᱛ ᱥᱟᱢᱵᱽᱲᱟᱣ ᱦᱚᱱᱚᱛ ᱵᱟᱨᱟᱢᱩᱞᱟ ᱫᱚ ᱦᱟᱴᱤᱭᱟᱸ ᱵᱟᱞᱟ ᱨᱮᱱᱟᱜ ᱥᱟᱢᱟᱝ ᱥᱦᱮᱫ ᱨᱮ ᱢᱮᱱᱟᱜᱼᱟ ᱟᱨ ᱥᱤᱧᱚᱛ ᱠᱟᱥᱢᱤᱨ ᱨᱮᱱᱟᱜ ᱠᱟᱯᱣᱟᱨᱟ ᱫᱚ ᱮᱛᱚᱢ-ᱥᱟᱢᱟᱝ ᱥᱮᱦᱮᱫ ᱨᱮ, ᱟᱡᱟᱫᱽ ᱠᱟᱥᱢᱤᱨ ᱨᱮᱱᱟᱜ ᱱᱤᱞᱚᱢ ᱦᱚᱱᱚᱛ ᱫᱚ ᱮᱛᱚᱢ-ᱯᱟᱪᱮ ᱥᱦᱮᱫ ᱨᱮ, ᱢᱩᱡᱟᱯᱷᱯᱷᱚᱨᱵᱟᱫᱽ ᱫᱚ ᱯᱟᱪᱮ ᱥᱮᱦᱮᱫ ᱨᱮ ᱟᱨ ᱠᱚᱧᱮ ᱥᱮᱦᱮᱫ ᱨᱮ ᱵᱟᱜᱷ ᱦᱚᱱᱚᱛ ᱢᱮᱱᱟᱜᱼᱟ ᱾

ᱠᱟᱹᱣᱰᱤᱭᱟᱹᱨᱤ

ᱱᱚᱶᱟ ᱦᱚᱱᱚᱛ ᱨᱮ ᱟᱹᱛᱩ ᱫᱤᱥᱚᱢ ᱟᱨ ᱱᱟᱜᱽᱨᱟᱦᱟ ᱨᱮᱱᱟᱜ ᱡᱟᱹᱱᱤ ᱫᱚ ᱙᱐:᱑᱐ ᱢᱮᱱᱟᱜᱼᱟ ᱾ ᱵᱟᱹᱲᱛᱤ ᱠᱟᱛᱮ ᱟᱹᱛᱩ ᱫᱤᱥᱚᱢ ᱨᱮ ᱛᱟᱦᱮᱸᱱ ᱦᱚᱲ ᱫᱚ ᱪᱟᱥ ᱵᱟᱥ, ᱡᱤᱭᱟᱹᱞᱤ ᱪᱟᱥ ᱟᱨ ᱵᱤᱨ ᱮᱢᱟᱱ ᱠᱚᱨᱮ ᱠᱷᱚᱱ ᱠᱚ ᱟᱨᱡᱟᱣ ᱮᱫᱼᱟ ᱾ ᱟᱭᱢᱟ ᱦᱚᱲ ᱡᱩᱢᱤᱫᱽ ᱯᱚᱱᱚᱛ (US) ᱮᱢᱟᱱ ᱠᱚᱨᱮ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱟᱠᱚᱣᱟᱜ ᱜᱷᱟᱨᱚᱸᱡᱽ ᱠᱚ ᱜᱚᱲᱚ ᱟᱠᱟᱚ ᱠᱟᱱᱟ ᱮᱞᱟᱠᱟ ᱞᱟᱦᱟᱱᱛᱤ ᱞᱟᱹᱜᱤᱫ ᱾ ᱦᱟᱴᱤᱭᱟᱸ ᱵᱟᱞᱟ ᱫᱚ ᱵᱟᱹᱲᱛᱤ ᱠᱟᱛᱮ ᱵᱤᱨ ᱵᱩᱨᱩ ᱛᱮ ᱯᱮᱨᱮᱡ ᱟᱠᱟᱱᱟ ᱥᱟᱶᱛᱮ ᱫᱚᱢᱮᱞ ᱚᱛ ᱟᱨ ᱡᱷᱮᱞᱚᱢ ᱜᱟᱰᱟ ᱥᱟᱢᱟᱝ ᱠᱷᱚᱱ ᱮᱛᱚᱢ-ᱯᱟᱪᱮ ᱥᱮᱫ ᱞᱤᱸᱡᱤᱱ ᱠᱟᱱᱟ ᱾ ᱱᱚᱸᱰᱮ ᱟᱹᱰᱤ ᱡᱩᱨ ᱛᱮ ᱫᱟᱜ ᱞᱤᱸᱡᱤᱜ ᱠᱟᱱ ᱛᱮ ᱦᱟᱭᱰᱨᱚᱼᱤᱞᱮᱠᱴᱨᱤ ᱵᱮᱱᱟᱣ ᱫᱚ ᱟᱞᱜᱟ ᱜᱮᱭᱟ ᱾ ᱱᱚᱸᱰᱮᱱᱟᱜ ᱦᱟᱭᱰᱨᱚ ᱯᱟᱣᱟᱨ (Hydro power) ᱥᱴᱮᱥᱚᱱ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱠᱟᱛᱷᱟᱹᱭ (Kathai), ᱞᱤᱯᱟ (Leepa) ᱟᱨ ᱥᱟᱨᱤᱭᱟᱱ (Sharian) ᱮᱢᱟᱱ ᱠᱚ ᱾

ᱯᱟᱹᱨᱥᱤ

ᱱᱚᱸᱰᱮ ᱵᱟᱹᱲᱛᱤ ᱠᱟᱛᱮ ᱩᱨᱫᱩ, ᱯᱟᱦᱟᱲᱤ, ᱜᱚᱡᱽᱨᱤ ᱟᱨ ᱠᱟᱥᱢᱤᱨᱤ ᱯᱹᱨᱥᱤ ᱮᱢᱟᱱ ᱠᱚ ᱨᱚᱲ ᱠᱟᱱᱟ ᱾

ᱪᱟᱪᱞᱟᱣ ᱠᱷᱚᱸᱰ

ᱦᱟᱴᱤᱭᱟᱸ ᱵᱟᱞᱟ ᱦᱚᱱᱚᱛ ᱫᱚ ᱯᱮᱭᱟ ᱛᱚᱦᱥᱤᱞ (tehsil) ᱛᱮ ᱵᱮᱱᱟᱣ ᱟᱠᱟᱱᱟ ᱾^[᱒] ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱦᱟᱴᱤᱭᱟᱸ ᱵᱟᱞᱟ, ᱪᱤᱠᱠᱟᱨ ᱟᱨ ᱞᱤᱯᱟ ᱾

ᱦᱟᱴᱤᱭᱟᱸ ᱵᱟᱞᱟ ᱨᱮᱱᱟᱜ ᱦᱚᱱᱚᱛ ᱠᱟᱣᱱᱥᱤᱞ ᱫᱚ ᱑᱒ ᱜᱚᱴᱟᱝ ᱡᱩᱢᱤᱫᱽ ᱠᱟᱣᱱᱥᱤᱞ ᱛᱮ ᱵᱮᱱᱟᱣ ᱟᱠᱟᱱᱟ, ᱢᱤᱫᱴᱟᱝ ᱢᱩᱱᱪᱤᱯᱟᱞ ᱠᱩᱢᱩᱴ ᱫᱚ ᱦᱟᱴᱤᱭᱟᱸ ᱨᱮ ᱟᱨ ᱟᱨᱢᱤᱫᱴᱟᱝ ᱫᱚ ᱴᱟᱣᱱ ᱠᱩᱢᱩᱴ ᱪᱤᱠᱠᱟᱨ ᱨᱮ ᱢᱮᱱᱟᱜᱼᱟ ᱾

ᱥᱮᱪᱮᱫ

ᱟᱞᱤᱯᱷ ᱮᱭᱞᱟᱱ ᱯᱟᱠᱤᱥᱛᱟᱱ ᱦᱚᱱᱚᱛ ᱥᱮᱪᱮᱫ ᱨᱮᱝᱠᱤᱝ ᱟᱜ ᱒᱐᱑᱕ ᱥᱟᱹᱦᱤᱛ ᱞᱮᱠᱷᱟ ᱞᱮᱠᱟᱛᱮ, ᱦᱟᱴᱤᱭᱟᱸ ᱵᱟᱞᱟ ᱫᱚ ᱑᱔᱘ ᱠᱷᱚᱱ ᱒᱘ ᱟᱱᱟᱜ ᱨᱮᱸᱠ ᱨᱮ ᱛᱟᱦᱮᱸ ᱠᱟᱱᱟ ᱥᱮᱪᱮᱫ ᱛᱷᱚᱠ ᱨᱮ ᱾ ᱥᱩᱵᱤᱫᱷᱟ ᱟᱨ ᱤᱱᱯᱷᱨᱟᱥᱴᱨᱚᱠᱪᱚᱨ (infrastructure) ᱞᱮᱠᱟᱛᱮ ᱱᱚᱶᱟ ᱫᱚ ᱑᱔᱘ ᱠᱷᱳᱱ ᱑᱑᱒ ᱨᱮᱸᱠ ᱨᱮ ᱢᱮᱱᱟᱜᱼᱟ ᱾^[᱓]

ᱥᱟᱹᱠᱷᱭᱟᱹᱛ

↑ "Census 2017: AJK population rises to over 4m". The Nation (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2017-09-01.
↑ "Tehsils of Hattian Bala District on AJK map". ajk.gov.pk. AJK Official Portal. Retrieved 19 November 2019.
↑ "Individual district profile link, 2015". Alif Ailaan. Archived from the original on 2016-03-04. Retrieved 2015-05-06.

Coordinates: 34°10′09″N 73°44′36″E / 34.1691°N 73.7432°E / 34.1691; 73.7432

[1] "Census 2017: AJK population rises to over 4m". The Nation (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2017-09-01.

[2] "Tehsils of Hattian Bala District on AJK map". ajk.gov.pk. AJK Official Portal. Retrieved 19 November 2019.

[3] "Individual district profile link, 2015". Alif Ailaan. Archived from the original on 2016-03-04. Retrieved 2015-05-06.

[᱑]

[᱒]

[᱓]