ᱦᱟ.ᱭᱡᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱦᱟ.ᱭᱡᱟ (Cholera)

A person with severe dehydration due to cholera causing sunken eyes and wrinkled hands and skin.

ᱦᱟ.ᱭᱡᱟ ᱫᱚ ᱟ.ᱰᱤ ᱵᱚᱛᱚᱨ ᱟᱱ ᱟᱡᱟᱨ ᱠᱟᱱᱟ ᱾ ᱱᱚᱣᱟ ᱟᱡᱟᱨ ᱧᱮᱞᱮᱱ ᱥᱚᱸᱜᱮ ᱥᱚᱸᱜᱮ ᱛᱤᱠᱪᱷᱟ. ᱵᱟᱝ ᱠᱷᱟᱱ ᱨᱩᱜᱤ ᱜᱚᱡ ᱫᱟᱲᱮᱭᱟᱜᱼᱟᱭ ᱾ ᱱᱚᱣᱟ ᱨᱩᱣᱟ. ᱮᱛᱚᱦᱚᱵ ᱨᱮᱱᱟᱜ ᱓-᱔ ᱴᱟᱲᱟᱝ ᱵᱷᱤᱛᱨᱤ ᱨᱮ ᱜᱚᱡ ᱫᱟᱲᱮᱭᱟᱜᱼᱟᱭ ᱾

ᱱᱚᱣᱟ ᱟᱡᱟᱨ ᱫᱚ virus ᱦᱚᱛᱮᱛᱮ ᱦᱩᱭᱩᱜᱼᱟ ᱾ ᱱᱩᱠᱩ virus ᱠᱚᱫᱚ ᱟ.ᱰᱤ ᱠᱟ.ᱴᱤᱡ ᱠᱟ.ᱴᱤᱡ ᱠᱚ ᱧᱮᱞᱚᱜᱼᱟ ᱾ ᱱᱚᱣᱟ ᱟᱡᱟᱨ ᱦᱩᱭ ᱞᱮᱱ ᱠᱷᱟᱱ ᱨᱩᱜᱤ ᱢᱟᱬᱟᱝ ᱮ ᱡᱷᱟᱲᱟᱜᱼᱟ ᱾ ᱚᱱᱟ ᱥᱟᱶᱛᱮ ᱩᱞᱟ. ᱦᱚᱸᱭ ᱩᱞᱟ.ᱭᱟ ᱾ ᱱᱚᱣᱟ ᱛᱮ ᱟᱡᱟᱜ ᱦᱚᱲᱢᱚ ᱨᱮᱱᱟᱜ ᱫᱟᱜ ᱟᱨ ᱵᱩᱞᱩᱞ ᱚᱝᱜᱚᱥ ᱠᱚᱢᱚᱜᱼᱟ ᱾ ᱨᱩᱜᱤ ᱟ.ᱰᱤ ᱞᱟᱜᱮᱭ ᱞᱟᱸᱜᱟ ᱜᱚᱫᱚᱜᱼᱟ ᱾ ᱟ.ᱠᱩᱞ ᱵᱟ.ᱠᱩᱞ ᱜᱮᱭ ᱵᱩᱡᱷᱟ.ᱣᱟ, ᱛᱮᱛᱟᱝ ᱮᱭᱟ, ᱱᱟ.ᱨᱲᱤ ᱠᱚ ᱨᱚᱦᱚᱲᱚᱜᱼᱟ ᱾ ᱢᱮᱫ ᱠᱚ ᱵᱚᱞᱚ ᱪᱟᱵᱟᱜᱼᱟ ᱾ ᱨᱟᱪᱟ ᱠᱚ ᱵᱟᱝ ᱦᱩᱭᱩᱜᱼᱟ ᱾ ᱟᱨ ᱱᱟᱥᱮ ᱜᱷᱟ.ᱲᱤᱠ ᱠᱷᱟᱱ ᱨᱩᱜᱤᱭ ᱜᱩᱡᱩᱜᱼᱟ ᱾

ᱚᱠᱟ ᱞᱮᱠᱟᱨᱮ ᱱᱚᱣᱟ ᱟᱡᱟᱨ ᱦᱩᱭᱩᱜᱼᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱟᱡᱟᱨ ᱨᱮᱫᱚ ᱨᱩᱜᱤ ᱠᱚᱣᱟᱜ ᱴᱟᱺᱰᱤ ᱟᱨ ᱩᱞᱟ. ᱨᱮ ᱱᱩᱠᱩ virus ᱫᱚᱠᱚ ᱛᱟᱦᱮᱱᱟ ᱾ ᱱᱚᱣᱟ ᱴᱟᱺᱰᱤ, ᱩᱞᱟ. ᱠᱚ ᱥᱟᱶ ᱥᱟ.ᱜᱟ.ᱭ ᱨᱮ ᱦᱮᱡ ᱟᱠᱟᱱ ᱛᱳᱣᱟ, ᱫᱟᱜ, ᱟᱨ ᱡᱚᱢᱟᱜ ᱠᱚ ᱵᱮᱵᱷᱟᱨ ᱞᱮᱠᱷᱟᱱ ᱱᱚᱣᱟ ᱡᱚᱢᱟᱜ ᱧᱩᱣᱟᱜ ᱠᱚᱫᱚ ᱨᱚ ᱠᱚᱛᱮ ᱚᱸᱡᱽᱨᱟᱜᱼᱟ ᱾ ᱚᱱᱟᱛᱮ ᱱᱩᱠᱩ ᱟᱛᱮ ᱱᱚᱣᱟ ᱟᱡᱟᱨ ᱫᱚ ᱦᱟᱱᱛᱮ ᱱᱷᱟᱛᱮ ᱩᱪᱟ.ᱲᱚᱜᱼᱟ ᱾

ᱱᱚᱣᱟ ᱟᱡᱟᱨ ᱠᱷᱚᱱ ᱫᱩᱜ ᱫᱚᱦᱚ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑. ᱱᱚᱣᱟ ᱟᱡᱟᱨ ᱠᱷᱚᱱ ᱫᱩᱜ ᱫᱚᱦᱚ ᱞᱟ.ᱜᱤᱫ ᱦᱟ.ᱭᱡᱟ ᱴᱮᱠᱟᱣ ᱫᱟᱨᱟᱢ ᱴᱤᱠᱟ. (Anticholera Inoculation) ᱞᱟ.ᱠᱛᱤᱜᱼᱟ ᱾ ᱱᱚᱣᱟ ᱫᱚ ᱫᱤᱱ ᱫᱤᱱ ᱛᱮ ᱨᱩᱜᱤ ᱠᱚ ᱮᱢᱟ ᱠᱚᱣᱟ ᱾ ᱱᱚᱣᱟ ᱛᱮ ᱨᱩᱜᱤ ᱦᱚᱲᱢᱚ ᱨᱮ ᱱᱚᱣᱟ ᱟᱡᱟᱨ ᱴᱮᱠᱟᱣ ᱫᱟᱨᱟᱢ ᱫᱟᱲᱮ ᱥᱟᱨᱥᱟᱣᱜᱼᱟ ᱾

᱒. ᱢᱤᱫ ᱞᱮᱛᱟᱲ ᱨᱚᱠᱟ ᱟᱨ ᱞᱚᱞᱚᱣᱟᱜ ᱡᱚᱢᱟᱜ ᱡᱚᱢ ᱞᱟ.ᱠᱛᱤᱜᱼᱟ ᱾

᱓. ᱡᱚᱢᱟᱜ ᱠᱚᱫᱚ ᱨᱚ ᱠᱷᱚᱱ ᱫᱩᱜ ᱫᱚᱦᱚ ᱵᱟᱠᱷᱨᱟ ᱴᱚᱯᱟᱨ ᱠᱟᱜ ᱞᱟ.ᱠᱛᱤᱜ ᱠᱟᱱᱟ ᱾

᱔. ᱠᱩᱸᱭ, ᱯᱩᱠᱷᱨᱤ, ᱜᱟ.ᱰᱤᱭᱟ., ᱠᱚᱨᱮ ᱵᱞᱤᱪᱤᱝ ᱯᱟᱣᱰᱚᱨ ᱮᱢ ᱞᱟ.ᱠᱛᱤᱭᱟ ᱾

᱕. ᱧᱩ ᱫᱟᱜ ᱫᱚ ᱩᱨᱜᱩᱢ ᱠᱟᱛᱮ ᱨᱮᱭᱟᱲ ᱞᱮᱱᱠᱷᱟᱱ ᱧᱩ ᱞᱟ.ᱠᱛᱤᱜᱼᱟ ᱾

᱖. ᱵᱟᱡᱟᱨ ᱠᱚᱨᱮ ᱵᱮᱱᱟᱣᱜ ᱦᱟᱱᱟ ᱱᱷᱟᱣᱟ ᱡᱚᱢᱟᱜ ᱡᱚᱢ ᱵᱟᱭ ᱵᱩᱜᱤᱭᱟ ᱾

ᱱᱚᱜ ᱱᱚᱣᱟ ᱦᱚᱨ ᱰᱟᱦᱟᱨ ᱠᱚ ᱯᱟᱸᱡᱟ ᱞᱮᱠᱷᱟᱱ ᱱᱚᱣᱟ ᱟᱡᱟᱨ ᱵᱟᱝ ᱧᱟᱧᱟᱢᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.who.int/wer/2010/wer8513.pdf https://www.cdc.gov/cholera/healthprofessionals.html https://www.ncbi.nlm.nih.gov/books/NBK8407/ https://doi.org/10.1016/s0140-6736%2812%2960436-x https://en.m.wikipedia.org/wiki/Centers_for_Disease_Control_and_Preventionhttps://en.m.wikipedia.org/wiki/Centers_for_Disease_Control_and_Prevention[permanent dead link]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.who.int/cholera/technical/prevention/control/en/ https://en.m.wikipedia.org/wiki/World_Health_Organization https://www.cdc.gov/cholera/index.html https://en.m.wikipedia.org/wiki/Encyclop%C3%A6dia_Britannica_Eleventh_Edition