ᱦᱟᱹᱬᱩ ᱜᱟᱹᱲᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱦᱟᱹᱬᱩ


ᱦᱟᱹᱬᱩ ᱜᱟᱹᱲᱤ ᱫᱚ ᱵᱤᱨ ᱵᱩᱨᱩ ᱨᱮ ᱠᱚ ᱛᱟᱦᱮᱸᱱᱟ ᱾ ᱱᱩᱠᱩᱣᱟᱜ ᱥᱟᱬᱮᱥ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ Semnopithecus, ᱡᱟᱦᱟᱸ ᱫᱚ ᱜᱨᱤᱠ ᱟᱹᱲᱟᱹ σεμνός (semnós ᱢᱮᱱᱮᱛ - ᱱᱤᱨᱚᱲ ) ᱟᱨ πίθηκος (píthēkos ᱢᱮᱱᱮᱛ - ᱵᱟᱱᱚᱨ) ᱨᱮᱱᱟᱜ ᱢᱮᱥᱟ ᱠᱟᱛᱮ ᱦᱩᱭ ᱟᱠᱟᱱᱟ ᱾ ᱱᱩᱠᱩᱣᱟᱜ ᱡᱟᱹᱛ ᱫᱚ Semnopithecus entellus ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱠᱚ ᱾ ᱒᱐᱐᱑ ᱥᱟᱞᱮ ᱢᱟᱬᱟᱝ ᱛᱤᱢᱤᱱ ᱵᱷᱮᱜᱟᱨ ᱵᱷᱮᱜᱟᱨ ᱡᱟᱹᱛ ᱠᱚᱨᱤᱱ ᱱᱚᱣᱟ ᱡᱟᱹᱛ ᱨᱮ ᱥᱮᱞᱮᱫ ᱠᱟᱛᱮ ᱗ ᱜᱚᱴᱟᱝ ᱡᱟᱹᱛ ᱠᱚ ᱥᱮᱞᱚᱫ ᱮᱱᱟ ᱾ [᱑] [᱒] ᱦᱟᱹᱬᱩ ᱜᱟᱹᱲᱤ ᱠᱚ ᱫᱚ ᱡᱟᱹᱥᱛᱤ ᱠᱟᱛᱮ ᱛᱚᱨᱚᱡ ᱟᱨ ᱯᱮᱸᱰᱟᱜ ᱨᱚᱝ ᱨᱤᱱ ᱠᱚ ᱧᱮᱞᱚᱜ-ᱟ ᱾ ᱡᱚᱢ ᱞᱟᱹᱜᱤᱫ ᱱᱩᱠᱩ ᱫᱚ ᱢᱤᱫ ᱴᱷᱟᱹᱣᱠᱟᱹ ᱮᱞᱟᱠᱟ ᱨᱮᱜᱮ ᱠᱚ ᱧᱟᱢᱟ ᱾ ᱱᱩᱠᱩ ᱫᱤ ᱵᱤᱨ ᱵᱩᱨᱩ ᱥᱟᱶᱛᱮ ᱱᱟᱜᱟᱨ ᱥᱩᱨᱮ ᱠᱚᱨᱮ ᱦᱚᱸ ᱠᱚ ᱛᱟᱦᱮᱸᱱ ᱜᱮᱭᱟ ᱾ ᱟᱭᱢᱟ ᱴᱷᱟᱶ ᱨᱮ ᱱᱩᱠᱩ ᱫᱚ ᱥᱟᱹᱢᱩᱸᱫᱽ ᱚᱛ ᱠᱷᱚᱱ ᱞᱟᱛᱟᱨ ᱛᱟᱱᱟᱞᱟ ᱩᱥᱩᱞ ᱨᱮ ᱠᱚ ᱧᱮᱞᱚᱜ-ᱟ ᱾ ᱢᱮᱱᱠᱷᱟᱱ ᱦᱮᱢᱟᱞᱵᱩᱨᱩ ᱮᱞᱟᱠ ᱨᱮ ᱱᱮᱯᱟᱲᱤ ᱦᱟᱹᱬᱩ ᱟᱨ ᱠᱟᱥᱢᱤᱨ ᱦᱟᱹᱬᱩ ᱫᱚ ᱔᱐᱐᱐ ᱢᱤᱴᱚᱨ ᱪᱮᱛᱟᱱ ᱦᱟᱹᱵᱤᱡ ᱠᱚ ᱧᱮᱞᱚᱜ-ᱟ ᱾

ᱨᱩᱯ ᱜᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱯᱠᱩᱣᱟᱜ ᱦᱚᱲᱢᱚ ᱨᱮᱱᱟᱜ ᱨᱚᱝ ᱫᱚ ᱢᱟᱹᱞᱪᱷᱟᱹ ᱯᱮᱸᱰᱟᱜ ᱫᱷᱟᱨᱟ (ᱛᱤᱢᱤᱱ ᱜᱟᱱ ᱠᱚ ᱫᱚ ᱱᱟᱥᱮ ᱥᱟᱥᱟᱝ) ᱠᱚ ᱪᱟᱦᱮᱸᱱᱟ ᱾ ᱢᱮᱫ-ᱟᱦᱟ ᱟᱨ ᱞᱩᱛᱩᱨ ᱫᱚ ᱦᱮᱸᱫᱮ ᱜᱮ ᱾ ᱛᱤ-ᱡᱟᱸᱜᱟ ᱨᱚᱝ, ᱦᱚᱲᱢᱚ ᱨᱚᱝ, ᱩᱵ ᱨᱚᱝ ᱨᱮ ᱱᱩᱠᱩᱣᱟᱜ ᱡᱟᱹᱛ ᱫᱚᱛᱚ ᱪᱤᱱᱦᱟᱹᱣᱟ ᱾ ᱮᱛᱚᱢ ᱥᱤᱧᱚᱛ ᱨᱤᱱ ᱦᱟᱹᱬᱩ ᱫᱚ ᱛᱟᱲᱟᱢ ᱡᱚᱠᱷᱟᱫ ᱟᱠᱚᱣᱟᱜ ᱪᱟᱭᱞᱚᱢ ᱵᱚᱦᱚᱜ ᱥᱮᱫ ᱠᱟᱹᱲᱵᱩᱝ ᱠᱚᱜ-ᱟ ᱾ ᱦᱚᱲᱢᱚ ᱜᱚᱲᱦᱚᱱ ᱞᱮᱠᱟᱛᱮ ᱟᱺᱰᱭᱟᱹ ᱦᱟᱹᱬᱩ ᱫᱚ ᱮᱸᱜᱟ ᱦᱟᱹᱬᱩ ᱠᱷᱚᱱ ᱫᱚ ᱠᱚ ᱢᱟᱨᱟᱝ ᱜᱮᱭᱟ ᱾ ᱵᱚᱦᱚᱜ ᱢᱮᱥᱟ ᱠᱟᱛᱮ ᱦᱚᱲᱢᱚ ᱨᱮᱱᱟᱜ ᱡᱤᱞᱤᱧ ᱕᱑-᱗᱙ ᱥᱮ.ᱢᱤ. ᱟᱨ ᱪᱟᱭᱞᱚᱢ ᱢᱮᱥᱟ ᱠᱟᱛᱮ ᱖᱙-᱑᱐᱒ ᱥᱮ.ᱢᱤ. ᱜᱟᱱ ᱦᱩᱭᱩᱜ-ᱟ ᱾ ᱠᱚᱧᱮ ᱥᱤᱧᱚᱛ ᱨᱤᱱ ᱦᱟᱹᱬᱩ ᱠᱚᱣᱟᱜ ᱦᱚᱲᱢᱚ ᱫᱚ ᱮᱛᱚᱢ ᱥᱤᱧᱚᱛ ᱨᱤᱱᱟᱜ ᱠᱷᱚᱱ ᱦᱩᱰᱤᱧ ᱧᱚᱜ ᱛᱟᱦᱮᱸᱱᱟ ᱾

ᱡᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱠᱩ ᱫᱚ ᱥᱤᱬᱤᱡ ᱡᱤᱱᱤᱥ ᱥᱮ ᱡᱤᱞ ᱫᱚ ᱵᱟᱠᱚ ᱡᱚᱢᱟ ᱱᱩᱠᱩ ᱫᱚ ᱠᱚᱯᱟᱠᱚᱲ ᱡᱚ ᱜᱮ ᱠᱚ ᱡᱚᱢᱟ ᱾ ᱯᱟᱭᱤᱱ, ᱡᱷᱟᱹᱶ, ᱵᱮᱨᱮᱞ ᱡᱚ ᱥᱟᱠᱟᱢ ᱠᱚ ᱜᱮ ᱠᱚ ᱡᱚᱢᱟ ᱾ ᱱᱩᱠᱩᱣᱟᱜ ᱵᱟᱹᱲᱛᱤ ᱜᱚᱨᱚᱡᱟᱱ ᱡᱚᱢ ᱫᱚ ᱫᱟᱨᱮ ᱥᱟᱠᱟᱢ ᱚᱱᱟ ᱵᱟᱝ ᱨᱟᱱ ᱨᱮᱦᱮᱫ ᱠᱚ ᱡᱚᱢᱟ ᱾ ᱚᱠᱟ ᱚᱠᱟ ᱠᱚᱨᱮ ᱫᱚ ᱱᱩᱠᱩ ᱵᱷᱩᱠᱩ ᱱᱤᱫᱤᱨ, ᱵᱤᱸᱫᱤ ᱜᱟᱜ ᱡᱚᱢ ᱠᱚ ᱠᱩᱥᱩᱭᱟᱜ-ᱟ ᱾ ᱪᱟᱥ ᱵᱟᱹᱫᱽ ᱠᱷᱚᱱ ᱡᱚ ᱠᱚ ᱟᱹᱛᱠᱤᱨ ᱟᱨᱵᱟᱝ ᱦᱚᱲ ᱠᱚ ᱡᱚᱢ ᱡᱤᱱᱤᱥ ᱨᱮᱡ ᱨᱮᱱᱟᱜ ᱦᱚᱸ ᱢᱤᱢᱤᱫ ᱫᱷᱟᱣ ᱧᱮᱞ ᱟᱠᱟᱱᱟ ᱾ ᱦᱟᱹᱬᱩ ᱠᱚ ᱫᱚ ᱟᱹᱰᱤ ᱠᱚᱢ ᱚᱠᱛᱚ ᱨᱮ ᱫᱟᱜ ᱫᱚᱠᱚ ᱧᱩᱭᱟ, ᱪᱮᱫᱟᱜ ᱦᱚᱲᱢᱚ ᱞᱟᱹᱜᱤᱫ ᱞᱟᱹᱠᱛᱤᱭᱟᱱ ᱫᱟᱜ ᱫᱚ ᱡᱚᱢᱟᱜ ᱠᱷᱚᱱ ᱜᱮ ᱠᱚ ᱧᱟᱢᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Groves C. (2001). Primate taxonomy. Smithsonian Institution Press. ISBN 1-56098-872-X
  2. http://www.zoosprint.org/ZooPrintJournal/2004/August/1552-94.pdf